ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
1 դեկտեմբերի 2001 թվականի N 836
քաղ. Երևան
ԵՐԵՎԱՆԻ ՔԱՂԱՔԱՊԵՏԱՐԱՆԻ ԿԱՌՈՒՑՎԱԾՔՆ ՈՒ ԱՇԽԱՏՈՂՆԵՐԻ ԹԻՎԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1998 ԹՎԱԿԱՆԻ ՆՈՅԵՄԲԵՐԻ 6-Ի N 620 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Համաձայն Հայաստանի Հանրապետության Նախագահի 1997 թվականի մայիսի 6-ի «Երևան քաղաքում պետական կառավարման մասին» ՆՀ-727 հրամանագրի 1.7-րդ կետի՝
1. Հաստատել Երևանի քաղաքապետարանի կառուցվածքը (կցվում է)։
2. Սահմանել Երևանի քաղաքապետարանի աշխատողների թիվը՝ 198 մարդ։
3. Հայաստանի Հանրապետության վարչապետի 1998 թվականի նոյեմբերի 6-ի «Պետական կառավարման մարմինների աշխատողների առավելագույն թվաքանակ և ղեկավարների տեղակալների թվաքանակ սահմանելու մասին» N 620 որոշման մեջ (Հայաստանի Հանրապետության վարչապետի 2001 թվականի մայիսի 15-ի N 368 և հունիսի 8-ի N 424 որոշումների խմբագրությամբ) կատարել հետևյալ փոփոխությունը՝
որոշման հավելվածի 62-րդ կետը շարադրել հետևյալ խմբագրությամբ.
«62. Երևանի քաղաքապետարան 198 3 -»։
4. Երևանի քաղաքապետին՝
ա) սույն որոշմամբ սահմանված աշխատողների առավելագույն թվի ու Հայաստանի Հանրապետության պետական բյուջեով նախատեսված աշխատավարձի ֆոնդի սահմաններում ինքնուրույն սահմանել աշխատողների թիվը և պաշտոնային դրույքաչափերը՝ պահպանելով Հայաստանի Հանրապետության վարչապետի 1999 թվականի ապրիլի 16-ի «Հայաստանի Հանրապետության բյուջետային հիմնարկների աշխատողների պաշտոնային դրույքաչափերը հաստատելու մասին» N 226 որոշմամբ սահմանված առանձին պաշտոնների պաշտոնային դրույքաչափերի միջև հարաբերակցությունը.
բ) ապահովել հաստիքային միավորների կրճատման հետևանքով աշխատանքից ազատվող աշխատողների՝ Հայաստանի Հանրապետության օրենսդրությամբ սահմանված երաշխիքները և սույն որոշմամբ նախատեսված միջոցառումների իրականացումը։
5. Ուժը կորցրած ճանաչել Հայաստանի Հանրապետության վարչապետի 1998 թվականի հուլիսի 24-ի «Երևանի քաղաքապետարանի կառուցվածքը և աշխատողների թիվը հաստատելու մասին» N 446, 2000 թվականի սեպտեմբերի 26-ի «Հայաստանի Հանրապետության վարչապետի 1998 թվականի հուլիսի 24-ի N 446 որոշման մեջ փոփոխություն կատարելու մասին» N 650 և 2001 թվականի հունվարի 31-ի «Հայաստանի Հանրապետության վարչապետի 1998 թվականի հուլիսի 24-ի N 446 որոշման մեջ փոփոխություն կատարելու մասին» N 71 որոշումները։
|
Հայաստանի Հանրապետության |
Ա. Մարգարյան |
|
Հաստատված է |
Կ Ա Ռ ՈՒ Ց Վ Ա Ծ Ք
Երևանի քաղաքապետարանի
Քաղաքապետի աշխատակազմ
Անշարժ գույքի կառավարման վարչություն
Առևտրի և սպասարկումների վարչություն
Առողջապահության վարչություն
Արտաքին կապերի վարչություն
Բարեկարգման, շինարարության և գյուղատնտեսության վարչություն
Բնապահպանության վարչություն
Գործերի կառավարման վարչություն
Իրավաբանական վարչություն
Կոմունալ տնտեսության վարչություն
Կրթության վարչություն
Ճարտարապետաշինարարական վերահսկողության վարչություն
Ճարտարապետության և քաղաքաշինության վարչություն
Մշակույթի, երիտասարդության հարցերի և սպորտի վարչություն
Սոցիալական ապահովության վարչություն
Տեղեկատվության վարչություն
Տրանսպորտի վարչություն
Ֆինանսատնտեսագիտական վարչություն
Առաջին բաժին
Կազմակերպատեսչական բաժին
Հաշվապահություն
