ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
25 հունիսի 2020 թվականի N 360-Ա
«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՖՈՏՈՎՈԼՏԱՅԻՆ ԿԱՅԱՆՆԵՐԻ ՏԵՂԱԴՐՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Հայաստան» համահայկական հիմնադրամի կողմից իրականացվող՝ 6,671,943 դրամ ընդհանուր արժողությամբ «Ֆոտովոլտային կայանների տեղադրում» ծրագիրը՝ համաձայն հավելվածի:
2. Սահմանել, որ «Հայաստան» համահայկական հիմնադրամի կողմից (ՀՎՀՀ՝ 02507456) կնքված՝ ստորև նշված պայմանագրերով նախատեսված գործարքները, անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն՝
1) «Սոլարա» ՍՊԸ-ի հետ (ՀՎՀՀ՝ 02810309) 2020 թվականի մայիսի 11-ին N ՀՀ/ԱՖՎ-04/20 պայմանագրում նշված գործարքը, որով նախատեսվում է Արարատի մարզի Սիս համայնքի դպրոցի տանիքին ֆոտովոլտային կայանի տեղադրում՝ 4,987,200 դրամի չափով, առանց ավելացված արժեքի հարկի.
2) «Էկովիլ» ՍՊԸ-ի հետ (ՀՎՀՀ՝ 00465627) 2020 թվականի մայիսի 15-ին N ՀՀ/ԱՖՎ-05/20 պայմանագրում նշված գործարքը, որով նախատեսվում է Շիրակի մարզի Կապս համայնքի մանկապարտեզի տանիքին ֆոտովոլտային կայանի տեղադրում՝ 1,684,743 դրամի չափով, առանց ավելացված արժեքի հարկի:
3. «Հայաստան» համահայկական հիմնադրամին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:
|
Հայաստանի Հանրապետության |
Տ. Ավինյան |
|
2020 թ. հունիսի 25 Երևան |
|
Հավելված ՀՀ փոխվարչապետի 2020 թ. հունիսի 25-ի N 360-Ա որոշման |
«ՖՈՏՈՎՈԼՏԱՅԻՆ ԿԱՅԱՆՆԵՐԻ ՏԵՂԱԴՐՈՒՄ»
Ծ Ր Ա Գ Ի Ր
|
1. |
Ծրագրի նպատակը |
Էներգախնայողությունը ապահովելու նպատակով նախատեսվում է Հայաստանի Հանրապետության Արարատի մարզի Սիս համայնքի դպրոց պետական ոչ առևտրային կազմակերպության և Հայաստանի Հանրապետության Շիրակի մարզի Կապս համայնքի մանկապարտեզի տանիքներին այլընտրանքային արևային /ON GRID/ ֆոտովոլտային կայանների տեղադրում |
|
2. |
Ծրագրի բարեգործական որակման նպատակը |
Օրենքով սահմանված կարգով օգտվել հարկային արտոնություններից |
|
3. |
Բարեգործը |
«Հայաստան» համահայկական հիմնադրամ, ֆիզիկական և իրավաբանական անձանց կողմից հանգանակված միջոցներ |
|
4. |
Ծրագիրը կատարողը |
«Հայաստան» համահայկական հիմնադրամ (ՀՀ, քաղաք Երևան, Բաղրամյան պողոտա 26/1, ՀՎՀՀ՝ 02507456) |
|
5. |
Ծրագրի իրականացման վայրը և բնագավառը |
Հայաստանի Հանրապետության Արարատի մարզ Սիս համայնք և Հայաստանի Հանրապետության Շիրակի մարզի Կապս համայնք, բնագավառը՝ սոցիալական |
|
6. |
Ծրագրի բյուջեն |
Ծրագրի ընդհանուր բյուջեն կազմում է 6,671,943 դրամ, որից Արարատի մարզի Սիս համայնքի դպրոցի տանիքին ֆոտովոլտային կայանի տեղադրում 4,987,200 դրամ, Շիրակի մարզի Կապս համայնքի մանկապարտեզի տանիքին ֆոտովոլտային կայանի տեղադրում ՝ 1,684,743 դրամ |
|
7. |
Բարեգործություն ստացողը |
Հայաստանի Հանրապետության Արարատի մարզ, Սիս համայնքի դպրոց պետական ոչ առևտրային կազմակերպություն և Հայաստանի Հանրապետության Շիրակի մարզի Կապս համայնքի մանկապարտեզ |
|
8. |
Ծրագրի իրականացման տևողությունը |
Ծրագիրը նախատեսվում է իրականացնել՝ Արարատի մարզի Սիս համայնքի դպրոց՝ 2020 թ. հուլիսի 01-ից մինչև 2020 թ. օգոստոսի 24-ը, Շիրակի մարզի Կապս համայնքի մանկապարտեզ՝ 2020 թ. հուլիսի 01-ից մինչև 2020 թ. օգոստոսի 31-ը |
|
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
Ծրագրի իրականացման ժամկետում նախատեսվում է Արարատի մարզի Սիս համայնքի դպրոց պետական ոչ առևտրային կազմակերպության և Շիրակի մարզի Կապս համայնքի մանկապարտեզի տանիքներին տեղադրել այլընտրանքային /ON GRID/ ֆոտովոլտային կայաններ: Արժեքը՝ 6,671,943 դրամ |
|
10. |
Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
Այլընտրանքային /ON GRID/ ֆոտովոլտային կայանների տեղադրում՝ 6,671,943 դրամ |
|
11. |
Ծրագրի իրականացման հետ կապված կազմակերպական ծախսերը |
Կազմակերպական ծախսեր չեն նախատեսվում |
|
12. |
Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ |
Համագործակցություն չի նախատեսվում |
|
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: |
|
Հայաստանի Հանրապետության |
Տ. Ավինյան |
