«Վավերացնում եմ»
Հայաստանի Հանրապետության
Նախագահ Ռ. Քոչարյան
28 դեկտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 դեկտեմբերի 1998 թվականի N 843
քաղ. Երևան

«ԳՈՐԻՍ ՔԱՂԱՔԻ ԻՆՔՆԱՀՈՍ ՋՐԱՄԱՏԱԿԱՐԱՐՈՒՄ» ՕԲՅԵԿՏԻ ԼՐԱՑՈՒՑԻՉ ՎԵՐԱԿԱՆԳՆՈՂԱԿԱՆ ԱՇԽԱՏԱՆՔՆԵՐԸ ՖԻՆԱՆՍԱՎՈՐԵԼՈՒ ՄԱՍԻՆ

Նկատի ունենալով «Գորիս քաղաքի ինքնահոս ջրամատակարարում» օբյեկտի շինարարության ժամանակ առաջացած լրացուցիչ շինարարական աշխատանքների կատարման անհրաժեշտությունը` կապված նշված օբյեկտի նախկինում կառուցված հատվածի վերակառուցման և վերափոխման հետ` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի մարտի 9-ի «1998 թվականին Հայաստանի Հանրապետության պետական ձեռնարկությունների և անավարտ շինարարության օբյեկտների մասնավորեցումից ստացված միջոցների հաշվին իրականացվելիք կապիտալ ծախսերի մասին» N 150 որոշմամբ Հայաստանի Հանրապետության քաղաքաշինության նախարարությանը նախատեսված «Իջևանի «Խնձորկութ» ինքնահոս ջրատար», «Ջրամատակարարման ցանցերի նորոգում» և «Ջրաչափական հանգույցների կազմակերպում» օբյեկտներից պակասեցնել համապատասխանաբար 11,0 մլն դրամ, 14,4 մլն դրամ և 20,0 մլն դրամ` 45,4 մլն դրամ ընդհանուր գումարով:

2. «Հայաստանի Հանրապետության 1998 թվականի պետական բյուջեի մասին» Հայաստանի Հանրապետության օրենքի N 4 հավելվածում նախատեսել «Գորիս քաղաքի ինքնահոս ջրամատակարարում» օբյեկտը` 45,4 մլն դրամ գումարով:

3. Սույն որոշումն ուժի մեջ է մտնում 1998 թվականի դեկտեմբերի 28-ից: