ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 փետրվարի 1994 թվականի N 88

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԾԱՌԱՅՈՒԹՅՈՒՆՆԵՐԻ ԱՐՏԱՀԱՆՄԱՆ ԵՎ ՆԵՐՄՈՒԾՄԱՆ ՎԵՐԱԲԵՐՅԱԼ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՆԵՐԿԱՅԱՑՄԱՆ ԿԱՐԳԻ ՄԱՍԻՆ

Հանրապետությունում ծառայությունների արտահանման և ներմուծման վերաբերյալ վիճակագրական հաշվետվության, հաշվառման և վերահսկողության կատարելագործման նպատակով Հայաստանի Հանրապետության կառավարությունը որոշում է`

1. Սահմանել, որ 1994 թվականի հունվարի 1-ից Հայաստանի Հանրապետության տնտեսավարող սուբյեկտները (անկախ սեփականության ձևից) ծառայությունների, համաձայն հավելվածի, արտահանման կամ ներմուծման դեպքում պետք է եռամսյակը մեկ անգամ (մինչև 3-րդ ամսվա 25-ը) համապատասխան վիճակագրական հաշվետվություն ներկայացնեն Հայաստանի Հանրապետության վիճակագրության, պետական ռեգիստրի և վերլուծության պետական վարչություն:

2. Հայաստանի Հանրապետության վիճակագրության, պետական ռեգիստրի և վերլուծության պետական վարչությանը` երկշաբաթյա ժամկետում հաստատել ծառայությունների արտահանման և ներմուծման վերաբերյալ վիճակագրական հաշվետվության միասնական ձևերը և այդ ձևերի լրացման կարգի մասին հրահանգը, իսկ երկամսյա ժամկետում կազմակերպել արտաքին տնտեսական գործունեության ծառայությունների դասակարգչի` հայերեն և ռուսերեն հրատարակումը:

3. Սահմանել, որ Հայաստանի Հանրապետության տնտեսավարող բոլոր սուբյեկտները (անկախ սեփականության ձևից) ծառայությունների արտահանման և ներմուծման գործառնություններ իրականացնելիս կատարում են հստակ հաշվառում` ռեզիդենտներին և ոչ ռեզիդենտներին մատուցած ծառայությունների տարանջատմամբ:

Ց Ա Ն Կ

ԱՅՆ ԾԱՌԱՅՈՒԹՅՈՒՆՆԵՐԻ, ՈՐՈՆՑ ԱՐՏԱՀԱՆՄԱՆ ԵՎ ՆԵՐՄՈՒԾՄԱՆ ԴԵՊՔՈՒՄ ՆԵՐԿԱՅԱՑՎՈՒՄ Է ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