«Գրանցված է»
ՀՀ արդարադատության
նախարարության կողմից
5 դեկտեմբերի 2002 թ.
Պետական գրանցման թիվ 60302328

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ՈՐՍՈՐԴԱԿԱՆ ՏՆՏԵՍՈՒԹՅՈՒՆՆԵՐԻ ՄԱՍԻՆ» ՁԵՎ ԹԻՎ 2-ՏԱ (ՈՐՍ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն որսորդական տնտեսությունների մասին» Ձև թիվ 2-տա (որս) պետական վիճակագրական հաշվետվության ձևը և լրացման հրահանգը` համաձայն հավելվածի 1-ի:

Հ Ր Ա Հ Ա Ն Գ

«ՈՐՍՈՐԴԱԿԱՆ ՏՆՏԵՍՈՒԹՅՈՒՆՆԵՐԻ ՄԱՍԻՆ» ՁԵՎ N 2-ՏԱ (ՈՐՍ) (ՏԱՐԵԿԱՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Որսորդական տնտեսությունների մասին» ձև N 2-տա (որս) (տարեկան) ամփոփ պետական վիճակագրական հաշվետվության լրացման կարգը:

2. Հաշվետվությունը կազմում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև փետրվարի 5-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ ա ժ ի ն  1

Վայրի կենդանիների ՊԱՀՊԱՆՄԱՆ ԵՎ վերարտադրության միջոցառումները

5. «Վայրի կենդանիների պահպանման և վերարտադրության ծախսեր» տողում (101) բերվում է վայրի կենդանիների հաշվառման, պետորսվերահսկողության և որսորդական տնտեսության ծառայության պահպանման, ինչպես նաև վայրի կենդանիների պահպանության, վերարտադրության և այլ միջոցառումների իրականացման համար կատարված ծախսերը: Դրանցից առանձնացվում են`

6. «Վայրի կենդանիների հաշվառման անցկացումը» տողում (102) բերվում է վայրի կենդանիների հաշվառումն իրականացնող արտացուցակային կազմի աշխատողների աշխատավարձը, դաշտային սննդի, տրանսպորտի, քարտեզագրաֆիկական նյութերի և այլ ծախսեր: Եթե հաշվառումն անցկացնում են հաստիքային աշխատողներ կամ հասարակական հիմունքներով ընդգրկվածները (ներառյալ նրանց տրանսպորտային միջոցները), ապա հաշվառման համար կատարվող ծախսերը ցույց չեն տրվում: Այս դեպքում բերվում են այն մակերեսները, որոնց վրա վերջիններս կատարել են հաշվառումը (բաժին 2, տող 207),

7. «Վայրի կենդանիների պահպանումը» տողում (103) բերվում է վայրի կենդանիների պահպանումն իրականացնող պետորսվերահսկողության և որսորդական պահպանման ծառայությունների ծախսերը (ծառայությունների աշխատողների աշխատավարձը, տաբելային զենքի և արտահագուստի արժեքները, տրանսպորտի, վառելիքի, կապի միջոցների ձեռք բերման և պահպանման ծախսերը),

8. «վայրի կենդանիների պահպանման և վերարտադրության համար կենսատեխնիկական միջոցառումները» տողում (104) բերվում է այդ նպատակի համար պետական բյուջեից և այլ աղբյուրներից ստացված գումարները: «Վայրի կենդանիների պահպանության և վերարտադրության կենսատեխնիկական միջոցառումների ծախսերին են վերաբերում վայրի կենդանիների և թռչունների վերաբնակեցման, կերակրման տեղերի պատրաստման, արհեստական բների ստեղծման կենսատեխնիկական կառուցվածքների (կերակրամաններ, կերապահեստներ, սիլոսի հորեր, աղի կուտակիչներ և այլն) և շինությունների ծախսերը: Ծախսերի մեջ ներառվում են նաև արտացուցակային աշխատողների աշխատավարձը, վնասակար կենդանիների որսման կամ ոչնչացման ծախսերը` բացառությամբ այդ նպատակով տեխնիկական միջոցառումներին օժանդակող ծախսերի: Չեն ներառվում կենսատեխնիկական միջոցառումներն իրականացնող որսորդմիության անդամների աշխատանքի մասնաբաժինը` դրամական արտահայտությամբ, բաժին 2-ի տող 211-ում ընդգրկված աշխատողների աշխատավարձը, ինչպես նաև ծառայողական ձիերի, որսորդական շների կերակրման, պահպանման և որսորդտնտեսական այլ ծախսեր:

9. Կենսատեխնիկական միջոցառումների ծախսերից առանձնացվում են`

1) «վայրի կենդանիների և թռչունների վերաբնակեցումը (ներառյալ որսորդական հանդակների հետազոտության աշխատանքները) տողում (105) բերվում է բազմացման նպատակով վայրի կենդանիների ձեռք բերման, տեղափոխման և որսորդական հանդակներում դրանց բաց թողնման ծախսերը: Այս ծախսերի մեջ մտնում են կենդանիների կերի ձեռք բերման, կերի և կենդանիների տեղափոխման հետ կապված տրանսպորտային և շահագործման, նոր կենդանիների վերաբնակեցման համար նախատեսված նոր որսորդական հանդակների, վերաբնակեցված կենդանիների կենսունակության ուսումնասիրությունների կազմակերպման ծախսերն, ինչպես նաև արտացուցակային կազմի աշխատողների աշխատավարձը,

2) «վայրի կենդանիների կերակրման համար կերի մթերում» տողում (106) բերվում է հաշվետու տարում կերի ձեռք բերման ու կուտակման ծախսերը, ներառյալ սերմերի և կերի դաշտերից հավաքված արտադրանքի ծախսերը:

10. Որսորդտնտեսավարական և որսորդտնտեսական հետազոտություններում ընդգրկված տարածքը բերվում է տող 107-ում, իսկ այդ նպատակով ծախսված գումարները` տող 108-ում:

Բ ա ժ ի ն  2

Որսորդական տնտեսությունը վարելու ծախսերը, որսորդական հանդակների մակերեսը ԵՎ անձնակազմը

11. «Որսորդական տնտեսության վարման ընդհանուր ծախսերը» տողում (201) բերվում է բոլոր ծախսերն` անկախ ֆինանսավորման աղբյուրներից: Այդ ծախսերի մեջ ներառվում են վայրի կենդանիների պահպանության և վերարտադրության ծախսերը, որսորդտնտեսությունում զբաղված աշխատողների աշխատավարձը, որսորդական տնակների, բազաների, խրճիթների, ծառայողական և արտադրական կառույցների, ճանապարհների, տրանսպորտային միջոցների պահպանման, ինչպես նաև ջեռուցման, լուսավորման, ընթացիկ նորոգման ծախսերը, որսորդական հրազենի ձեռք բերման և որսորդատնտեսվարման այլ ծախսեր: Չեն հաշվառվում շինարարական և կապիտալ վերանորոգման ծախսերն, ինչպես նաև կենսատեխնիկական միջոցառումներում որսորդմիության անդամների աշխատամասնակցությունը:

12. «Որսորդական հանդակների ընդհանուր մակերեսը» տողում (204) ներառվում են այն հողային, անտառային և ջրային տարածքները, որոնք ծառայում են որպես վայրի կենդանիների և թռչունների բնակատեղեր և կարող են օգտագործվել որսորդական տնտեսության վարման համար:

13. Ամրացված որսորդական հանդակների մակերեսը բերվում է տող 205-ում: Այդ տարածքների այն մասը, որտեղ, համաձայն որսորդտնտեսության վարման նախագծերի, անցկացվել է որսորդտնտեսվարություն, բերվում է տող 206-ում:

14. «Մակերես, որտեղ անցկացված է վայրի կենդանիների հաշվառում» տողում (207) բերվում է որսորդական հանդակների այն մակերեսը, որտեղ հաշվառվել է որսի կենդանիների քանակը: Եթե նույն տարածքի վրա հաշվառումն անցկացվել է մի քանի անգամ, ապա հաշվետվությունում բերվում է մեկ անգամ և ընդգրկված առավելագույն մակերեսը:

15. Որսորդական տնտեսությունում զբաղված աշխատողների թվաքանակն ըստ տարեվերջյան ցուցակի բերվում է 208 տողում (ներառյալ բուծարանների և թռչնաֆերմաների աշխատողները): Ընդ որում, նրանցից առանձնացվում են մասնագետ որսագետները (տող 209) և հաստիքային եգերները (ներառյալ ավագները) (տող 210):

16. Որսորդական տնտեսությունում զբաղված աշխատողների աշխատավարձը բերվում է տող 211-ում:

17. «Որսորդտնտեսական գործունեությունից ստացված եկամուտ» տողում (212) բերվում է այն գումարը, որն ստացվել է հրազենով որսված, իրացված (միս, մորթի, ճարպ, պոզեր և այլն) արտադրանքից, ինչպես նաև վճարովի ծառայություններից (տրանսպորտային միջոցների, կացարանի, հագուստի տրամադրում և այլն): Եկամուտների մեջ չեն հաշվառվում մուտքավճարները, անդամավճարները, նպատակային ստացված գումարները և այլն:

Բ ա ժ ի ն  3

Որսորդական կենդանիների քանակը, տարաբնակեցումը եՎ որսումը

18. Ամրակայված որսորդական հանդակներում որսի կենդանիների և թռչունների քանակն (առկա գլխաքանակը) ըստ տեսակների` համաձայն հաշվետու տարում անցկացված հաշվառման, բերվում է սյունակ 1-ում: Եթե հաշվետու տարում հաշվառումը չի կատարվել, ապա հաշվետվությունում նշվում են տվյալ տեսակի վերջին հաշվառման տվյալները` նշելով վերջին հաշվառման տարեթիվը: Եթե հաշվետու տարում հաշվառումը կատարվել է մի քանի անգամ, ապա բերվում են վերջին հաշվառման տվյալները:

19. Սյունակ 2-ում բերվում է առկա որսաքանակից փաստացի որսվածը` հիմք ընդունելով որսորդության գրանցման մատյանը, արտոնագրերը (թույլտվությունները), հրազենով որսորդության քարտերը, ուղեգրերը: Ընդգրկվում են նաև որսված այն կենդանիները, որոնք վաճառվել են այլ կազմակերպությունների (կրկես, տարաբնակեցման նպատակով և այլն/ (սյունակ 3): Որսորդների անձնական կարիքների համար որսված կենդանիներն այս սյունակում չեն հաշվառվում: Ընդ որում, տարաբնակեցման տվյալները բերվում են սյունակ 4-ում:

20. Մթերող կազմակերպություններին հանձնված արհեստագործական մորթեղենի քանակը և արժեքը բերվում է տող 322-ում:

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ՈՐՍՈՐԴԱԿԱՆ ՏՆՏԵՍՈՒԹՅՈՒՆՆԵՐԻ ՄԱՍԻՆ

200... թ. համար

Բ Ա Ժ Ի Ն  1

Վայրի կենդանիների պահպանման եվ վերարտադրության միջոցառումները

Բ Ա Ժ Ի Ն  2

Որսորդական տնտեսությունը վարելու ծախսերը, որսորդական հանդակների մակերեսը եվ անձնակազմը

Բ Ա Ժ Ի Ն  3

Որսորդական կենդանիների քանակը, տարաբնակեցումը եվ որսումը

322. Հանձնվել է մթերող կազմակերպություններին արհեստագործական մորթեղեն, ընդամենը

______________ հազ. դրամ

______________ հազ. հատ մորթի