ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

11 սեպտեմբերի 1998 թվականի, N 44
քաղ. Երևան

«ՇՈԳՈՒ ԵՎ ՏԱՔ ՋՐԻ ՏԵՍՔՈՎ ՋԵՐՄԱՅԻՆ ԷՆԵՐԳԻԱՅԻ ՄԱՏԱԿԱՐԱՐՄԱՆ (ԱՌՔ ՈՒ ՎԱՃԱՌՔԻ)» ՊԱՅՄԱՆԱԳՐԻ ՕՐԻՆԱԿԵԼԻ ՁԵՎԻ ՀԱՍՏԱՏՄԱՆ ՄԱՍԻՆ

Հիմք ընդունելով «Էներգետիկայի մասին» ՀՀ օրենքի 20-րդ հոդվածը, ՀՀ էներգետիկայի հանձնաժողովը որոշում է.

1. Հաստատել «Շոգու և տաք ջրի տեսքով ջերմային էներգիայի մատակարարման (առք ու վաճառքի)» պայմանագրի օրինակելի ձևը (կցվում է):

2. Հանձնարարել Հայաստանի Հանրապետության էներգետիկայի բնագավառի շոգու և տաք ջրի տեսքով ջերմային էներգիա մատակարարող ձեռնարկություններին և ընկերություններին` եռամսյա ժամկետում նշված օրինակելի ձևերով սպառողների հետ կնքել համապատասխան պայմանագրեր:

3. Սույն որոշումն ուժի մեջ է մտնում հրապարակման պահից:

Պ Ա Յ Մ Ա Ն Ա Գ Ի Ր  N __

ՇՈԳՈՒ ԵՎ ՏԱՔ ՋՐԻ ՏԵՍՔՈՎ ՋԵՐՄԱՅԻՆ ԷՆԵՐԳԻԱՅԻ ՄԱՏԱԿԱՐԱՐՄԱՆ* (ԱՌՔ ՈՒ ՎԱՃԱՌՔԻ)

1.1 Վաճառողը վաճառում, իսկ Գնորդը գնում է ջերմային էներգիա և վճարում սույն Պայմանագրով սահմանված կարգով:

1.2 Կողմերի փոխհարաբերությունները կանոնակարգվում են Հայաստանի Հանրապետության օրենսդրությամբ, «Էներգետիկայի մասին» Հայաստանի Հանրապետության օրենքով, «Ջերմային էներգիայից օգտվելու կանոններով» (այսուհետև ՋԷՕԿ) և սույն Պայմանագրով:

Սույն Պայմանագրում գործածված որոշ հասկացություններ սահմանված են հետևյալ կերպ:

2.1 Ջերմային էներգիա-էներգիա տաք ջրի կամ շոգու տեսքով, որն առաքվում է Վաճառողին և ընդունվում Գնորդի կողմից համաձայն սույն Պայմանագրի:

2.2 Գիգակալորիա կամ Գկալ-ջերմային էներգիայի չափման միավոր, որը հավասար է 4.187 x 10⁹ Ջոուլի:

2.3. Հաշվետու ամիս-ամիս, որի ընթացքում կատարվում են ֆինանսատնտեսական գործառնությունները:

2.4 Խտուցք-շոգու կոնդենսացված մասը:

2.5 Հաշվառքի հանգույց-ջերմային էներգիայի քանակությունը հաշվառող չափիչ-ստուգիչ սարքերի համախումբ:

2.6 Ֆորս-մաժոր-արտակարգ և անկանխելի դեպքերի և հանգամանքների (տարերային աղետներ, ռազմական գործողություններ, էներգապաշարների (վառելիք, ջուր) մատակարարման համակարգերի վթարներ, Հայաստանի Հանրապետության օրենսդրությամբ սահմանված սահմանափակումներ), տվյալ պայմաններում կողմերի կամքից անկախ առաջացած անհաղթահարելի ուժի հետևանքներ, որոնք մասամբ կամ ամբողջությամբ, անհնար են դարձնում սույն պայմանագրի պայմանների իրականացումը, որի դեպքում Կողմերը ազատվում են պատասխանատվությունից:

Պայմանագրում շեղատառերով գրված արտահայտությունները վերաբերվում են միայն ջերմային էներգիան շոգու տեսքով արտադրող իրավաբանական անձանց:

Պայմանագրում գործածված այլ սահմանումները մեկնաբանվում են ըստ ՋԷՕԿ-ի:

3.1 Վաճառվող ջերմային էներգիայի համար Հայաստանի Հանրապետության էներգետիկայի հանձնաժողովի կողմից սահմանված (ներառյալ ԱԱՀ)`

● շոգու տեսքով (ճնշումը _ _ կգ/սմ² ջերմաստիճանը _ _ ^oC) _ - դրամ/Գկալ

● շոգու տեսքով (ճնշումը _ _ կգ/սմ² ջերմաստիճանը _ _ ^oC) _ - դրամ/Գկալ

● տաք ջրի տեսքով - - - դրամ/Գկալ առավելագույն սակագներից ելնելով, Գնորդի համար ջերմային էներգիայի վաճառքի պայմանագրային գները (ներառյալ ԱԱՀ) սահմանվում են`

● շոգու տեսքով (ճնշումը _ _ կգ/սմ² ջերմաստիճանը _ _ ^oC) _ - դրամ/Գկալ

● շոգու տեսքով (ճնշումը _ _ կգ/սմ² ջերմաստիճանը _ _ ^oC) _ - դրամ/Գկալ

● տաք ջրի տեսքով - - - դրամ/Գկալ:

3.2. Հայաստանի Հանրապետության էներգետիկայի հանձնաժողովի կողմից ջերմային էներգիայի սակագնի փոփոխության դեպքում, մինչև Պայմանագրի մեջ համապատասխան փոփոխություններ կատարելը կամ նոր Պայմանագրի կնքումը, ջերմային էներգիայի նոր սակագինն ուժի մեջ է մտնում հանձնաժողովի կողմից սահմանված ժամկետից:

4.1 Վաճառողը պարտավորվում է`

4.1.1 Ապահովել Գնորդի ջերմամատակարարումը` ըստ N 1 հավելվածում նշված չափաքանակների և որակական ցուցանիշների:

4.1.2 Վերականգնել Գնորդի ընդհատված ջերմամատակարարումը - - - ժամվա ընթացքում (ոչ ուշ, քան ՋԷՕԿ-վ սահմանված ժամանակահատվածում` 24 ժամ), եթե ջերմամատակարարման ընդհատումը պայմանավորված չէ ՋԷՕԿ-ով և սույն Պայմանագրով սահմանված կարգով թույլատրվող դադարեցումներով կամ Գնորդի կողմից սպասարկվող ջերմամատակարարման համակարգի տարրերի անսարքություններով: Ջերմամատակարարման ընդհատման պայմանագրային ժամկետը գերազանցող յուրաքանչյուր դեպք համարվում է ջերմային էներգիայի թերմատակարարում:

4.1.3 Նախապես Գնորդի հետ համաձայնեցնել ջերմամատակարարման համակարգի նորոգման այն աշխատանքների տարեկան ժամանակացույցը (հավելված N 2), որոնց կատարման ժամանակ անհրաժեշտություն է առաջանում ընդհատել կամ սահմանափակել ջերմային էներգիայի մատակարարումը Գնորդին:

4.1.4 Ապահովել Գնորդի լիազոր ներկայացուցիչների ազատ մուտքն իր տարածք` չափիչ սարքերի ցուցմունքները գրանցելու և սահմանված կարգով անհրաժեշտ զննումներ կատարելու համար:

4.1.5 Գնորդին անհապաղ տեղեկացնել Վաճառողի պատասխանատվության տակ գտնվող առևտրային հաշվառքի սարքերի խափանման մասին և այն վերացնել ոչ ուշ, քան - - - ժամվա ընթացքում: Խափանված հաշվառքի սարքերի կապարակնիքների պոկումը և վերանորոգումից հետո նրանց փոխարինումն ու կապարակնքումը կատարել Գնորդի մասնակցությամբ:

4.1.6 Ջերմամատակարարման համակարգում վթարները վերացնելու կամ կանխելու համար անհետաձգելի միջոցառումների ձեռնարկման անհրաժեշտության դեպքում, որոնք հանգեցնում են ջերմային էներգիայի մատակարարման ընդհատման կամ սահմանափակման, անհապաղ Գնորդին տեղեկացնել պատճառների և վթարների վերացման հնարավոր ժամկետների մասին:

4.1.7 Ոչ ուշ, քան - - ժամ առաջ, հաստատված ժամանակացույցով Գնորդի հետ համաձայնեցնել ջերմամատակարարման համակարգի նորոգման այն աշխատանքների կատարման ցանկը, որոնք հանգեցնում են ջերմային էներգիայի մատակարարման ընդհատման կամ սահմանափակման:

4.2 Գնորդը պարտավորվում է`

4.2.1 Ընդունել Վաճառողի կողմից առաքված ջերմային էներգիան` սույն Պայմանագրի N 1 հավելվածում նշված ջերմային էներգիայի չափաքանակներին համապատասխան:

4.2.2 Վաճառողին անհապաղ տեղեկացնել մատակարարվող ջերմային էներգիայի ընդհատման, ինչպես նաև սպառման համակարգի վթարային դադարեցման և ջերմամատակարարման վերսկսման հնարավոր ժամկետների մասին:

4.2.3 Թույլ չտալ ջերմային էներգիայի ապօրինի սպառում և հաշվառքի խախտում` սպառում առանց Հաշվառքի հանգույցի կամ վերջինիս սարքավորումների հետ կապված տեխնիկական պայմանների խախտումներով, սպառում հաշվառքի հանգույցի կողանցումով, հաշվառքի հանգույցի սարքավորումների բնականոն աշխատանքի տեխնիկական պայմանների խախտումներով (հաշվառքի սարքերի կապարակնիքների պոկում կամ խախտում):

4.2.4. Հատուցել 4.2.3 կետում թվարկված ջերմային էներգիայի հաշվառքի խախտումների հետևանքով Վաճառողի կողմից առաքված և չհաշվառված ջերմային էներգիայի համար` ՀՀ օրենսդրությամբ սահմանված կարգով:

4.2.5. Ապահովել իր տարածքում տեղադրված` իր և ենթասպառողների առևտրային հաշվառքի սարքերի անձեռնմխելիությունը:

4.2.6 Հաշվետու ամսվա փաստացի մատակարարված ջերմային էներգիայի առք ու վաճառքի ակտի կազմման համար (Վաճառողի մոտ տեղադրված հաշվառքի սարքերի ցուցմունքների համաձայն) մինչև հաջորդ ամսի - - - ապահովել իր լիազորված անձի ներկայությունը: Չներկայանալու դեպքում Վաճառողի կողմից կազմվում է միակողմանի ակտ:

4.2.7 Ապահովել Վաճառողի լիազոր ներկայացուցիչների ազատ մուտք Գնորդի տարածք` հաշվառքի սարքերի ցուցմունքները գրանցելու և սահմանված կարգով անհրաժեշտ զննումներ կատարելու համար:

4.2.8 Ապահովել անհրաժեշտ պայմաններ սույն Պայմանագրի 4.1.7 կետի պահանջները կատարելու և Վաճառողի ջերմամատակարարման համակարգի սարքավորումների` վթարային իրավիճակում հայտնվելու դեպքում սահմանված կարգով նորոգելու համար:

5.1 Ջերմային էներգիայի առք ու վաճառքը կատարվում է առաքման կետում, որի քանակը չափվում է հաշվառքի սարքերի միջոցով և հաստատագրվում ջերմային էներգիայի առք ու վաճառքի ամենամսյա երկկողմանի ակտով (հավելված N 4): Առաքման կետը և հաշվեկշռային պատկանելության սահմանը հաստատող երկկողմանի ակտի ձևը բերված է N 3 հավելվածում: Առաքման կետը սահմանազատման կետի հետ չհամընկնելու դեպքում ջերմային էներգիայի հաշվառման կարգը և կորուստների որոշումը կատարվում է ըստ ՋԷՕԿ-ի:

5.2 Հաշվառման սարքերի քարտագրերի մշակումը կատարվում է յուրաքանչյուր շաբաթվա

5.3 Վերադարձվող խտուցքի քանակի և որակի վերաբերյալ հարցերը կողմերը կարգավորում են փոխհամաձայնեցված կարգով:

5.4 Հաշվառքի սարքերի մինչև - - - օր չաշխատելու դեպքում մատակարարված ջերմության քանակությունը որոշվում է նախորդ 3 օրվա ընթացքում առաքված ջերմային էներգիայի միջին օրական սպառման չափով: Նշված ժամկետը գերազանցող խափանման դեպքում սպառված ջերմության քանակը որոշվում է հաշվարկային եղանակով` ըստ «Ջերմային էներգիայի առաքման և սպառման հաշվառման հաշվարկային մեթոդիկայի»:

5.5. Առևտրային հաշվառքի սարքերի պլանային սպասարկումը կատարում է պատասխանատու կողմը` ՋԷՕԿ-ով սահմանված կարգով, իսկ կապարակնքումը` կողմերը կատարում են համատեղ և ձևակերպում երկկողմանի ակտով: Առևտրային հաշվառքի սարքերի կապարակնիքների անձեռնմխելիության համար պատասխանատվություն է կրում այն կողմը, որի տարածքում գտնվում են այդ սարքերը:

8.1 Պայմանագրի շուրջ առաջացած վեճերը հնարավորության սահմաններում լուծվում են Կողմերի միջև բանակցությունների միջոցով, անհրաժեշտության դեպքում` ՀՀ էներգետիկայի հանձնաժողովի միջնորդությամբ:

Սույն կետը չի սահմանափակում Կողմերի իրավունքը` վեճերը լուծելու դատական կարգով:

9.1 Կողմերը պարտավոր են ֆորս-մաժորային իրավիճակների մասին ոչ ուշ, քան 24 ժամվա ընթացքում տեղեկացնել միմյանց` նշելով դրանց վերացման կանխատեսվող ժամկետները:

9.2 Ֆորս-մաժորային պայմանների ավարտից հետո Կողմերը պարտավոր են անմիջապես ձեռնարկել միջոցներ` իրենց Պայմանագրային պարտավորությունները կատարելու համար:

9.3 Ֆորս-մաժորային պայմանների սկիզբը և ավարտը հաստատում է Հայաստանի Հանրապետության համապատասխան իրավասու մարմինը:

10.1 Գնորդը ջերմային էներգիայի որակի վերաբերյալ բողոքները Վաճառողին ներկայացնում է որակի խախտում հայտնաբերելուց հետո - - - ժամվա ընթացքում: Հայտնաբերված խախտումները ամրագրվում են երկկողմանի ակտով:

10.2 Ջերմային էներգիայի պայմանագրային քանակությունների փոփոխությունը կատարվում է Վաճառողի և Գնորդի փոխհամաձայնությամբ և ամրագրվում փոխադարձ ակտով, որը կցվում է սույն Պայմանագրին: Նախատեսվող փոփոխության օրվանից - - - օր առաջ պայմանագրային քանակությունների փոփոխման համար դիմող կողմը հայտ է ներկայացնում մյուս կողմին:

12.1 Սույն Պայմանագիրն ուժի մեջ է մտնում Կողմերի ստորագրելուց հետո` սկսած «- -» - - - - - - 199 - թ. և գործում է մինչև «- -» - - - - - - 199 - թ.:

12.2. Պայմանագրի գործողությունը նույն տևողությամբ և նույն պայմաններով համարվում է երկարացված, եթե պայմանագրային ժամկետի ավարտից առնվազն մեկ ամիս առաջ Կողմերից մեկը չի դիմել մյուսին` այն դադարեցնելու կամ վերանայելու խնդրանքով:

12.3. Պայմանագիրը կազմված է երկու օրինակից` մեկական յուրաքանչյուր Կողմի համար:

1. Հավելված N 1 - Ջերմային էներգիայի պայմանագրային մեծությունները

2. Հավելված N 2 - Վաճառողի սարքավորումների նորոգումների ժամանակացույցը

3. Հավելված N 3 - ակտ Վաճառողի և Գնորդի հաշվեկշռային պատկանելիության սահմանազատման և ջերմային էներգիայի առաքման (առք ու վաճառքի) կետերի սահմանման վերաբերյալ

4. Հավելված N 4 - Ջերմային էներգիայի առք ու վաճառքի ակտ

5. Հավելված N 5 - Գնորդի ենթասպառողների ջերմային էներգիայի պահանջարկը

* սույն պայմանագրի ձևը չի տարածվում բնակչության վրա

* պետք է չհակասեն սույն Պայմանագրին և ՀՀ օրենսդրությանը

** (Արտադրող-փոխադրող) պայմանագիրը ենթակա է գրանցման ՀՀ էներգետիկայի Հանձնաժողովում և ուժի մեջ է համարվում գրանցման պահից:

ՋԵՐՄԱՅԻՆ ԷՆԵՐԳԻԱՅԻ ՊԱՅՄԱՆԱԳՐԱՅԻՆ ՄԵԾՈՒԹՅՈՒՆՆԵՐԸ

1. Գերտաք շոգու որակական ցուցանիշները`

2. Առաքման կետում տաք ջրի որակական ցուցանիշները` ըստ փոխհամաձայնեցված ջերմաստիճանային գրաֆիկի: Շեղումը գրաֆիկից չպետք է գերազանցի ± ____% (ոչ ավելի 5 %):

• ցանցային ջրի ծախսը` ոչ պակաս ____ խ.մ/ժ

• ցանցային ջրի հոսակորուստը Գնորդի ցանցում` ոչ ավելի ___ % ցանցային ջրի ծախսից.

• հետադարձ ցանցային ջրի ջերմաստիճանը` ըստ ջերմաստիճանային գրաֆիկի, շեղումը ջերմաստիճանային գրաֆիկից ոչ ավելի ± ___%:

3. Ջերմային էներգիայի (տաք ջրի տեսքով) տարեկան պայմանագրային մեծությունները

4. Ջերմային էներգիայի (շոգու տեսքով) չափաքանակն ըստ ամիսների

5. Խտուցքի վերադարձն ըստ ամիսների

Ժ Ա Մ Ա Ն Ա Կ Ա Ց ՈՒ Յ Ց

ՎԱՃԱՌՈՂԻ ՋԵՐՄԱՄԱՏԱԿԱՐԱՐՄԱՆ ՀԱՄԱԿԱՐԳԻ ՆՈՐՈԳՈՒՄՆԵՐԻ

Ա Կ Տ

ՋԵՐՄԱՅԻՆ ԷՆԵՐԳԻԱՅԻ ԱՌՔ ՈՒ ՎԱՃԱՌՔԻ

ԳՆՈՐԴԻ ԵՆԹԱՍՊԱՌՈՂՆԵՐԻ ՋԵՐՄԱՅԻՆ ԷՆԵՐԳԻԱՅԻ ՊԱՀԱՆՋԱՐԿԸ