«Գրանցված է»
ՀՀ արդարադատության
նախարարության կողմից
25 հունվարի 2005 թ.
Պետական գրանցման թիվ 60305026

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՌԵՎՏՐԻ ԿԱԶՄԱԿԵՐՊՈՒԹՅՈՒՆՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ ԹԻՎ 1-Ֆ (ՀԱՎԵԼՎԱԾ) (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Առևտրի կազմակերպությունների ֆինանսական գործունեության մասին» Ձև թիվ 1-Ֆ (հավելված) (տարեկան) պետական վիճակագրական հաշվետվության ձևը և լրացման հրահանգը` համաձայն հավելվածի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 12-ի «Առևտրի կազմակերպությունների ֆինանսական գործունեության մասին» Ձև թիվ -1ֆ (հավելված) (տարեկան) պետական վիճակագրական հաշվետվության ձևը և լրացման հրահանգը հաստատելու մասին» թիվ 155-Ն որոշումը:

Հ Ր Ա Հ Ա Ն Գ

«ԱՌԵՎՏՐԻ ԿԱԶՄԱԿԵՐՊՈՒԹՅՈՒՆՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ ԹԻՎ 1-Ֆ (ՀԱՎԵԼՎԱԾ) (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը սահմանում է «Առևտրի կազմակերպությունների ֆինանսական գործունեության մասին» ձև թիվ 1-ֆ (հավելված), (տարեկան) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացնում են իրավաբանական անձինք, հիմնարկները, անհատ ձեռնարկատերերը, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 3 հոկտեմբերի 2003 թվականի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության ազգային վիճակագրական ծառայություն` հաշվետվության ձևի վրա նշված ժամկետներում և պարբերականությամբ:

4. Վիճակագրական տեղեկությունների ներկայացման հետ կապված հարաբերությունները կարգավորվում են Հայաստանի Հանրապետության օրենսդրությամբ:

ԼՐԱՑՄԱՆ ԿԱՐԳԸ

5. Հաշվետվությունը ներառում է մանրածախ, մեծածախ և հանրային սննդի կազմակերպությունների ֆինանսական գործունեության հիմնական ցուցանիշները: Հաշվետվությունում ցուցանիշները հաշվառվում են տարվա սկզբից աճողական կարգով:

6. 010-րդ տողում ցույց է տրվում ապրանքաշրջանառության ծավալը: Այս տողը հավասար է 030, 040, 050, 070 տողերի տվյալների գումարին (տող 010 = տող 030 + տող 040 + տող 050 + տող 070):

7. 020-րդ տողում լրացվում է միայն 1-ին սյունակը:

8. 030-րդ տողում նշվում է տնտեսական գործունեությունից ստացված համախառն եկամուտը (առանց ավելացված արժեքի, ակցիզային և այլ հարկերի):

9. 040-րդ տողում ցույց է տրվում ապրանքաշրջանառությունից հաշվարկված ավելացված արժեքի հարկի գումարը:

10. 050-րդ տողում ցույց է տրվում իրացված ապրանքների ակցիզային հարկի գումարը:

11. 060-րդ տողում ցույց է տրվում այլ հարկերը (այդ տողում հաշվետու կազմակերպությունը նշում է հարկատեսակը):

12. 070-րդ տողում լրացվում է վաճառքի նպատակով ձեռք բերված ապրանքների արժեքը:

13. 080-րդ տողում լրացվում է ընդամենը շրջանառության ծախսերը (տող 080 = տող 090 + տող 210 + տող 220 + տող 230 + տող 240):

14. 090-րդ տողում լրացվում են նյութական ծախսերը (տող 090 = տող 100 + տող 110 + տող 120 + տող 130 + տող 140 + տող 150 + տող 160 + տող 170 + տող 180 + տող 190):

15. 100-րդ տողում լրացվում է արտադրական կարիքների համար կատարված վառելիքի, գազի, էլեկտրաէներգիայի ծախսերը:

