ԵՐԵՎԱՆԻ ՔԱՂԱՔԱՊԵՏ

«ԺԱՄԱՆԱԿԱԿԻՑ ԱՐՎԵՍՏԻ ԹԱՆԳԱՐԱՆ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԹԱՆԳԱՐԱՆԱՅԻՆ ԱՌԱՐԿԱՆ «ԿՈՂԲ» ԿՐԹՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ԶԱՐԳԱՑՄԱՆ ՀԻՄՆԱԴՐԱՄԻՆ ԺԱՄԱՆԱԿԱՎՈՐ Ի ՊԱՀ ՀԱՆՁՆԵԼՈՒ ԹՈՒՅԼՏՎՈՒԹՅԱՆ ՄԱՍԻՆ

Ղեկավարվելով «Պետական ոչ առևտրային կազմակերպությունների մասին» օրենքի 14-րդ հոդվածի 1-ին մասով և հիմք ընդունելով «Ժամանակակից արվեստի թանգարան» ՀՈԱԿ-ի տնօրենի պաշտոնակատարի 21.01.2025թ. հ.ԺԱԹ 1/02-25 և 23.01.2025թ. հ.ԺԱԹ 1/03-25 գրությունները.

1. Թույլատրել «Ժամանակակից արվեստի թանգարան» ՀՈԱԿ-ի տնօրենի պաշտոնակատարին՝ թանգարանին ամրացված, Երևան համայնքին անհատույց, անժամկետ օգտագործման հանձնված գույքի կազմից թանգարանի հիմնական ֆոնդում ընդգրկված առարկան, համաձայն հավելվածի, ժամանակավոր (2025 թվականի փետրվարի 7-ից մինչև 2025 թվականի փետրվարի 9-ը) ի պահ հանձնել «Կողբ» կրթության, մշակույթի և սպորտի զարգացման հիմնադրամին՝ Կոստան Զարյանի 140-րդ տարեդարձին նվիրված միջոցառման շրջանակներում «Հայաստանի ազգային պատկերասրահ» ՊՈԱԿ-ի ցուցասրահում ցուցադրելու նպատակով:

2. Լիազորել «Ժամանակակից արվեստի թանգարան» ՀՈԱԿ-ի տնօրենի պաշտոնակատարին՝ «Կողբ» կրթության, մշակույթի և սպորտի զարգացման հիմնադրամի հետ կնքել պայմանագիր՝ ի պահ հանձնվող առարկայի տեղափոխման, պատշաճ պահպանման և հետ վերադարձման վերաբերյալ։

3. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի մշակույթի և տուրիզմի վարչության պետի և «Ժամանակակից արվեստի թանգարան» ՀՈԱԿ-ի տնօրենի պաշտոնակատարի վրա:

4. Սույն որոշման կատարման հսկողությունն ապահովում է Երևանի քաղաքապետի տեղակալ Լևոն Հովհաննիսյանը:

Տ. Ավինյան

Հավելված Երևանի քաղաքապետի 05.02.2025 թ. հ. 328-Ա որոշման

ՑԱՆԿ

«ԺԱՄԱՆԱԿԱԿԻՑ ԱՐՎԵՍՏԻ ԹԱՆԳԱՐԱՆ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ԿՈՂՄԻՑ «ԿՈՂԲ» ԿՐԹՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ԶԱՐԳԱՑՄԱՆ ՀԻՄՆԱԴՐԱՄԻՆ ԺԱՄԱՆԱԿԱՎՈՐ Ի ՊԱՀ ՀԱՆՁՆՎՈՂ ԹԱՆԳԱՐԱՆԱՅԻՆ ԱՌԱՐԿԱՅԻ

N	Թանգարանային առարկան	Նյութը և տեխնիկան	Չափսերը (սմ)	Հաշվառանիշը	Ապահովագրական արժեքը (ՀՀ դրամ)
1.	Արտո Չաքմաքչյան. Կոստան Զարյանի դիմաքանդակ 1965թ․	շամոտ	45x26x37	ԵԺԱԹ-699/5	3 000 000

Երևանի քաղաքապետ`

Տ. Ավինյան