«Վավերացնում եմ»
Հայաստանի Հանրապետության
Նախագահ Ռ. Քոչարյան
4 հուլիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 հունիսի 2006 թվականի N 919-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կրթության և գիտության նախարարությանը Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից հատկացնել 70,000.0 հազ. դրամ, այդ թվում`

ա) Ֆիզիկական կուլտուրայի հայկական պետական ինստիտուտի բակում գտնվող N 5 մարզադահլիճի կցակառույցի կապիտալ շինարարությունն ավարտելու նպատակով` 20,000.0 հազ. դրամ (բյուջետային ծախսերի տնտեսագիտական դասակարգման «Կապիտալ շինարարության ծախսեր» հոդվածով).

բ) Հայաստանի պետական տնտեսագիտական համալսարանում շինարարական աշխատանքների իրականացմանն աջակցելու նպատակով` 50,000.0 հազ. դրամ (բյուջետային ծախսերի տնտեսագիտական դասակարգման «Ընթացիկ ներքին այլ տրանսֆերտային վճարներ» հոդվածով):

2. Սահմանել, որ սույն որոշման 1-ին կետի`

ա) «ա» ենթակետում նշված աշխատանքներն իրականացվում են Հայաստանի Հանրապետության կրթության և գիտության նախարարության ու «Հավոտուն» սահմանափակ պատասխանատվությամբ ընկերության միջև 2005 թվականի նոյեմբերի 21-ին մեկ անձից գնման ձևով կնքված N 549 պայմանագրի շրջանակներում.

բ) «բ» ենթակետում նշված գումարը դրամաշնորհի տեսքով հատկացվում է «Հայաստանի պետական տնտեսագիտական համալսարան» պետական ոչ առևտրային կազմակերպությանը:

3. Հայաստանի Հանրապետության ֆինանսների և էկոնոմիկայի նախարարին՝ համաձայնել Հայաստանի Հանրապետության կրթության և գիտության նախարարի կողմից` սույն որոշման 2-րդ կետի «ա» ենթակետում նշված պայմանագրում առաջարկվող փոփոխությունների կատարման որոշմանը:

Հայաստանի Հանրապետության վարչապետ	Ա. Մարգարյան
2006 թ. հունիսի 30 Երևան