040.0006.08.01.01

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

8 հունվարի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հունվարի 2001 թվականի N 6

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1.1. «Մասիսի նավթամթերք» փակ բաժնետիրական ընկերության գույքի կազմից առանձնացնել ստորաբաժանումների գույքը` համաձայն N 1 հավելվածի, և մասնավորեցնել Հայաստանի Հանրապետության օրենսդրությամբ սահմանված կարգով:

1.2. Հաշվեկշռային մեթոդով 809547 հազ. դրամ գնահատված ակտիվներ ունեցող «Մասիսի նավթամթերք» փակ բաժնետիրական ընկերության պետական սեփականություն հանդիսացող բաժնետոմսերը մասնավորեցնել ազատ բաժանորդագրության միջոցով` վերակազմակերպելով «Մասիսի նավթամթերք» բաց բաժնետիրական ընկերության:

1.3. Սահմանել ընկերության մեկնարկային գինը` 808223 հազ. դրամ, որը համապատասխանում է բաժնետոմսերի 808223 հատ մեկնարկային քանակի` յուրաքանչյուրը 1000 դրամ անվանական արժեքով:

1.4. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է 808223 հազ. դրամ, որը համապատասխանում է բաժնետոմսերի 808223 հատ մեկնարկային քանակի` յուրաքանչյուրը 1000 դրամ անվանական արժեքով:

1.5. «Հայնավթամթերք» պետական փակ բաժնետիրական ընկերության 1999 թվականի հոկտեմբերի 1-ի դրությամբ պարտավորությունների 913 հազ. դրամի իրավահաջորդը հանդիսանում է «Մասիսի նավթամթերք» փակ բաժնետիրական ընկերությունը, այդ թվում`

անձնակազմին աշխատանքի վարձատրության գծով` 323 հազ. դրամ,

տարբեր կրեդիտորների նկատմամբ` 321 հազ. դրամ,

ստացված կանխավճարների գծով` 269 հազ. դրամ:

1.6. Հայաստանի Հանրապետության պետական գույքի կառավարման նախարարությանը` 3-ամսյա ժամկետում Հայաստանի Հանրապետության օրենսդրությամբ սահմանված կարգով ընկերության արժեթղթերի թողարկման ազդագիրը ներկայացնել գրանցման և գրանցումից հետո այն հրապարակել մամուլում:

1.7. Վճարումները կատարել Հայաստանի Հանրապետության արժույթով:

2.1. Հաշվեկշռային մեթոդով գնահատված` սույն որոշման N 1 հավելվածում ընդգրկված յուրաքանչյուր ստորաբաժանման գույքը մասնավորեցնել ամբողջությամբ` դասական աճուրդով:

2.2. Առաջարկել մասնավորեցված գույքի գտնվելու վայրի համայնքին գույքի նոր սեփականատիրոջ հետ կնքել հողի օգտագործման համապատասխան պայմանագիր:

2.3. Գույքի մեկնարկային գինը սահմանել դրա գնահատված արժեքի 50 տոկոսի չափով (տես սույն որոշման N 1 հավելվածի 5-րդ սյունակը):

2.4. Աճուրդի հաղթողը գույքի վաճառքի գումարը պետք է վճարի արձանագրությունն ստանալու օրվանից մեկ ամսվա ընթացքում:

2.5. Հայաստանի Հանրապետության պետական գույքի կառավարման նախարարությանը`

ա) 2-ամսյա ժամկետում իրականացնել աճուրդի կազմակերպումն ու անցկացումը.

բ) աճուրդի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ աճուրդի անցկացման ժամկետների, տվյալների և մեկնարկային գնի վերաբերյալ:

2.6. Վճարումները կատարել Հայաստանի Հանրապետության արժույթով:

3.1. «Գագարինի նավթամթերք» փակ բաժնետիրական ընկերության գույքի կազմից առանձնացնել ստորաբաժանումների գույքը` համաձայն N 2 հավելվածի, և մասնավորեցնել Հայաստանի Հանրապետության օրենսդրությամբ սահմանված կարգով:

3.2. Հաշվեկշռային մեթոդով 203264 հազ. դրամ գնահատված ակտիվներ ունեցող «Գագարինի նավթամթերք» փակ բաժնետիրական ընկերության պետական սեփականություն հանդիսացող բաժնետոմսերը մասնավորեցնել ազատ բաժանորդագրության միջոցով` վերակազմակերպելով «Գագարինի նավթամթերք» բաց բաժնետիրական ընկերության:

3.3. Սահմանել ընկերության մեկնարկային գինը` 200117 հազ. դրամ, որը համապատասխանում է բաժնետոմսերի 200117 հատ մեկնարկային քանակի` յուրաքանչյուրը 1000 դրամ անվանական արժեքով:

3.4. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը կազմում է 200117 հազ. դրամ, որը համապատասխանում է բաժնետոմսերի 200117 հատ մեկնարկային քանակի` յուրաքանչյուրը 1000 դրամ անվանական արժեքով:

3.5. «Հայնավթամթերք» պետական փակ բաժնետիրական ընկերության 1999 թվականի հոկտեմբերի 1-ի դրությամբ պարտավորությունների 2874 հազ. դրամի իրավահաջորդը հանդիսանում է «Գագարինի նավթամթերք» փակ բաժնետիրական ընկերությունը, այդ թվում`

անձնակազմին աշխատանքի վարձատրության գծով` 2083 հազ. դրամ,

տարբեր կրեդիտորների նկատմամբ` 227 հազ. դրամ,

ստացված կանխավճարների գծով` 120 հազ. դրամ,

սոցիալական ապահովագրության գծով` 394 հազ. դրամ:

3.6. Հայաստանի Հանրապետության պետական գույքի կառավարման նախարարությանը` 3-ամսյա ժամկետում Հայաստանի Հանրապետության օրենսդրությամբ սահմանված կարգով ընկերության արժեթղթերի թողարկման ազդագիրը ներկայացնել գրանցման և գրանցումից հետո այն հրապարակել մամուլում:

3.7. Վճարումները կատարել Հայաստանի Հանրապետության արժույթով:

4.1. Հաշվեկշռային մեթոդով գնահատված` սույն որոշման N 2 հավելվածում ընդգրկված յուրաքանչյուր ստորաբաժանման գույքը մասնավորեցնել ամբողջությամբ` դասական աճուրդով:

4.2. Առաջարկել մասնավորեցված գույքի գտնվելու վայրի համայնքին գույքի նոր սեփականատիրոջ հետ կնքել հողի օգտագործման համապատասխան պայմանագիր:

4.3. Գույքի մեկնարկային գինը սահմանել նրա գնահատված արժեքի 50 տոկոսի չափով (տես սույն որոշման N 2 հավելվածի 5-րդ սյունակը):

4.4. Աճուրդի հաղթողը գույքի վաճառքի գումարը պետք է վճարի արձանագրությունն ստանալու օրվանից մեկ ամսվա ընթացքում:

4.5. Հայաստանի Հանրապետության պետական գույքի կառավարման նախարարությանը`

ա) 2-ամսյա ժամկետում իրականացնել աճուրդի կազմակերպումն ու անցկացումը.

բ) աճուրդի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ աճուրդի անցկացման ժամկետների, տվյալների և մեկնարկային գնի վերաբերյալ:

4.6. Վճարումները կատարել Հայաստանի Հանրապետության արժույթով:

5. Սույն որոշումն ուժի մեջ է մտնում 2001 թվականի հունվարի 8-ից:

Ց Ա Ն Կ

դասական աճուրդով վաճառքի առաջարկվող «Մասիսի նավթամթերք» փակ բաժնետիրական ընկերության գույքի կազմից առանձնացվող ստորաբաժանումների գույքի` ըստ գնահատված արժեքի եվ մեկնարկային գնի

Ց Ա Ն Կ

դասական աճուրդով վաճառքի առաջարկվող «Գագարինի նավթամթերք» փակ բաժնետիրական ընկերության գույքի կազմից առանձնացվող ստորաբաժանումների գույքի` ըստ գնահատված արժեքի եվ մեկնարկային գնի