«Վավերացնում եմ»
Հայաստանի Հանրապետության
Նախագահ Ռ. Քոչարյան
18 դեկտեմբերի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 դեկտեմբերի 1999 թվականի N 764

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՕԳՈՍՏՈՍԻ 26-Ի N 272 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ 1996 ԹՎԱԿԱՆԻ ՍԵՊՏԵՄԲԵՐԻ 24-Ի N 308 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1996 թվականի օգոստոսի 26-ի «Հայաստանի Հանրապետության Սյունիքի մարզային ենթակայության ձեռնարկությունների և կազմակերպությունների ցանկը հաստատելու մասին» N 272 որոշման մեջ կատարել հետևյալ լրացումները`

որոշման N 1 հավելվածում`

ա) Արևիսի գյուղական համայնքի ձեռնարկությունների և կազմակերպությունների ցանկը «բուժակամանկաբարձական կետ» տողից հետո լրացնել «ութամյա դպրոց» տողով.

բ) Սոֆլուի գյուղական համայնքի ձեռնարկությունների և կազմակերպությունների ցանկը «բուժակամանկաբարձական կետ» տողից հետո լրացնել «ութամյա դպրոց» տողով:

2. Հայաստանի Հանրապետության կառավարության 1996 թվականի սեպտեմբերի 24-ի «Հայաստանի Հանրապետության Լոռու մարզային ենթակայության ձեռնարկությունների և կազմակերպությունների ցանկը հաստատելու մասին» N 308 որոշման մեջ կատարել հետևյալ փոփոխությունները`

որոշման N 1 հավելվածի`

ա) Վանաձոր քաղաքի ձեռնարկությունների և կազմակերպությունների ցանկի «միջնակարգ դպրոցներ» տողից հանել «14» թիվը.

բ) Արևաշողի գյուղական համայնքի ձեռնարկությունների և կազմակերպությունների ցանկից հանել «ութամյա դպրոց» տողը:

3. Սույն որոշումն ուժի մեջ է մտնում 1999 թվականի դեկտեմբերի 18-ից: