ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅՈՒՆ
Ո Ր Ո Շ ՈՒ Մ
30 օգոստոսի 1995 թվականի թիվ 139
Հայաստանի Հանրապետության կենտրոնական բանկի վարչության 1994 թվականի ապրիլի 30-ի թիվ 21, 1994 թվականի սեպտեմբերի 12-ի թիվ 76 ԵՎ 1995 թվականի փետրվարի թիվ 37 որոշումներով հաստատված «Հայաստանի Հանրապետության կենտրոնական բանկի աշխատակիցների աշխատանքի վարձատրության» կարգի մեջ փոփոխություն կատարելու մասին
Հիմք ընդունելով Հայաստանի Հանրապետության կենտրոնական բանկի առջև դրված խնդիրների իրականացման գործում բանկի աշխատակիցների պատասխանատվությունը բարձրացնելու անհրաժեշտությունը և հաշվի առնելով Հայաստանի Հանրապետության կենտրոնական բանկի աշխատակիցների վարձատրության կարգում և կառուցվածքում տեղ գտած փոփոխությունները` Հայաստանի Հանրապետության կենտրոնական բանկի վարչությունը որոշում է.
1. Հայաստանի Հանրապետության կենտրոնական բանկի վարչության 1994 թվականի ապրիլի 30-ի թիվ 21, 1994 թվականի սեպտեմբերի 12-ի թիվ 76 և 1995 թվականի փետրվարի թիվ 37 որոշումներով հաստատված «Հայաստանի Հանրապետության կենտրոնական բանկի աշխատակիցների աշխատանքի վարձատրության» կարգով նախատեսված պաշտոնային դրույքաչափերի հաշվարկման և աշխատանքի վարձատրության պաշտոնային համապատասխանության սանդղակի հիման վրա որոշված աշխատավարձը բարձրացնել 50 տոկոսով:
2. Սույն որոշումն ուժի մեջ է մտնում 1995 թվականի սեպտեմբերի 1-ից:
|
|
