«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
25 ՄԱՐՏԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 մարտի 1997 թվականի N 53
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆ «ՍԵՐՄԵՐ» ԱՐՏԱԴՐԱԱՌԵՎՏՐԱԿԱՆ ՖԻՐՄԱՅԻ ԶԱՆԳԵԶՈՒՐԻ ՍԵՐՄՆԱԲՈՒԾԱԿԱՆ ԴՈՒՍՏՐ ՁԵՌՆԱՐԿՈՒԹՅԱՆ ՀՈՂԻ ԵՎ ԳՈՒՅՔԻ ՍԵՓԱԿԱՆԱՇՆՈՐՀՄԱՆ ՄԱՍԻՆ

Ղեկավարվելով «Հայաստանի Հանրապետության Գերագույն խորհրդի 1991 թվականի փետրվարի 4-ի «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքը կիրարկելու մասին» որոշման մեջ լրացում կատարելու մասին» Հայաստանի Հանրապետության օրենքով և հաշվի առնելով Սյունիքի մարզի Հարթաշեն գյուղի համայնքի խնդրանքն ու Սյունիքի մարզպետի միջնորդությունը Հարթաշեն գյուղում գործող Հայաստանի Հանրապետության գյուղատնտեսության նախարարության «Սերմեր» արտադրաառևտրական ֆիրմայի Զանգեզուրի սերմնաբուծական դուստր ձեռնարկության հողի և գույքի սեփականաշնորհման վերաբերյալ Հայաստանի Հանրապետության կառավարությունը որոշում է.

1. Սյունիքի մարզի Հարթաշեն գյուղում գործող` Հայաստանի Հանրապետության գյուղատնտեսության նախարարության «Սերմեր» արտադրաառևտրական ֆիրմայի Զանգեզուրի սերմնաբուծական դուստր ձեռնարկությունում «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքին համապատասխան իրականացնել հողի և գույքի սեփականաշնորհում` մշտական օգտագործման նպատակով նշված դուստր ձեռնարկությանը հատկացնելով 255,5 հեկտար հող, որից 244 հեկտարը` վարելահող (80 հեկտարը` ջրովի), 10,1 հեկտարը` արոտ, 1,4 հեկտարը` անօգտագործելի, և դրա հետագա գործունեության համար անհրաժեշտ այլ հիմնական միջոցներ:

2. Հաստատել Սյունիքի մարզի Հարթաշեն գյուղի բնակիչներին սեփականության իրավունքով տրամադրվող գյուղատնտեսական հողատեսքերի 1997 թվականի մասնակի հատուցման տարեկան գումարի չափերը (կցվում է):

Նշված գյուղատնտեսական հողատեսքերի 1998 թվականի մասնակի հատուցման տարեկան գումարի չափերը հաշվարկվում են հաշվի առնելով Հայաստանի Հանրապետության կառավարության կողմից այդ տարվա համար հաստատված հողերի կադաստրի հաշվարկման համար կիրառվելիք ինդեքսավորման գործակիցը:

3. Սահմանել, որ`

ա) գյուղացիական տնտեսություն վարելու նպատակով հողամասերը որպես սեփականություն առաջին հերթին տրամադրվում են Սյունիքի մարզի Հարթաշեն գյուղում 1995 թվականի հուլիսի 1-ի դրությամբ մշտապես բնակվող քաղաքացիներին.

բ) Հարթաշեն գյուղի հողային բարեփոխումների ու սեփականաշնորհման տեղական հանձնաժողովը սույն որոշումն ուժի մեջ մտնելու պահից 15-օրյա ժամկետում ընդունում է հողը որպես սեփականություն առաջին հերթին ստանալու իրավունք ունեցող քաղաքացիների դիմումները, իսկ հաջորդ հերթերի կողմից հողի սեփականության իրավունքի իրացումն սկսվում է 1997 թվականի սեպտեմբերի 20-ից, ընդ որում, վերջիններիս դիմումներն ընդունվում են 1997 թվականի սեպտեմբերի 20-ից` 15-օրյա ժամկետում.

գ) 1997 և 1998 թվականներին Հարթաշեն գյուղի քաղաքացիներին սեփականաշնորհվող գյուղատնտեսական հողատեսքերի մասնակի հատուցման գումարները փոխանցվում են Հայաստանի Հանրապետության պետական բյուջե:

4. Սյունիքի մարզպետին` մեկամսյա ժամկետում Հայաստանի Հանրապետության կառավարություն ներկայացնել առաջարկություն Սյունիքի մարզի Հարթաշեն գյուղին ամրակցված վարելահողերից և այլ հողատեսքերից «Գյուղացիական և գյուղացիական կոլեկտիվ տնտեսությունների մասին» Հայաստանի Հանրապետության օրենքին համապատասխան պետական պահեստային ֆոնդում թողնելու վերաբերյալ:

5. Սույն որոշման կատարման վերահսկողությունը դնել Հայաստանի Հանրապետության գյուղատնտեսության նախարարության և Սյունիքի մարզպետի վրա:
 

ՍՅՈՒՆԻՔԻ ՄԱՐԶԻ ՀԱՐԹԱՇԵՆ ԳՅՈՒՂԻ ԲՆԱԿԻՉՆԵՐԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՏՐԱՄԱԴՐՎՈՂ ԳՅՈՒՂԱՏՆՏԵՍԱԿԱՆ ՀՈՂԱՏԵՍՔԵՐԻ 1997 ԹՎԱԿԱՆԻ ՄԱՍՆԱԿԻ ՀԱՏՈՒՑՄԱՆ ՏԱՐԵԿԱՆ ԳՈՒՄԱՐԻ ՉԱՓԵՐԸ