Գլխավոր տեղեկություն
Номер
N 312-Ն
Տիպ
Որոշում
Тип
Исходный акт (16.04.2009-по сей день)
Статус
Գործում է
Первоисточник
ՀՀՊՏ 2009.04.15/19(685) Հոդ.386
Принят
ՀՀ կառավարություն
Дата принятия
19.02.2009
Подписан
ՀՀ վարչապետ
Дата подписания
07.04.2009
Дата вступления в силу
16.04.2009

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

19 փետրվարի 2009 թվականի N 312-Ն

 

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԳՈՒՅՔ ԱՄՐԱՑՆԵԼՈՒ ՄԱՍԻՆ

 

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի 1-ին կետով և հաշվի առնելով պատմության և մշակույթի անշարժ հուշարձան` պետական սեփականություն հանդիսացող Գյումրի քաղաքի Աճեմյան փողոցի 2, 2 ա («Խալաթյանցի եկամտաբեր տուն») շենքում ու դրանց կից Շչորսի 2 շենքում գտնվող` Շիրակի մարզային գրադարանը, Հայաստանի ազգային պատկերասրահի նորաստեղծ Գյումրու մասնաճյուղը և Շիրակի մարզի երկրագիտական թանգարանը տեղակայելու նպատակով Գյումրու քաղաքային համայնքի սեփականությունը հանդիսացող` Շչորսի 2 շենքը Հայաստանի Հանրապետությանն անհատույց փոխանցելու Գյումրու քաղաքային համայնքի ավագանու 2009 թվականի մարտի 31-ի N 8-Ա որոշումը` Հայաստանի Հանրապետության կառավարությունը որոշում է.

1. Հայաստանի Հանրապետության մշակույթի նախարարին`

1) Գյումրու քաղաքապետի հետ համատեղ մեկամսյա ժամկետում ճշտել Գյումրի քաղաքի Աճեմյան փողոցի 2, 2 ա հուշարձան-շենքով և Շչորսի 2 շենքով զբաղեցված հողամասի սահմանները.

2) երկամսյա ժամկետում Գյումրու քաղաքապետի հետ կնքել Գյումրի քաղաքի Շչորսի 2 շենքը, ինչպես նաև այդ շենքով և Աճեմյան փողոցի 2, 2 ա հուշարձան-շենքով զբաղեցված հողամասը Հայաստանի Հանրապետությանը նվիրաբերելու պայմանագիր.

3) Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի հետ համատեղ ապահովել Գյումրի քաղաքի Աճեմյան փողոցի 2, 2ա հուշարձան-շենքի, Շչորսի 2 շենքի և այդ շենքերով զբաղեցված հողամասի (այսուհետ` գույք) նկատմամբ Հայաստանի Հանրապետության սեփականության իրավունքի սահմանված կարգով պետական գրանցումը:

2. Գույքի նկատմամբ Հայաստանի Հանրապետության սեփականության իրավունքի պետական գրանցումից հետո այն ամրացնել «Հայաստանի Հանրապետության մշակույթի նախարարության աշխատակազմ» պետական կառավարչական հիմնարկին:

3. Սույն որոշման կատարման հետ կապված ծախսերը կատարել «Հայաստանի Հանրապետության 2009 թվականի պետական բյուջեի մասին» Հայաստանի Հանրապետության օրենքով Հայաստանի Հանրապետության մշակույթի նախարարությանը հատկացված միջոցների հաշվին:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

 Տ. Սարգսյան

 

2009 թ. ապրիլի 7

Երևան

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան