ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

ՁԵՎ

Եվրասիական տնտեսական միության անդամ պետությունների լիազորված տնտեսական օպերատորների ընդհանուր ռեեստրի

Եվրասիական տնտեսական միության անդամ պետությունների լիազորված տնտեսական օպերատորների ընդհանուր ռեեստր

ԿԱՐԳ

Եվրասիական տնտեսական միության անդամ պետությունների լիազորված տնտեսական օպերատորների ընդհանուր ռեեստրի ձևավորման և վարման

1. Սույն կարգը մշակվել է Եվրասիական տնտեսական միության մաքսային օրենսգրքի (այսուհետ՝ Մաքսային օրենսգիրք) 431-րդ հոդվածի 2-րդ կետին համապատասխան և սահմանում է Եվրասիական տնտեսական միության անդամ պետությունների լիազորված տնտեսական օպերատորների ընդհանուր ռեեստրի (այսուհետ՝ ընդհանուր ռեեստր) ձևավորման և վարման կանոնները։

2. Ընդհանուր ռեեստրի ձևավորումն ու վարումն իրականացվում են Եվրասիական տնտեսական հանձնաժողովի կողմից (այսուհետ՝ Հանձնաժողով) էլեկտրոնային տեսքով Եվրասիական տնտեսական միության անդամ պետությունների լիազորված տնտեսական օպերատորների այն ռեեստրների (այսուհետ համապատասխանաբար՝ անդամ պետությունների ռեեստր, անդամ պետություններ) տեղեկությունների հիման վրա, որոնց վարումն իրականացվում է Եվրասիական տնտեսական հանձնաժողովի կոլեգիայի 2017 թվականի դեկտեմբերի 19-ի «Եվրասիական տնտեսական միության անդամ պետությունների լիազորված տնտեսական օպերատորների ռեեստրի ձևի մասին» թիվ 186 որոշմամբ։

Ընդհանուր ռեեստրը ներառված է Հանձնաժողովի ընդհանուր տեղեկատվական ռեսուրսների կազմում:

3. Ընդհանուր ռեեստրի ձևավորումն ու վարումը ներառում են անդամ պետությունների ռեեստրների տեղեկությունների ստացումը, համակարգումը, արդիականացումն ու պահպանումը։

4. Ընդհանուր ռեեստրում ընդգրկվում են անդամ պետությունների ռեեստրների այն տեղեկությունները, որոնք ունեն «ՀՏ» (հանրային տեղեկություններ) նշումը։

5. Անդամ պետությունների ռեեստրների տեղեկություններն ընդհանուր ռեեստրը ձևավորելու նպատակով Հանձնաժողով են ներկայացվում անդամ պետությունների՝ մաքսային գործի ոլորտում լիազորված պետական մարմինների կողմից (այսուհետ՝ անդամ պետությունների լիազորված մարմիններ)։

6. Անդամ պետության լիազորված մարմինը սույն կարգի 4-րդ կետում նշված տեղեկությունները Հանձնաժողով է ներկայացնում հետևյալ դեպքերում.

ա) անդամ պետության ռեեստրում իրավաբանական անձին ընդգրկելու մասին վկայականն ուժի մեջ մտնելը. տեղեկությունները նշվում են վկայականն ուժի մեջ մտնելու ամսաթվի դրությամբ.

բ) անդամ պետության ռեեստրում իրավաբանական անձի ընդգրկման մասին վկայականի գործողության կասեցումը. տեղեկությունները ներկայացվում են ոչ ուշ, քան վկայականի գործողությունը կասեցնելու ամսաթվից 5 աշխատանքային օրվա ընթացքում.

գ) անդամ պետության ռեեստրում իրավաբանական անձին ընդգրկելու մասին վկայականի գործողության վերականգնումը. տեղեկությունները ներկայացվում են վկայականի գործողությունը վերականգնելու ամսաթվից ոչ ուշ, քան 5 աշխատանքային օր հետո.

դ) լիազորված տնտեսական օպերատորի հանումը անդամ պետության ռեեստրից. տեղեկությունները ներկայացվում են անդամ պետության ռեեստրից լիազորված տնտեսական օպերատորին հանելու ամսաթվից ոչ ուշ, քան 5 աշխատանքային օր հետո։

7. Հանձնաժողովը անդամ պետության ռեեստրի տեղեկությունները ստանալու ամսաթվից ոչ ուշ, քան 1 աշխատանքային օր հետո թարմացնում է ընդհանուր ռեեստրի տեղեկությունները՝ միաժամանակ անդամ պետությունների լիազորված մարմիններին (այդ թվում՝ անդամ պետության ռեեստրում իրավաբանական անձին ընդգրկելու մասին վկայական տված անդամ պետության լիազորված մարմինը) ավտոմատ կերպով տեղեկացնելով ընդհանուր ռեեստրում իրականացված թարմացման մասին։

8. Հանձնաժողովն ընդհանուր ռեեստրը հրապարակում է Եվրասիական տնտեսական միության տեղեկատվական պորտալում և բոլոր շահագրգիռ անձանց համար ապահովում է հասանելիությունը դրանում պարունակվող տեղեկություններին։