«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302373

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ԲՐԴԻ ԵՎ ՆՐԲԱԳԵՂ ՄՈՐԹՈՒ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 15-ԳՆՈՒՄ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն բրդի և նրբագեղ մորթու գնումների մասին» Ձև թիվ 15-գնում (եռամսյակային) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ՀԱՇՎԵՏՎՈՒԹՅՈՒՆ ԲՐԴԻ ԵՎ ՆՐԲԱԳԵՂ ՄՈՐԹՈՒ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 15-ԳՆՈՒՄ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է ձև թիվ 15-գնում (եռամսյակային) հաշվետվությունների լրացման կարգը:

2. Հաշվետվությունները լրացվում են գյուղատնտեսական մթերքի և հումքի գնումներ իրականացնող իրավաբանական անձանց կողմից, որոնք այդ մասին նախապես տեղեկացվում են, միայն հանրապետությունում արտադրված ծավալներից գնված գյուղատնտեսական մթերքի համար, հաշվետվության ձևերի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. «Գնվել է բուրդ` վերահաշվարկված մաքուր մազաթելի, ընդամենը» թիվ 01 տողի 1 և 2 սյունակներում լրացվում են հաշվետու ժամկետում գնված բրդի` վերահաշվարկված մաքուր մազաթելի քանակը և արժեքը:

6. Բրդի զանգվածը (մասսան) մաքուր մազաթելի վերածելու համար, անհրաժեշտ է բրդի ֆիզիկական զանգվածը (մասսան) բազմապատկել տվյալ բրդից փաստացի դուրս բերված մաքուր ելքով:

7. «որից` առևտրային կազմակերպություններից»` թիվ 02 տողի թիվ 1 և 2 սյունակներում լրացվում են բրդի արտադրությամբ զբաղվող, առևտրային կազմակերպություններից գնված, բրդի (վերահաշվարկված մաքուր մազաթելի) ընդհանուր քանակն ու արժեքը:

8. «Ընդհանուր քանակից (տող 01) նուրբ» թիվ 03, «կիսանուրբ» թիվ 04, «կիսակոպիտ» թիվ 05 և «կոպիտ և այլն» թիվ 06 տողերի թիվ 1 սյունակում լրացվում են հաշվետու ժամկետում բրդի` ըստ տեսակների գնված և մաքուր մազաթելի վերածած բրդի քանակը:

9. «Գնվել է բուրդ` ֆիզիկական քաշով, ընդամենը» թիվ 07 տողի թիվ 1 սյունակում լրացվում է հաշվետու ժամկետում գնված բրդի (ֆիզիկական անլվա քաշով) քանակը:

10. «այդ թվում` նուրբ» թիվ 08, «կիսանուրբ» թիվ 09, «կիսակոպիտ» թիվ 10 և «կոպիտ և այլն» թիվ 11 տողերի 1 սյունակում լրացվում է ֆիզիկական անլվա քաշով գնված բրդի ըստ տեսակների արժեքները:

11. «Գնվել է նրբագեղ մորթու հումք, ընդամենը» թիվ 12 տողի 2 սյունակում լրացվում է հաշվետու ժամանակում գնված նրբագեղ մորթու հումքի արժեքը:

12. «Ընդհանուր քանակից (տող 12) գնվել է մորթեղեն արդյունագործական» թիվ 13 տողի 2 սյունակում լրացվում է հաշվետու ժամկետում (տող 12) բրդի ընդհանուր քանակից, գնված արդյունագործական (արդյունաբերական նպատակով օգտագործվող) մորթեղենի արժեքը:

13. «Վանդակավոր գազանաբուծության մորթեղեն» թիվ 14 տողի 2 սյունակում լրացվում է հաշվետու ժամանակում գնված վանդակավոր գազանաբուծության (աղվես, բևեռաղվես, ջրաքիս, նուտրիա, ճագար) մորթեղենի արժեքը:

14. «Մորթու հումք» թիվ 15 տողի 2 սյունակում լրացվում է հաշվետու ժամանակում գնված, ըստ տեսակների մորթու հումքի արժեքը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները և տեղեկատվությունը սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ Հայաստանի Հանրապետության օրենսդրությամբ սահմանված կարգով:

ՀԱՇՎԵՏՎՈՒԹՅՈՒՆ ԲՐԴԻ ԵՎ ՆՐԲԱԳԵՂ ՄՈՐԹՈՒ ԳՆՈՒՄՆԵՐԻ ՄԱՍԻՆ

առ ____ __________ 200__թ