«Վավերացնում եմ»
Հայաստանի Հանրապետության
Նախագահ Ռ. Քոչարյան
3 փետրվարի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 փետրվարի 2000 թվականի N 47
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՀՈՒՆՎԱՐԻ 22-Ի N 15 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

Հայաստանի Հանրապետության կառավարության 1996 թվականի հունվարի 22-ի «Հայաստանի Հանրապետության քաղաքացիների կենսաթոշակների նշանակման համար անհրաժեշտ փաստաթղթերի ցանկը հաստատելու մասին» N 15 որոշման մեջ կատարել հետևյալ փոփոխությունները`

որոշմամբ հաստատված ցանկի`

ա) 2-րդ կետի «բ» ենթակետը շարադրել հետևյալ խմբագրությամբ.

«բ) տեղեկանք բնակարանային շահագործման տեղամասից կամ տեղական ինքնակառավարման մարմնից` չորս և ավելի երեխա ծնած ու նրանց մինչև ութ տարեկան դառնալը խնամելու, ինչպես նաև մինչև 16 տարին լրանալը մանկուց հաշմանդամ ճանաչված երեխա խնամելու մասին և նշված երեխաների ծննդյան վկայականների պատճենները».

բ) 4-րդ կետի «բ» ենթակետը շարադրել հետևյալ խմբագրությամբ.

«բ) տեղեկանք բնակարանային շահագործման տեղամասից կամ տեղական ինքնակառավարման մարմնից` կերակրողի խնամքի տակ գտնվող ընտանիքի անդամների մասին, ինչպես նաև նրանց ծննդյան վկայականների կամ անձը հաստատող փաստաթղթերի պատճենները».

գ) 4-րդ կետի «գ» ենթակետը շարադրել հետևյալ խմբագրությամբ.

«գ) տեղեկանք բնակարանային շահագործման տեղամասից կամ տեղական ինքնակառավարման մարմնից` կերակրողի` ութ տարին չլրացած երեխաների, եղբայրների, քույրերի կամ թոռների խնամքով զբաղված անձանց չաշխատելու մասին»: