603.0097.20.11.01

ՀՀ արդարադատության

նախարարության կողմից

22 հունվարի 2002 թ.

Պետական գրանցման թիվ 60302009

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՆՊԱՍՏԱՌՈՒՆԵՐԻ ԹՎԱՔԱՆԱԿԻ ԵՎ ՆՊԱՍՏԻ ԳՈՒՄԱՐԻ ՉԱՓԻ ՄԱՍԻՆ» ՁԵՎ ԹԻՎ 1-ԸՆՏԱՆԵԿԱՆ ՆՊԱՍՏ ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե/ կետով սահմանված դրույթով, Հայաստանի Հանրապետության վիճակագրության պետական խորհուրդը որոշում է.

հաստատել «Նպաստառուների թվաքանակի և նպաստի գումարի չափի մասին» ձև թիվ 1-ընտանեկան նպաստ ամփոփ պետական վիճակագրական հաշվետվության ձևը և լրացման Հրահանգը:

Հ Ր Ա Հ Ա Ն Գ

«Նպաստառուների թվաքանակի եվ նպաստի գումարի չափի մասին»` ձեվ թիվ 1-ընտանեկան նպաստ ամփոփ պետական վիճակագրական հաշվետվության լրացման

Ընդհանուր դրույթներ

Հրահանգը սահմանում է «Նպաստառուների թվաքանակի և նպաստի գումարի չափի մասին» ձև թիվ 1-ընտանեկան նպաստ ամփոփ պետական վիճակագրական կիսամյակային հաշվետվության լրացման կարգը (այսուհետ` հաշվետվություն):

Հաշվետվությունը կազմում է ՀՀ սոցիալական ապահովության նախարարությունը:

Հաշվետվության ձևի բոլոր սյունակների տողերը պետք է լրացված լինեն համապատասխան և հավաստի թվերով, իսկ դրանց բացակայության դեպքում դրվի (-) նշանը:

Վիճակագրական հաշվետվությունը ստորագրում է ղեկավարը, ինչպես նաև նշվում է կատարողի ազգանունն ու հեռախոսի համարը:

Հաշվետվությունը ներկայացվում է ՀՀ Ազգային վիճակագրական ծառայություն մինչև հաշվետու ժամանակաշրջանին հաջորդող ամսվա 20-ը:

Վիճակագրական տեղեկությունների ներկայացման հետ կապված խնդիրները կարգավորվում են ՀՀ օրենսդրությամբ սահմանված կարգով:

Հաշվետվության լրացման կարգը

Հաշվետվությունը կազմված է 2 բաժնից՝ 1. «Աղքատության ընտանեկան նպաստ և միանվագ դրամական օգնություն ստացող ընտանիքներ» և 2. «Աղքատության ընտանեկան նպաստ և միանվագ դրամական օգնություն ստացող ընտանիքների անդամների թվաքանակն ըստ սոցիալական խմբերի»:

Բ ա ժ ի ն  1

Աղքատության ընտանեկան նպաստ եվ միանվագ դրամական օգնություն ստացող ընտանիքներ

«Ընտանիքների քանակը» սյունակ 1-ում բերվում է աղքատության նպաստ ստացող (տող 102) և միանվագ դրամական օգնություն ստացող (տող 103) ընտանիքների ընդհանուր քանակը: «Ընդամենը» տող 101-ում բերվում է 102 և 103 տողերի գումարը: Տող 103-ից առանձնացվում է անապահովության սահմանային մեծության միավորից բարձր միավոր ունեցող (տող 104), զինվորական ծառայության ժամանակ զոհված (մահացած) զինծառայողների (տող 105) և անապահովության սահմանային մեծության միավորին հավասար և դրանից ցածր միավոր ունեցող (տող 106) ընտանիքների քանակը: «Պետական բյուջեով նախատեսված գումարը տարվա համար» սյունակ 4-ում բերվում է ամբողջ տարվա համար պետական բյուջեով նախատեսված գումարը: «Փաստացի վճարված գումարը» և «Չվճարված գումարը» սյունակները (5-6) լրացվում են հաշվետու տարվա հուլիսի 1-ի և հաշվետու տարվան հաջորդող տարվա հունվարի 1-ի դրությամբ:

Բ ա ժ ի ն  2

Աղքատության ընտանեկան նպաստ եվ միանվագ դրամական օգնություն ստացող ընտանիքների անդամների թվաքանակն ըստ սոցիալական խմբերի

Բաժնում բերվում են տվյալներ աղքատության ընտանեկան նպաստ ստացող (սյունակներ 1-2), միանվագ դրամական օգնություն ստացող (սյունակներ 3-8) ընտանիքների քանակի և դրանց անդամների թվաքանակի մասին ըստ նրանց սոցիալական խմբերի:

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ՆՊԱՍՏԱՌՈՒՆԵՐԻ ԹՎԱՔԱՆԱԿԻ ԵՎ ՆՊԱՍՏԻ ԳՈՒՄԱՐԻ ՉԱՓԻ ՄԱՍԻՆ

_______________ կիսամյակ 200 __ թ.

1. Աղքատության ընտանեկան նպաստ եվ միանվագ դրամական օգնություն ստացող ընտանիքներ

* լրացվում է հաշվետու տարվա հուլիսի 1-ի և հաշվետու տարեվերջի դրությամբ

2. Աղքատության ընտանեկան նպաստ եվ միանվագ դրամական օգնություն ստացող ընտանիքների անդամների թվաքանակն ըստ սոցիալական խմբերի