«Գրանցված է»
ՀՀ արդարադատության
նախարարության կողմից
16 դեկտեմբերի 2002 թ.
Պետական գրանցման թիվ 60302357

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ՄՐԳԵՐԻ ԵՎ ԲՈՍՏԱՆԱՅԻՆ ՄՇԱԿԱԲՈՒՅՍԵՐԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 8-ԳՆՈՒՄ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն մրգերի և բոստանային մշակաբույսերի գնումների մասին» Ձև թիվ 8-գնում (ամսական) պետական վիճակագրական հաշվետվության ձևը և լրացման հրահանգը` համաձայն թիվ 1 հավելվածի:

Հ Ր Ա Հ Ա Ն Գ

«ՀԱՇՎԵՏՎՈՒԹՅՈՒՆ ՄՐԳԵՐԻ ԵՎ ԲՈՍՏԱՆԱՅԻՆ ՄՇԱԿԱԲՈՒՅՍԵՐԻ ԳՆՈՒՄՆԵՐԻ ՄԱՍԻՆ» ՁԵՎ ԹԻՎ 8-ԳՆՈՒՄ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է ձև թիվ 8-գնում (ամսական) հաշվետվության լրացման կարգը:

2. Հաշվետվությունները լրացվում են գյուղատնտեսական մթերքի և հումքի գնումներ իրականացնող իրավաբանական անձանց կողմից, որոնք այդ մասին նախապես տեղեկացվում են, միայն հանրապետությունում արտադրված ծավալներից գնված գյուղատնտեսական մթերքի համար, հաշվետվության ձևերի վրա նշված ժամկետներին և պարբերականությամբ:

3. Հաշվետվության ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. «Գնվել է կորիզավոր պտուղներ, ընդամենը»՝ թիվ 01 տողի թիվ 1 և 2 սյունակներում լրացվում են հաշվետու ժամկետում գնված կորիզավոր պտուղների (դեղձ, ծիրան, սալոր, բալ, կեռաս և այլն) քանակը և արժեքը:

6. «Գնվել է հնդավոր պտուղներ, ընդամենը»՝ թիվ 03 տողի թիվ 1 և 2 սյունակներում լրացվում են հաշվետու ժամկետում գնված հնդավոր պտուղների ( խնձոր, տանձ, սերկեֆիլ և այլն ), քանակը և արժեքը:

7. «Գնվել են հատապտուղներ, ընդամենը»՝ թիվ 05 տողի թիվ 1 և 2 սյունակներում լրացվում են հաշվետու ժամկետում գնված մշակվող հատապտուղների (ելակ, գետնամորի, հաղարջ, մասուր, մորի, չիչխան և այլն ) քանակը և արժեքը:

8. «Գնվել են մերձարևադարձային պտուղներ՝ խուրմա, նուռ, թուզ և այլն, առանց ցիտրուսայինների, ընդամենը»՝ թիվ 07 տողի թիվ 1 և 2 սյունակներում լրացվում են հաշվետու ժամկետում գնված մերձարևադարձային պտուղների քանակը և արժեքը:

9. «Գնվել է՝ խաղող, ընդամենը»՝ թիվ 09 տողի, թիվ 1 և 2 սյունակներում լրացվում են հաշվետու ժամկետում գնված խաղողի քանակը և արժեքը:

10. «Գնվել են՝ չոր մրգեր, ընդամենը»՝ թիվ 11 տողի թիվ 1 և 2 սյունակներում լրացվում են հաշվետու ժամկետում գնված չոր մրգերի (չորացրած՝ խնձոր, տանձ, ծիրան, բալ, սալոր, խաղող և այլն) քանակը և արժեքը:

11. «Գնվել են՝ բոստանային մշակաբույսեր, ընդամենը»՝ թիվ 13 տողի թիվ 1 և 2 սյունակներում լրացվում են հաշվետու ժամկետում գնված բոստանային մշակաբույսերի (ձմերուկ և սեխ) քանակը և արժեքը:

12. «որից` առևտրային կազմակերպություններից»՝ թիվ 02, 04, 06, 08, 10, 12, 14 տողերի 1 և 2 սյունակներում լրացվում են առևտրային կազմակերպություններից գնված գյուղատնտեսական մթերքի (ըստ տեսակների) քանակը և արժեքը:

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները և տեղեկատվությունը սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն՝ ՀՀ օրենսդրությամբ սահմանված կարգով:

ՀԱՇՎԵՏՎՈՒԹՅՈՒՆ ՄՐԳԵՐԻ ԵՎ ԲՈՍՏԱՆԱՅԻՆ ՄՇԱԿԱԲՈՒՅՍԵՐԻ ԳՆՈՒՄՆԵՐԻ ՄԱՍԻՆ

առ ____ __________ 200__թ