«Վավերացնում եմ»
Հայաստանի Հանրապետության
Նախագահ Ռ. Քոչարյան
25 դեկտեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 դեկտեմբերի 2000 թվականի N 872
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2000 ԹՎԱԿԱՆԻ ՕԳՈՍՏՈՍԻ 12-Ի N 473 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հաշվի առնելով այն հանգամանքը, որ Հայաստանի Հանրապետության հյուսիս-արևմտյան շրջանների գյուղատնտեսական ծառայությունների զարգացման նոր ծրագրի և Հայաստանի Հանրապետության ոռոգման համակարգի զարգացման ծրագրի վերջնական գնահատումը միջազգային կազմակերպությունների կողմից նախատեսված է ավարտել համապատասխանաբար 2000 թվականի դեկտեմբեր և 2001 թվականի հունվար ամիսներին, Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2000 թվականի օգոստոսի 12-ի «Հայաստանի Հանրապետության կառավարության գործունեության ծրագրի կատարումն ապահովող միջոցառումների մասին» N 473 որոշման մեջ կատարել հետևյալ փոփոխությունները`

որոշմամբ հաստատված` Հայաստանի Հանրապետության կառավարության ծրագրի կատարումն ապահովող միջոցառումների ցանկի 125-րդ և 126-րդ կետերում «2000 թ. նոյեմբեր» բառերը համապատասխանաբար փոխարինել «2001 թ. փետրվար» և «2000 թ. հունվար» բառերով:

2. Սույն որոշումն ուժի մեջ է մտնում 2000 թվականի դեկտեմբերի 25-ից: