«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
15 մայիսի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 մայիսի 1998 թվականի N 296
քաղ. Երևան

ՊԵՏԱԿԱՆ ԳՆՈՒՄՆԵՐԻ (ՊԵՏԱԿԱՆ ՊԱՏՎԵՐԻ), ՔԼԻՐԻՆԳԱՅԻՆ ԱՌԱՔՈՒՄՆԵՐԻ ԵՎ ՄԻՋՊԵՏԱԿԱՆ ՊԱՅՄԱՆԱԳՐԵՐԻ ՇՐՋԱՆԱԿՆԵՐՈՒՄ ՄԱՏԱԿԱՐԱՐՎԱԾ ԱՊՐԱՆՔՆԵՐԻ ԵՎ ՄԱՏՈՒՑՎԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ ՓԱՍՏԱՑԻ ՎՃԱՐԵԼՈՒ (ՎՃԱՐՈՂԻ ՀԱՇՎԻՑ ԴՈՒՐՍ ԳՐԵԼՈՒ) ՊԱՀԻ ՎԵՐԱԲԵՐՅԱԼ ՏԵՂԵԿԱՆՔ ՏԱԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Պետական գնումների (պետական պատվերի), քլիրինգային առաքումների և միջպետական պայմանագրերի շրջանակներում մատակարարված ապրանքների և մատուցված ծառայությունների մասով հարկային արտոնություններ սահմանելու մասին» Հայաստանի Հանրապետության օրենքի 5 հոդվածի «գ» կետին համապատասխան Հայաստանի Հանրապետության կառավարությունը որոշում է.

1. Հաստատել պետական գնումների (պետական պատվերի), քլիրինգային առաքումների և միջպետական պայմանագրերի շրջանակներում մատակարարված ապրանքների և մատուցված ծառայությունների համար փաստացի վճարելու (վճարողի հաշվից դուրս գրելու) պահի վերաբերյալ տեղեկանք տալու կարգը (կցվում է):

2. Սույն որոշումն ուժի մեջ է մտնում 1998 թվականի մայիսի 15-ից:

Կ Ա Ր Գ

ՊԵՏԱԿԱՆ ԳՆՈՒՄՆԵՐԻ (ՊԵՏԱԿԱՆ ՊԱՏՎԵՐԻ), ՔԼԻՐԻՆԳԱՅԻՆ ԱՌԱՔՈՒՄՆԵՐԻ ԵՎ ՄԻՋՊԵՏԱԿԱՆ ՊԱՅՄԱՆԱԳՐԵՐԻ ՇՐՋԱՆԱԿՆԵՐՈՒՄ ՄԱՏԱԿԱՐԱՐՎԱԾ ԱՊՐԱՆՔՆԵՐԻ ԵՎ ՄԱՏՈՒՑՎԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ ՓԱՍՏԱՑԻ ՎՃԱՐԵԼՈՒ (ՎՃԱՐՈՂԻ ՀԱՇՎԻՑ ԴՈՒՐՍ ԳՐԵԼՈՒ) ՊԱՀԻ ՎԵՐԱԲԵՐՅԱԼ ՏԵՂԵԿԱՆՔ ՏԱԼՈՒ

1. Սույն կարգը սահմանում է պետական գնումների (պետական պատվերի), քլիրինգային առաքումների և միջպետական պայմանագրերի (այսուհետև` պետական գնումներ) շրջանակներում մատակարարված ապրանքների և մատուցված ծառայությունների համար փաստացի վճարելու (վճարողի հաշվից դուրս գրելու) պահի վերաբերյալ տեղեկանք տալու գործընթացը:

2. Պետական պատվեր իրականացնող ձեռնարկությունների (այսուհետև` հարկատու) կողմից Հայաստանի Հանրապետության հարկային տեսչության տարածքային մարմիններ ներկայացվող` պետական գնումների շրջանակներում մատակարարված ապրանքների և մատուցված ծառայությունների համար փաստացի վճարելու (վճարողի հաշվից դուրս գրելու) պահի վերաբերյալ տեղեկանքն ստանալու համար դիմում են պետական պատվեր տեղադրող մարմնին (նախարարություն, Հայաստանի Հանրապետության կառավարության կողմից լիազորված մարմին, գերատեսչություն)` դիմումում նշելով պետական պատվերով և յուրաքանչյուր պայմանագրով մատակարարված ապրանքների ու մատուցված ծառայությունների անվանումները:

3. Պետական պատվեր տեղադրող մարմինը հարկատուի դիմումն ստանալուց հետո 7 աշխատանքային օրվա ընթացքում ճշտում է մատակարարված ապրանքների և մատուցված ծառայությունների համար փաստացի կատարված վճարումները և սույն կարգի հավելվածում բերված տեղեկանքի ձևով ներկայացնում հարկատուին կամ գրավոր մերժում է` հիմնավորելով պատճառները:

4. Սույն կարգով սահմանված տեղեկանքը տալու ընթացքում առաջացած վեճերը լուծվում են Հայաստանի Հանրապետության օրենսդրությամբ սահմանված կարգով:

Տ Ե Ղ Ե Կ Ա Ն Ք

պետական գնումների (պետական պատվերի), քլիրինգային առաքումների

և միջպետական պայմանագրերի շրջանակներում __________________

(պետական պատվերի իրականացնող____________ կողմից մատակարարված ապրանքների

ձեռնարկության անվանումը)

և մատուցված ծառայությունների համար փաստացի վճարելու (վճարողի հաշվից դուրս գրելու) պահի վերաբերյալ

Պարտքի գումարը ______________________________

(տառերով)

_________________________________________
       (պետական պատվեր տեղադրող մարմնի լրիվ անվանումը)

Կ.Տ.

«____» ________ 199  թ.