«Վավերացնում եմ»
Հայաստանի Հանրապետության
Նախագահ Ռ. Քոչարյան
1 հունիսի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 ապրիլի 2004 թվականի N 743-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԵՎՐՈՊԱԿԱՆ ՀԱՄԱՅՆՔՆԵՐԻ ՈՒ ԴՐԱՆՑ ԱՆԴԱՄ ՊԵՏՈՒԹՅՈՒՆՆԵՐԻ ՄԻՋԵՎ ԿՆՔՎԱԾ ԳՈՐԾԸՆԿԵՐՈՒԹՅԱՆ ԵՎ ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳՐԻ ԻՐԱԿԱՆԱՑՄԱՆ ԱԶԳԱՅԻՆ ԾՐԱԳՐԻ ՄՇԱԿՄԱՆ ԱՇԽԱՏԱՆՔՆԵՐԸ ԿԱԶՄԱԿԵՐՊԵԼՈՒ ՄԱՍԻՆ

Հայաստանի Հանրապետության և Եվրոպական համայնքների ու դրանց անդամ պետությունների միջև կնքված գործընկերության և համագործակցության համաձայնագրի իրականացման ազգային ծրագրի մշակման աշխատանքներն արդյունավետ կազմակերպելու նպատակով Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետության և Եվրոպական համայնքների ու դրանց անդամ պետությունների միջև կնքված գործընկերության և համագործակցության համաձայնագրի իրականացման ազգային ծրագրի մշակման աշխատանքների համակարգման հանձնաժողով (այսուհետ` համակարգման հանձնաժողով) և հաստատել դրա կազմը` համաձայն հավելվածի:

2. Սահմանել, որ`

ա) համակարգման հանձնաժողովի հիմնական անդամները մասնակցում են համակարգման հանձնաժողովի նիստերին` մշտական հիմունքներով, իսկ մյուս անդամները ըստ իրենց իրավասությանը վերապահված հարցերի.

բ) համակարգման հանձնաժողովի աշխատանքները համակարգվում են Հայաստանի Հանրապետության ֆինանսների և էկոնոմիկայի նախարարության կողմից,

գ) համակարգման հանձնաժողովի անհատական կազմը հաստատում է Հայաստանի Հանրապետության ֆինանսների և էկոնոմիկայի նախարարը` համապատասխան մարմինների ղեկավարների կողմից թեկնածուների ներկայացմամբ,

դ) համակարգման հանձնաժողովն իրավասու է իր աշխատանքներն արդյունավետ իրականացնելու նպատակով ստեղծելու աշխատանքային խմբեր և սույն որոշման 4-րդ կետում նշված մարմիններից ներգրավելու իրավասու պաշտոնատար անձանց ու աշխատողների:

3. Համակարգման հանձնաժողովին`

ա) մշակել ազգային ծրագրի նախագծի մշակման աշխատանքների իրականացման ժամանակացույցը և այն ներկայացնել Հայաստանի Հանրապետության վարչապետի հաստատմանը.

բ) մինչև 2004 թվականի հոկտեմբերի 10-ը Հայաստանի Հանրապետության կառավարության քննարկմանը ներկայացնել Հայաստանի Հանրապետության և Եվրոպական համայնքների ու դրանց անդամ պետությունների միջև կնքված գործընկերության և համագործակցության համաձայնագրի իրականացման ազգային ծրագրի նախագիծը:

4. Հանձնարարել Հայաստանի Հանրապետության նախարարներին, կառավարությանն առընթեր պետական կառավարման մարմինների ղեկավարներին, մարզպետներին և առաջարկել Հայաստանի Հանրապետության կենտրոնական բանկի նախագահին Հայաստանի Հանրապետության օրենքներով ստեղծված մշտական գործող հանձնաժողովներին (ծառայություններին և խորհուրդներին), ըստ անհրաժեշտության, աջակցել համակարգման հանձնաժողովին:

5. Հանձնարարել Տնտեսական քաղաքականության և իրավական խորհրդատվության հայ-եվրոպական կենտրոնին աջակցել համակարգման հանձնաժողովին սույն որոշման 1-ին կետում նշված ազգային ծրագրի մշակման գործում:

Կ Ա Զ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԵՎՐՈՊԱԿԱՆ ՀԱՄԱՅՆՔՆԵՐԻ ՈՒ ԴՐԱՆՑ ԱՆԴԱՄ ՊԵՏՈՒԹՅՈՒՆՆԵՐԻ ՄԻՋԵՎ ԿՆՔՎԱԾ ԳՈՐԾԸՆԿԵՐՈՒԹՅԱՆ ԵՎ ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳՐԻ ԻՐԱԿԱՆԱՑՄԱՆ ԱԶԳԱՅԻՆ ԾՐԱԳՐԻ ՄՇԱԿՄԱՆ ԱՇԽԱՏԱՆՔՆԵՐԻ ՀԱՄԱԿԱՐԳՄԱՆ ՀԱՆՁՆԱԺՈՂՈՎԻ