«Վավերացնում եմ»
Հայաստանի Հանրապետության
Նախագահ Ռ. Քոչարյան
28 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 դեկտեմբերի 2002 թվականի N 2073-Ն

ՄԱՔՍԱՅԻՆ ԾԱՌԱՅՈՂԻՆ ԱՅԼ ՏԱՐԱԾԱՇՐՋԱՆԻ ՄԱՔՍԱՅԻՆ ՄԱՐՄԻՆ ԾԱՌԱՅՈՂԱԿԱՆ ՏԵՂԱՓՈԽՄԱՆ ՀԵՏ ԿԱՊՎԱԾ ԲՆԱԿԵԼԻ ՏԱՐԱԾՔ ՏՐԱՄԱԴՐԵԼՈՒ ԿԱՄ ԲՆԱԿԵԼԻ ՏԱՐԱԾՔ ՎԱՐՁԱԿԱԼԵԼՈՒ, ՏԵՂԱՓՈԽՎԵԼՈՒ ԵՎ ԱՆՁՆԱԿԱՆ ԳՈՒՅՔԸ ՏԵՂԱՓՈԽԵԼՈՒ ՀԵՏ ԿԱՊՎԱԾ ԾԱԽՍԵՐԻ ՓՈԽՀԱՏՈՒՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

«Մաքսային ծառայության մասին» Հայաստանի Հանրապետության օրենքի 32-րդ հոդվածի երկրորդ և երրորդ մասերին համապատասխան՝ Հայաստանի Հանրապետության կառավարությունը որոշում է.

1. Սահմանել մաքսային ծառայողին այլ տարածաշրջանի մաքսային մարմին ծառայողական տեղափոխման հետ կապված բնակելի տարածք տրամադրելու կամ բնակելի տարածք վարձակալելու, տեղափոխվելու և անձնական գույքը տեղափոխելու հետ կապված ծախսերի փոխհատուցման կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

ՄԱՔՍԱՅԻՆ ԾԱՌԱՅՈՂԻՆ ԱՅԼ ՏԱՐԱԾԱՇՐՋԱՆԻ ՄԱՔՍԱՅԻՆ ՄԱՐՄԻՆ ԾԱՌԱՅՈՂԱԿԱՆ ՏԵՂԱՓՈԽՄԱՆ ՀԵՏ ԿԱՊՎԱԾ ԲՆԱԿԵԼԻ ՏԱՐԱԾՔ ՏՐԱՄԱԴՐԵԼՈՒ ԿԱՄ ԲՆԱԿԵԼԻ ՏԱՐԱԾՔ ՎԱՐՁԱԿԱԼԵԼՈՒ, ՏԵՂԱՓՈԽՎԵԼՈՒ ԵՎ ԱՆՁՆԱԿԱՆ ԳՈՒՅՔԸ ՏԵՂԱՓՈԽԵԼՈՒ ՀԵՏ ԿԱՊՎԱԾ ԾԱԽՍԵՐԻ ՓՈԽՀԱՏՈՒՑՄԱՆ

1. Սույն կարգը սահմանում է մաքսային ծառայողին ծառայողական տեղափոխման հետ կապված բնակելի տարածքի տրամադրման, բնակելի տարածքի վարձակալման, տեղափոխման և անձնական գույքի տեղափոխման հետ կապված ծախսերի փոխհատուցման հետ կապված հարաբերությունները:

2. Մաքսային ծառայողին այլ տարածաշրջանի մաքսային մարմին ծառայողական տեղափոխումը դիտարկվում է որպես մաքսային ծառայողին մեկ տարածաշրջանային մաքսային մարմնից մեկ այլ տարածաշրջանի մաքսային մարմնում պաշտոնի նշանակում կամ վերադաս մաքսային մարմնից տարածաշրջանի մաքսային մարմնում պաշտոնի նշանակում և հակառակը:

3. Մաքսային ծառայողին այլ մաքսային տարածաշրջան ծառայողական տեղափոխման ժամանակ (իր բնակավայրից (գրանցման վայրից) 30 կմ և ավելի հեռավորության վրա) այդ վայրում մաքսային մարմինների ծառայողական բնակելի տարածքի առկայության դեպքում մաքսային ծառայողին և նրա հետ բնակվող ընտանիքի անդամներին այն տրամադրվում է (առաջարկվում է) անվճար:

4. Մաքսային ծառայողին այլ տարածաշրջանի մաքսային մարմին ծառայողական տեղափոխման դեպքում (իր բնակավայրից (գրանցման վայրից) 30 կմ և ավելի հեռավորության վրա) մշտական բնակելի տարածքի և ծառայողական բնակելի տարածքների բացակայության դեպքում ծառայողին ու նրա հետ բնակվող ընտանիքի անդամներին՝ բնակելի տարածքի վարձակալման համար վճարվում է ամենամսյա դրամական փոխհատուցում՝ փաստացի վճարված գումարի չափով, բայց ոչ ավելի, քան`

5. Մաքսային ծառայողին այլ տարածաշրջանի մաքսային մարմին ծառայողական տեղափոխման դեպքում բնակելի տարածքի տրամադրում կամ բնակելի տարածքի վարձակալման համար ամենամսյա դրամական փոխհատուցում չի տրամադրվում, եթե մաքսային ծառայողը կամ նրա ընտանիքի անդամները բնակվում են այդ վայրում (ունեն բնակարան):

6. Մաքսային ծառայողին այլ տարածաշրջանի մաքսային մարմին ծառայողական տեղափոխման դեպքում նախկին վայրում ծառայողական բնակելի տարածքն ազատվում է նոր նշանակումից հետո 15 օրվա ընթացքում, իսկ վարձակալված բնակելի տարածքի համար դրամական փոխհատուցումը կարող է շարունակվել 15 օր` մինչև մաքսային ծառայողի ընտանիքի անդամների տեղափոխվելը նոր բնակավայր:

7. Մաքսային ծառայողին նոր տարածաշրջանի մաքսային մարմին ծառայողական տեղափոխման դեպքում (իր բնակավայրից (գրանցման վայրից) 30 կմ և ավելի հեռավորության վրա) տրվում է տեղափոխվելու և անձնական գույքը տեղափոխելու հետ կապված ծախսերի միանվագ փոխհատուցում՝ մինչև 100 կմ հեռավորության դեպքում՝ 20 հազ. դրամ, իսկ 100 կիլոմետրից ավելի յուրաքանչյուր լրիվ (կամ ոչ լրիվ) 50 կիլոմետրի համար՝ 5 հազ. դրամ:

8. Մաքսային ծառայողին նոր տարածաշրջանի մաքսային մարմին ծառայողական տեղափոխման դեպքում վարձակալված բնակելի տարածքի համար ամենամսյա դրամական փոխհատուցումն ու ծառայողի տեղափոխվելու և անձնական գույքը տեղափոխելու հետ կապված ծախսերի փոխհատուցումը կատարվում է Հայաստանի Հանրապետության պետական բյուջեի միջոցների հաշվին: