ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

23 սեպտեմբերի 2013 թվականի N 841-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետը`

1. Հայաստանի Հանրապետության քաղաքացիների հայրենասիրական դաստիարակության 2014-2019 թվականների պետական ծրագիրը և միջոցառումների ցանկը մշակելու նպատակով ստեղծել աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբին` մինչև 2013 թվականի նոյեմբերի 1-ը մշակել և Հայաստանի Հանրապետության կառավարություն ներկայացնել Հայաստանի Հանրապետության քաղաքացիների հայրենասիրական դաստիարակության 2014-2019 թվականների պետական ծրագիրը և միջոցառումների ցանկը:

Հայաստանի Հանրապետության վարչապետ	Տ. Սարգսյան
2013 թ. սեպտեմբերի 23 Երևան

Հավելված ՀՀ վարչապետի 2013 թ. սեպտեմբերի 23-ի N 841-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Մ. Մկրտչյան	- ՀՀ կրթության և գիտության նախարարի տեղակալ (աշխատանքային խմբի ղեկավար)
Գ. Մալխասյան	- ՀՀ վարչապետի խորհրդական
Ֆ. Պողոսյան	- ՀՀ պաշտպանության նախարարության աշխատակազմի տեղեկատվության և հասարակայնության հետ կապերի վարչության պետի տեղակալ
Ա. Բարսեղյան	- ՀՀ տարածքային կառավարման նախարարության աշխատակազմի համայնքային ծառայության քաղաքականության բաժնի պետ
Ս. Համբարյան	- ՀՀ սփյուռքի նախարարության աշխատակազմի գիտակրթական ծարգրերի բաժնի պետ
Դ. Համբարձումյան	- ՀՀ կրթության և գիտության նախարարության աշխատակազմի մարզառազմական դաստիարակության բաժնի պետ
Ա. Վարդանյան	- ՀՀ կառավարությանն առընթեր ՀՀ ոստիկանության ՔՀԳՎ 3-րդ վարչության պետի տեղակալ
Ա. Հակոբյան	- ՀՀ կառավարությանն առընթեր ազգային անվտանգության ծառայության գլխավոր վարչության բաժնի պետ
Ա. Խաչատրյան	- ՀՀ մշակույթի նախարարության աշխատակազմի մշակութային ծրագրերի և մոնիթորինգի վարչության գլխավոր մասնագետ
Ա. Սեդրակյան	- ՀՀ սպորտի և երիտասարդության հարցերի նախարարության աշխատակազմի մասսայական սպորտի բաժնի գլխավոր մասնագետ
Ա. Խաչատրյան	- «Հայաստանի ԴՕՍԱԱՖ» համահայկական հասարակական կազմակերպության նախագահի առաջին տեղակալ (համաձայնությամբ)