16. 110-րդ տողում լրացվում է ապրանքների պահպանման, տեսակավորման, լրացուցիչ մշակման և փաթեթավորման ծախսերը:

17. 120-րդ տողում լրացվում է սանիտարական հագուստի, ճաշարանային սպիտակեղենի, փոքրարժեք և արագամաշ առարկաների, ճաշարանների սպասքի և սարքերի մաշվածքի ծախսերը:

18. 130-րդ տողում լրացվում է փոխադրման, պահպանման, իրացման ժամանակ ապրանքների և մթերքների կորուստը:

19. 140-րդ տողում լրացվում է տարայի ծախսերը:

20. 150-րդ տողում լրացվում է ընթացիկ վերանորոգման ծախսերը:

21. 160-րդ տողում լրացվում է շենքերի, շինությունների, կառույցների, գույքի պահպանման ծախսերը:

22. 170-րդ տողում լրացվում է սեփական տրանսպորտային միջոցների վրա կատարված ծախսերը:

23. 180-րդ տողում լրացվում է սեփական գովազդի վրա կատարվող ծախսերը:

24. 190-րդ տողում լրացվում է այլ կազմակերպությունների կողմից կատարված արտադրական բնույթի աշխատանքների և ծառայությունների ծախսերը (ջրամատակարարում, սանմաքրում, կապ և այլն):

25. 200-րդ տողում լրացվում է երկաթուղային, ջրային, օդային տրանսպորտով և ավտոմեքենաներով բեռների փոխադրման ծախսերը:

26. 210-րդ տողում լրացվում է աշխատանքի վարձատրության և դրան հավասարեցված այլ վճարումները:

27. 220-րդ տողում լրացվում է սոցիալական ապահովագրության վճարները (կենսաթոշակային և այլն):

28. 230-րդ տողում լրացվում է հիմնական միջոցների ամորտիզացիոն մասհանումները:

29. 240-րդ տողը իր մեջ ներառում է բոլոր այն ծախսերը, որոնք չեն հաշվառվել վերը նշված ծախսերում (ապահովագրական վճարները (տող 250), վարկի դիմաց տոկոսները (տող 260), մեկնադրամի և օրապահիկի ծախսերը (տող 270), վարձակալական ծախսերը (տող 280), ներկայացուցչական ծախսերը (տող 290), այլ կազմակերպությունների կողմից ոչ նյութական ծառայությունների վճարումները` բանկերի, կապի, ինֆորմացիոն-հաշվողական, պահպանության ծախսերը (տող 300) և այլ ծախսերը (տող 310)): Տող 240 = տող 250 + տող 260 + տող 270 + տող 280 + տող 290 + տող 300+տող 310:

30. 320-րդ տողում լրացվում է իրացումից շահույթը (տող 320 = տող 010 - տող 040 - տող 050 - տող 070 - տող 080):

31. «Աշխատողների միջին ցուցակային թվաքանակը» տողում լրացվում է տվյալ ժամանակաշրջանի համար աշխատողների միջին ցուցակային թվաքանակը, ներառյալ վարչակազմը: Աշխատողների միջին ցուցակային թվաքանակը տարվա համար հաշվարկվում է հաշվետու տարվա ամիսների միջին ցուցակային թվաքանակների գումարը բաժանելով 12-ի:

32. Տեղեկանքի մասում ցույց է տրվում եկամուտ ոչ առևտրային գործունեությունից, դրանից ծախսեր, բնակչությանը ապառիկ վաճառված ապրանքների գումարը, ապառիկ վաճառքի հատկացված գումարը, պարտքը ապառիկ վաճառված ապրանքների դիմաց` հաշվետու ժամանակաշրջանի սկզբում և վերջում:

ԱՌԵՎՏՐԻ ԿԱԶՄԱԿԵՐՊՈՒԹՅՈՒՆՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ

200  թ. համար

հազ. դրամ

Տեղեկանք