ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2000 թվականի հուլիսի 6-ին

«ՀԱՍՏԱՏԱԳՐՎԱԾ ՎՃԱՐՆԵՐԻ ՄԱՍԻՆ» ԵՎ «ԵԿԱՄՏԱՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Հաստատագրված վճարների մասին» Հայաստանի Հանրապետության օրենքի 6 հոդվածում «ժա» և «ժբ» ենթակետերով» բառերը փոխարինել «ժա», «ժբ» և «ժէ» ենթակետերով» բառերով:

Հոդված 2. Օրենքի 7 հոդվածը լրացնել հետևյալ բովանդակությամբ «ժէ» ենթակետով`

«ժէ) վիճակախաղերի կազմակերպում:»:

Հոդված 3. Օրենքի 81 հոդվածի տեքստը շարադրել հետևյալ խմբագրությամբ`

«Հաստատագրված վճարի հաշվարկման համար խաղատների գտնվելու վայրի հետ կապված ուղղիչ գործակիցներն են`

ա) Երևան քաղաքի համար` 2.0.

բ) Երևան քաղաքից դուրս` 1.0:»:

Հոդված 4. Օրենքի 86 հոդվածում «1.0» թիվը փոխարինել «2.0» թվով:

Հոդված 5. Օրենքը 15 գլխից հետո լրացնել հետևյալ բովանդակությամբ 15¹ գլխով`

«Գ Լ ՈՒ Խ  15¹.

ՎԻՃԱԿԱԽԱՂԵՐԻ ԿԱԶՄԱԿԵՐՊՄԱՆ ՀԱՄԱՐ ՀԱՍՏԱՏԱԳՐՎԱԾ ՎՃԱՐՆԵՐԸ

Սույն օրենքի իմաստով վիճակախաղ է համարվում «Վիճակախաղերի մասին» Հայաստանի Հանրապետության օրենքի կարգավորման առարկա հանդիսացող գործունեությունը:

Վիճակախաղերի կազմակերպման համար հաստատագրված վճար վճարողներ են հանդիսանում վիճակախաղերի կազմակերպիչները:

Վիճակախաղերի կազմակերպման համար հաստատագրված վճարի ամսական չափը որոշվում է ելակետային տվյալի 18 տոկոսի չափով:

Վիճակախաղերի կազմակերպման համար հաստատագրված վճարի հաշվարկման ելակետային տվյալ է համարվում ամսվա ընթացքում անցկացված բոլոր խաղարկությունների համար իրացված վիճակախաղերի տոմսերի ընդհանուր արժեքը:»:

Հոդված 6. «Եկամտահարկի մասին» Հայաստանի Հանրապետության օրենքի 9 հոդվածի «ժթ» ենթակետում «դրամական շահումները` յուրաքանչյուր վճարման դեպքում տասը հազար դրամի շրջանակներում» բառերը փոխարինել «դրամական և իրային շահումները» բառերով:

Հոդված 7. Սույն օրենքն ուժի մեջ է մտնում 2000 թվականի օգոստոսի 1-ից: