«Գրանցված է»

ՀՀ արդարադատության

նախարարության կողմից

29 հունիսի 2011 թ.

Պետական գրանցման թիվ 05011300

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 Ո Ր Ո Շ ՈՒ Մ

Հաշվի առնելով

այն հանգամանքը, որ օրենքով Հայաստանի Հանրապետության կենտրոնական բանկի առջև դրված կարևորագույն խնդիրներից մեկը արժեթղթերի շուկայում ներդրողների պաշտպանության, արժեթղթերի արդար գնագոյացման համակարգի ձևավորման ու պահպանման, արժեթղթերի արդար, թափանցիկ և վստահելի շուկայի կանոնակարգված և բնականոն գործունեության և զարգացման համար անհրաժեշտ պայմանների, ինչպես նաև ֆինանսական համակարգում ներդրողների իրավունքների և օրինական շահերի պաշտպանության ապահովումն է,
այն, որ ներդրումային ֆոնդի կառավարիչների գործունեությունն անմիջականորեն առնչվում է հասարակությունից հրապարակայնորեն ներգրավված միջոցների հետ, որոնց արդյունավետ կառավարման մեջ մեծ է ներդրումային ֆոնդի կառավարիչների դերը,

այն հանգամանքը, որ ներդրումային ֆոնդի ոչ պատշաճ կառավարումը կարող է հանգեցնել ֆոնդի ակտիվների կորստին` վնասելով ներդրողների շահերը և անվստահության մթնոլորտ ձևավորելով ինչպես արժեթղթերի շուկայի, այնպես էլ ողջ ֆինանսական համակարգի նկատմամբ,

այն հանգամանքը, որ ներդրումային ֆոնդի կառավարիչների կողմից ներդրումային ֆոնդերի կառավարում իրականացնելու համար պահանջվում է այդ կազմակերպությունների լիցենզավորում, որի միջոցով հնարավոր է լինում ֆինանսական շուկա մուտք գործելու թույլտվություն տրամադրել միայն համապատասխան ֆինանսական, տեխնիկական և կազմակերպակառուցվածքային պահանջներին բավարարող, մասնագիտական բարձր մակարդակով և ֆիդուցիար պարտականություններ գիտակցող կազմակերպություններին, որոնք ունեն իրենց ապագա գործողությունների հստակ և իրատեսական պլան և լիովին գիտակցում են իրենց առջև դրված խնդիրների լուծման ուղիները,

այն, որ ներդրումային ֆոնդի կառավարչի կանոնադրական կապիտալում նշանակալից մասնակցության ձեռքբերմումը, այդ թվում` օրենքով սահմանված չափերով այդպիսի մասնակցության ավելացումը, հանգեցնում է ներդրումային ֆոնդի կառավարչի գործունեությունը կանխորոշելուն և դրա վրա ազդեցություն գործելուն, որի համար Հայաստանի Հանրապետության կենտրոնական բանկի նախնական համաձայնության տրամադրումը հիմնվում է այդպիսի մասնակցություն ձեռք բերելու մտադրություն ունեցող անձի կողմից Հայաստանի Հանրապետության կենտրոնական բանկ ներկայացված այնպիսի տեղեկությունների և փաստաթղթերի վրա, որոնց միջոցով կհիմնավորվի, որ մասնակցության ձեռքբերման համար ներդրվում են օրինական ծագման միջոցներ, մասնակցությունը չի հանգեցնում ֆոնդերի կառավարման ոլորտում ազատ մրցակցության սահմանափակմանը, և որ նշանակալից մասնակցություն ձեռք բերող անձը կամ իր հետ փոխկապակցված անձը ներդրումային ֆոնդի կառավարչի կառավարման մարմնում որոշումներ կայացնելիս իր ձայնի իրավունքով վտանգի տակ չի դնի ներդրումային ֆոնդի կառավարչի ֆինանսական վիճակը, չի վնասի կազմակերության հեղինակությանը և գործարար համբավին,

և այն, որ Հայաստանի Հանրապետության կենտրոնական բանկը պետք է ունենա բավարար տեղեկատվություն` ներդրումային ֆոնդի կառավարիչների գրանցման և լիցենզավորման մասին որոշում կայացնելու համար, որպեսզի հնարավորինս ապահովի ներդրողների շահերի պաշտպանության խնդիրը,

նպատակ ունենալով

սահմանել հիմնադիրների կողմից ներկայացվող այն տեղեկությունների ցանկը, որոնք բավարար հիմք կտան ստեղծվելիք կազմակերպության մասին պատկերացում կազմելու և օրենքի պահանջներին համապատասխան այն լիցենզավորելու համար,

կառավարչի ընթացիկ գործունեության վերահսկողության իրականացման համար սահմանել այն անհրաժեշտ տեղեկությունների ցանկը, որոնք կազմակերպությունը պետք է ներկայացնի` Հայաստանի Հանրապետության կենտրոնական բանկում գրանցելու համար,

և հիմք ընդունելով «Ներդրումային ‎ֆ‎ոնդերի մասին» Հայաստանի Հանրապետության օրենքի 53-րդ հոդվածի 5-րդ մասը, 54-րդ հոդվածի 1-ին, 2-րդ, 4-րդ և 5-րդ մասերը, 55-րդ հոդվածի 3-րդ մասը, 56-րդ հոդվածի 1-ին մասի 10-րդ կետը, 57-րդ հոդվածի 2-րդ մասը, 58-րդ հոդվածի 1-ին մասի 10-րդ կետը, 3-րդ և 4-րդ մասերը, 60-րդ հոդվածի 2-րդ մասը, 61-րդ հոդվածի 1-ին մասի 4-րդ կետը և 4-րդ մասը, 62-րդ հոդվածը, 66-րդ հոդվածի 1-ին մասը, «Կուտակային կենսաթոշակների մասին» Հայաստանի Հանրապետության օրենքի 42-րդ հոդվածի 3-րդ մասը, ինչպես նաև ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասով՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Ներդրումային ֆոնդի կառավարիչների և օտարերկրյա ներդրումային ֆոնդի կառավարչի մասնաճյուղերի գրանցումն ու լիցենզավորումը, ներդրումային ֆոնդի կառավարչի մասնաճյուղերի, ինչպես նաև ներդրումային ֆոնդի կառավարչի և օտարերկրյա նեդրումային ֆոնդի կառավարչի ներկայացուցչությունների գրանցումը, ներդրումային ընկերությունների վերագրանցումը և վերալիցեզավորումը` որպես ներդրումային ֆոնդի կառավարիչ, ներդրումային ֆոնդի կառավարչի կանոնադրական կապիտալում նշանակալից մասնակցություն ձեռք բերելը, ներդրումային ֆոնդի կառավարիչների, դրանց մասնաճյուղերի և օտարերկրյա ներդրումային ֆոնդի կառավարչի մասնաճյուղերի կողմից գործարար ծրագրի, դրա փոփոխությունների և դրա իրականացման վերաբերյալ հաշվետվությունների ներկայացման կարգը, ձևը և ժամկետները» կանոնակարգ 10/01-ը` համաձայն Հավելվածի (կցվում է):

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 «ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐԻՉՆԵՐԻ ԵՎ ՕՏԱՐԵՐԿՐՅԱ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ՄԱՍՆԱՃՅՈՒՂԵՐԻ ԳՐԱՆՑՈՒՄՆ ՈՒ ԼԻՑԵՆԶԱՎՈՐՈՒՄԸ, ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ՄԱՍՆԱՃՅՈՒՂԵՐԻ, ԻՆՉՊԵՍ ՆԱԵՎ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ԵՎ ՕՏԱՐԵՐԿՐՅԱ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ, ՆԵՐԴՐՈՒՄԱՅԻՆ ԸՆԿԵՐՈՒԹՅՈՒՆՆԵՐԻ ՎԵՐԱԳՐԱՆՑՈՒՄԸ ԵՎ ՎԵՐԱԼԻՑԵՆԶԱՎՈՐՈՒՄԸ` ՈՐՊԵՍ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐԻՉ, ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՁԵՌՔ ԲԵՐԵԼԸ, ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐԻՉՆԵՐԻ, ԴՐԱՆՑ ՄԱՍՆԱՃՅՈՒՂԵՐԻ ԵՎ ՕՏԱՐԵՐԿՐՅԱ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ՄԱՍՆԱՃՅՈՒՂԵՐԻ ԿՈՂՄԻՑ ԳՈՐԾԱՐԱՐ ԾՐԱԳՐԻ, ԴՐԱ ՓՈՓՈԽՈՒԹՅՈՒՆՆԵՐԻ ԵՎ ԴՐԱ ԻՐԱԿԱՆԱՑՄԱՆ ՎԵՐԱԲԵՐՅԱԼ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ»

ԿԱՆՈՆԱԿԱՐԳ 10/01

Բ Ա Ժ Ի Ն  1

ԸՆԴՀԱՆՈՒՐ ԴՐՈՒՅԹՆԵՐ

Գ Լ ՈՒ Խ  1

ԿԱՐԳԱՎՈՐՄԱՆ ԱՌԱՐԿԱՆ

1. Սույն կանոնակարգով կարգավորվում են Հայաստանի Հանրապետության տարածքում ներդրումային ֆոնդի (այսուհետ` ֆոնդ) կառավարչի (այսուհետ` կառավարիչ) և օտարերկրյա կառավարչի մասնաճյուղերի գրանցման ու լիցենզավորման, կառավարչի մասնաճյուղերի և ներկայացուցչությունների գրանցման, կառավարչի` Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելուն համաձայնություն տալու, օտարերկրյա կառավարչի կողմից Հայաստանի Հանրապետության տարածքում ներկայացուցչությունների գրանցման, ներդրումային ընկերությունների` որպես կառավարիչ վերալիցենզավորման և վերագրանցման, կառավարչի կանոնադրական կապիտալում նշանակալից մասնակցություն ձեռք բերելու համար նախնական համաձայնություն ստանալու, կառավարչի, նրա մասնաճյուղի և օտարերկրյա կառավարչի մասնաճյուղի կողմից գործարար ծրագրի, դրանում կատարվող փոփոխությունների և դրանց իրականացման վերաբերյալ հաշվետվությունների ներկայացման, կառավարչին վերաբերող փոփոխությունների գրանցման, կառավարչի գործունեության տարածքի և տեխնիկական հագեցվածության, ինչպես նաև դրանց հետ կապված և Հայաստանի Հանրապետության կենտրոնական բանկի (այսուհետ` Կենտրոնական բանկ) իրավասությանը վերապահված այլ հարաբերությունները:

2. Սույն կանոնակարգով կառավարչի համար սահմանված դրույթները տարածվում են նաև օտարերկրյա կառավարչի` Հայաստանի Հանրապետության տարածքում ստեղծված մասնաճյուղերի վրա, բացառությամբ այն դեպքերի, երբ այլ բան է սահմանված սույն կանոնակարգով, կամ կոնկրետ դրույթի էությունից բխում է, որ խոսքը չի կարող վերաբերել օտարերկրյա կառավարչի` Հայաստանի Հանրապետության տարածքում ստեղծված մասնաճյուղին:

Գ Լ ՈՒ Խ  2

ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

3. Սույն կանոնակարգում օգտագործվող հասկացություններն ունեն հետևյալ նշանակությունը.

1) Օրենք` «Ներդրումային ֆոնդերի մասին» Հայաստանի Հանրապետության օրենք,

2) ծառայություն (ծառայություններ)` Օրենքի 52-րդ հոդվածի 3-րդ և (կամ) 4-րդ կամ 4-րդ և 5-րդ մասերով նախատեսված ծառայություն (ծառայություններ),

3) ներդրումային ընկերություն` «Արժեթղթերի շուկայի մասին» Հայաստանի Հանրապետության օրենքի 25-րդ հոդվածի 1-ին մասի 5-րդ կետով սահմանված արժեթղթերի փաթեթի կառավարում իրականացնող ներդրումային ընկերություն,

4) ֆինանսական կազմակերպություն` բանկ, վարկային կազմակերպություն, ապահովագրական ընկերություն, ներդրումային ընկերություն, կառավարիչ, ինչպես նաև Հայաստանի Հանրապետության օրենքների և (կամ) այլ իրավական ակտերի համաձայն, ֆինանսական կազմակերպություն համարվող այլ անձինք,

5) ղեկավար` Օրենքի 65-րդ հոդվածի համաձայն` կառավարչի ղեկավար համարվող անձ,

6) Կանոնակարգ 10/05` Կենտրոնական բանկի խորհրդի 2011 թվականի մայիսի 2-ի թիվ 115-Ն որոշմամբ հաստատված «Ներդրումային ֆոնդի կառավարիչների և պահառուների ղեկավարների ու ներդրումային ֆոնդի կառավարման գործունեություն իրականացնող և ներդրումային ֆոնդի պահառություն իրականացնող ֆիզիկական անձանց որակավորումը, նրանց մասնագիտական համապատասխանության չափանիշներն ու մասնագիտական որակավորման ստուգման թեմաների ցանկը» Կանոնակարգ 10/05,

7) օտարերկրյա կառավարչի մասնաճյուղ` օտարերկրյա կառավարչի` Հայաստանի Հանրապետության տարածքում ստեղծված մասնաճյուղ,

8) գործունեության կանոններ` կառավարչի ղեկավարների և աշխատակիցների գործունեությունը կարգավորող` Օրենքի 68-րդ հոդվածի 1-ին մասի 6-րդ կետով նախատեսված ընթացակարգերը ներառող ներքին կանոններ և կանոնակարգեր:

4. Սույն կանոնակարգում օգտագործված այլ հասկացություններն ունեն «Ներդրումային ֆոնդերի մասին» և «Կուտակային կենսաթոշակների մասին» Հայաստանի Հանրապետության օրենքներում կիրառվող նշանակությունը:

Բ Ա Ժ Ի Ն  2

ԼԻՑԵՆԶԱՎՈՐՈՒՄ ԵՎ ԳՐԱՆՑՈՒՄ

Գ Լ ՈՒ Խ  3

ԿԱՌԱՎԱՐՉԻ ԳՐԱՆՑՄԱՆ ԵՎ ԼԻՑԵՆԶԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

5. Կառավարչի գրանցման և լիցենզավորման համար Կենտրոնական բանկ են ներկայացվում հետևյալ փաստաթղթերը.

1) օրենքի 54-րդ հոդվածի 2-րդ մասով պահանջվող բոլոր փաստաթղթերը, ընդ որում,

ա. գրանցման և լիցենզիա տրամադրելու միջնորդագիրը ներկայացվում է համաձայն սույն կանոնակարգի Հավելված 1-ի (օտարերկրյա կառավարչի մասնաճյուղի դեպքում՝ համաձայն Հավելված 2-ի),

բ. ծառայության (ծառայությունների) մատուցման թույլտվություն ստանալու միջնորդագիրը ներկայացվում է համաձայն սույն կանոնակարգի Հավելված 3-ի,

գ. գործարար ծրագիրը (այսուհետ` ծրագիր) ներկայացվում է համաձայն սույն կանոնակարգի 11-րդ գլխի,

դ. կանոնադրության թերթերը պետք է լինեն համարակալված և թելակարված, ընդ որում, վերջին թերթի հետնամասում` կարի վրա, պետք է փակցված լինի պիտակ` համաձայն սույն կանոնակարգի Հավելված 6-ի,

ե. կառավարչի հիմնադիրների վերաբերյալ տեղեկությունները ներկայացվում են համաձայն սույն կանոնակարգի Հավելված 7-ի,

զ. ղեկավարների և կառավարչի կազմում կամ անունից ֆոնդի կառավարման գործունեություն իրականացնող աշխատողների վերաբերյալ Կանոնակարգ 10/05-ով նախատեսված տեղեկությունները միջնորդագրի տեսքով ներկայացվում են համաձայն սույն կանոնակարգի Հավելված 5-ի,

է. կառավարչի կազմում կամ անունից ֆոնդի կառավարման գործունեություն իրականացնող աշխատողների ցուցակը և նրանց մասնագիտական որակավորումը հավաստող փաստաթղթերի պատճենները ներկայացվում են համաձայն Կանոնակարգ 10/05-ի,

ը. կառավարչի կանոնադրական կապիտալում նշանակալից մասնակցություն ունեցող անձանց նշանակալից մասնակցության նախնական համաձայնություն ստանալու միջնորդագիրը և կից փաստաթղթերը ներկայացվում են համաձայն սույն կանոնակարգի 3-րդ բաժնի,

2) Կառավարչի տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը (համապատասխան առանձնացված տարածքի նկատմամբ իրավունքներ ունեցող անձի՝ կառավարչի գրանցման և լիցենզավորման դեպքում տարածքը նրան անհատույց օգտագործման, վարձակալությամբ (ենթավարձակալությամբ) կամ ի սեփականություն հանձնելու վերաբերյալ պարտավորությունը ամրագրող փաստաթուղթ): Ենթավարձակալության դեպքում ներկայացվում է նաև հիմնական վարձակալության պայմանագրի պատճենը,

3) կառավարչի գործունեության տարածքը և տեխնիկական հագեցվածությունը Կենտրոնական բանկի սահմանած չափանիշներին համապատասխանելու մասին հայտարարություն` համաձայն սույն կանոնակարգի Հավելված 15-ի,

4) ղեկավարների և կառավարչի կազմում կամ անունից ֆոնդի կառավարման գործունեություն իրականացնող աշխատողների գրանցման համար պահանջվող այլ փաստաթղթերը՝ համաձայն Կանոնակարգ 10/05-ի,

5) կառավարչին խորհրդատվություն տրամադրող անձանց վերաբերյալ տեղեկությունները` համաձայն սույն կանոնակարգի Հավելված 4-ի (առկայության դեպքում),

6) փոստային հասցեն, որով կառավարչի անունից հանդես եկող իրավասու անձինք համաձայն կլինեն ստանալ կառավարչին վերաբերող փաստաթղթերը,

7) եթե միջնորդագիր ներկայացնող անձը հանդես է գալիս ներկայացուցչի միջոցով, ապա ներկայացվում է նաև նրան Հայաստանի Հանրապետության օրենսդրությամբ սահմանված կարգով տրված լիազորագիրը,

8) օտարերկրյա կառավարչի մասնաճյուղի լիցենզավորման դեպքում նաև՝

ա. Հայաստանի Հանրապետությունում մասնաճյուղ ստեղծելու վերաբերյալ օտարերկրյա կառավարչի կառավարման համապատասխան մարմնի որոշումը,

բ. իր մայր ընկերության` ֆոնդի կառավարման առնվազն մեկ տարվա փորձ ունենալու փաստը հավաստող փաստաթուղթ (նաև պարտադիր կենսաթոշակային ֆոնդի կառավարման թույլտվություն հայցելու դեպքում),

գ. օտարերկրյա կառավարչի գրանցման վկայականի, կանոնադրության կամ այլ հիմնադիր փաստաթղթերի պատճենները և դրանց` նոտարական կարգով վավերացված հայերեն թարգմանությունները (որոնց վրա դրված նոտարի ստորագրության և կնիքի իսկությունը հաստատված է դիվանագիտական կամ հյուպատոսական կարգով կամ ապոստիլով),

դ. օտարերկրյա կառավարչի` իր գրանցման երկրի իրավասու մարմնի կողմից տրված ֆոնդի կառավարման գործունեությամբ զբաղվելու թույլտվությունը հավաստող փաստաթղթի պատճենը և դրա` նոտարական կարգով վավերացված հայերեն թարգմանությունը (որի վրա դրված նոտարի ստորագրության և կնիքի իսկությունը հաստատված է դիվանագիտական կամ հյուպատոսական կարգով կամ ապոստիլով), ինչպես նաև այդ իրավասու մարմնի թույլտվությունը կամ չառարկելու մասին որոշումը կամ այլ փաստաթուղթը Հայաստանի Հանրապետության տարածքում մասնաճյուղ ստեղծելու վերաբերյալ (այդ երկրի օրենսդրությամբ նման պահանջ սահմանված լինելու դեպքում),

ե. օտարերկրյա կառավարչի վերջին երեք տարիների միջազգային հաշվապահական հաշվառման ստանդարտներին համապատասխան կազմված ֆինանսական հաշվետվությունները և դրանց վերաբերյալ անկախ աուդիտորական եզրակացությունները:

6. Եթե սույն կանոնակարգի 5-րդ կետով նախատեսված կարգով կառավարչի գրանցման և լիցենզավորման ժամանակ ներկայացվել է համապատասխան առանձնացված տարածքի նկատմամբ իրավունքներ ունեցող անձի՝ կառավարչի գրանցման և լիցենզավորման դեպքում տարածքը նրան անհատույց օգտագործման, վարձակալությամբ (ենթավարձակալությամբ) կամ ի սեփականություն հանձնելու վերաբերյալ պարտավորությունը ամրագրող փաստաթուղթ, կառավարիչը սահմանված կարգով գրանցվելուց և լիցենզավորվելուց հետո` եռամսյա ժամկետում, Կենտրոնական բանկ է ներկայացնում տվյալ տարածքի իր սեփականության իրավունքի գրանցման վկայականի պատճենը կամ նոտարական կարգով վավերացված վարձակալության (ենթավարձակալության) կամ անհատույց օգտագործման պայմանագրի պատճենը և վարձակալության (ենթավարձակալության) կամ անհատույց օգտագործման իրավունքի գրանցման վկայականի պատճենը: Ենթավարձակալության պայմանագրի դեպքում ներկայացվում է նաև հիմնական վարձակալության պայմանագրի պատճենը:

Գ Լ ՈՒ Խ  4

ԳՈՐԾՈՂ ԿԱՌԱՎԱՐՉԻ ԿՈՂՄԻՑ ԾԱՌԱՅՈՒԹՅԱՆ (ԾԱՌԱՅՈՒԹՅՈՒՆՆԵՐԻ) ՄԱՏՈՒՑՄԱՆ ԹՈՒՅԼՏՎՈՒԹՅԱՆ ՍՏԱՑՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

7. Գործող կառավարիչը ծառայության (ծառայությունների) մատուցման թույլտվություն ստանալու համար Կենտրոնական բանկ է ներկայացնում.

1) Օրենքի 54-րդ հոդվածի 5-րդ մասով սահմանված բոլոր փաստաթղթերը, ընդ որում,

ա. համապատասխան ծառայության (ծառայությունների) մատուցման թույլտվություն ստանալու միջնորդագիրը վավերացվում է կառավարչի իրավասու կառավարման մարմնի կողմից և ներկայացվում՝ համաձայն սույն կանոնակարգի Հավելված 3-ի,

բ. կառավարչի ծրագրում, կանոնադրության մեջ և գործունեության կանոններում կատարված փոփոխությունները ներկայացվում են համաձայն սույն կանոնակարգի համապատասխանաբար 11-րդ և 12-րդ գլուխների,

2) Կենտրոնական բանկի կողմից իրեն տրված լիցենզիան` վերաձևակերպելու նպատակով:

Գ Լ ՈՒ Խ  5

ՆԵՐԴՐՈՒՄԱՅԻՆ ԸՆԿԵՐՈՒԹՅՈՒՆՆԵՐԻ` ՈՐՊԵՍ ԿԱՌԱՎԱՐԻՉ ՎԵՐԱԳՐԱՆՑՄԱՆ ՈՒ ՎԵՐԱԼԻՑԵՆԶԱՎՈՐՄԱՆ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ

8. Ներդրումային ընկերության` որպես կառավարիչ վերագրանցման և վերալիցենզավորման համար Կենտրոնական բանկ են ներկայացվում.

1) Օրենքի 57-րդ հոդվածի 2-րդ մասով պահանջվող բոլոր փաստաթղթերը` ընդ որում,

ա. վերագրանցման և վերալիցենզավորման միջնորդագիրը վավերացվում է ներդրումային ընկերության իրավասու կառավարման մարմնի կողմից և ներկայացվում` համաձայն սույն կանոնակարգի Հավելված 8-ի,

բ. ծառայության (ծառայությունների) մատուցման թույլտվություն ստանալու միջնորդագիրը վավերացվում է ներդրումային ընկերության իրավասու կառավարման մարմնի կողմից և ներկայացվում համաձայն սույն կանոնակարգի Հավելված 3-ի,

գ. լիցենզիան ուժը կորցրած ճանաչելու մասին միջնորդագիրը վավերացվում է ներդրումային ընկերության իրավասու կառավարման մարմնի կողմից և ներկայացվում համաձայն սույն կանոնակարգի Հավելված 9-ի,

դ. ծրագիրը ներկայացվում է համաձայն սույն կանոնակարգի 11-րդ գլխի,

ե. կանոնադրության մեջ փոփոխությունները ներկայացվում են` համաձայն սույն կանոնակարգի 12-րդ գլխի,

2) Կանոնակարգ 10/05-ի համաձայն` ֆոնդի կառավարչի անունից կամ կազմում ֆոնդի կառավարման գործունեություն իրականացնող աշխատողների ցուցակը և նրանց մասնագիտական որակավորումը հավաստող փաստաթղթերի պատճենները,

3) կառավարչի ղեկավարների և ֆոնդի կառավարչի անունից կամ կազմում ֆոնդի կառավարման գործունեություն իրականացնող աշխատողների վերաբերյալ տեղեկությունները միջնորդագրի տեսքով` համաձայն սույն կանոնակարգի Հավելված 5-ի, և նրանց գրանցման համար Կանոնակարգ 10/05-ով պահանջվող այլ փաստաթղթեր,

4) ստեղծվող կառավարչի գործունեության տարածքը և տեխնիկական հագեցվածությունը Կենտրոնական բանկի սահմանած չափանիշներին համապատասխանելու մասին հայտարարությունը` համաձայն սույն կանոնակարգի Հավելված 15-ի,

5) կառավարչի կանոնադրական կապիտալում նշանակալից մասնակցության ձեռքբերմանը նախնական համաձայնություն ստանալու միջնորդագիրը և կից փաստաթղթերը` համաձայն սույն կանոնակարգի 3-րդ բաժնի (այն անձանց համար, ովքեր ներդրումային ընկերության կանոնադրական կապիտալում նշանակալից մասնակցության ձեռքբերման համար չեն ստացել Կենտրոնական բանկի նախնական համաձայնությունը կամ թեև ստացել են, բայց մտադրություն ունեն ավելացնել այդ մասնակցությունը «Արժեթղթերի շուկայի մասին» Հայաստանի Հանրապետության օրենքի 54-րդ հոդվածի 1-ին մասով սահմանված չափերով):

Գ Լ ՈՒ Խ  6

ՕՏԱՐԵՐԿՐՅԱ ԿԱՌԱՎԱՐՉԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՍՏԵՂԾՎՈՂ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՈՒՄԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԿԱՌԱՎԱՐՉԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԱՍՆԱՃՅՈՒՂԻ ԵՎ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՈՒՄԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԿԱՌԱՎԱՐՉԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԴՈՒՐՍ ՄԱՍՆԱՃՅՈՒՂ ԿԱՄ ՆԵՐԿԱՅԱՑՈՒՑՉՈՒԹՅՈՒՆ ՍՏԵՂԾԵԼԸ, ՄԱՍՆԱՃՅՈՒՂԵՐԻ ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ԴԱԴԱՐԵՑՄԱՆ (ՆԵՐԱՌՅԱԼ ԺԱՄԱՆԱԿԱՎՈՐ ԴԱԴԱՐԵՑՄԱՆ) ԿԱՐԳԸ ԵՎ ՊԱՅՄԱՆՆԵՐԸ

9. Օտարերկրյա կառավարչի՝ Հայաստանի Հանրապետության տարածքում ստեղծվող ներկայացուցչության գրանցման և Հայաստանի Հանրապետության տարածքում գործող կառավարչի՝ Հայաստանի Հանրապետությունում մասնաճյուղի և ներկայացուցչության գրանցման, ինչպես նաև Հայաստանի Հանրապետության տարածքում գործող կառավարչի կողմից Հայաստանի Հանրապետության տարածքից դուրս մասնաճյուղ կամ ներկայացուցչություն ստեղծելու համար նախնական համաձայնության ստացման, մասնաճյուղերի և ներկայացուցչությունների գործունեության դադարեցման (ներառյալ ժամանակավոր դադարեցման) հետ կապված հարաբերությունների նկատմամբ կիրառվում են Կենտրոնական բանկի խորհրդի 2008 թվականի հունվարի 15-ի ««Ներդրումային ընկերությունների գրանցումն ու լիցենզավորումը, ներդրումային ընկերություների և օտարերկրյա ներդրումային ընկերությունների մասնաճյուղերի և ներկայացուցչությունների գրանցումը, ներդրումային ընկերությունների կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, նրանց կողմից ներկայացվող գործարար ծրագրի ներկայացման կարգը, ձևը և ժամկետները» Կանոնակարգ 4/01-ը հաստատելու մասին» թիվ 16-Ն որոշմամբ հաստատված «Ներդրումային ընկերությունների գրանցումն ու լիցենզավորումը, ներդրումային ընկերություների և օտարերկրյա ներդրումային ընկերությունների մասնաճյուղերի և ներկայացուցչությունների գրանցումը, ներդրումային ընկերությունների կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, նրանց կողմից ներկայացվող գործարար ծրագրի ներկայացման կարգը, ձևը և ժամկետները» Կանոնակարգ 4/01-ի (այսուհետ՝ Կանոնակարգ 4/01) համապատասխան դրույթները` «ներդրումային ընկերության» և «ներդրումային ծառայությունների» փոխարեն հասկանալով և համապատասխան փաստաթղթերում լրացնելով համապատասխանաբար «ներդրումային ֆոնդի կառավարիչ» և «ներդրումային ֆոնդի կառավարում» (ըստ կիրառելիության): Ընդ որում, ծրագրին, փոփոխությունների գրանցմանը և գործունեության տարածքին և տեխնիկական հագեցվածությանը վերաբերող դրույթների նկատմամբ կիրառվում են համապատասխանաբար սույն կանոնակարգի 11-րդ, 12-րդ և 13-րդ գլուխներով սահմանված պահանջները:

Գ Լ ՈՒ Խ  7

ՕՏԱՐԵՐԿՐՅԱ ԿԱՌԱՎԱՐՉԻ ՄԱՍՆԱՃՅՈՒՂԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՖՈՆԴԵՐԻ ԿԱՌԱՎԱՐՄԱՆ ՀԱՄԱՐ ԼՐԱՑՈՒՑԻՉ ՊԱՅՄԱՆՆԵՐԸ

10. Օտարերկրյա կառավարչի մասնաճյուղերը կարող են գրանցվել և լիցենզավորվել Հայաստանի Հանրապետության տարածքում, եթե տվյալ կառավարչի գրանցման կամ հիմնական գործունեության վայրի երկրում կառավարիչների գործունեությունը կարգավորող և վերահսկող իրավասու պետական մարմնի կողմից դրանց նկատմամբ սահմանված կարգավորումը և վերահսկողությունը Կենտրոնական բանկի հիմնավոր կարծիքով ավելի մեղմ չէ, քան Հայաստանի Հանրապետությունում կառավարիչների համար սահմանված կարգավորումն ու վերահսկողությունը:

11. Օտարերկրյա կառավարչի մասնաճյուղերը կարող են ստանալ Հայաստանի Հանրապետության տարածքում Օրենքի 52-րդ հոդվածի 3-րդ մասով նախատեսված պարտադիր կենսաթոշակային ֆոնդի կառավարման թույլտվություն, եթե տվյալ օտարերկրյա կառավարիչը ունի ֆոնդի կառավարման առնվազն մեկ տարվա փորձ:

Բ Ա Ժ Ի Ն  3

ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ

Գ Լ ՈՒ Խ  8

ԿԱՌԱՎԱՐՉԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՆԱԽՆԱԿԱՆ ՀԱՄԱՁԱՅՆՈՒԹՅՈՒՆ ՍՏԱՆԱԼՈՒ ԿԱՐԳԸ, ԱՆՁԻ ԿՈՂՄԻՑ ՆՇԱՆԱԿԱԼԻՑ ՄԱՍՆԱԿՑՈՒԹՅԱՆ ՁԵՌՔԲԵՐՄԱՆ ԿԱՄ ՄԱՍՆԱԿՑՈՒԹՅՈՒՆՆ ԱՎԵԼԱՑՆԵԼՈՒ, ՆՇԱՆԱԿԱԼԻՑ ՄԱՍՆԱԿՑԻ ԿՈՂՄԻՑ ՁԵՌՔԲԵՐՎԱԾ ԲԱԺՆԵՏՈՄՍԵՐԻ (ԲԱԺՆԵՄԱՍԵՐԻ) ՕՏԱՐՄԱՆ ՄԱՍԻՆ ԿԵՆՏՐՈՆԱԿԱՆ ԲԱՆԿԻՆ ՏԵՂԵԿԱՑՆԵԼՈՒ ԿԱՐԳԸ

12. Կառավարչի կանոնադրական կապիտալում նշանակալից մասնակցության նախնական համաձայնություն ստանալու համար փաստաթղթերի (այդ թվում՝ անուղղակի նշանակալից մասնակցություն ձեռք բերող անձանց կողմից ներկայացվող փաստաթղթերի ու տեղեկությունների) ներկայացման, նշանակալից մասնակցության ձեռքբերմանը համաձայնության տալու, անձի կողմից նշանակալից մասնակցության ձեռքբերման կամ մասնակցությունն ավելացնելու, նշանակալից մասնակցի կողմից ձեռք բերված բաժնետոմսերի (բաժնեմասերի) օտարման մասին Կենտրոնական բանկին տեղեկացնելու հետ կապված հարաբերությունների նկատմամբ կիրառվում են Կանոնակարգ 4/01-ի համապատասխան դրույթները` «ներդրումային ընկերության» փոխարեն հասկանալով և համապատասխան փաստաթղթերում լրացնելով «ներդրումային ֆոնդի կառավարիչ»:

13. Վերագրանցվող և վերալիցենզավորվող ներդրումային ընկերության կանոնադրական կապիտալում նշանակալից մասնակցության ձեռքբերման համար Կենտրոնական բանկի նախնական համաձայնությունն ստացած անձինք համարվում են ստեղծվող կառավարչի կանոնադրական կապիտալում նշանակալից մասնակցություն ձեռք բերելու համաձայնություն ստացած` բացառությամբ այն դեպքերի, երբ կառավարչի կանոնադրական կապիտալում նրանց մասնակցությունն ավելանալու է «Արժեթղթերի շուկայի մասին» Հայաստանի Հանրապետության օրենքի 54-րդ հոդվածի 1-ին մասով սահմանված չափերով:

Բ Ա Ժ Ի Ն  4

ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ԿԱՌԱՎԱՐՉԻ ԼԻՑԵՆԶԱՎՈՐՈՒՄԸ ԵՎ ԳՐԱՆՑՈՒՄԸ

Գ Լ ՈՒ Խ  9

ԼԻՑԵՆԶԻԱՅԻ, ԳՐԱՆՑՄԱՆ ՎԿԱՅԱԿԱՆԻ ԵՎ ԴՐԱՆՑ ԿՐԿՆՕՐԻՆԱԿՆԵՐԻ ՏՐԱՄԱԴՐՈՒՄԸ

14. Կառավարչին լիցենզիա տրամադրելուց առաջ Կենտրոնական բանկի համապատասխան աշխատակիցները տեղում ստուգման արդյունքում համոզվում են, որ կառավարչի կողմից իրականացվելիք գործունեության համար նախատեսված տարածքը, տեխնիկական հագեցվածությունը, անվտանգությունը, ծրագրային միջոցների կիրառման պայմանները համապատասխանում են սույն կանոնակարգի 13-րդ գլխով սահմանված պահանջներին:

15. Օրենքի 52-րդ հոդվածի 3-րդ մասով նախատեսված պարտադիր կենսաթոշակային ֆոնդի կառավարման թույլտվությունը տրամադրվում է միայն, եթե գործող կառավարիչը (Հայաստանի Հանրապետության տարածքում դուստր կառավարիչ հիմնադրող Հայաստանի Հանրապետության ռեզիդենտ կամ օտարերկրյա մայր ընկերությունը, Հայաստանի Հանրապետության տարածքում մասնաճյուղ ստեղծող օտարերկրյա կառավարիչը) ունի ֆոնդի կառավարման առնվազն մեկ տարվա փորձ:

16. Կենտրոնական բանկի խորհրդի կողմից կառավարչի գրանցման և լիցենզիայի տրամադրման, ինչպես նաև ներդրումային ընկերությունը` որպես կառավարիչ վերագրանցելու և վերալիցենզավորելու մասին որոշում կայացվելու դեպքում Կենտրոնական բանկը, այդ որոշումը կայացվելու պահից` 5 աշխատանքային օրվա ընթացքում, կառավարչին է հանձնում կառավարչի գրանցման վկայականը՝ համաձայն սույն կանոնակարգի Հավելված 10-ի և լիցենզիան` համաձայն սույն կանոնակարգի Հավելված 11-ի: Ընդ որում, սույն կետով նախատեսված որոշման հետ միաժամանակ կառավարչին ծառայության (ծառայությունների) մատուցման թույլտվություն տրամադրվելու դեպքում լիցենզիայում նշվում է թույլատրված ծառայությունը (ծառայությունները): Ներդրումային ընկերությունը` որպես կառավարիչ վերագրանցելու և վերալիցենզավորելու դեպքում լիցենզիայում նշվում է նաև այն ծառայությունը (ծառայությունները), որի համար նախկինում ներդրումային ընկերությունն ստացել է լիցենզիա և որոնք իրավասու է իրականացնել որպես կառավարիչ:

17. Գործող կառավարչին լրացուցիչ ծառայության (ծառայությունների) մատուցման թույլտվություն տրամադրվելու դեպքում կառավարչին նախկինում տրված լիցենզիան վերաձևակերպվում է` դրանում նշելով նաև թույլատրված նոր ծառայությունը (ծառայությունները), և Կենտրոնական բանկի խորհրդի համապատասխան որոշումը կայացնելու պահից` 5 աշխատանքային օրվա ընթացքում, վերաձևակերպված լիցենզիան հանձնվում է կառավարչին:

18. Կառավարչին Օրենքի 52-րդ հոդվածի 3-րդ մասով նախատեսված պարտադիր կենսաթոշակային ֆոնդի կառավարման թույլտվություն տրամադրելու մասին որոշում կայացվելու դեպքում Կենտրոնական բանկը, համապատասխան որոշումը կայացվելուց հետո` 3 աշխատանքային օրվա ընթացքում, այդ մասին տեղեկացնում է մասնակիցների ռեեստրը վարողին:

19. Լիցենզիան և գրանցման վկայականը տրվում են մեկ օրինակով:

20. Կենտրոնական բանկը լիցենզավորված անձին լիցենզիան (ծառայության (ծառայությունների) մատուցման թույլտվությունը) տրամադրելիս ծանուցում է, որ կառավարիչների գործունեությունը կարգավորող իրավական ակտերի ցանկը գտնվում է Կենտրոնական բանկի պաշտոնական ինտերնետային կայքում: Սույն կետով սահմանված Կենտրոնական բանկի պարտավորության չկատարումը կառավարչին չի ազատում օրենքով սահմանված պատասխանատվությունից կամ սահմանափակում երրորդ անձանց նկատմամբ նրա պատասխանատվությունը:

21. Լիցենզիայի կամ գրանցման վկայականի կորստի (կորցնելու, հափշտակման կամ ոչնչացման) կամ օգտագործման համար ոչ պիտանի դառնալու (վնասվելու, պատռվելու, անընթեռնելի դառնալու և այլն) դեպքում կառավարիչը Կենտրոնական բանկ միջնորդագիր է ներկայացնում լիցենզիայի կրկնօրինակը ստանալու համար` կցելով լիցենզիայի և (կամ) գրանցման վկայականի կրկնօրինակը ստանալու համար պետական տուրքի վճարման անդորրագիրը, ինչպես նաև օգտագործման համար ոչ պիտանի դարձած լիցենզիան կամ գրանցման վկայականը (բացառությամբ կորստի դեպքերի):

22. Կենտրոնական բանկը կորած կամ օգտագործման համար ոչ պիտանի դարձած լիցենզիայի (գրանցման վկայականի) կրկնօրինակը տրամադրում է կառավարչին վերջինիս կողմից համապատասխան միջնորդագիրը Կենտրոնական բանկ ներկայացնելուց հետո` 10 աշխատանքային օրվա ընթացքում:

23. Կորած լիցենզիան (գրանցման վկայականը) գտնելու դեպքում կառավարիչը գտնված լիցենզիայի (գրանցման վկայականի) օրինակը վերադարձնում է Կենտրոնական բանկ:

24. Լիցենզիայի (գրանցման վկայականի) կրկնօրինակի վերին աջ անկյունում կատարվում է «Կրկնօրինակ» նշագրումը` անկախ լիցենզիայի կրկնօրինակը տրամադրելու հիմքից:

25. Լիցենզիայի (գրանցման վկայականի) կրկնօրինակի կորստի կամ օգտագործման համար ոչ պիտանի դառնալու դեպքում լիցենզիայի (գրանցման վկայականի) նոր կրկնօրինակը տրվում է սույն գլխով սահմանված կարգով:

Գ Լ ՈՒ Խ  10

ԼԻՑԵՆԶԻԱՅԻ ԵՎ ԳՐԱՆՑՄԱՆ ՎԿԱՅԱԿԱՆԻ ՎԵՐԱՁԵՎԱԿԵՐՊՈՒՄ

26. Լիցենզիայի (գրանցման վկայականի) վերաձևակերպման համար կառավարիչը Կենտրոնական բանկ է ներկայացնում վերաձևակերպման միջնորդագիր` կցելով համապատասխան փոփոխությունները հավաստող փաստաթղթերը և լիցենզիայի (գրանցման վկայականի) վերաձևակերպման համար պետական տուրքի վճարման անդորրագիրը: Լիցենզիայի վերաձևակերպումն իրականացվում է համապատասխան փոփոխությունները ներառող լիցենզիայի (գրանցման վկայականի) նոր օրինակը կառավարչին տրամադրելու միջոցով` վերաձևակերպման ենթակա լիցենզիան (գրանցման վկայականը) Կենտրոնական բանկ ներկայացնելու դեպքում:

27. Լիցենզիայի վերաձևակերպման կամ վերաձևակերպումը մերժելու մասին որոշումը կայացվում է համապատասխան միջնորդագիրը Կենտրոնական բանկ ներկայացնելուց հետո` 30 աշխատանքային օրվա ընթացքում:

Բ Ա Ժ Ի Ն  5

 ԼԻՑԵՆԶԱՎՈՐՄԱՆ ՀԵՏ ԿԱՊՎԱԾ ԱՅԼ ԴՐՈՒՅԹՆԵՐ

Գ Լ ՈՒ Խ  11

ԾՐԱԳԻՐԸ, ԴՐԱՆՈՒՄ ԿԱՏԱՐՎԱԾ ՓՈՓՈԽՈՒԹՅՈՒՆՆԵՐԸ, ԾՐԱԳՐԻ ԻՐԱԿԱՆԱՑՄԱՆ ՀԱՇՎԵՏՎՈՒԹՅՈՒՆԸ

28. Նոր ստեղծվող և գործող կառավարչի, օտարերկրյա կառավարչի մասնաճյուղի, ինչպես նաև Հայաստանի Հանրապետության տարածքում գործող կառավարչի մասնաճյուղի ծրագիրը ներկայացվում է Կենտրոնական բանկ առաջիկա երեք տարիների համար:

29. Ծրագիրն ամբողջական փաստաթուղթ է, որի խնդիրներն են.

1) ծառայել շահագրգիռ անձանց՝ որպես մեկ ամփոփ փաստաթուղթ, որով կարող են գնահատվել կառավարչի` ներդրումային և (կամ) կենսաթոշակային ֆոնդի կառավարման, ինչպես նաև ներդրումային ծառայությունների մատուցման գործունեության բնույթը և առանձնահատկությունները,

2) օգնել կառավարչի ղեկավարներին պարզաբանել, հստակեցնել և հետազոտել կառավարչի գործունեության զարգացման հնարավոր հեռանկարները, ծառայել կառավարչի ղեկավարներին՝ որպես հիմք, որով կարող են գնահատվել կառավարչի փաստացի գործունեության արդյունքները և արդյունավետությունը,

3) օգնել կառավարչին հետևողականորեն իրականացնելու նախանշված նպատակները և խնդիրները` պլանավորվող երեք տարիների ընթացքում,

4) Կենտրոնական բանկ ներկայացնել կառավարչի կողմից պլանավորված գործունեությունները, ինչը Կենտրոնական բանկին հնարավորություն կտա գնահատել կառավարչի գործունեությունը և նրա ընտրած ռազմավարությունը:

30. Ծրագրի հիմքում դրվում են հետևյալ հիմնական սկզբունքները.

5) իրատեսություն` առաջադրված նպատակների և խնդիրների իրականացման բավարար հիմնավորումների առկայություն,

6) գնահատելիություն` կատարման արդյունքների գնահատման հնարավորություն,

7) համահունչություն` գործարար ծրագրի առանձին բաժինների և բաժինների գլուխների միջև պատճառահետևանքային կապի, ծրագրի ընդհանուր տրամաբանական ընթացքի առկայություն,

8) կոնկրետություն` վերնագրի` ըստ էության ներկայացում, վերնագրից դուրս ավելորդ տեղեկատվության բացակայություն, խնդիրների` ըստ էության դիտարկում:

31. Ծրագրի հիմքում կարող են դրվել նաև այլ, սույն կանոնակարգի 34-րդ կետով նախատեսված սկզբունքներին չհակասող սկզբունքներ:

32. Ծրագիրը Կենտրոնական բանկ է ներկայացվում կառավարչի լիցենզավորման (Հայաստանի Հանրապետության տարածքում գործող կառավարչի մասնաճյուղի գրանցման) փաստաթղթերը Կենտրոնական բանկ ներկայացնելիս, ինչպես նաև մինչև յուրաքանչյուր հաջորդող օրացուցային տարվա փետրվարի 15-ը: Ընդ որում, ծրագրում ներառվում է նաև Օրենքի 58-րդ հոդվածի 3-րդ մասով սահմանված ծրագրի իրականացման վերաբերյալ հաշվետվությունը:

33. Կառավարչի գործունեության ռազմավարության փոփոխության դեպքում կառավարիչը մինչև յուրաքանչյուր տարվա փետրվարի 15-ը Կենտրոնական բանկ է ներկայացնում նաև ծրագրում կատարված փոփոխությունները (վերանայված ծրագիր): Վերանայված ծրագրում նշվում է ռազմավարության փոփոխության հիմնավորումը:

34. Ծրագիրը հաստատվում է կառավարչի իրավասու մարմնի կողմից: Ծրագրին կից աղյուսակները և գրաֆիկները կազմվում են ցուցանիշների ծրագրային կանխատեսումների հիման վրա: Կանխատեսվող ցուցանիշները պետք է հիմնավորված լինեն կոնկրետ հաշվարկներով և արտացոլեն ծրագրում ամրագրված քաղաքականությունը:

35. Ծրագիրը և դրանով նախատեսված տվյալները Կենտրոնական բանկ են ներկայացվում ինչպես թղթային, այնպես էլ էլեկտրոնային (այդ թվում` Սի-Բի-Էյ-նեթ համակարգով ուղարկելու միջոցով):

36. Ծրագիրը պարունակում է սույն կանոնակարգի Հավելված 16-ով սահմանված ծրագրի ձևի նվազագույն տվյալները: Ծրագիրը կարող է ներառել սույն կանոնակարգով սահմանված ծրագրի ձևի տվյալներից բացի լրացուցիչ տվյալներ:

37. Կառավարչի կողմից ներկայացված ծրագիրը սույն կանոնակարգի Հավելված 16-ով նշված ծավալը զգալի չափով գերազանցելու դեպքում լրացուցիչ տվյալները պետք է էական և հիմնավոր դեր կատարեն ծրագրում:

38. Ծրագիրը կարող է օգտագործվել Կենտրոնական բանկի կողմից կառավարչի ռազմավարական կառավարման մակարդակը գնահատելու նպատակով:

Գ Լ ՈՒ Խ  12

ՓՈՓՈԽՈՒԹՅՈՒՆՆԵՐԻ ԳՐԱՆՑՄԱՆ ՀԱՄԱՐ ՓԱՍՏԱԹՂԹԵՐԻ ՆԵՐԿԱՅԱՑՄԱՆ ԿԱՐԳԸ ԵՎ ՁԵՎԸ

39. Կառավարիչները և օտարերկրյա կառավարիչների` Հայաստանի Հանրապետության տարածքում ստեղծված մասնաճյուղերն ու ներկայացուցչությունները Կենտրոնական բանկի գրանցմանն են ներկայացնում Օրենքի 61-րդ հոդվածի 1-ին մասով և սույն գլխով սահմանված փոփոխությունները՝ դրանք տեղի ունենալուց հետո` տասնօրյա ժամկետում:

40. Կառավարչի, կառավարչի մասնաճյուղի կամ ներկայացուցչության, օտարերկրյա կառավարչի` Հայաստանի Հանրապետության տարածքում ստեղծված մասնաճյուղի կամ ներկայացուցչության կանոնադրությունում կատարված փոփոխությունները և (կամ) լրացումները (նոր խմբագրությամբ հաստատված կանոնադրությունը) Կենտրոնական բանկում գրանցելու համար ներկայացվում են.

1) փոփոխությունները գրանցելու մասին միջնորդագիր` կառավարչի կառավարման իրավասու մարմնի կողմից լիազորված անձի ստորագրությամբ՝ վավերացված կառավարչի կնիքով (առկայության դեպքում)` համաձայն սույն կանոնակարգի Հավելված 13-ի,

2) կառավարչի կառավարման իրավասու մարմնի որոշումը կամ արձանագրությունից քաղվածք՝ կառավարչի, կառավարչի մասնաճյուղի կամ ներկայացուցչության, օտարերկրյա կառավարչի` Հայաստանի Հանրապետության տարածքում ստեղծված մասնաճյուղի կամ ներկայացուցչության կանոնադրությունում փոփոխություններ և (կամ) լրացումներ կատարելու (կանոնադրությունը նոր խմբագրությամբ հաստատելու) վերաբերյալ,

3) փոփոխությունները և (կամ) լրացումները ներառող (նոր խմբագրությամբ հաստատված) կանոնադրությունը (6 օրինակից), ընդ որում, կանոնադրության թերթերը պետք է լինեն համարակալված և թելակարված, իսկ կանոնադրության վերջին թերթի հետնամասում, կարի վրա պետք է փակցված լինի պիտակ` համաձայն Հավելված 6-ի,

4) Կենտրոնական բանկի կողմից նախկինում գրանցված կանոնադրության` կառավարչի մոտ առկա բոլոր օրինակները: Ընդ որում, ներկայացված փոփոխությունները և (կամ) լրացումները (նոր խմբագրությամբ հաստատված կանոնադրությունը) Կենտրոնական բանկի կողմից գրանցվելու դեպքում նախկինում գրանցված կանոնադրությունները վերադարձվում են կառավարչին` չգործելու վերաբերյալ հատուկ նշագրումով:

41. Կառավարչի, օտարերկրյա կառավարչի` Հայաստանի Հանրապետության տարածքում ստեղծված մասնաճյուղի գործունեության կանոններում կատարված փոփոխությունները և (կամ) լրացումները (նոր խմբագրությամբ հաստատված գործունեության կանոնները), ինչպես նաև նոր ընդունված գործունեության կանոնները Կենտրոնական բանկում գրանցելու համար ներկայացվում են.

1) փոփոխությունները և (կամ) լրացումները (նոր խմբագրությամբ հաստատված գործունեության կանոնները) կամ նոր գործունեության կանոնները գրանցելու մասին միջնորդագիր՝ կառավարչի կառավարման իրավասու մարմնի կողմից լիազորված անձի ստորագրությամբ՝ վավերացված կառավարչի կնիքով (առկայության դեպքում)` համաձայն սույն կանոնակարգի Հավելված 14-ի,

2) կառավարչի իրավասու մարմնի որոշումը կամ արձանագրությունից քաղվածք՝ գործունեության կանոններում փոփոխությունների և (կամ) լրացումների կատարման (կանոնները նոր խմբագրությամբ հաստատելու), նոր գործունեության կանոններ ընդունելու վերաբերյալ,

3) փոփոխությունները և (կամ) լրացումները ներառող (նոր խմբագրությամբ հաստատված) գործունեության կանոնները կամ նոր ընդունված գործունեության կանոնները՝ կառավարչի կառավարման իրավասու մարմնի կողմից լիազորված անձի ստորագրությամբ՝ վավերացված կառավարչի կնիքով (առկայության դեպքում):

42. Կանոնակարգ 10/05-ի համաձայն` գրանցման ենթակա որակավորվող անձանց կազմում կատարված փոփոխությունները Կենտրոնական բանկում գրանցվում են Կանոնակարգ 10/05-ով նախատեսված կարգով:

43. Կառավարչի, կառավարչի մասնաճյուղի կամ ներկայացուցչության, օտարերկրյա կառավարչի` Հայաստանի Հանրապետության տարածքում ստեղծված մասնաճյուղի, ներկայացուցչության գործունեության վայրի փոփոխությունը գրանցելու համար սույն կանոնակարգի 44-րդ կետում նշված փաստաթղթերից բացի Կենտրոնական բանկ են ներկայացվում նաև.

1) գործունեության նոր տարածքի սեփականության, վարձակալության (ենթավարձակալության) կամ անհատույց օգտագործման իրավունքի պետական գրանցման վկայականի պատճենը (ենթավարձակալության դեպքում` նաև հիմնական վարձակալության պայմանագրի պատճենը),

2) գործունեության նոր տարածքը սույն կանոնակարգի 13-րդ գլխով գործունեության տարածքի և տեխնիկական հագեցվածության նկատմամբ սահմանված նվազագույն պահանջներին բավարարելը հավաստող փաստաթղթեր,

3) գործունեության տարածքը և տեխնիկական հագեցվածությունը Կենտրոնական բանկի սահմանած չափանիշներին համապատասխանելու մասին հայտարարությունը` համաձայն սույն կանոնակարգի Հավելված 15-ի:

44. Կանոնադրական կապիտալի ավելացմամբ պայմանավորված կառավարչի կանոնադրության մեջ կատարված փոփոխությունների գրանցման համար կառավարիչը Կենտրոնական բանկ է ներկայացնում.

1) սույն կանոնակարգի 44-րդ կետով նախատեսված փաստաթղթերը,

2) Կենտրոնական բանկում կամ Հայաստանի Հանրապետությունում գործող կառավարչի հետ չփոխկապակցված որևէ այլ բանկում կանոնադրական կապիտալի համալրման նպատակով բացված կուտակային հաշվում առկա միջոցների փաստացի մեծությունը հավաստող տեղեկանք,

3) բաժնետոմսերի վերջին թողարկման ազդագրի գրանցման վերաբերյալ որոշման պատճենը (առկայության դեպքում), եթե վերջինիս գրանցումը չի իրականացվել Կենտրոնական բանկի կողմից:

Գ Լ ՈՒ Խ  13

ԳՈՐԾՈՒՆԵՈՒԹՅԱՆ ՏԱՐԱԾՔԻ ԵՎ ՏԵԽՆԻԿԱԿԱՆ ՀԱԳԵՑՎԱԾՈՒԹՅԱՆ ՆԿԱՏՄԱՄԲ ՊԱՀԱՆՋՆԵՐԸ

45. Կառավարիչը և նրա մասնաճյուղը պետք է ունենան.

1) Կառավարչին (օտարերկրյա կառավարչի մասնաճյուղի դեպքում` օտարերկրյա կառավարչին) սեփականության իրավունքով պատկանող, վարձակալությամբ (ենթավարձակալությամբ) կամ անհատույց օգտագործման իրավունքով իրեն պատկանող Հայաստանի Հանրապետության տարածքում գտնվող առանձնացված տարածք: Ընդ որում, կառավարչի գրանցման և լիցենզավորման ժամանակ նոր ստեղծվող կառավարիչը համարվում է սույն ենթակետով սահմանված պահանջին բավարարող, եթե համապատասխան առանձնացված տարածքի նկատմամբ իրավունքներ ունեցող անձը տրամադրել է պարտավորագիր, որով պարտավորվում է կառավարչի գրանցման և լիցենզավորման պահից այդ տարածքը նրան տրամադրել սեփականության կամ անհատույց օգտագործման իրավունքով կամ վարձակալությամբ (ենթավարձակալությամբ),

2) Կանխիկ դրամով գործառնություններ կատարելու դեպքում, հաճախորդների և ֆոնդի մասնակիցների դրամարկղային սպասարկումն իրականացնելու, կանխիկ դրամի հուսալի պահպանության համար դրամարկղային հանգույց (առանձնացված կառավարչի, օտարեկրյա կառավարչի` Հայաստանի Հանրապետության տարածքում ստեղծված մասնաճյուղի կամ կառավարչի մասնաճյուղի մյուս կառուցվածքային ստորաբաժանումներից)` դրամապահոց և գործառնական դրամարկղ: Դրամապահոցը կանխիկ դրամի պահպանման հիմնական վայրն է իր նախադրամապահոցով: Դրամապահոց ունենալու պահանջը համարվում է պահպանված, եթե կառավարիչն ունի ինկասացիոն ծառայության հետ կնքված պայմանագիր` կանխիկ միջոցների ամենօրյա տեղափոխման, հանձման համար, ինչպես նաև որևէ բանկի կամ վարկային կազմակերպության հետ կնքված պայմանագիր` կանխիկ միջոցները բանկի, վարկային կազմակերպության կամ դրանց տարածքային ստորաբաժանումների պահպանությանը հանձնելու մասին: Դրամապահոցի բացակայության պարագայում կառավարիչը և դրա մասնաճյուղը կարող են չիրականացնել դրամարկղում առկա կանխիկ դրամի ինկասացիա, եթե դրամարկղում կանխիկ դրամի տվյալ օրվա մնացորդը չի գերազանցում 5 միլիոն Հայաստանի Հանրապետության դրամը և կառավարչի մոտ կամ նրա մասնաճյուղում տեղադրված է հատուկ չհրկիզվող պահարան, որն ամրացված է դրամարկղի հատակին և պատին: Սույն ենթակետը չի տարածվում այն կառավարչի կամ կառավարչի մասնաճյուղի վրա, որն իրականացնում է բացառապես անկանխիկ գործառնություններ, կամ կանխիկ գործառնությունների իրականացումը պատվիրակել է այլ անձի, որը բավարարում է սույն կետով կառավարչի համար սահմանված պահանջներին,

3) ֆոնդի կառավարման, Օրենքի 52-րդ հոդվածի 4-րդ կամ 4-րդ և 5-րդ մասերով սահմանված ծառայությունների մատուցման (նման ծառայությունների մատուցման դեպքում) պայմանագրերի պահպանման համար առանձին պահոց,

4) շուրջօրյա պահպանիչ-հակահրդեհային ազդարարման և շուրջօրյա անվտանգության ահազանգման համակարգեր, որոնց էլեկտրասնուցումը կատարվում է տարբեր աղբյուրներից, որոնցից մեկը կարող է լինել տեղային (լոկալ),

5) էլեկտրասնուցման տարբեր աղբյուրներ, որոնցից մեկը պահուստային է: Հիմնական էլեկտրասնուցումը շարքից դուրս գալու դեպքում պետք է ունենա տեղային էլեկտրասնուցման աղբյուր (գեներատորներ, մարտկոցներ), որոնք բավարար են բնականոն գործունեության ապահովման համար՝ առանց տեղեկությունների և համակարգի ամբողջականությանը վնաս հասցնելու,

6) Հայաստանի Հանրապետության տարածքում գործող կառավարչի համար մասնաճյուղ ունենալու դեպքում` այնպիսի համակարգչային ծրագրեր, որոնք ապահովում են մասնաճյուղում կատարվող գործարքների ավտոմատ արտացոլումը կառավարչի ծրագրային համակարգում:

46. Կառավարչի կազմակերպական և տեխնիկական ռեսուրսները պետք է համապատասխանեն նրա կողմից իրականացվող ֆոնդի կառավարման գործունեության բարդությանը, ռիսկայնությանը և կառավարչի գործունեության շրջանակներին` մասնագիտական լավագույն փորձի, գործարար վարվելակերպի և կորպորատիվ կառավարման սկզբունքներին համապատասխան: Սույն կետով սահմանված սկզբունքներին բավարարելու նպատակով կառավարչի կազմակերպական ռեսուրսների օգտագործումը պետք է ապահովի կառավարչի գործունեության անխափան իրականացումը` համաձայն պլանավորված շրջանակների և (կամ) կառավարչի գործունեության կանոնների:

47. Կենսաթոշակային ֆոնդի կառավարչի տեխնիկական և ծրագրային ապահովման համակարգերը պետք է թույլ տան կառավարչին արդյունավետ կերպով իրականացնելու կենսաթոշակային ֆոնդի կառավարման հետ կապված իրեն վերապահված գործառույթները, ներառյալ` ֆոնդի պահառուի հետ տեղեկատվության անհրաժեշտ փոխանակումը:

48. Կենսաթոշակային ֆոնդի կառավարչի տեղեկատվական համակարգը պետք է բավարարի հետևյալ սկզբունքներին.

1) թույլ տա տվյալների անհատական հաշվառումը յուրաքանչյուր մասնակցի գծով (կատարված կուտակային վճարներ, մասնակցին պատկանող կենսաթոշակային ֆոնդի փայեր, վճարված կենսաթոշակներ, հաշիվներից կատարված փոխանցումներ (փոխանակված փայեր) և մասնակցին վերաբերող այլ էական տեղեկատվություն),

1) չարտոնագրված մուտքից (այդ թվում` չարտոնագրված դիտումից) տվյալների պաշտպանության ապահովման բարձր հուսալիություն,

1) թույլ տա տվյալների պարբերական պահուստային կրկնօրինակում:

49. Կառավարչի կողմից սույն կանոնակարգի 52-րդ կետով նախատեսված պահանջները համարվում են բավարարված, եթե կառավարչի համապատասխան գործառույթները պատվիրակվել են այլ անձի (դրանց իրականացումը օրենքով վերապահված է այլ անձի), և վերջինս բավարարում է սույն կանոնակարգի 52-րդ կետով սահմանված պահանջները:

50. Կառավարիչը կամ նրա մասնաճյուղը սույն կանոնակարգի 49-րդ կետի 3-րդ, 4-րդ և 5-րդ ենթակետերով սահմանված տեխնիկական հագեցվածության պահանջները համարվում է բավարարած, եթե այլ կերպ այլ կազմակերպությունը բավարարում է կառավարչի գործունեության տարածքի նկատմամբ սահմանված այդ պահանջները:

51. Կառավարիչը, նրա մասնաճյուղը, օտարերկրյա կառավարչի մասնաճյուղը կարող են սույն կանոնակարգի 49-րդ կետի 2-րդ, 3-րդ 4-րդ և 5-րդ կետերով սահմանված տեխնիկական հագեցվածության պահանջների փոխարեն ունենալ ապահովագրության պայմանագիր, որը ներառում է առնվազն հետևյալ պատահարները` կառավարչին սեփականության, վարձակալությամբ (ենթավարձակալությամբ) կամ անհատույց օգտագործման իրավունքով պատկանող կամ օտարերկրյա կառավարչի մասնաճյուղին հատկացված առանձնացված տարածքում գտնվող գույքի, այդ թվում` կանխիկ դրամի, ֆոնդի մասնակիցների անհատական հաշիվների տվյալների բազայի էլեկտրոնային կրկնօրինակների, գործառնություններին վերաբերող փաստաթղթերի բնօրինակների, այլ արժեքավոր գույքի՝ հրդեհի, ավազակության, գողության, կողոպուտի, էլեկտրասնուցման խափանումների հետևանքով կորուստը կամ վնասվածքը:

52. Սույն կանոնակարգի 51-րդ կետում նշված ապահովագրական ռիսկերի գծով ապահովագրական գումարը չի կարող փոքր լինել կառավարչի բոլոր ակտիվների 1 տոկոսից:

53. Սույն կանոնակարգի 51-րդ կետում նշված ապահովագրության պայմանագիրը ոչ ռեզիդենտ ապահովագրական ընկերության հետ կնքվելու դեպքում վերջինը պետք է ունենա սույն կետի աղյուսակում նշված միջազգային վարկանշող կազմակերպություններից առնվազն մեկի կողմից տրված համապատասխան վարկանիշից ոչ ցածր վարկանիշ.

Բ Ա Ժ Ի Ն  6

ԱՅԼ ԴՐՈՒՅԹՆԵՐ

54. Սույն կանոնակարգով պահանջվող բոլոր փաստաթղթերը Կենտրոնական բանկ են ներկայացվում տպագիր և հայերեն` պատվիրված նամակով կամ Կենտրոնական բանկ առձեռն մուտքագրվելու միջոցով կամ ուղարկվում են Կենտրոնական բանկ էլեկտրոնային տարբերակով` Սի-Բի-Էյ-նեթ համակարգի միջոցով: Սույն կանոնակարգի Հավելված 5-ով սահմանված միջնորդագիրը Կենտրոնական բանկի կողմից լիցենզավորված կառավարչի կամ վերագրանցվող և վերալիցենզավորվող ներդրումային ընկերության կողմից ներկայացվում է միայն էլեկտրոնային տարբերակով, էքսել (excel) ֆորմատով, Սի-Բի-Էյ-նեթ համակարգի միջոցով, իսկ ստեղծվող կառավարչի կողմից թղթային ներկայացվելու դեպքում կից ներկայացվում է նաև դրա էլեկտրոնային տարբերակը: Սույն կանոնակարգով պահանջվող կանոնադրությունը, կանոնադրության փոփոխությունները և (կամ) լրացումները, նոր խմբագրությամբ հաստատված կանոնադրությունը, գործունեության կանոնների նախագծերը, գործունեության կանոններում փոփոխությունները և (կամ) լրացումները կամ նոր խմբագրությամբ հաստատված գործունեության կանոնները թղթային ներկայացվելու դեպքում կից ներկայացվում են նաև դրանց էլեկտրոնային տարբերակները: Ներկայացվող փաստաթղթերի պատճենները պետք է ստորագրված լինեն կառավարչի իրավասու անձի կողմից և ներկայացվեն «իսկականի հետ ճիշտ է» մակագրությամբ:

55. Սույն կանոնակարգով պահանջվող որևէ փաստաթուղթ տվյալ անձի կողմից նախկինում ներկայացված լինելու այն դեպքերում, երբ դրանցում նշված տեղեկություններում փոփոխություններ տեղի չեն ունեցել, համապատասխան փաստաթուղթ ներկայացնելու պարտականություն ունեցող անձը տվյալ փաստաթղթի փոխարեն կարող է ներկայացնել տեղեկացում այն նախկինում Կենտրոնական բանկ ներկայացրած լինելու մասին, եթե այլ բան սահմանված չէ սույն կանոնակարգով:

ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ԳՐԱՆՑՄԱՆ ԵՎ ԼԻՑԵՆԶԻԱ ՍՏԱՆԱԼՈՒ ՄԻՋՆՈՐԴԱԳԻՐ

ՀՀ կենտրոնական բանկի նախագահ

------------------------------ին

Հարգելի --------------------

Մենք` ներքոստորագրյալներս, որոշում ենք կայացրել

---------------------------------------------------------------------------

(կառավարչի անվանումը և կազմակերպական-իրավական ձևը)

ներդրումային ֆոնդի կառավարիչ ստեղծելու վերաբերյալ:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք գրանցման և լիցենզիա ստանալու համար անհրաժեշտ փաստաթղթերը և դրանց ցանկը (առդիր` --- էջ):

Հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը:

Հավաստիացնում ենք, որ տեղեկատվությունն արժանահավատ է ու ամբողջական և գիտակցում ենք, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված պատասխանատվության և միջնորդագրի մերժման:

Խնդրում ենք Հայաստանի Հանրապետության օրենսդրությամբ սահմանված կարգով գրանցել կազմակերպությունը և տրամադրել ներդրումային ֆոնդի կառավարման գործունեության լիցենզիա:

Կառավարչի հիմնադիրներ՝

Միջնորդագիրը ներկայացնող անձ`

__________________________________________________________________

(անունը, ազգանունը, ստորագրությունը)

________________________________________________________

 (կապի միջոցները, գտնվելու վայրը)

--------- ------------------  20  թ.

ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ԳՐԱՆՑՄԱՆ ԵՎ ԼԻՑԵՆԶԻԱ ՍՏԱՆԱԼՈՒ ՄԻՋՆՈՐԴԱԳԻՐ 
 (օտարերկրյա կառավարչի մասնաճյուղի համար)

ՀՀ կենտրոնական բանկի նախագահ

------------------------------ին

Հարգելի --------------------

 _________________________________________ կառավարչի

(օտարերկրյա կառավարչի անվանումը)

___________________________________________________

(կառավարման իրավասու մարմնի անվանումը)

որոշում է ընդունել ՀՀ տարածքում մասնաճյուղ ստեղծելու վերաբերյալ:

Համաձայն Հայաստանի Հանրապետության օրենքների և այլ իրավական ակտերի՝ կից ներկայացնում ենք գրանցման և լիցենզիա ստանալու համար անհրաժեշտ փաստաթղթերը և դրանց ցանկը (առդիր` --- էջ):

Հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը:

Հավաստիացնում ենք, որ տեղեկատվությունը արժանահավատ է ու ամբողջական և գիտակցում ենք, որ որևէ փաստաթղթի կամ տեղեկատվության կեղծ ներկայացումը հանգեցնում է օրենքով սահմանված պատասխանատվության և միջնորդագրի մերժման:

Խնդրում ենք Հայաստանի Հանրապետության օրենսդրությամբ սահմանված կարգով գրանցել կազմակերպությունը և տրամադրել ներդրումային ֆոնդի կառավարման գործունեության լիցենզիա:

Միջնորդագիրը ներկայացնող անձ`

__________________________________________________________________

(օտարերկրյա կառավարչի իրավասու անձի անունը, ազգանունը, ստորագրությունը)

________________________________________________________

 (կապի միջոցները, գտնվելու վայրը)

--------- ------------------ 20  թ.

ԾԱՌԱՅՈՒԹՅԱՆ (ԾԱՌԱՅՈՒԹՅՈՒՆՆԵՐԻ) ՄԱՏՈՒՑՄԱՆ ԹՈՒՅԼՏՎՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳԻՐ

ՀՀ կենտրոնական բանկի նախագահ

 ----------------------------------------ին

Հարգելի -----------------------

------------------------------------------------------------------------------------------------------------

(Միջնորդագիր ներկայացնող կազմակերպության լրիվ անվանումը)

որոշում է կայացրել ֆոնդի կառավարման գործունեություն իրականացնելու հետ իրականացնել.

1.