«Գրանցված է»
ՀՀ արդարադատության
նախարարության կողմից
21 հունվարի 2004 թ.
Պետական գրանցման թիվ 60304007

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԲՆԱԿԵԼԻ ՇԵՆՔԵՐԻ, ՍՈՑԻԱԼ-ՄՇԱԿՈՒԹԱՅԻՆ ԵՎ ԱՐՏԱԴՐԱԿԱՆ ՆՇԱՆԱԿՈՒԹՅԱՆ ՕԲՅԵԿՏՆԵՐԻ ԳՈՐԾԱՐԿՄԱՆ ԵՎ ԿԱՊԱԼԱՅԻՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ» ՁԵՎ ԹԻՎ 1-ԿՇ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՄԵԹՈԴԱԿԱՆ ՑՈՒՑՈՒՄՆԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Բնակելի շենքերի, սոցիալ-մշակութային և արտադրական նշանակության օբյեկտների գործարկման և կապալային աշխատանքների կատարման մասին» Ձև թիվ 1-ԿՇ (ամսական) պետական վիճակագրական հաշվետվության ձևը և լրացման մեթոդական ցուցումները` համաձայն հավելված 1-ի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 9-ի «Բնակելի շենքերի, սոցիալ-մշակութային և արտադրական նշանակության օբյեկտների գործարկման և կապալային աշխատանքների կատարման մասին» ձև թիվ 1-ԿՇ (շտապ-ամսական) պետական վիճակագրական հաշվետվության ձևը և լրացման հրահանգը հաստատելու մասին» թիվ 134-Ն որոշումը:

Մ Ե Թ Ո Դ Ա Կ Ա Ն  Ց ՈՒ Ց ՈՒ Մ Ն Ե Ր

«ԲՆԱԿԵԼԻ ՇԵՆՔԵՐԻ, ՍՈՑԻԱԼ-ՄՇԱԿՈՒԹԱՅԻՆ ԵՎ ԱՐՏԱԴՐԱԿԱՆ ՆՇԱՆԱԿՈՒԹՅԱՆ ՕԲՅԵԿՏՆԵՐԻ ԳՈՐԾԱՐԿՄԱՆ ԵՎ ԿԱՊԱԼԱՅԻՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ» ՁԵՎ ԹԻՎ 1-ԿՇ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Մեթոդական ցուցումները սահմանում են «Բնակելի շենքերի, սոցիալ-մշակութային և արտադրական նշանակության օբյեկտների գործարկման և կապալային աշխատանքների կատարման մասին» (այսուհետ հաշվետվության) ձև թիվ 1-ԿՇ պետական վիճակագրական հաշվետվությունում լրացման կարգը:

2. Հաշվետվությունը ներկայացնում են Հայաստանի Հանրապետության տարածքում շինարարական կապալային աշխատանքներ իրականացնող իրավաբանական անձինք և անհատ ձեռնարկատերերը, որոնք այդ մասին նախապես տեղեկացվում են:

3. Հաշվետվությունում արտացոլվող ցուցանիշները կազմվում են աճողական կարգով:

4. Վիճակագրական տեղեկությունների ներկայացման այլ խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

Հաշվետվությունը կազմված է 3 բաժիններից`

1. «Բնակելի շենքերի, սոցիալ-մշակութային և արտադրական նշանակության օբյեկտների շինարարություն»

2. «Կապալային աշխատանքներ»

3. «Հիմնական պատվիրատու նախարարությունների և առևտրային կազմակերպությունների համար ֆինանսավորման բոլոր աղբյուրների հաշվին կատարված կապալային աշխատանքների ծավալը»

5. «Բնակելի շենքերի, սոցիալ-մշակութային և արտադրական նշանակության օբյեկտների շինարարություն» բաժնում լրացվում են կառուցվող բնակելի շենքերի, սոցիալ-մշակութային և արտադրական նշանակության օբյեկտների շինարարության (ներառյալ սեփական օբյեկտների շինարարությունը) վերաբերյալ տվյալները` անկախ ֆինանսավորման աղբյուրից, իսկ 1-3 սյունակներում համապատասխանաբար ըստ տարեսկզբից, այդ թվում գյուղական վայրերում և նախորդ տարվա համապատասխան ժամանակաշրջանում:

Այն կապալառու կազմակերպությունները, որոնք ենթակապալային պայմանագրերի հիման վրա կատարում են մասնագիտացված աշխատանքներ այս բաժինը չեն լրացնում:

6. «Կապալային աշխատանքներ» բաժնում լրացվում են ֆինանսավորման բոլոր աղբյուրների հաշվին կատարված կապալային աշխատանքների ծավալների վերաբերյալ տվյալները (ներառյալ հաշվետու կազմակերպության սեփական շինարարությունը): Կապալային աշխատանքների արժեքը լրացվում է փաստացի գներով, որից հանվում է կապալառու կազմակերպության կողմից կատարված նախագծահետախուզական, կառույցները սարքավորումներով հագեցնելու համար կատարված աշխատանքների արժեքը:

7. 200 տողում լրացվում են ֆինանսավորման բոլոր աղբյուրների հաշվին կապալային աշխատանքների ծավալը և կապիտալ վերանորոգման ծախսը:

8. 201 տողում լրացվում են արտադրական նշանակության օբյեկտների վրա (այդ թվում` 202 տողում բնակչության պատվերով) կատարված աշխատանքները:

9. 203 տողում լրացվում են ոչ արտադրական նշանակության օբյեկտների վրա (այդ թվում` 204 տողում բնակչության պատվերով) կատարված աշխատանքները:

10. 205 տողում շինարարական կապալառու կազմակերպությունները 200 տողից առանձնացնում են սեփական ուժերով կատարված կապալային աշխատանքների ծավալները:

11. 206 տողում` ներգրավված բոլոր ենթակապալառու կազմակերպությունների կողմից կատարված կապալային աշխատանքների ծավալը:

12. 207 տողում արտացոլվում են 200 տողից առևտրական կազմակերպությունների, ինչպես նաև բնակչության պատվերով կապիտալ վերանորոգման վրա կատարված ծախսերը:

13. 208 տողում արտացոլվում են առևտրական կազմակերպությունների կողմից ընթացիկ վերանորոգման վրա կատարված ծախսերը:

14. Ավելացված արժեքի հարկի գումարները կատարված կապալային աշխատանքների ծավալի մեջ չեն ներառվում:

15. «Հիմնական պատվիրատու նախարարությունների և առևտրային կազմակերպությունների համար ֆինանսավորման բոլոր աղբյուրների հաշվին կատարված կապալային աշխատանքների արժեքը» բաժնում լրացվում են արտադրական և ոչ արտադրական նշանակության օբյեկտների վրա ֆինանսավորման բոլոր աղբյուրների հաշվին կատարված կապալային աշխատանքների արժեքի վերաբերյալ տվյալներն ըստ պատվիրատու նախարարությունների և առևտրային կազմակերպությունների:

3-րդ բաժնի ցուցանիշները լրացվում են եռամսյակային պարբերականությամբ:

16. Աշխատողների միջին ցուցակային թվաքանակը, տարեսկզբից հաշվարկվում է` հաշվետու տարվա ամիսների աշխատողների միջին ցուցակային թվաքանակի գումարը ամիսների թվի վրա բաժանելով:

ԲՆԱԿԵԼԻ ՇԵՆՔԵՐԻ, ՍՈՑԻԱԼ-ՄՇԱԿՈՒԹԱՅԻՆ ԵՎ ԱՐՏԱԴՐԱԿԱՆ ՆՇԱՆԱԿՈՒԹՅԱՆ ՕԲՅԵԿՏՆԵՐԻ ԳՈՐԾԱՐԿՄԱՆ ԵՎ ԿԱՊԱԼԱՅԻՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ

200___թ. հունվար- ________ -ին

1. Սոցիալ-մշակութային նշանակության օբյեկտների շինարարություն

2. Կապալային աշխատանքներ

3. Հիմնական պատվիրատու նախարարությունների եվ առեվտրային կազմակերպությունների համար ֆինանսավորման բոլոր աղբյուրների հաշվին կատարված կապալային աշխատանքների ծավալը