«Գրանցված է»
ՀՀ արդարադատության
նախարարության կողմից
8 նոյեմբերի 2002 թ.
Պետական գրանցման թիվ 60302278

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ԱՆՏԱՌՏՆՏԵՍԱԿԱՆ ԱՇԽԱՏԱՆՔՆԵՐԻ ՄԱՍԻՆ» ՁԵՎ ԹԻՎ 7-ԱՏ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն անտառտնտեսական աշխատանքների մասին» Ձև թիվ 7-ատ պետական վիճակագրական հաշվետվության ձևը և լրացման հրահանգը` համաձայն հավելված 1-ի:

Հ Ր Ա Հ Ա Ն Գ

«ԱՆՏԱՌՏՆՏԵՍԱԿԱՆ ԱՇԽԱՏԱՆՔՆԵՐԻ ՄԱՍԻՆ» ՁԵՎ N 7-ԱՏ (ՏԱՐԵԿԱՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Անտառտնտեսական աշխատանքների մասին» ձև N 7-ատ (տարեկան) ամփոփ պետական վիճակագրական հաշվետվության լրացման կարգը:

2. Հաշվետվությունը կազմում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև հունվարի 30-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

5. «Անտառտնտեսական աշխատանքների ծավալը» տողում (101) ընդգրկված են տնտեսավարման եղանակով իրականացված հետևյալ աշխատանքները. անտառի տնկում և անտառի ցանքս, օժանդակում անտառի բնական աճին, հողի նախապատրաստում, ստանդարտներին համապատասխան անտառտնկիների աճեցում, անտառկուլտուրաների խնամք, սերմերի մթերում, անտառխնամքի հատումներ, հատատեղերի նախապատրաստում, պայքար անտառի վնասատուների և հիվանդությունների դեմ, անտառտնտեսության վարման հետ կապված այլ աշխատանքներ, ինչպես նաև պայմանագրային հիմունքներով (անտառային տարածքների չորացում, ոռոգման ցանցերի անցկացում և այլն) և կողային (գյուղացիական տնտեսությունների հետ պայմանագրով պաշտպանիչ անտառաշերտերի ստեղծում) աշխատանքներ: Այստեղ չեն ընդգրկվում անտառային հրդեհների մարման աշխատանքները, անտառի խնամքի (տնտհաշվարկային գործունեությամբ), անտառտնտեսական այլ հատումները, ինչպես նաև այլ անտառմթերող կազմակերպությունների կողմից արմատի վրա անտառի բաց թողնման աշխատանքները:

6. Տող 103-ում բերվում է ավիացիայի օգնությամբ անտառները հրդեհներից պահպանման ծախսերը:

7. Տող 104-ում բերվում է անտառշինարարության համար փաստացի կատարված վճարները:

8. Տող 105-ում բերվում է կանաչ գոտիների բարեկարգված տարածքի մակերեսը: Բարեկարգման աշխատանքները ներառում են ճանապարհների և արահետների, մեքենաների կայանատեղերի, խարույկատեղերի, ճարտարապետական կառույցների, ծածկերի, անցումային կամուրջների կառուցումը, բնական աղբյուրների բարեկարգումը, ռեկրեացիոն անտառների խնամքը, նրանցում գտնվող օբյեկտների վերանորոգումը, անտառային հողերի ռեկուլտիվացիան և անտառներում կատարվող այլ աշխատանքները:

10. Տող 106-ում բերվում է բարեկարգման համար կատարված ծախսերը:

11. «Մեքենայացված աշխատանքների ծավալը արտահայտված պայմանական չափանմուշային հեկտարներով» տողում (107) բերվում է մեքենայացված բոլոր տեսակի աշխատանքները՝ ներառած նաև դրսում կատարած աշխատանքները:

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ԱՆՏԱՌՏՆՏԵՍԱԿԱՆ ԱՇԽԱՏԱՆՔՆԵՐԻ ՄԱՍԻՆ

200…թ. համար