ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

Հիմք ընդունելով «Լիցենզավորման մասին» օրենքի 9-րդ հոդվածի 1-ին մասը, 18-րդ հոդվածի 2.1-ին մասը, Կառավարության 2021 թվականի հուլիսի 15-ի N 1170-Ն որոշման N 1 հավելվածի 9-րդ կետի 12-րդ ենթակետը, 19.1-ին կետը և շահագրգիռ պետական մարմինների կողմից տրված դրական դիրքորոշումները`

1. Բավարարել «ԳՐԻՆ ԴՐԻՄՍ» սահմանափակ պատասխանատվությամբ ընկերության կողմից ներկայացված արտադրական կանեփի արտադրության լիցենզիայի ներդիրում արտադրական կանեփի արտադրության համար օգտագործվող արտադրական կանեփի բույսի երկու նոր սորտ ավելացնելու մասին 2024 թվականի ապրիլի 30-ի թիվ 17452-2024 դիմումը:

2. «ԳՐԻՆ ԴՐԻՄՍ» սահմանափակ պատասխանատվությամբ ընկերությանը տրամադրել Առողջապահության նախարարության կողմից 2023 թվականի հունիսի 1-ին տրված արտադրական կանեփի արտադրության թիվ Կ-ԿԱ-000011 լիցենզիայի նոր ներդիր, վերջինիս մեջ ներառելով նախկին ներդիրով սահմանված բոլոր տեղեկությունները և արտադրական կանեփի արտադրության համար օգտագործվող արտադրական կանեփի բույսի երկու նոր` «Amnesia» և «Harlequin» սորտ:

3. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը դիմումատուին:

4. Սույն հրամանն ուժի մեջ է մտնում «ԳՐԻՆ ԴՐԻՄՍ» սահմանափակ պատասխանատվությամբ ընկերությանն իրազեկելուն հաջորդող օրվանից:

5. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտը ստանալուց հետո՝ տասնհինգօրյա ժամկետում: