«Գրանցված է»
ՀՀ արդարադատության
նախարարության կողմից
21 դեկտեմբերի 2005 թ.
Պետական գրանցման թիվ 05005481

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

29 հուլիսի 2005 թ.

N 386-Ն

Ո Ր Ո Շ ՈՒ Մ

«ԱՐԺՈՒԹԱՅԻՆ ԱՐԺԵՔՆԵՐԻ ՓՈԽԱԴՐՄԱՆ, ԱՌԱՔՄԱՆ, ՆԵՐՄՈՒԾՄԱՆ, ԱՐՏԱՀԱՆՄԱՆ ԵՎ ՀԱՅՏԱՐԱՐԱԳՐՄԱՆ» ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 1998 ԹՎԱԿԱՆԻ ՕԳՈՍՏՈՍԻ 26-Ի ԹԻՎ 173 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Արժութային կարգավորման և արժութային վերահսկողության մասին» Հայաստանի Հանրապետության օրենքի 5-րդ հոդվածի 2-րդ մասը, «Իրավական ակտերի մասին» Հայաստանի Հանրապետության օրենքի 16-րդ հոդվածը և հաշվի առնելով ֆինանսական համակարգի կայունությունն ապահովելու, տնտեսական ռիսկերը կանխարգելելու, հանցավոր ճանապարհով ձեռք բերված միջոցների շրջանառության և ահաբեկչության ֆինանսավորման դեմ պայքարի կատարելագործման անհրաժեշտությունը՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Արժութային արժեքների փոխադրման, առաքման, ներմուծման, արտահանման և հայտարարագրման» կարգը՝ համաձայն հավելված 1-ի (կցվում է):

2. Սույն որոշումն ուժի մեջ մտնելու պահից ուժը կորցրած ճանաչել Հայաստանի Հանրապետության կենտրոնական բանկի խորհրդի 1998 թվականի օգոստոսի 26-ի «Հայաստանի Հանրապետության բանկերի և օտարերկրյա բանկերի մասնաճյուղերի կողմից կանխիկ արտարժույթի և արտարժույթով արտահայտված արժեթղթերի արտահանման» կարգը հաստատելու և Հայաստանի Հանրապետության կառավարություն ներկայացնելու մասին թիվ 173 որոշումը:

3. Սույն որոշումն ուժի մեջ է մտնում հրապարակմանը հաջորդող 10-րդ օրվանից:

ՀՀ կենտրոնական բանկի նախագահ	Տ. Սարգսյան
2005 թ. օգոստոսի 8 Երևան

Հավելված 1 ՀՀ կենտրոնական բանկի խորհրդի 2005 թվականի հուլիսի 29-ի թիվ 386-Ն որոշման

Սույն կարգով սահմանվում են արժութային արժեքների փոխադրման, առաքման, ներմուծման, արտահանման և հայտարարագրման հետ կապված հարաբերությունները, դրանց կարգն ու պայմանները:

Գ Լ ՈՒ Խ  1

ԸՆԴՀԱՆՈՒՐ ԴՐՈՒՅԹՆԵՐ

1.1. Սույն կարգում օգտագործվող հասկացությունները մեկնաբանվում են «Արժութային կարգավորման և արժութային վերահսկողության մասին» Հայաստանի Հանրապետության
օրենքով սահմանված հասկացություններին համապատասխան:

1.2. Ռեզիդենտների և ոչ ռեզիդենտների կողմից արժութային արժեքների փոխադրումը, առաքումը, ներմուծումն ու արտահանումն իրականացվում է առանց սահմանափակումների, բացառությամբ սույն կարգով նախատեսված դեպքերի:

Գ Լ ՈՒ Խ  2

ԱՐԺՈՒԹԱՅԻՆ ԱՐԺԵՔՆԵՐԻ ՓՈԽԱԴՐՈՒՄԸ, ԱՌԱՔՈՒՄԸ, ԱՐՏԱՀԱՆՈՒՄԸ ԵՎ ՆԵՐՄՈՒԾՈՒՄԸ

2.1. Ֆիզիկական և իրավաբանական անձինք (բացառությամբ բանկերի, վարկային կազմակերպությունների և ինկասացիոն կազմակերպությունների) իրավունք ունեն առանց որևէ փաստաթղթի առկայության, բացառությամբ օրենսդրությամբ նախատեսված դեպքերի, Հայաստանի Հանրապետությունից արտահանել մինչև 5 միլիոն կանխիկ ՀՀ դրամ և համարժեք կանխիկ արտարժույթ (հաշվարկվում է Հայաստանի Հանրապետության կենտրոնական բանկի կողմից հայտարարված՝ արժութային շուկայում տվյալ օրվա համար ձևավորված միջին փոխարժեքների հիման վրա, իսկ Հայաստանի Հանրապետության կենտրոնական բանկի կողմից տվյալ արտարժույթի նկատմամբ փոխարժեք հայտարարված չլինելու դեպքում այն հաշվարկվում է հիմք ընդունելով տվյալ օրվա տվյալ արժույթի փոխարժեքը ԱՄՆ դոլարի նկատմամբ և Հայաստանի Հանրապետության դրամի փոխարժեքը ԱՄՆ դոլարի նկատմամբ)` արտահայտված թղթադրամների և մետաղադրամների տեսքով, ինչպես նաև վճարային արժեթղթեր: Uույն կետում նշված գումարը գերազանցելու դեպքում Հայաստանի Հանրապետության դրամի և արտարժույթի արտահանումն իրականացվում է անկանխիկ եղանակով, իսկ վճարային արժեթղթերի արտահանումը՝ գրավոր մաքսային հայտարարագրի լրացմամբ:

2.2. Ֆիզիկական, իրավաբանական անձինք (բացառությամբ բանկերի, վարկային կազմակերպությունների և ինկասացիոն կազմակերպությունների) և անհատ ձեռնարկատերերը իրավունք ունեն առանց գրավոր մաքսային հայտարարագիր լրացնելու, բացառությամբ օրենքով նախատեսված դեպքերի, Հայաստանի Հանրապետություն ներմուծել մինչև 15 հազար եվրոյին համարժեք կանխիկ դրամ (հաշվարկվում է ՀՀ կենտրոնական բանկի կողմից հայտարարված՝ արժութային շուկայում տվյալ օրվա համար ձևավորված միջին փոխարժեքների հիման վրա, իսկ ՀՀ կենտրոնական բանկի կողմից տվյալ արտարժույթի նկատմամբ փոխարժեք հայտարարված չլինելու դեպքում այն հաշվարկվում է հիմք ընդունելով տվյալ օրվա տվյալ արժույթի փոխարժեքը ԱՄՆ դոլարի նկատմամբ և ՀՀ դրամի փոխարժեքը ԱՄՆ դոլարի նկատմամբ)` արտահայտված թղթադրամների և մետաղադրամների տեսքով, ինչպես նաև վճարային արժեթղթեր: Uույն կետում նշված արժեքը գերազանցելու դեպքում նշված արժութային արժեքների ներմուծումը ենթակա է մաքսային հայտարարագրման:

2.3. Սույն կարգի 2.1 և 2.2 կետերով սահմանված՝ գրավոր մաքսային հայտարարագրում լրացման ենթակա տեղեկություններն են՝

1) Ուղևորի (բեռնային կամ փոստային փոխադրումների դեպքում՝ առաքողի) անունը, ազգանունը կամ անվանումը, որը լրացվում է՝

ա. ֆիզիկական անձանց դեպքում՝ անձնագրում կամ անձը հաստատող այլ արժանահավատ փաստաթղթում առկա տեղեկատվության հիման վրա.

բ. իրավաբանական անձանց դեպքում՝ կանոնադրության կամ այլ արժանահավատ փաստաթղթում առկա տեղեկատվության հիման վրա:

2) Ուղևորի (բեռնային կամ փոստային փոխադրումների դեպքում՝ առաքողի) քաղաքացիությունը, որը լրացվում է միայն ֆիզիկական անձանց առկայության դեպքում՝ անձնագրում կամ անձը հաստատող այլ արժանահավատ փաստաթղթում առկա տեղեկատվության հիման վրա:

3) Ուղևորի (բեռնային կամ փոստային փոխադրումների դեպքում՝ առաքողի) անձնագրային տվյալները, որը լրացվում է միայն ֆիզիկական անձանց առկայության դեպքում և ներառում է անձնագրում կամ անձը հաստատող այլ արժանահավատ փաստաթղթում առկա հետևյալ տեղեկությունները՝

ա. անձնագրի սերիան (առկայության դեպքում) և համարը.

բ. անձնագրի տրման տարին, ամիսն ու ամսաթիվը.

գ. անձնագրի վավերականության ժամկետը.

դ. անձնագիրը տված իրավասու մարմինը:

4) Ուղևորի (բեռնային կամ փոստային փոխադրումների դեպքում՝ առաքողի) ծննդյան ամիսը, ամսաթիվը, տարեթիվը և վայրը, որը լրացվում է միայն ֆիզիկական անձանց առկայության դեպքում՝ անձնագրում կամ անձը հաստատող այլ արժանահավատ փաստաթղթում առկա տեղեկատվության հիման վրա:

5) Ուղևորի (բեռնային կամ փոստային փոխադրումների դեպքում՝ առաքողի) բնակության (գտնվելու) վայրը, որը լրացվում է.

ա. ֆիզիկական անձանց դեպքում՝ անձնագրում կամ անձը հաստատող այլ արժանահավատ փաստաթղթում առկա տեղեկատվության հիման վրա.

բ. իրավաբանական անձանց դեպքում՝ կանոնադրության կամ այլ արժանահավատ փաստաթղթում առկա տեղեկատվության հիման վրա:

6) Ներմուծվող սույն կարգի 2.2 կետում նշված արժութային արժեքների կամ արտահանվող վճարային արժեթղթերի տեսակը, որը ներառում է հետևյալ տեղեկատվական դաշտերից առնվազն մեկը՝

ա. «Կանխիկ դրամ (նշելով արժույթը)». այս դաշտը նշվում է, եթե ներմուծվող արժութային արժեքները ներառում են կանխիկ դրամ: Այս դեպքում նշվում է նաև կանխիկ դրամի արժույթը:

բ. «Վճարային արժեթղթեր (նշելով տեսակը)». այս դաշտը նշվում է, եթե ներմուծվում կամ արտահանվում է սահմանաչափից ավելի գումարով արժեթուղթ: Այս դեպքում նշվում է նաև արժեթղթի տեսակը, արժույթը, որով արտահայտված է, համարը, թողարկողը:

7) Ներմուծվող սույն կարգի 2.2 կետում նշված արժութային արժեքների կամ արտահանվող վճարային արժեթղթերի գումարը, որի դեպքում նշվում է փոխադրվող արժութային արժեքների հանրագումարային արժեքը՝ դրամական գնահատմամբ: Կանխիկ դրամի ներմուծման դեպքում գումարը նշվում է ներմուծվող արժույթով:

8) Սույն կարգի 2.2 կետում նշված արժութային արժեքների ներմուծման դեպքում՝ երկիրը, որտեղից ներմուծվում են արժութային արժեքները: Այստեղ նշվում է այն երկիրը, որտեղից ժամանում է այն անձը, բեռը կամ փոստը, ով ներմուծում (որտեղով ներմուծվում) է հայտարարագրման ենթակա արժութային արժեքները: Սույն կարգի 2.2 կետում նշված արժութային արժեքների տարանցիկ փոխադրման դեպքում նշվում է արտահանման երկիրը:

9) Հայտարարագրի լրացման տարին, ամիսը, ամսաթիվը, որտեղ նշվում է այն տարին, ամիսը, ամսաթիվը, երբ փաստացի լրացվել է հայտարարագիրը:

10) Ուղևորի (բեռնային կամ փոստային փոխադրումների դեպքում՝ առաքողի) ստորագրությունը, որտեղ նշվում է այն անձի ստորագրությունը, ով փոխադրում է (իրավաբանական անձի դեպքում՝ ում անունից լիազորված է փոխադրելու) հայտարարագրման ենթակա արժութային արժեքները և ով լրացնում է հայտարարագիրը:

2.4. Սույն կարգի 2.1 և 2.2 կետերով սահմանված գումարը գերազանցող արժութային արժեքներ արտահանելը կամ ներմուծելը առանց գրավոր մաքսային հայտարարագիր լրացնելու, կամ 2.3 կետով սահմանված հայտարարագրման ենթակա տեղեկությունները թերի լրացնելը կամ կեղծելը հանգեցնում է Հայաստանի Հանրապետության օրենսդրությամբ սահմանված պատասխանատվության:

(2-րդ գլուխը խմբ. 27.11.07 N 388-Ն)

Գ Լ ՈՒ Խ  3

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՆԿԵՐԻ, ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԵՎ ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ԱՐԺՈՒԹԱՅԻՆ ԱՐԺԵՔՆԵՐԻ ՓՈԽԱԴՐՈՒՄԸ, ԱՌԱՔՈՒՄԸ, ԱՐՏԱՀԱՆՈՒՄԸ ԵՎ ՆԵՐՄՈՒԾՈՒՄԸ

3.1. Հայաստանի Հանրապետության բանկերի և օտարերկրյա բանկերի մասնաճյուղերի (այսուհետ՝ բանկեր), ինչպես նաև վարկային կազմակերպությունների, ինկասացիոն կազմակերպությունների կողմից արժութային արժեքների Հայաստանի Հանրապետություն փոխադրումը, առաքումը, ներմուծումը և Հայաստանի Հանրապետությունից փոխադրումը, առաքումն ու արտահանումը իրականացվում է առանց ծավալային և այլ սահմանափակումների:

(3.1-րդ կետը լրաց. 27.11.07 N 388-Ն)

3.2. Կենտրոնական բանկի կողմից սահմանված առավելագույն սահմանաքանակը գերազանցող կանխիկ դրամի փոխադրումը, առաքումը և ներմուծումը Հայաստանի Հանրապետություն և փոխադրումը, առաքումն ու արտահանումը Հայաստանի Հանրապետությունից դուրս, եթե դրան մասնակցում է բանկ կամ վարկային կազմակերպություն, կազմակերպվում է բանկի, կամ վարկային կազմակերպության, կամ ինկասացիոն ծառայության ներկայացուցչի կողմից:

Բանկի, կամ վարկային կազմակերպության, կամ ինկասացիոն ծառայության ներկայացուցիչը գործում է իր գործադիր մարմնի կողմից տրված լիազորագրի հիման վրա:

3.3. Արժութային արժեքների փոխադրման մասին մաքսային ծառայությանը տեղեկացվում է բանկի կամ ինկասացիոն ծառայության ներկայացուցչի կողմից՝ մաքսային սահմանով անցկացումը սկսելու պահից առնվազն 3 ժամ առաջ:

3.4. Բանկի, կամ վարկային կազմակերպության, կամ ինկասացիոն ծառայության ներկայացուցիչը մաքսատան համապատասխան ստորաբաժանմանն է ներկայացնում իր գործադիր մարմնի կողմից տրված լիազորագիրը, անձը հաստատող փաստաթուղթը, իսկ կանխիկ դրամի կամ արտարժույթի ներմուծման և արտահանման դեպքում նաև բանկի կամ վարկային կազմակերպության ելքային օրդերը: Ինկասացիոն ծառայության ներկայացուցիչը ներկայացնում է նաև բանկի, կամ վարկային կազմակերպության և ինկասացիոն ծառայության միջև կնքված պայմանագիրը կամ գործարքը հաստատող այլ փաստաթուղթ (ակտ):

3.5. Լիազորագրի ներկայացումից հետո լրացվում է բեռնամաքսային հայտարարագիր՝ ըստ մաքսային ձևակերպումների արարողակարգի:

3.6. Արժութային արժեքների փոխադրումը մաքսային հսկողության գոտով և բանկից կամ վարկային կազմակերպությունից մինչև մաքսային կետ կամ մաքսային կետից մինչև բանկ կամ վարկային կազմակերպություն իրականացվում է բանկի կամ վարկային կազմակերպության ինկասացիոն մեքենայով կամ համապատասխան մասնագիտացված ծառայության ուժերով: Մաքսատունը մաքսային սահմանով արժութային արժեքների անցկացման ժամանակային սահմանափակման առկայության դեպքում իրականացնում է ստուգման և ձևակերպման անհրաժեշտ գործողություններ:

3.7. Ինկասացիոն պայուսակի ստուգումն իրականացվում է մաքսատան կողմից սահմանված տեղում, մաքսատան աշխատակցի (աշխատակիցների) կողմից, բանկի կամ ինկասացիոն ծառայության ներկայացուցչի և ուղեկցողի (ինկասատորի) ներկայությամբ:

Ինկասացիոն պայուսակի ստուգումն իրականացվում է մաքսատան և բանկի կամ վարկային կազմակերպության (կամ ինկասացիոն ծառայության) կապարակնիքով:

3.9. Լրացված բեռնամաքսային հայտարարագրի 2-րդ օրինակը (թերթիկը) վերադարձվում է հայտարարատուին՝ բանկի կամ վարկային կազմակերպության (կամ ինկասացիոն ծառայության) լիազորված ներկայացուցչին:

3.10. Սույն կարգից բխող կանոնների վերաբերյալ տեղեկությունները փակցվում են մաքսատանը՝ տեսանելի վայրում: