ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 19 մարտի 1992 թվականի N 163

քաղ. Երևան

ԹԱՆԿԱՐԺԵՔ ՄԵՏԱՂՆԵՐԻ, ՔԱՐԵՐԻ ԵՎ ԴՐԱՆՑԻՑ ՊԱՏՐԱՍՏՎԱԾ ԻՐԵՐԻ ՊԱՀՊԱՆՈՒԹՅԱՆ ՊԵՏԱԿԱՆ ԳԱՆՁԱՐԱՆԻ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Հաստատել Հայաստանի Հանրապետության ֆինանսների նախարարության կողմից ներկայացված թանկարժեք մետաղների, քարերի և դրանցից պատրաստված իրերի պահպանության պետական գանձարանի մասին կանոնադրությունը (կցվում է):

2. Հայաստանի Հանրապետության ֆինանսների նախարարությանը` տասնօրյա ժամկետում հաստատել թանկարժեք մետաղների, քարերի և դրանցից պատրաստված իրերի ընդունման, բացթողման և հաշվառման կարգը:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԹԱՆԿԱՐԺԵՔ ՄԵՏԱՂՆԵՐԻ, ՔԱՐԵՐԻ ԵՎ ԴՐԱՆՑԻՑ ՊԱՏՐԱՍՏՎԱԾ ԻՐԵՐԻ ՊԱՀՊԱՆՈՒԹՅԱՆ ԳԱՆՁԱՐԱՆԻ ՄԱՍԻՆ

I. Ընդհանուր դրույթներ

1. Հայաստանի Հանրապետության թանկարժեք մետաղների, քարերի և դրանցից պատրաստված իրերի պահպանության պետական գանձարանը (պետգանձարանը) հանդիսանում է Հայաստանի Հանրապետության պետական մարմին, որտեղ կենտրոնացվում են բոլոր տեսակի թանկարժեք մետաղները, քարերը և դրանցից պատրաստված իրերը` իբրև Հայաստանի Հանրապետության պետական ֆոնդի արժեքներ:

2. Պետգանձարանը գտնվում է Հայաստանի Հանրապետության ֆինանսների նախարարության ենթակայության տակ:

3. Պետգանձարանը ղեկավարում է պետը, որը նշանակվում և ազատվում է պաշտոնից Հայաստանի Հանրապետության ֆինանսների նախարարի կողմից:

4. Պետգանձարանը իր գործունեությունն իրականացնելիս ղեկավարվում է Հայաստանի Հանրապետության օրենքներով, Հայաստանի Հանրապետության նախագահի հրամանագրով և կարգադրություններով, Հայաստանի Հանրապետության Գերագույն խորհրդի որոշումներով, Հայաստանի Հանրապետության կառավարության որոշումներով ու կարգադրություններով, Հայաստանի Հանրապետության ֆինանսների նախարարության հրամաններով և ցուցումներով, սույն կանոնադրությամբ:

5. Պետգանձարանի ենթակայության տակ են գտնվում թանկարժեք մետաղների, քարերի և դրանցից պատրաստված իրերի (ստորև` արժեքների) պահպանությունն իրականացնող օբյեկտները:

6. Պետգանձարանը հանդիսանում է իրավաբանական անձ, նրա պահպանության ծախսերը կատարվում են բյուջեի հաշվին, ունի Հայաստանի Հանրապետության զինանշանի պատկերով և իր անվամբ կնիք:

7. Պետգանձարանի կառուցվածքը, հաստիքները և ծախսերի նախահաշիվը հաստատվում է Հայաստանի Հանրապետության ֆինանսների նախարարի կողմից:

8. Պետգանձարանը ունի ինքնուրույն գաղտնի ռեժիմային ծառայություն, որն օգտվում է Հայաստանի Հանրապետության կապի նախարարության հատուկ սպասարկումից:

9. Պետգանձարանի օբյեկտները և դրանցում պահվող արժեքները փոխադրումների ժամանակ պահպանվում են Հայաստանի Հանրապետության ներքին գործերի նախարարության կողմից:

II. Պետգանձարանի խնդիրները ԵՎ ֆունկցիաները

10. Պետգանձարանի գլխավոր խնդիրներն են`

պետական արժեքների կենտրոնացված ֆոնդի ստեղծումը և նրա մշտական համալրումը.

պետգանձարանում գտնվող արժեքների հուսալի պահպանության և հաշվառման ապահովումը, տեսակավորումը, ինչպես նաև ատեստացիան. սահմանված կարգով թանկարժեք մետաղների ու քարերի ձեռքբերումը և դրանցով ժողովրդական տնտեսության օբյեկտների ժամանակին ապահովումը.

 հայրենական և արտասահմանյան առաջավոր փորձի ուսումնասիրությունն ու ներդրումը թանկարժեք մետաղների տեսակավորման և դասակարգման բնագավառում.

 պետգանձարան մուտքագրվող արժեքների մասսայի և քանակի ստուգումը, ըստ ստացված արդյունքների հաշվեգրելով դրանք Հայաստանի Հանրապետության պետֆոնդ.

III. Պետգանձարանի իրավասությունը

11. Պետգանձարանից արժեքների բացթողում` Հայաստանի Հանրապետության կառավարության որոշումների համաձայն:

12. Հայաստանի Հանրապետության պետգանձարանից թանկարժեք մետաղների ջարդոնի, թափոնի և թանկարժեք մետաղներ պարունակող ոչ կոնդիցիոն համաձուլվածքների հանձնում համապատասխան ձեռնարկություններին` վերամշակման և աֆինաժի համար, իսկ Հայաստանի Հանրապետության մաքսատներից ու այլ մարմիններից պետգանձարան բերված ոչ թանկարժեք մետաղներից պատրաստված իրերի տրամադրում առևտրական և այլ կազմակերպություններին` իրացման կամ օգտագործման համար:

13. Պետգանձարան արտազատված թանկարժեք մետաղների, թանկարժեք մետաղների թափոնի և ջարդոնի, ոչ կոնդիցիոն թանկարժեք մետաղների և առանձին դեպքերում պետգանձարանից վերամշակող և արտազատող ձեռնարկություններ ֆոնդավորված արժեքների հասցնում:

14. Հունվարի 1-ի դրությամբ պետգանձարանի արժեքների ամենամյա գույքագրման անցկացում:

15. Պետգանձարանում գտնվող արժեքների հաշվապահական հաշվառման իրականացում:

16. Թանգարաններում և այլ մշակութալուսավորչական կազմակերպություններում գտնվող արժեքների արտահաշվեկշռային հաշվառում;

17. Սահմանված կարգով հիմնարկների, ձեռնարկությունների և կազմակերպությունների հետ պետգանձարան հանձնվող ու պետգանձարանից բացթողնվող արժեքների հաշվառում:

18. Պետգանձարանում գտնվող ոսկերչական իրերի վերականգնում և վաճառքի համար առևտրական կազմակերպություններին հանձնում:

19. Կազմակերպություններից, քաղաքացիներից, այդ թվում նաև օտարերկրյա, որակական բարձր բնութագրի թանկարժեք բնական քարերի, թանկարժեք մետաղներից և թանկարժեք քարերից պատրաստված բարձրարժեք գեղարվեստական ոսկերչական իրերի, ինչպես նաև թանգարանային և հնաոճ արժեքների ձեռքբերում և պետգանձարան հաշվեգրում:

20. Թանկարժեք իրերի ցուցահանդեսների կազմակերպում: