հայկական սսհ մինիստրների սովետ

ո ր ո շ ու մ

12 հունիսի 1968 թվականի N 258

Քաղ. Երևան

ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ՍՈՎԵՏԻ ՇԻՆԱՐԱՐՈՒԹՅԱՆ ԳՈՐԾԵՐԻ ՊԵՏԱԿԱՆ ԿՈՄԻՏԵԻ (ՀԱՅԿԱԿԱՆ ՍՍՀ ՊԵՏՇԻՆԻ) ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հայկական ՍՍՀ Մինիստրների սովետը որոշում է.

1. Հաստատել ՍՍՀՄ Պետշինի հետ համաձայնեցված՝ Հայկական ՍՍՀ Մինիստրների սովետի Շինարարության գործերի պետական կոմիտեի (Հայկական ՍՍՀ Պետշինի) առդիր կանոնադրությունը և նրա կենտրոնական ապարատի կառուցվածքը, համաձայն հավելվածի։

2. Ուժը կորցրած համարել Հայկական ՍՍՀ Մինիստրների սովետի 1966 թվականի հոկտեմբերի 3-ի «Հայկական ՍՍՀ Մինիստրների սովետի Շինարարության գործերի պետական կոմիտեի (Հայկական ՍՍՀ Պետշինի) կանոնադրությունը հաստատելու մասին» N 415 որոշումը:

Հայկական ՍՍՀ Մինիստրների սովետի Շինարարության գործերի պետական կոմիտեի (Հայկական ՍՍՀ Պետշինի)

Կ Ա Ն Ո Ն Ա Դ Ր ՈՒ Թ Յ ՈՒ Ն Ը

1. Հայկական ՍՍՀ Մինիստրների սովետի Շինարարության գործերի պետական կոմիտեն (Հայկական ՍՍՀ Պետշինը) միութենական-հանրապետական մարմին է և գտնվում է Հայկական ՍՍՀ Մինիստրների սովետի ու ՍՍՀՄ Մինիստրների սովետի Շինարարության գործերի պետական կոմիտեի (ՍՍՀՄ Պետշինի) ենթակայության ներքո։

2. Հայկական ՍՍՀ Պետշինի գլխավոր խնդիրներն են.

միասնական տեխնիկական քաղաքականության վարումը, որն ուղղված է հանրապետությունում իրագործվող տեխնիկական առաջադիմության արագացմանն ու շինարարության արդյունավետության բարձրացմանը.

քաղաքաշինության և ճարտարապետության գործի բարելավումը, շրջանային հատակագծման, քաղաքների, քաղաքատիպ ավանների և գյուղական բնակավայրերի գլխավոր հատակագծերի նախագծերի, մանրամասն հատակագծման նախագծերի, կառուցապատման նախագծերի, ինչպես նաև արդյունաբերական հանգույցների գլխավոր հատակագծերի սխեմաների մշակման ու քննարկման կազմակերպումը.

գիտության զարգացումը և գիտական հետազոտությունների արդյունավետության բարձրացումը, գիտա-տեխնիկական պրոբլեմների մշակումը և գիտական կազմակերպությունների ու բարձրագույն ուսումնական հաստատությունների կողմից շինարարության և ճարտարապետության բնագավառում կատարվող գիտահետազոտական աշխատանքների կոորդինացումը, նախագծման և շինարարության մեջ գիտության, տեխնիկայի ու առաջավոր փորձի ներդրման վերահսկողությունը.

Հայկական ՍՍՀ միութենական-հանրապետական և հանրապետական մինիստրությունների ու գերատեսչությունների մասնակցությամբ, ՍՍՀՄ Պետշինի կողմից հաստատվող պլաններին համապատասխան, շինարարության վերաբերյալ ընդհանուր-միութենական նորմատիվային փաստաթղթերի և շինարարական նյութերի, կոնստրուկցիաների ու շինվածքների համար պետական ստանդարտների մշակումը. հանրապետական նորմատիվային փաստաթղթերի մշակման կազմակերպումն ու հաստատումը. նշված նորմատիվային փաստաթղթերի և ստանդարտների պահպանման վերահսկողությունը.

շինարարական նախագծման հետագա կատարելագործումը, տիպային նախագծման զարգացումը, արտադրական, բնակելի, կուլտուր-կենցաղային և այլ շենքերի ու կառուցվածքների տիպային նախագծերի լայն ներդրումը շինարարության մեջ, հաշվի առնելով բնական և կլիմայական առանձնահատկությունները. Հայկական ՍՍՀ միութենական-հանրապետական և հանրապետական մինիստրությունների ու գերատեսչությունների հետ համատեղ նախագծա-հետախուզական կազմակերպություններում աշխատանքի արտադրողականության բարձրացման միջոցառումների մշակումը և հաստատումը.

նախագծերի որակի բարձրացման միջոցառումների մշակումն ու իրագործումը և շինարարության տևողության նորմաների պահպանման վերահսկողությունը.

Հայկական ՍՍՀ Մինիստրների սովետի կողմից հաստատվող ձեռնարկությունների, շենքերի ու կառուցվածքների նախագծերի և նախահաշիվների պետական փորձագիտության իրագործումը սահմանված կարգով.

Հայկական ՍՍՀ միութենական-հանրապետական և հանրապետական մինիստրությունների ու գերատեսչությունների մասնակցությամբ շինարարության տեխնիկական մակարդակի և ինդուստրացման բարձրացման, քաղաքների և այլ բնակավայրերի, ձեռնարկությունների, շենքերի ու կառուցվածքների ինժեներական սարքավորման, բնակելի տների, շենքերի ու կառուցվածքների շահագործական և ճարտարապետական հատկությունների բարձրացման, շինարարական արտադրության կոմպլեքսային մեքենայացման ու ավտոմատացման, շինարարության մեջ մասնագիտացման ու կոոպերացման զարգացման, աշխատանքների կազմակերպման կատարելագործման, հանրապետության շինարարության նյութա-տեխնիկական և ինդուստրիալ բազայի առավել խնայողական ու ռացիոնալ զարգացման հիմնական ուղղությունների մշակումը.

Հայկական ՍՍՀ միութենական-հանրապետական և հանրապետական մինիստրությունների ու գերատեսչությունների հետ համատեղ աշխատանքի գիտական կազմակերպման ներդրման, շինարարության, շինանյութերի, կոնստրուկցիաների ու շինվածքների արժեքի իջեցման, տևողության կրճատման ու որակի բարձրացման և շինարարական արտադրության տնտեսական խթանման վերաբերյալ առաջարկությունների մշակումն ու իրագործումը.

պետական ճարտարապետական-շինարարական վերահսկողության իրագործումը քաղաքների և մյուս բնակավայրերի կառուցապատման, բնակարանային-քաղաքացիական, արդյունաբերական, գյուղատնտեսական, տրանսպորտային և այլ տեսակի շինարարության որակի, հանրապետությունում արտադրվող շինանյութերի, շինվածքների ու կառուցվածքների որակի նկատմամբ։

3. Հայկական ՍՍՀ Պետշինը իր գործունեության մեջ ղեկավարվում է ՍՍՀՄ և Հայկական ՍՍՀ օրենքներով, ՍՍՀՄ Գերագույն սովետի նախագահության և Հայկական ՍՍՀ Գերագույն սովետի նախագահության հրամանագրերով, ՍՍՀՄ Կառավարության և Հայկական ՍՍՀ Կառավարության որոշումներով ու կարգադրություններով, ՍՍՀՄ Պետշինի որոշումներով, հրամաններով ու հրահանգներով և այլ նորմատիվ ակտերով, ինչպես նաև սույն կանոնադրությամբ և ապահովում է գործող օրենսդրության ճիշտ կիրառումը. Կոմիտեի իրավասության ենթակա կազմակերպություններում, հիմնարկություններում ու ձեռնարկություններում։

Հայկական ՍՍՀ Պետշինն ընդհանրացնում է իր իրավասության մեջ մտնող հարցերի վերաբերյալ հանրապետական օրենսդրության կիրառման պրակտիկան, մշակում է այդ օրենսդրության կատարելագործմանը վերաբերող առաջարկություններ և դրանք մտցնում է Հայկական ՍՍՀ Մինիստրների սովետի քննարկմանը։

4. Հայկական ՍՍՀ Պետշինը իր վրա դրված խնդիրներին համապատասխան`

ա) Հայկական ՍՍՀ միութենական-հանրապետական և հանրապետական մինիստրությունների ու գերատեսչությունների մասնակցությամբ, սահմանված կարգով հաստատվող ընդհանուր-միութենական պլանների հիման վրա, կազմակերպում է տիպային նախագծման, փորձարարական նախագծման և շինարարության, հայրենական ու արտասահմանյան փորձի ուսումնասիրման և ընդհանրացման, ինչպես նաև նախագծման ու շինարարության մեջ նոր տեխնիկայի արմատավորման, շինարարական ու մոնտաժային կոմպլեքսային մեքենայացման և ավտոմատացման, շինարարության ու ճարտարապետության վերաբերյալ և շինարարական նյութերի, դետալների, կոնստրուկցիաների, սանիտարա-տեխնիկական սարքավորման ու շինարարական գործիքների պետական ստանդարտների վերաբերյալ նոր նորմատիվային փաստաթղթերի մշակման և հների վերանայման հանրապետական պլանների մշակումը և վերահսկում է նշված պլանների կատարումը.

բ) տիպային նախագծման և փորձարարական նախագծման ու շինարարության հաստատված տարեկան և հեռանկարային սլլաններին համապատասխան մշակում ու հաստատում է հանրապետական և տեղական ենթակայության օբյեկտների գծով համապատասխան թեմատիկ պլաններ, ինչպես նաև կազմակերպում է քաղաքային ու գյուղական շինարարության համար բնակելի և քաղաքացիական շենքերի տիպային ու փորձարարական նախագծերի մշակումը և սահմանված կարգով ներկայացնում է հաստատման.

գ) կազմակերպում է նախագծման, շինարարության և ճարտարապետության վերաբերյալ հանրապետական նորմատիվների, հրահանգների, ցուցումների, տեղական շինանյութերի համար տեխնիկական պայմանների և գնացուցակների մշակումը և հաստատում դրանք. բնակարանային-քաղաքացիական ու գյուղատնտեսական շինարարության օբյեկտների համար մշակում է գնացուցակային գներ, կազմակերպում է Շինարարական աշխատանքների միասնական շրջանային միական գնահատումները տեղական պայմանների հետ կապելու աշխատանքը.

դ) մասնակցում է աշխատանքի ու կառավարման գիտական կազմակերպման բնագավառում գիտահետազոտական աշխատանքների կատարմանը, կազմակերպում է համապատասխան հանձնարարականների, հրահանգների ու ցուցումների մշակումը, շինարարության մեջ աշխատանքի կազմակերպման բնագավառում առաջավոր փորձի և գիտական հետազոտությունների արդյունքների ընդհանրացումը և դրա հիման վրա աշխատանքային) պրոցեսների կազմակերպման արդյունավետ մեթոդների ու ձևերի մշակումը.

ե) իրագործում է հանրապետությունում տիպային նախագծման ղեկավարումը, կազմակերպում է տիպային նախագծերի և փորձարարական շինարարության նախագծերի, առաջադիմական և ունիֆիկացված շենքերի ու կառուցվածքների ծավալա-հատակագծային կոնստրուկտիվ լուծումների, հիմնական տիպային շինարարական կոնստրուկցիաների ու դետալների գծագրերի ներդրումը և իրագործում է դրանց տարածումը.

զ) շահագրգռված մինիստրությունների, գերատեսչությունների և հասարակական կազմակերպությունների մասնակցությամբ անց է կացնում շենքերի ու կառուցվածքների, բնակելի շրջանների նախագծերի, քաղաքների ու գյուղական բնակավայրերի հատակագծման ու կառուցապատման, խնայողական ինդուստրիալ կոնստրուկցիաների ու դետալների, շինարարության առաջադիմական մեթոդների մշակման, խնայողական նախագծերով օբյեկտների շինարարության լավագույն որակի հանրապետական բաց և փակ մրցույթներ.

է) իրագործում է հանրապետության փորձագիտական մարմինների կողմից կատարվող նախագծերի ու նախահաշիվների փորձագիտության մեթոդոլոգիական ղեկավարումը, ինչպես նաև հանրապետությունում օբյեկտների շինարարության համար հաստատված նախագծային փաստաթղթերի որակի ընտրովի ստուգումը.

ը) կազմակերպում է գիտա-տեխնիկական ինֆորմացիան շինարարության և ճարտարապետության բնագավառում, ապահովում է գիտական և գիտա-տեխնիկական գրականության նախապատրաստումն ու սահմանված կարգով հրատարակումը, կոորդինացնում է շինարարության, ճարտարապետության, շինարարական նյութերի, կոնստրուկցիաների ու շինվածքների կիրառման ասպարեզում գիտա-տեխնիկական ինֆորմացիայի և պրոպագանդայի մարմինների գործունեությունը.

թ) մինիստրությունների և գերատեսչությունների հետ համատեղ կազմակերպում է պլանավորման և կառավարման, ավտոմատացման միջոցների և էլեկտրոնային մեքենաների ու հաշվողական տեխնիկայի այլ միջոցների բազայի վրա ինժեներա-տեխնիկական աշխատանքների մեքենայացման մշակումն ու ներդրումը հանրապետությունում իրագործվող շինարարության մեջ.

ժ) մասնակցում է շինարարության մեջ մասնագիտացման ու կոոպերացման զարգացման, ինչպես նաև հանրապետությունում շինարարական ինդուստրիայի զարգացման ու տեղադրման սխեմաների վերաբերյալ Հայկական ՍՍՀ միութենական-հանրապետական և հանրապետական մինիստրությունների ու գերատեսչությունների կողմից առաջարկությունների մշակմանը.

ի) մասնակցում է հանրապետության ժողովրդական տնտեսության զարգացման պետական պլանների քննարկմանը՝ նախագծա-հետախուզական աշխատանքների, կապիտալ շինարարության, շինանյութերի արդյունաբերության, շինարարական և ճանապարհային մեքենաշինության մասում, և սլլանների նշված նախագծերի վերաբերյալ եզրակացություններ է ներկայացնում Հայկական ՍՍՀ Մինիստրների սովետ.

լ) իրագործում է շինարարության և ճարտարապետության գործերի տեղական մարմինների, քաղաքների ու շրջանների գլխավոր ճարտարապետների, հանրապետական և տեղական նախագծային կազմակերպությունների գործունեության մեթոդոլոգիական ղեկավարումը, ինչպես նաև շինարարական վերահսկողության մարմինների աշխատանքի ղեկավարումը.

խ) ղեկավարում է իրավասության ենթակա կազմակերպությունների, հիմնարկությունների և կազմակերպությունների աշխատանքը.

ծ) ղեկավարում է հանրապետության տերիտորիայում ճարտարապետական հուշարձանների պահպանության և վերականգնման գործը, կազմակերպում է նրանց վերականգնման ու շահագործման վերահսկողությունը.

կ) իրագործում է իր իրավասության մեջ մտնող հարցերի վերաբերյալ ՍՍՀՄ Կառավարության, Հայկական ՍՍՀ Կառավարության և ՍՍՀՄ Պետշինի որոշումների կատարման ստուգումը։

5. Հայկական ՍՍՀ Պետշինին իրավունք է վերապահվում.

ա) իր իրավասության սահմաններում հրատարակել հանրապետության մինիստրությունների, գերատեսչությունների, կազմակերպությունների, հիմնարկությունների և ձեռնարկությունների համար պարտադիր կանոններ, հրահանգներ, տեխնիկական պայմաններ, ցուցումներ և այլ հանրապետական նորմատիվային Փաստաթղթեր նախագծման, շինարարության, ճարտարապետության և շինանյութերի արտադրության բնագավառում.

բ) հանրապետության մինիստրությունների, գերատեսչությունների, աշխատավորների դեպուտատների սովետների գործկոմների, կազմակերպությունների, հիմնարկությունների և ձեռնարկությունների գիտական աշխատողներին, մասնագետներին, շինարարության ու արտադրության նորարարներին ներգրավել շինարարության և ճարտարապետության բնագավառում առանձին հարցերի մշակման գործում, ինչպես նաև կոնսուլտացիաների ու փորձագիտության համար.

գ) Հայկական ՍՍՀ միութենական-հանրապետական և հանրապետական մինիստրություններում ու գերատեսչություններում, աշխատավորների դեպուտատների սովետների գործկոմներում և նրանց իրավասության ենթակա գիտահետազոտական հիմնարկություններում, նախագծային ու շինարարական կազմակերպություններում և շինարարական նյութեր, կոնստրուկցիաներ ու շինվածքներ պատրաստող ձեռնարկություններում կատարել շինարարական նախագծման և կառուցապատման, շինարարական նյութերի պլանների կատարման, կոնստրուկցիաների ու շինվածքների տեխնիկական մակարդակի ստուգում, ինչպես նաև շինարարության և ճարտարապետության բնագավառում գիտահետազոտական աշխատանքների, շինարարության ու ճարտարապետության գծով նոր նորմատիվային փաստաթղթերի մշակման և գործող փաստաթղթերի, ինչպես նաև շինարարական նյութերի, դետալների, կոնստրուկցիաների, սանիտարա-տեխնիկական սարքավորման ու շինարարական գործիքների համար պետական ստանդարտների, տիպային և փորձարարական նախագծման ու շինարարության, հայրենական և արտասահմանյան փորձի ուսումնասիրման ու ընդհանրացման և նախագծման ու շինարարության մեջ նոր տեխնիկայի ներդրման, շինարարական և մոնտաժային աշխատանքների կոմպլեքսային մեքենայացման ու ավտոմատացման աշխատանքների սլլանների կատարումը. Կոմիտեի նիստում լսել այդ հարցերի մասին հանրապետության մինիստրությունների ու գերատեսչությունների ղեկավարների զեկուցումներն ու հաղորդումները և նրանց հետ համաձայնեցնելով` առանձին գիտահետազոտական հիմնարկությունների, նախագծային ու շինարարական կազմակերպությունների, ինչպես նաև ձեռնարկությունների ղեկավարների զեկուցումների ու հաղորդումների, և ստուգումների արդյունքների հիման վրա ընդունել կատարման համար պարտադիր որոշումներ.

դ) անհրաժեշտ դեպքերում ստեղծել գիտական խորհուրդներ, միջգերատեսչական հանձնաժողովներ ու փորձագիտական խմբեր, ինչպես նաև սահմանված կարգով հրավիրել իր իրավասության մեջ մտնող հարցերի վերաբերյալ կոնֆերանսներ և խորհրդակցություններ.

ե) հանրապետության մինիստրությունների ու գերատեսչությունների, աշխատավորների դեպուտատների սովետների գործկոմների հետ համաձայնեցնելով՝ նրանց իրավասության ենթակա կազմակերպություններին, հիմնարկություններին և ձեռնարկություններին հանձնարարել պլանների ու նորմատիվային փաստաթղթերի մշակման, ինչպես նաև նախագծման, շինարարության ու ճարտարապետության, շինանյութերի արտադրության ասպարեզում միջոցառումների մշակման և իրագործման հետ կապված աշխատանքների կատարումը.

զ) Հայկական ՍՍՀ միութենական-հանրապետական և հանրապետական մինիստրություններից ու գերատեսչություններից, աշխատավորների դեպուտատների սովետների գործկոմներից և նրանց իրավասության ենթակա կազմակերպություններից, հիմնարկություններից, ձեռնարկություններից, ինչպես նաև հանրապետության Կենտվիճվարչությունից ու նրա մարմիններից ստանալ Հայկական ՍՍՀ Պետշինի վրա դրված խնդիրների կատարման համար անհրաժեշտ նյութեր, գործող հաշվետվության սահմաններում։

6. Հայկական ՍՍՀ Պետշինը գլխավորում է Կոմիտեի նախագահը, որը Հայկական ՍՍՀ Սահմանադրությանը համապատասխան նշանակվում է Հայկական ՍՍՀ Գերագույն սովետի, իսկ սեսիաների միջև ընկած ժամանակաշրջանում՝ Հայկական ՍՍՀ Գերագույն սովետի նախագահության կողմից, հետագայում մտցնելով Հայկական ՍՍՀ Գերագույն սովետի հաստատմանը։

Հայկական ՍՍՀ Պետշինի նախագահն ունի տեղակալներ, որոնք նշանակվում են Հայկական ՍՍՀ Մինիստրների սովետի կողմից, նախագահի տեղակալների միջև պարտականությունների բաշխումը կատարում է Հայկական ՍՍՀ Պետշինի նախագահը։

7. Հայկական ՍՍՀ Մինիստրների սովետի Շինարարության գործերի պետական կոմիտեն ստեղծվում է հետևյալ կազմով. Կոմիտեի նախագահ, Կոմիտեի նախագահի տեղակալներ՝ ըստ պաշտոնի և Հայկական ՍՍՀ Մինիստրների սովետի կողմից նշանակվող Կոմիտեի անդամներ։

8. Հայկական ՍՍՀ Պետշինի նախագահը անձնական պատասխանատվություն է կրում Հայկական ՍՍՀ Պետշինի վրա դրված խնդիրների և պարտականությունների կատարման համար, սահմանում է Հայկական ՍՍՀ Պետշինի նախագահի տեղակալների, վարչությունների, բաժինների պետերի և մյուս ստորաբաժանումների ղեկավարների պատասխանատվության աստիճանը Հայկական ՍՍՀ Պետշինի իրավասության ենթակա կազմակերպությունների, հիմնարկությունների և ձեռնարկությունների գործունեության համար։

9. Հայկական ՍՍՀ Պետշինը իր իրավասության սահմաններում և ի կատարումն գործող օրենքների, ինչպես նաև ՍՍՀՄ Մինիստրների սովետի և Հայկական ՍՍՀ Մինիստրների սովետի որոշումների ու կարգադրությունների, ՍՍՀՄ Պետշինի որոշումների, հրամանների ու հրահանգների և դրանց հիման վրա հրատարակում է որոշումներ ու հրահանգներ, տալիս ցուցումներ, որոնք հանրապետական մարմինների, հանրապետության ձեռնարկությունների, կազմակերպությունների և հիմնարկությունների կողմից պարտադիր են կատարման համար, անկախ նրանց գերատեսչական ենթակայությունից, և ստուգում է դրանց կատարումը։

Հայկական ՍՍՀ Պետշինի նախագահը անհրաժեշտ դեպքերում Հայկական ՍՍՀ մյուս մինիստրությունների ու գերատեսչությունների հետ հրատարակում է համատեղ հրամաններ և հրահանգներ։

10. Հայկական ՍՍՀ Մինիստրների սովետի Շինարարության գործերի պետական կոմիտեն իր պարբերաբար հրավիրվող նիստերում քննության է առնում հանրապետության շինարարության ու ճարտարապետության տեխնիկական քաղաքականության հիմնական հարցերը, ձեռնարկությունների, շենքերի ու կառուցվածքների նախագծերը, որոնք հաստատման են ներկայացվում Հայկական ՍՍՀ Մինիստրների սովետ, քաղաքների գլխավոր հատակագծերի, քաղաքների և մյուս բնակավայրերի հատակագծման ու կառուցապատման, շրջանային հատակագծման նախագծերը, ինչպես նաև արդյունաբերական հանգույցների գլխավոր հատակագծերի սխեմաները և Հայկական ՍՍՀ Պետշինի իրավասության մեջ մտնող մյուս հարցերը, քննարկում է իրավասության ենթակա կազմակերպությունների, հիմնարկությունների և ձեռնարկությունների պրակտիկ ղեկավարության, կատարման ստուգման, կադրերի ընտրության, տեղաբաշխման և դաստիարակության հարցերը, կարևորագույն որոշումների, հրամանների, հրահանգների և նորմատիվային փաստաթղթերի նախագծերը. լսում է միութենական-հանրապետական և հանրապետական մինիստրությունների ու գերատեսչությունների հաղորդումները Կոմիտեի իրավասության մեջ մտնող հարցերի մասին, Հայկական ՍՍՀ Պետշինի վարչությունների և բաժինների, կազմակերպությունների, հիմնարկությունների ու ձեռնարկությունների հաշվետվությունները։

Կոմիտեի որոշումները կենսագործվում են, որպես կանոն, Հայկական ՍՍՀ Պետշինի նախագահի հրամաններով։ Կոմիտեի նախագահի և Կոմիտեի անդամների միջև տարաձայնություններ լինելու դեպքում Կոմիտեի նախագահը կենսագործում է իր որոշումը, տարաձայնությունների մասին զեկուցելով Հայկական ՍՍՀ Մինիստրների սովետին և ՍՍՀՄ Պետշինին, իսկ Կոմիտեի անդամները, իրենց հերթին, կարող են իրենց կարծիքը հաղորդել Հայկական ՍՍՀ Մինիստրների սովետին և ՍՍՀՄ Պետշինին։

11. Հանրապետությունում նախագծման, շինարարության, ճարտարապետության, ինչպես նաև շինարարական ինդուստրիայի և շինանյութերի արդյունաբերության զարգացման հիմնական հարցերի քննարկման համար Հայկական ՍՍՀ Պետշինում ստեղծվում է գիտա-տեխնիկական խորհուրդ, կազմված գիտնականներից և բարձրորակ մասնագետներից, արտադրության նորարարներից, ինչպես նաև գիտա-տեխնիկական ընկերությունների և այլ կազմակերպությունների ներկայացուցիչներից։

Գիտա-տեխնիկական խորհրդի կազմը և նրա կանոնադրությունը հաստատում է Հայկական ՍՍՀ Պետշինի նախագահը։

12. Հայկական ՍՍՀ Պետշինի կանոնադրությունը, Հայկական ՍՍՀ Պետշինի կենտրոնական ապարատի կառուցվածքը և աշխատողների թվաքանակը հաստատվում է Հայկական ՍՍՀ Մինիստրների սովետի կողմից, համաձայնեցնելով ՍՍՀՄ Պետշինի հետ։

Հայկական ՍՍՀ Պետշինի վարչությունների բաժինների կանոնադրությունները հաստատում է Հայկական ՍՍՀ Պետշինի նախագահը։

13. Հայկական ՍՍՀ Մինիստրների սովետի Շինարարության գործերի պետական կոմիտեն ունի Հայկական ՍՍՀ Պետական գերբի պատկերով և իր անվամբ կնիք։

Հայկական ՍՍՀ Պետշինի կենտրոնական ապարատի

ԿԱՌՈՒՑՎԱԾՔԸ

Ղեկավարություն

Բնակարանային-քաղաքացիական շինարարության բաժին

Քաղաքների, գյուղական ու այլ բնակավայրերի հատակագծման և ճարտարապետության բաժին

Նախագծերի պետական փորձագիտության բաժին

Գիտահետազոտական աշխատանքների, նոր տեխնիկայի և գիտա-տեխնիկական ինֆորմացիայի բաժին

Նախագծային և հետախուզական կազմակերպությունների բաժին

Շինարարության էկոնոմիկայի և նախահաշվային նորմաների բաժին

Շինարարական ինդուստրիայի, կոնստրուկցիաների և նոր նյութերի բաժին

Գյուղական շինարարության բաժին

Պետական շինարարական տեսչություն

Կենտրոնական հաշվապահություն

Հուշարձանների պահպանության և վերականգնման վարչություն

Գործերի կառավարչություն (բաժնի իրավունքներով)