ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

19 հունիսի 2020 թվականի

թիվ 104-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2010 ԹՎԱԿԱՆԻ ՀՈՒՆԻՍԻ 29-Ի ԹԻՎ 150-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով բարձրացնել Հայաստանի ավտոապահովագրողների բյուրոյի գործունեության վերլուծական և վիճակագրության հավաքագրման գործընթացների արդյունավետությունը,

հիմք ընդունելով «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքի 30-րդ հոդվածի 2-րդ մասը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 2-րդ հոդվածի 3-րդ մասով և 20-րդ հոդվածի «ե» կետով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասով և 34-րդ հոդվածով` Հայաստանի Հանրապետության կենտրոնական բանկի խորհուրդը Որոշում է.

1․ Հայաստանի Հանրապետության կենտրոնական բանկի խորհրդի 2010 թվականի հունիսի 29-ի ««Հայաստանի ավտոապահովագրողների բյուրո» իրավաբանական անձանց միության կողմից Հայաստանի Հանրապետության կենտրոնական բանկ ներկայացվող հաշվետվությունների ձևերը, բովանդակությունը, ներկայացման կարգն ու ժամկետները» հաստատելու մասին» թիվ 150-Ն որոշման (այսուհետ՝ Որոշում) մեջ կատարել հետևյալ փոփոխությունները․

1) Որոշման վերնագրում «ԻՐԱՎԱԲԱՆԱԿԱՆ ԱՆՁԱՆՑ ՄԻՈՒԹՅԱՆ» բառերը փոխարինել «ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ» բառերով։

2) Որոշման նախաբանի 2-րդ պարբերությունում «իրավաբանական անձանց միության» բառերը փոխարինել «հասարակական կազմակերպության» բառերով։

3) Որոշման Հավելվածը շարադրել նոր խմբագրությամբ՝ համաձայն սույն որոշման հավելվածի (կցվում է)։

Հայաստանի Հանրապետության կենտրոնական բանկի նախագահ`	Մ. Գալստյան
2020 թ. հունիսի 23 Երևան

Հավելված Հաստատված է ՀՀ կենտրոնական բանկի խորհրդի 2020 թվականի հունիսի 19-ի թիվ 104-Ն որոշմամբ

«Հավելված ՀՀ կենտրոնական բանկի խորհրդի 2010 թվականի հունիսի 29-ի թիվ 150-Ն որոշման

«ՀԱՅԱՍՏԱՆԻ ԱՎՏՈԱՊԱՀՈՎԱԳՐՈՂՆԵՐԻ ԲՅՈՒՐՈ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԻ ՁԵՎԵՐԸ, ԲՈՎԱՆԴԱԿՈՒԹՅՈՒՆԸ, ՆԵՐԿԱՅԱՑՄԱՆ ԿԱՐԳՆ ՈՒ ԺԱՄԿԵՏՆԵՐԸ

ԳԼՈՒԽ 1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հավելվածով սահմանվում են «Հայաստանի ավտոապահովագրողների բյուրո» հասարակական կազմակերպության (այսուհետ՝ Բյուրո) կողմից Հայաստանի Հանրապետության կենտրոնական բանկ (այսուհետ՝ Կենտրոնական բանկ) ներկայացվող հաշվետվությունների ձևերը, բովանդակությունը, ներկայացման կարգն ու ժամկետները:

ԳԼՈՒԽ 2. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

2. Սույն հավելվածում օգտագործվող հասկացություններն ունեն հետևյալ նշանակությունը.

1) Հաշվետու ամիս՝ օրացուցային տարվա սկզբից մեկ ամիս պարբերականությամբ հաշվարկվող ժամանակաշրջան,

2) Հաշվետու եռամսյակ՝ օրացուցային տարվա սկզբից երեք ամիս պարբերականությամբ հաշվարկվող ժամանակաշրջան,

3) Հաշվետու տարի՝ հունվարի 1-ից դեկտեմբերի 31-ը ընկած ժամանակաշրջանը,

4) Հաշվետու ժամանակաշրջան՝ հաշվետու եռամսյակ կամ հաշվետու տարի՝ ըստ տվյալ ձևի համար սահմանված ներկայացման պարբերականության,

5) Կարգավորված հայտ՝ Բյուրո ներկայացված հայտ, որի վերաբերյալ առկա է Բյուրոյի կողմից պահանջը բավարարելու կամ մերժելու մասին որոշում,

6) Կարգավորված հայց՝ դատարան ներկայացված հայց, որի վերաբերյալ առկա է հայցը բավարարելու (այդ թվում՝ մասնակի բավարարելու) կամ մերժելու մասին օրինական ուժի մեջ մտած դատական ակտ։

3. Սույն հավելվածում օգտագործված այլ հասկացություններն ունեն «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքով սահմանված նշանակությունը:

ԳԼՈՒԽ 3. ԲՅՈՒՐՈՅԻ ԿՈՂՄԻՑ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ

4. Բյուրոն Կենտրոնական բանկ է ներկայացնում հաշվետվությունների հետևյալ ձևերը՝ սույն կետով սահմանված աղյուսակում նշված պարբերականությամբ.

ԳԼՈՒԽ 4. ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳՆ ՈՒ ԺԱՄԿԵՏՆԵՐԸ

5. Սույն Հավելվածով սահմանված հաշվետվությունները, ինչպես նաև ֆինանսական հաշվետվությունների վերաբերյալ անկախ աուդիտորական կազմակերպության եզրակացությունը Կենտրոնական բանկ են ներկայացվում էլեկտրոնային տարբերակով` Սի-Բի-Էյ-նեթ համակարգով, Կենտրոնական բանկի վիճակագրության վարչություն: Թիվ 1, 2, 3, 4, 5, 7, 8 հաշվետվությունները լրացվում են Կենտրոնական բանկի կողմից ուղարկված պաշտպանված ֆայլերում, որոնք փոփոխելն արգելվում է: Ընդ որում, «Հաշվետվություն Բյուրոյի կողմից հայտնաբերված խախտումների և կիրառված պատասխանատվության միջոցների վերաբերյալ» թիվ 6 հաշվետվությունը ներկայացվում է ծածկագրված` Կենտրոնական բանկի ֆինանսական վերահսկողության վարչության կողմից ուղարկված ծածկագրված ֆայլերով:

6. ՍԻ-ԲԻ-ԷՅ-նեթ համակարգի խափանման դեպքում հաշվետվությունները ներկայացվում են մագնիսական կրիչներով՝ կից ներկայացնելով էլեկտրոնային փոստի խափանման վերաբերյալ գրություն:

7. Սույն Հավելվածի 4-րդ կետի աղյուսակում նշված հաշվետվությունների անվանումները պետք է կոդավորվեն հետևյալ կառուցվածքով.

Հաշվետվության համարը կետ Հապավումը
XX . Xls

8. Ամսական և եռամսյակային հաշվետվությունները ներկայացվում են հաշվետու ժամանակաշրջանի վերջին օրվան հաջորդող 7 աշխատանքային օրվա ընթացքում: Տարեկան ֆինանսական հաշվետվությունները, անկախ աուդիտորական կազմակերպության եզրակացության հետ միասին, Կենտրոնական բանկ են ներկայացվում մինչև տվյալ ֆինանuական տարվան հաջորդող տարվա մայիuի 1-ը: Ստուգման հաշվետվությունների և դրանց վերաբերյալ առարկությունների ու բացատրությունների պատճենները Կենտրոնական բանկ են ներկայացվում ստորագրված բնօրինակները վերահսկվող սուբյեկտներից ստանալուց հետո` երեք աշխատանքային օրվա ընթացքում:

9. Սույն Հավելվածով սահմանված ժամկետներից հետո ներկայացվող ճշգրտված հաշվետվությունները ներկայացվում են էլեկտրոնային տարբերակով՝ հաշվետվությունների փոփոխման (ճշգրտման) մասին գրավոր տեղեկացնելով Կենտրոնական բանկին:

10. Հաշվետվությունը համարվում է ներկայացված և ընդունված, եթե հաշվետվությունների էլեկտրոնային տարբերակները չունեն ծրագրային կամ այլ տեխնիկական թերություն և ներկայացվել են սույն հավելվածի պահանջներին համապատասխան: Թերությունների առկայության դեպքում Կենտրոնական բանկը տեղեկացնում է Բյուրոյին՝ բացառությամբ այն դեպքերի, եթե այդ տեղեկացումն ավտոմատ ուղարկում է Սի-Բի-Էյ-նեթ համակարգը:

11. Հաշվետվություններում «x» նշանով վանդակները չեն լրացվում:

12. Հաշվետվությունները պետք է պարունակեն հաշվետու ժամանակաշրջանի վերջին օրվա (եթե Բյուրոն աշխատել է շաբաթ, կիրակի կամ օրենքով սահմանված ոչ աշխատանքային օրը, ապա՝ այդ օրվա) դրությամբ տվյալները: Հաշվետվություններում նշվում է հաշվետու ժամանակաշրջանի վերջին օրվա ամսաթիվը հետևյալ ձևաչափով՝ օր/ամիս/տարի:

13. Հաշվետվությունները լրացվում են հազար դրամներով:

14. Անհրաժեշտության դեպքում, Կենտրոնական բանկը կարող է պահանջել Բյուրոյից Կենտրոնական բանկի կողմից սահմանված ժամկետներում և ձևերով Կենտրոնական բանկ ներկայացնել լրացուցիչ այլ տեղեկություններ:

ԳԼՈՒԽ 5. ԵՐԱՇԽԱՎՈՐՄԱՆ ՖՈՆԴԻ ՄԻՋՈՑՆԵՐԻ ՎԵՐԱԲԵՐՅԱԼ ԹԻՎ 1 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

15. Թիվ 1 հաշվետվության 1-ին աղյուսակում լրացվում է Երաշխավորման ֆոնդի միջոցների վերաբերյալ տեղեկատվությունը՝ ըստ ակտիվների տեսակների, իսկ 2-րդ աղյուսակում՝ ակտիվների վերաբերյալ տեղեկատվությունն՝ ըստ սուբյեկտների:

16. Թիվ 1 հաշվետվության 1-ին աղյուսակում ՀՀ պետական արժեթղթերի, ՀՀ կենտրոնական բանկի արժեթղթերի, բարձր վարկանիշ ունեցող երկրների կառավարությունների և բարձր վարկանիշ ունեցող երկրների կենտրոնական բանկերի կողմից թողարկված արժեթղթերի միջին կշռված եկամտաբերության հաշվարկի համար որպես կշիռ վերցվում է տվյալ ակտիվի շուկայական արժեքը, իսկ միջին կշռված ժամկետայնության համար՝ ակտիվի մինչև մարումն ընկած օրերի քանակը:

17. Թիվ 1 հաշվետվության 1-ին աղյուսակի ակտիվների՝ բացառությամբ սույն հավելվածի 16-րդ կետում սահմանված ակտիվների, միջին կշռված եկամտաբերության հաշվարկի համար որպես կշիռ վերցվում է տվյալ ակտիվի անվանական արժեքը, իսկ միջին կշռված ժամկետայնության համար՝ ակտիվի մինչև մարումն ընկած օրերի քանակը, ընդ որում՝ անժամկետ ակտիվների ժամկետայնությունը համարվում է 0:

18. Թիվ 1 հաշվետվության 2-րդ աղյուսակի 2-րդ սյունակում լրացվում է այն կազմակերպության անվանումը, որի ակտիվներում ներդրված են Երաշխավորման ֆոնդի միջոցները:

19. Թիվ 1 հաշվետվության 2-րդ աղյուսակի 3-րդ սյունակում լրացվում է այն կազմակերպության վարկանիշը, որի ակտիվներում ներդրված են Երաշխավորման ֆոնդի միջոցները: Ընդ որում, թիվ 1 հաշվետվության 2-րդ աղյուսակի 3-րդ, 4-րդ, 5-րդ սյունակները լրացվում են, եթե Երաշխավորման ֆոնդի միջոցները տեղաբաշխվել են այնպիսի կազմակերպության ակտիվներում, որն ունի վարկանիշ:

20. Թիվ 1 հաշվետվության 2-րդ աղյուսակի 4-րդ սյունակում լրացվում է վարկանիշ տվող կազմակերպության անվանումը:

21. Թիվ 1 հաշվետվության 2-րդ աղյուսակի 5-րդ սյունակում լրացվում է հաշվետու ժամանակաշրջանի վերջի դրությամբ տվյալ կազմակերպությունում տեղաբաշխված Երաշխավորման ֆոնդի միջոցների փաստացի չափը:

22. Թիվ 1 հաշվետվության 2-րդ աղյուսակի 6-րդ սյունակում լրացվում է տվյալ կազմակերպությունում տեղաբաշխված Երաշխավորման ֆոնդի փաստացի միջոցների տեսակարար կշիռը ընդհանուր պորտֆելում:

ԳԼՈՒԽ 6. ԵՐԱՇԽԱՎՈՐՄԱՆ ՖՈՆԴԻ ՄՈՒՏՔԵՐԻ ԵՎ ԵԼՔԵՐԻ ՎԵՐԱԲԵՐՅԱԼ ԹԻՎ 2 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

23. Թիվ 2 հաշվետվությունում լրացվում է Երաշխավորման ֆոնդի միջոցների փաստացի շարժի վերաբերյալ տեղեկատվությունը:

ԳԼՈՒԽ 7. ՀԱՅՏԵՐԻ, ՀԱՏՈՒՑՈՒՄՆԵՐԻ ԵՎ ՀԵՏԱԴԱՐՁ ՊԱՀԱՆՋԻ ԻՐԱՎՈՒՆՔԻ ԳԾՈՎ ՊԱՀԱՆՋՆԵՐԻ ՎԵՐԱԲԵՐՅԱԼ ԹԻՎ 3 ՀԱՇՎԵՏՎՈՒԹՅՈՒՆ

24. Թիվ 3 հաշվետվությունը բաղկացած է 6 աղյուսակից:

25. Թիվ 3 հաշվետվության 1-ին աղյուսակում լրացվում է Բյուրոյի կողմից ստացված հատուցումների (անձնական և գույքային) հայտերի քանակի վերաբերյալ տեղեկատվությունը: Թիվ 3 հաշվետվության 1-ին աղյուսակի 4-րդ սյունակում լրացվում է այն կարգավորված հայտերի քանակը, որոնց վերաբերյալ հաշվետու ժամանակաշրջանի ընթացքում առկա են Բյուրոյի կողմից պահանջը բավարարելու (այդ թվում՝ մասնակի բավարարելու) մասին որոշումները, իսկ 1-ին աղյուսակի 5-րդ սյունակում՝ հայտերի քանակը, որոնց վերաբերյալ հաշվետու ժամանակաշրջանի ընթացքում առկա են Բյուրոյի կողմից պահանջը մերժելու մասին որոշումները:

26. Թիվ 3 հաշվետվության 2-րդ աղյուսակում լրացվում է գույքային և անձնական վնասների գծով հատուցումների մեծության, ինչպես նաև անձնական վնասների գծով տրված նախնական հատուցումների վերաբերյալ տեղեկատվությունը:

27. Թիվ 3 հաշվետվության 2-րդ աղյուսակի 2-րդ սյունակում լրացվում է հաշվետու ժամանակաշրջանի վերջի դրությամբ անձնական վնասների գծով տրված նախնական հատուցումների մեծությունը։

28. Թիվ 3 հաշվետվության 2-րդ աղյուսակի 3-րդ սյունակում լրացվում է հաշվետու ժամանակաշրջանի վերջի դրությամբ հաշվեգրված հատուցումների մեծությունը, իսկ 4-րդ սյունակում՝ փոխադարձ հաշվարկների արդյունքում առաջացած հատուցումների դրական կամ բացասական փոփոխությունները։

29. Թիվ 3 հաշվետվության 2-րդ աղյուսակի 4-րդ սյունակում լրացվում են փոխադարձ հաշվարկների արդյունքում առաջացած հատուցումների դրական կամ բացասական փոփոխությունները։

30. Թիվ 3 հաշվետվության 3-րդ աղյուսակում լրացվում է հատուցումների քանակի և ծավալի վերաբերյալ տեղեկատվությունը՝ ըստ վնասը պատճառած սուբյեկտների:

31. Թիվ 3 հաշվետվության 4-րդ աղյուսակում լրացվում է հետադարձ պահանջի իրավունքի գծով հայցերի վերաբերյալ տեղեկատվությունը:

32. Թիվ 3 հաշվետվության 4-րդ աղյուսակում հայցի գումարի վերաբերյալ տեղեկատվությունը ներառում է միայն հայցերի՝ Երաշխավորման ֆոնդի միջոցների հաշվին կատարված վճարումների գծով գումարը:

33. Թիվ 3 հաշվետվության 4-րդ աղյուսակում հայցը համարվում է ներկայացված, երբ հայցը Բյուրոյի կողմից օրենսդրությամբ սահմանված կարգով ուղարկվել է դատարան:

34. Թիվ 3 հաշվետվության 4-րդ աղյուսակի 5-րդ, 6-րդ և 7-րդ սյունակներում լրացվում է հաշվետու ժամանակաշրջանի ընթացքում բավարարված հայցերի վերաբերյալ տեղեկատվությունը, ընդ որում բավարարված հայցերի մեջ ներառվում են նաև մասնակի բավարարված հայցերը: Թիվ 3 հաշվետվության 4-րդ աղյուսակի 6-րդ սյունակում լրացվում է ինչպես ամբողջությամբ բավարարված հայցի գումարը, այնպես էլ մասնակի բավարարված հայցի գումարը: Իսկ 4-րդ աղյուսակի 7-րդ սյունակում լրացվում է մասնակի բավարարված հայցի չբավարարված մասի գումարը:

35. Թիվ 3 հաշվետվության 5-րդ աղյուսակում լրացվում է Երաշխավորման ֆոնդի միջոցների հաշվին կատարված վճարումների հետ կապված հետադարձ պահանջի իրավունքի գծով պահանջների վերաբերյալ տեղեկատվությունը, ընդ որում, պահանջների մեջ ներառվում են ինչպես ապահովագրական ընկերություններին, այնպես էլ վնասի համար պատասխանատու անձանց ներկայացված պահանջները: Եթե միևնույն գումարի համար պահանջ ներկայացվել է մի քանի ապահովագրական ընկերության կամ վնասի համար պատասխանատու մի քանի անձանց, ապա դա համարվում է մեկ պահանջ:

36. Թիվ 3 հաշվետվության 5-րդ աղյուսակի 1-ին և 2-րդ աղյուսակներում լրացվում է հաշվետու ժամանակաշրջանի սկզբի դրությամբ ապահովագրական ընկերություններին և վնասի համար պատասխանատու անձանց ներկայացված չկարգավորված պահանջների վերաբերյալ տեղեկատվությունը:

37. Թիվ 3 հաշվետվության 5-րդ աղյուսակի 3-րդ և 4-րդ սյունակներում լրացվում է հաշվետու ժամանակաշրջանի ընթացքում Բյուրոյի կողմից ապահովագրական ընկերություններին և վնասի համար պատասխանատու անձանց ներկայացված պահանջների վերաբերյալ տեղեկատվությունը: Պահանջը համարվում է ներկայացված, եթե այն Բյուրոյի կողմից պատշաճ կերպով ուղարկվել կամ հանձնվել է ապահովագրական ընկերությանը կամ վնասի համար պատասխանատու անձին:

38. Թիվ 3 հաշվետվության 5-րդ աղյուսակի 5-րդ և 6-րդ սյունակներում համապատասխանաբար լրացվում են հաշվետու ժամանակաշրջանի վերջի դրությամբ հետադարձ պահանջի իրավունքի գծով ապահովագրական ընկերությունների և/կամ վնասի համարի պատասխանատու անձանց հետ կնքված գործող համաձայնագրերի ընդհանուր քանակը և այդ համաձայնագրերի գծով ստացվելիք ընդհանուր գումարները։

39. Թիվ 3 հաշվետվության 5-րդ աղյուսակի 7-րդ և 8-րդ սյունակներում լրացվում է հաշվետու ժամանակաշրջանի ընթացքում հետադարձ պահանջի իրավունքի գծով ապահովագրական ընկերությունների և վնասի համարի պատասխանատու անձանց կողմից ամբողջությամբ կատարված (մարված) պահանջների վերաբերյալ տեղեկատվությունը:

40. Թիվ 3 հաշվետվության 5-րդ աղյուսակի 10-րդ և 11-րդ սյունակներում լրացվում են հաշվետու ժամանակաշրջանի վերջի դրությամբ առկա ապահովագրական ընկերությունների և վնասի համար պատասխանատու անձանց կողմից չկարգավորված պահանջները:

ԳԼՈՒԽ 8. ԲՅՈՒՐՈՅԻ ԵԿԱՄՈՒՏՆԵՐԻ ԵՎ ԾԱԽՍԵՐԻ ՎԵՐԱԲԵՐՅԱԼ ԹԻՎ 4 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

41. Թիվ 4 հաշվետվությունում լրացվում են Բյուրոյի եկամուտների և ծախսերի մեծությունները:

ԳԼՈՒԽ 9. ԲՅՈՒՐՈՅԻ ԿՈՂՄԻՑ ՀԱՅՏՆԱԲԵՐՎԱԾ ԽԱԽՏՈՒՄՆԵՐԻ ԵՎ ԿԻՐԱՌՎԱԾ ՊԱՏԱՍԽԱՆԱՏՎՈՒԹՅԱՆ ՄԻՋՈՑՆԵՐԻ ՎԵՐԱԲԵՐՅԱԼ ԹԻՎ 5 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

42. Թիվ 5 հաշվետվությունում լրացվում է տեղեկատվություն Բյուրոյին անդամակցող ապահովագրական ընկերությունների կողմից «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքի, դրա հիման վրա ընդունված նորմատիվ իրավական ակտերի և/կամ Բյուրոյի կանոնների հետ կապված Բյուրոյի կողմից արձանագրված կամ բացահայտված խախտումների, այդ խախտումների համար Բյուրոյի կողմից կիրառված պատասխանատվության միջոցների վերաբերյալ, մասնավորապես`

1) Բյուրոյի կողմից արձանագրված այն խախտումների դեպքում, որոնց համար հաշվետու եռամսյակի ընթացքում է Բյուրոյի կողմից կիրառվել կարգապահական տույժ, և (կամ) որոշում է ընդունվել խախտման համար կարգապահական տույժ չկիրառել` վարույթը կարճել, թիվ 5 հաշվետվությունը լրացվում է ամբողջությամբ,

2) Բյուրոյի կողմից հաշվետու եռամսյակի ընթացքում հայտնաբերված այն խախտումների դեպքում, որոնց գծով Բյուրոն կարգապահական տույժ կիրառելու իրավասություն չունի, թիվ 5 հաշվետվության մեջ լրացվում են միայն 1-6-րդ սյունակները, ընդ որում` 6-րդ սյունակում լրացվում է «Բյուրոն իրավասու չէ»,

3) Բյուրոյի կողմից հաշվետու եռամսյակի ընթացքում հայտնաբերված այն խախտումների դեպքում, որոնց վերաբերյալ կարգապահական տույժ կիրառելու կամ չկիրառելու վերաբերյալ որոշում դեռևս չի կայացվել, թիվ 5 հաշվետվության մեջ լրացվում են միայն 1-5-րդ սյունակները,

4) Թիվ 5 հաշվետվության 10-րդ սյունակում ոչինչ չի լրացվում, եթե տրված հանձնարարականը կատարման ժամկետ չի պարունակում:

ԳԼՈՒԽ 10. ԱՄՄՊ ԾԱՌԱՅՈՒԹՅԱՆ ԴԻՄԱՑ ՎՃԱՐՆԵՐԻ ՎԵՐԱԲԵՐՅԱԼ ԹԻՎ 7 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

43. Թիվ 7 հաշվետվությունում լրացվում է ԱՄՄՊ ծառայության դիմաց ապահովագրական ընկերությունների կողմից կատարված վճարների վերաբերյալ տեղեկատվությունը:

44. Թիվ 7 հաշվետվության 1-ին սյունակում լրացվում է Բյուրոյի անդամ ապահովագրական ընկերության անվանումը:

45. Թիվ 7 հաշվետվության 2-ից 13-րդ սյունակներում լրացվում են հաշվետու ժամանակաշրջանի 1-ից 12-րդ ամիսների ընթացքում ապահովագրական ընկերությունների կողմից ԱՄՄՊ ծառայության դիմաց Բյուրոյին կատարված վճարները:

46. Թիվ 7 հաշվետվության 14-րդ սյունակում լրացվում է հաշվետու ժամանակաշրջանում ԱՄՄՊ ծառայության դիմաց ապահովագրական ընկերությունների կողմից սահմանված ժամկետում վճարում չկատարելու համար գանձված տույժերի չափը:

47. Թիվ 7 հաշվետվության 15-րդ սյունակի «Ընդամենը» տողում լրացվում են հաշվետու ժամանակաշրջանի ընթացքում Բյուրոյի կողմից ԱՄՄՊ ծառայություն մատուցող անձին փոխանցած ընդհանուր վճարները:

ԳԼՈՒԽ 11․ ԿՐԿՆԱԿԻ ՓՈՐՁԱՔՆՆՈՒԹՅՈՒՆՆԵՐԻ ՎԵՐԱԲԵՐՅԱԼ ԹԻՎ 8 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

48. Թիվ 8 հաշվետվությունում լրացվում է կրկնակի փորձաքննությունների վերաբերյալ տեղեկատվությունը։

49. Թիվ 8 հաշվետվության 1-ին սյունակում լրացվում են ապահովագրական ընկերությունների անունները։

50. Թիվ 8 հաշվետվության 2-րդ սյունակում լրացվում է հաշվետու ժամանակաշրջանի ընթացքում կատարված կրկնակի փորձաքննությունների այն քանակը, որոնց արդյունքները չեն տարբերվում առաջնային փորձաքննության արդյունքներից։

51. Թիվ 8 հաշվետվության 3-րդ սյունակում լրացվում է հաշվետու ժամանակաշրջանի ընթացքում կատարված կրկնակի փորձաքննությունների այն քանակը, որոնց արդյունքները շեղված են առաջնային փորձաքննության արդյունքներից։ Ընդ որում, վնասի փորձաքննությունների մասով փորձաքննության արդյունքների շեղումներ են համարվում Հայաստանի ավտոապահովագրողների բյուրոյի կողմից իրականացվող վերահսկողության RL 1-004 կանոնների 39-րդ կետով սահմանված շեղումները։

52. Թիվ 8 հաշվետվության 4-րդ սյունակում լրացվում են հաշվետու ժամանակաշրջանի ընթացքում կատարված կրկնակի փորձաքննության համար վճարված գումարները։

ԳԼՈՒԽ 12. ԹԻՎ 9, 10, 11, 12 ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԿԱՐԳԸ

53. «Հաշվապահական հաշվեկշիռը», «Ֆինանսական արդյունքների մասին հաշվետվությունը», «Դրամական միջոցների հոսքերի մասին հաշվետվությունը», «Ֆինանսական հաշվետվություններին կից ծանոթագրությունները» կազմվում են համաձայն Ֆինանսական հաշվետվությունների միջազգային ստանդարտների: Տարեկան ֆինանսական հաշվետվությունները ներկայացվում են աուդիտորական եզրակացության հետ միասին:

Հավելված 1

ՀԱՇՎԵՏՎՈՒԹՅՈՒՆ ԵՐԱՇԽԱՎՈՐՄԱՆ ՖՈՆԴԻ ՄԻՋՈՑՆԵՐԻ ՎԵՐԱԲԵՐՅԱԼ (ԹԻՎ 1)

Աղյուսակ 1. Երաշխավորման ֆոնդի ակտիվների նկարագիրն ըստ տեսակների

Աղյուսակ 2. Ակտիվների նկարագիրն ըստ սուբյեկտների

Գործադիր տնօրեն՝ __________ Գլխավոր հաշվապահ՝ ________

Հավելված 2

ՀԱՇՎԵՏՎՈՒԹՅՈՒՆ ԵՐԱՇԽԱՎՈՐՄԱՆ ՖՈՆԴԻ ՄՈՒՏՔԵՐԻ ԵՎ ԵԼՔԵՐԻ ՎԵՐԱԲԵՐՅԱԼ (ԹԻՎ 2)

(հազար դրամ)

Գործադիր տնօրեն՝ __________ Գլխավոր հաշվապահ՝ ________

Հավելված 3

ՀԱՇՎԵՏՎՈՒԹՅՈՒՆ ՀԱՅՏԵՐԻ, ՀԱՏՈՒՑՈՒՄՆԵՐԻ ԵՎ ՀԵՏԱԴԱՐՁ ՊԱՀԱՆՋԻ ԻՐԱՎՈՒՆՔԻ ԳԾՈՎ ՀԱՅՑԵՐԻ ՎԵՐԱԲԵՐՅԱԼ (ԹԻՎ 3)

Աղյուսակ 1. Հատուցման հայտերի քանակի վերաբերյալ

Աղյուսակ 2. Հատուցումների վերաբերյալ

(հազար դրամ)

Աղյուսակ 3. Հատուցումների վերաբերյալ` ըստ վնասը պատճառող սուբյեկտների

Աղյուսակ 4. Հետադարձ պահանջի իրավունքի գծով հայցերի վերաբերյալ

Աղյուսակ 5. Հետադարձ պահանջի իրավունքի գծով պահանջների վերաբերյալ

Գործադիր տնօրեն՝ __________ Գլխավոր հաշվապահ՝ ________

Հավելված 4

ՀԱՇՎԵՏՎՈՒԹՅՈՒՆ ԲՅՈՒՐՈՅԻ ԵԿԱՄՈՒՏՆԵՐԻ ԵՎ ԾԱԽՍԵՐԻ ՎԵՐԱԲԵՐՅԱԼ (ԹԻՎ 4)

(հազար դրամ)

Գործադիր տնօրեն՝ __________ Գլխավոր հաշվապահ՝ ________

Հավելված 5

ՀԱՇՎԵՏՎՈՒԹՅՈՒՆ ԲՅՈՒՐՈՅԻ ԿՈՂՄԻՑ ՀԱՅՏՆԱԲԵՐՎԱԾ ԽԱԽՏՈՒՄՆԵՐԻ ԵՎ ԿԻՐԱՌՎԱԾ ՊԱՏԱՍԽԱՆԱՏՎՈՒԹՅԱՆ ՄԻՋՈՑՆԵՐԻ ՎԵՐԱԲԵՐՅԱԼ (ԹԻՎ 5)

Ամսաթիվ` _____________

__________________________________________ Բյուրոյի գործադիր տնօրեն __________________________________________ Վերահսկող ծառայության ղեկավար

Հավելված 6

ՀԱՇՎԵՏՎՈՒԹՅՈՒՆ ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻ ՄԻԱՍՆԱԿԱՆ ՊԱՏՈՒՀԱՆԻ ԾԱՌԱՅՈՒԹՅԱՆ ԴԻՄԱՑ ՎՃԱՐՆԵՐԻ ՎԵՐԱԲԵՐՅԱԼ (ԹԻՎ 7)

(հազար դրամ)

Գործադիր տնօրեն՝ __________ Գլխավոր հաշվապահ՝ ________

Հավելված 7

ՀԱՇՎԵՏՎՈՒԹՅՈՒՆ ԿՐԿՆԱԿԻ ՓՈՐՁԱՔՆՆՈՒԹՅՈՒՆՆԵՐԻ ՎԵՐԱԲԵՐՅԱԼ (ԹԻՎ 8)

Գործադիր տնօրեն՝ __________ Գլխավոր հաշվապահ՝ ________       »։