ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ

ՆԱԽԱԳԱՀ

 ՇԱՀՈՒԹԱՀԱՐԿԻ ՀԱՇՎԱՐԿՆԵՐԻ ՁԵՎԵՐԸ, ԱՆՀԱՏ ՁԵՌՆԱՐԿԱՏԻՐՈՋ ԵՎ ՆՈՏԱՐԻ ՍՈՑԻԱԼԱԿԱՆ ՎՃԱՐԻ ՀԱՇՎԱՐԿԻ ՁԵՎԸ ԵՎ ԴՐԱՆՑ ԼՐԱՑՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության հարկային օրենսգրքի 52-րդ հոդվածի 4-րդ մասը և 134-րդ հոդվածի 1-ին և 3-րդ մասերը, «Կուտակային կենսաթոշակների մասին» Հայաստանի Հանրապետության օրենքի 7-րդ հոդվածի 5-րդ մասը, «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքի 9-րդ հոդվածի 4-րդ մասը և 11-րդ հոդվածի 2-րդ մասը`

Հրամայում եմ`

1. Հաստատել`

1) ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի հաշվարկի ձևը և դրա լրացման կարգը` համաձայն N 1 հավելվածի.

2) պայմանագրային ներդրումային ֆոնդի և արժեթղթավորման հիմնադրամի շահութահարկի հաշվարկի ձևը և դրա լրացման կարգը` համաձայն N 2 հավելվածի.

3) անհատ ձեռնարկատիրոջ և նոտարի սոցիալական վճարի հաշվարկի ձևը և դրա լրացման կարգը` համաձայն N 3 հավելվածի.

4) առանց մշտական հաստատության Հայաստանի Հանրապետությունում գործունեություն իրականացնող և (կամ) եկամուտներ ստացող ոչ ռեզիդենտ շահութահարկ վճարողի շահութահարկի հաշվարկի ձևը և դրա լրացման կարգը` համաձայն N 4 հավելվածի:

2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից և տարածվում է 2018 թվականի հունվարի 1-ից հետո ընկած հաշվետու ժամանակաշրջանների վրա:

Ձև___

Բաժին 1.

Բաժին 2.

Մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի՝ հարկային գործակալ չհամարվողների կողմից ստացված՝ մշտական հաստատությանը չվերագրվող եկամուտները և դրանց գծով հաշվարկված շահութահարկի գումարները

Բաժին 3.

Դեբիտորական, կրեդիտորական պարտքեր

Բաժին 4.

Շահութահարկ վճարողների կողմից հաշվետու (հարկային) տարվա ընթացքում անհուսալի ճանաչված դեբիտորական և կրեդիտորական պարտքերը

Բաժին 5.

Հարկման նպատակով հիմնական միջոցների ամորտիզացիոն ժամկետները

Բաժին 6.

Հարկման նպատակով ոչ նյութական ակտիվների ամորտիզացիոն ժամկետները

Բաժին 7.

Հաշվապահական հաշվառման քաղաքականությանը վերաբերող բացահայտումները

Բաժին 8.

Ակտիվների և պարտավորությունների հաշվապահական հաշվեկշռային արժեքները և հարկային բազաները (հարկման նպատակով հաշվեկշռային արժեքները)

Բաժին 9.

Եկամուտները` ըստ գործունեության տեսակների

Բաժին 10.

Հայաստանի Հանրապետության կառավարության հավանությանն արժանացած ծրագիր իրականացնող և այդ ծրագրում ընդգրկված` Հայաստանի Հանրապետության ռեզիդենտ հարկ վճարողի կամ ռեզիդենտ հարկ վճարողների խմբի մեջ մտնող հարկ վճարողների վերաբերյալ տեղեկություններ

Բաժին 11.

Հայաստանի Հանրապետության կառավարության հավանությանն արժանացած ծրագիր իրականացնող և այդ ծրագրում ընդգրկված` բացառապես Հայաստանի Հանրապետության տարածքից դուրս շինարարության կամ շինմոնտաժային ոլորտում գործունեություն իրականացնող Հայաստանի Հանրապետության ռեզիդենտ հարկ վճարողի կամ ռեզիդենտ հարկ վճարողների խմբի մեջ մտնող հարկ վճարողների վերաբերյալ տեղեկություններ

Կ Ա Ր Գ

ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ԵՎ ՄՇՏԱԿԱՆ ՀԱՍՏԱՏՈՒԹՅԱՆ ՄԻՋՈՑՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՈՉ ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ՇԱՀՈՒԹԱՀԱՐԿԻ ՀԱՇՎԱՐԿԻ ՁԵՎԻ ԼՐԱՑՄԱՆ

1. Ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող և (կամ) մշտական հաստատության միջոցով Հայաստանի Հանրապետության աղբյուրներից եկամուտ ստացող ոչ ռեզիդենտ շահութահարկ վճարողի (այսուհետ` մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի) շահութահարկի հաշվարկի ձևը (այսուհետ` Հաշվարկ) լրացվում և ներկայացվում է հարկային մարմին Հայաստանի Հանրապետության հարկային օրենսգրքի (այսուհետ` Օրենսգիրք) 134-րդ հոդվածի 1-ին մասին համապատասխան: Հաշվարկում թվային տվյալները լրացվում են դրամներով (առանց լումաների), իսկ Հաշվարկին մասնակցող հանվող գումարները (բացասական մեծությունները) ցույց են տրվում փակագծերի մեջ: Հաշվարկի 1-ին բաժինը լրացվում է ռեզիդենտ կազմակերպությունների (բացառությամբ պայմանագրային ներդրումային ֆոնդերի և «Ակտիվների արժեթղթավորման և ակտիվներով ապահովված արժեթղթերի մասին» Հայաստանի Հանրապետության օրենքի հիման վրա ստեղծված արժեթղթավորման հիմնադրամի, որոնց կողմից լրացվում է Հավելված 2-ով հաստատված` պայմանագրային ներդրումային ֆոնդի և արժեթղթավորման հիմնադրամի շահութահարկի հաշվարկի ձևը), անհատ ձեռնարկատերերի, նոտարների և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողների կողմից: Մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողները Հաշվարկի 1-ին բաժնում լրացնում են միայն մշտական հաստատությանը վերագրվող եկամուտները և նվազեցումները: Մշտական հաստատությանը չվերագրվող եկամուտների մասով լրացվում է Հաշվարկի 2-րդ բաժինը: Հաշվարկի 1-ին բաժնում չեն լրացվում Օրենսգրքի 108-րդ հոդվածի համաձայն` եկամուտ չհամարվող տարրերը և Օրենսգրքի 112-րդ հոդվածի համաձայն` ծախս չհամարվող տարրերը: Անհատ ձեռնարկատերերի և նոտարների կողմից ներկայացվող Հաշվարկում չեն լրացվում Օրենսգրքի 4-րդ հոդվածին համապատասխան` անձնական եկամուտները: Համատեղ գործունեության շրջանակներում իրականացված գործարքների մասով Հաշվարկը ներկայացվում է համատեղ գործունեության հաշվետու մասնակցի կողմից, որտեղ արտացոլվում են ինչպես համատեղ գործունեությանը վերաբերող, այնպես էլ անմիջականորեն համատեղ գործունեության հաշվետու մասնակցին վերաբերող ցուցանիշները (արդյունքները): Հաշվարկ հարկային մարմին չեն ներկայացնում հաշվետու տարվա ամբողջ ընթացքում շրջանառության հարկի համակարգում գործունեություն իրականացնող ռեզիդենտ կազմակերպությունները: Հաշվետու տարվա ամբողջ ընթացքում շրջանառության հարկի համակարգում գործունեություն իրականացնող անհատ ձեռնարկատերերը և նոտարները հարկային մարմին ներկայացնում են Հաշվարկը, որտեղ լրացնում են միայն Հաշվարկի 1-ին բաժնի 106-րդ կետը, իսկ Հաշվարկի 2-8-րդ բաժինները չեն լրացնում:

2. Հաշվարկի 1-ին կետում լրացվում է ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկ վճարողի հաշվառման համարը (ՀՎՀՀ):

3. Հաշվարկի 2-րդ կետում լրացվում է ռեզիդենտ կազմակերպության և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ կազմակերպության լրիվ անվանումը, իսկ անհատ ձեռնարկատիրոջ, նոտարի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ ֆիզիկական անձի դեպքում` անունը, ազգանունը:

4. Հաշվարկի 3-րդ կետում լրացվում է ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի գտնվելու կամ բնակության վայրը:

5. Հաշվարկի 4-րդ կետում լրացվում է հարկ վճարողի ռեզիդենտության վերաբերյալ տեղեկությունը՝ համապատասխան վանդակում նշում կատարելու միջոցով:

6. Հաշվարկի 5-րդ կետում լրացվում է այն հաշվետու ժամանակաշրջանը, որի համար ներկայացվում է հաշվարկը:

7. Հաշվարկի 1-ին բաժնի 6-40-րդ կետերում լրացվում են Օրենսգրքի 4-րդ, 104-րդ, 107-րդ և 109-րդ հոդվածներին համապատասխան եկամուտները: Ընդ որում` հաշվետու տարվա ընթացքում շրջանառության հարկի համակարգից հարկման ընդհանուր համակարգին անցած ռեզիդենտներ լրացնում են շրջանառության հարկ վճարող համարվելուց դադարելու պահից (շրջանառության հարկի համակարգից հարկման ընդհանուր համակարգ անցնելու պահից) հետո ստացվող եկամուտները: Մասնավորապես, Հաշվարկի 1-ին բաժնի.

1) 6-րդ կետում լրացվում է առևտրական (առք ու վաճառքի) գործունեության առարկա հանդիսացող ապրանքների մատակարարումից եկամուտը,

2) 13-րդ կետում լրացվում է ապրանք, արտադրանք, հիմնական միջոց կամ ոչ նյութական ակտիվ չհամարվող` այլ ակտիվների օտարումից եկամուտը,

3) 20-22-րդ կետերում լրացվում են անհատույց ստացված ակտիվներից եկամուտները, ինչպես նաև համատեղ գործունեության մասնակցից ստացված ակտիվներից եկամուտները, եթե դրանք ստացվել են մինչև հաշվետու մասնակցի կողմից Օրենսգրքի 32-րդ հոդվածով սահմանված հայտարարության ներկայացումը: Ընդ որում, 22-րդ կետում լրացվում է անհատույց ստացված` դրամական միջոց կամ հողամաս չհամարվող այլ ակտիվներից եկամուտը,

4) 26-րդ կետում լրացվում է փաստացի առաջացած (առկա) պարտավորությունների՝ ամբողջությամբ կամ մասնակի զեղչումից կամ ներումից ստացվող եկամուտը, բացառությամբ հարկային արտոնությունների և վճարների գծով տրվող արտոնությունների գումարների,

5) 38-րդ կետում լրացվում է «Արժեթղթերի շուկայի մասին» Հայաստանի Հանրապետության օրենքով սահմանված կարգով և ժամկետներում ածանցյալ ֆինանսական գործիքների միասնական գրանցամատյանում գրանցված ածանցյալ ֆինանսական գործիքներով ստացվող այն վճարումներից եկամուտը, որոնք ձևավորվել են պարտավորությունների հաշվանցի և (կամ) զուտացման արդյունքում,

6) 39-րդ կետում լրացվում է Օրենսգրքի 73-րդ հոդվածի 4-րդ մասի համաձայն` հաշվանցման (պակասեցման) ենթակա ԱԱՀ-ի գումարներին ավելացվող գումարներից եկամուտը, եթե այդ գումարները շահութահարկով հարկման նպատակով ճանաչվել են որպես համախառն եկամտից նվազեցում:

8. Հաշվարկի 1-ին բաժնի 41-րդ կետում լրացվում է հաշվետու տարվա համախառն եկամուտը` որպես Հաշվարկի 1-ին բաժնի 6-40-րդ կետերում նշված եկամուտների հանրագումար: Մասնավորապես, Հաշվարկի 1-ին բաժնի 41-րդ կետի.

1) 2-րդ ենթակետում լրացվում է Օրենսգրքի 32-րդ հոդվածի 7-րդ մասի համաձայն` համատեղ գործունեության հաշվետու մասնակից լինելու մասին հայտարարություն հարկային մարմին ներկայացնելուց հետո համատեղ գործունեությունից եկամուտը,

2) 3-րդ ենթակետում լրացվում է «Սահմանամերձ բնակավայրերում իրականացվող գործունեությունը հարկերից ազատելու մասին» Հայաստանի Հանրապետության օրենքին համապատասխան` Հայաստանի Հանրապետության կառավարության հաստատած ցանկում ներառված սահմանամերձ բնակավայրերում իրականացվող տնտեսական գործունեության շրջանակներում արտադրության կազմակերպման արդյունքում ստացված արտադրանքի իրացումից ստացման ենթակա եկամուտը:

9. Հաշվարկի 1-ին բաժնի 42-61-րդ կետերում լրացվում են Օրենսգրքի 111-րդ, 114-121-րդ, 133-րդ և 451-րդ հոդվածներին, ինչպես նաև շրջանառության հարկի համակարգից հարկման ընդհանուր համակարգին անցած ռեզիդենտների Օրենսգրքի 264-րդ հոդվածին համապատասխան ծախսերը` առանց հաշվանցվող հարկերի: Մասնավորապես, Հաշվարկի 1-ին բաժնի.

1) 42-րդ կետում լրացվում է մատակարարված` առևտրական (առք ու վաճառքի) գործունեության առարկա հանդիսացող ապրանքների սկզբնական արժեքը,

2) 60-րդ կետում լրացվում է Օրենսգրքի 73-րդ հոդվածի 2-րդ մասի համաձայն՝ հաշվանցման (պակասեցման) ենթակա ԱԱՀ-ի գումարներից նվազեցվող գումարների գծով ծախսը, եթե նույն մասում նշված ակտիվների գծով ծախսերը ենթակա են համախառն եկամտից նվազեցման,

3) 61-րդ կետում լրացվում է ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի կողմից կատարված այլ ծախսերը, այդ թվում` Հայաստանի Հանրապետության վավերացված միջազգային պայմանագրերին համապատասխան` մշտական հաստատության նպատակների համար կատարված ծախսերը:

10. Հաշվարկի 1-ին բաժնի 62-րդ կետում լրացվում է հաշվետու տարվա համախառն եկամտից նվազեցման ենթակա` 42-61-րդ կետերում նշված ծախսերի հանրագումարը:

11. Հաշվարկի 1-ին բաժնի 63-66-րդ կետերում լրացվում են Օրենսգրքի 122-րդ հոդվածին համապատասխան կորուստները:

12. Հաշվարկի 1-ին բաժնի 67-րդ կետում լրացվում է հաշվետու տարվա համախառն եկամտից նվազեցման ենթակա` 63-66-րդ կետերում նշված կորուստների հանրագումարը:

13. Հաշվարկի 1-ին բաժնի 68-82-րդ կետերում լրացվում են Օրենսգրքի 123-րդ և 124-րդ հոդվածներին համապատասխան այլ նվազեցումները: Մասնավորապես, Հաշվարկի 1-ին բաժնի.

1) 76-րդ կետում չեն լրացվում հարկման հատուկ համակարգերի շրջանակներում իրականացվող գործունեության արդյունքներով առաջացած հարկային վնասները: Իսկ մինչև հարկման հատուկ համակարգերի շրջանակներում գործունեություն սկսելը՝ հարկման ընդհանուր համակարգի շրջանակներում իրականացված գործունեության արդյունքներով առաջացած հարկային վնասները հետագայում կրկին հարկման հատուկ համակարգից հարկման ընդհանուր համակարգ անցնելու դեպքում համախառն եկամտից նվազեցնելու առումով այդ վնասների առաջացման հաշվետու տարվան հաջորդող հինգ տարիների հաշվարկում ներառվում են նաև հարկման հատուկ համակարգերի շրջանակներում գործունեության իրականացման տարիները: Նախորդ տարում հարկային մարմինների կողմից իրականացված` շահութահարկի գծով բյուջեի հետ փոխհարաբերությունների ճշտության ստուգմամբ արձանագրված հարկային վնասների պակասեցման (ավելացման) դեպքում Հաշվարկի 1-ին բաժնի 76-րդ կետում լրացվում է ստուգմամբ ճշգրտված հարկային վնասը (ճշտված վերջնական արդյունքը),

2) 77-րդ կետում լրացվում է շահութահարկ վճարողի մոտ վարձու աշխատող համարվող (այդ թվում` համատեղության կարգով), ինչպես նաև քաղաքացիաիրավական պայմանագրի հիման վրա աշխատանք կատարող կամ քաղաքացիաիրավական պայմանագրի հիման վրա շահութահարկ վճարողին ծառայություն մատուցող յուրաքանչյուր հաշմանդամի համար հաշվարկված աշխատավարձի և դրան հավասարեցված այլ վճարումների, ինչպես նաև քաղաքացիաիրավական պայմանագրից ստացվող եկամուտների հանրագումարի 150%-ը,

3) 78-րդ կետում լրացվում է «Արժեթղթերի շուկայի մասին» Հայաստանի Հանրապետության օրենքով սահմանված կարգով և ժամկետներում ածանցյալ ֆինանսական գործիքների միասնական գրանցամատյանում գրանցված ածանցյալ ֆինանսական գործիքներով կատարվող այն վճարումները, որոնք ձևավորվել են պարտավորությունների հաշվանցի և (կամ) զուտացման արդյունքում,

4) 81-րդ կետում լրացվում է անհատ ձեռնարկատիրոջ կամ նոտարի կողմից իր համար Հայաստանի Հանրապետության օրենսդրությամբ սահմանված կարգով կամավոր կենսաթոշակային բաղադրիչի շրջանակներում կատարվող կենսաթոշակային վճարների այն մասը, որը չի գերազանցում հարկման բազայի հինգ տոկոսը:

14. Հաշվարկի 1-ին բաժնի 83-րդ կետում լրացվում է հաշվետու տարվա համախառն եկամտից նվազեցման ենթակա` 68-82-րդ կետերում նշված այլ նվազեցումների հանրագումարը:

15. Հաշվարկի 1-ին բաժնի 84-րդ կետում լրացվում է հաշվետու տարվա համախառն եկամտից նվազեցման ենթակա` 62-րդ, 67-րդ և 83-րդ կետերում նշված նվազեցումների հանրագումարը: Մասնավորապես, Հաշվարկի 1-ին բաժնի 84-րդ կետի.

1) 2-րդ ենթակետում լրացվում է Օրենսգրքի 32-րդ հոդվածի 7-րդ մասի համաձայն` համատեղ գործունեության հաշվետու մասնակից լինելու մասին հայտարարություն հարկային մարմին ներկայացնելուց հետո համատեղ գործունեությունից նվազեցումները,

2) 3-րդ ենթակետում լրացվում է «Սահմանամերձ բնակավայրերում իրականացվող գործունեությունը հարկերից ազատելու մասին» Հայաստանի Հանրապետության օրենքին համապատասխան` Հայաստանի Հանրապետության կառավարության հաստատած ցանկում ներառված սահմանամերձ բնակավայրերում իրականացվող տնտեսական գործունեության շրջանակներում արտադրության կազմակերպման գործունեության գծով նվազեցումները:

16. Հաշվարկի 1-ին բաժնի 85-րդ կետում լրացվում է Օրենսգրքի 105-րդ հոդվածին համապատասխան` հարկվող շահույթը (համախառն եկամտի և նվազեցումների դրական տարբերություն) կամ հարկային վնասը (համախառն եկամտի և նվազեցումների բացասական տարբերություն): Ընդ որում, հարկային վնասը ցույց է տրվում փակագծերի մեջ:

17. Հաշվարկի 1-ին բաժնի 86-րդ կետում լրացվում են հարկվող շահույթի նվազեցման, այդ թվում` շահութահարկի վճարումից եկամուտների ազատման արտոնությունները` Օրենսգրքի 126-րդ հոդվածին համապատասխան, ինչպես նաև Հայաստանի Հանրապետության վավերացված միջազգային պայմանագրերով և (կամ) այլ օրենքներով սահմանված արտոնությունները:

18. Հաշվարկի 1-ին բաժնի 87-րդ կետում լրացվում են հարկվող շահույթ` հաշվի առած հարկվող շահույթի նվազեցման (այդ թվում` շահութահարկի վճարումից եկամուտների ազատման) արտոնությունները` որպես 85-րդ և 86-րդ կետերում նշված գումարների հանրագումար, եթե 85-րդ կետում նշված գումարը մեծ է 0-ից և միաժամանակ 85-րդ և 86-րդ կետերում նշված գումարների հանրագումարը մեծ է 0-ից:

19. Հաշվարկի 1-ին բաժնի 88-րդ կետում լրացվում է Օրենսգրքի 125-րդ հոդվածի 1-ին մասով կամ 128-րդ հոդվածի 2-րդ մասով սահմանված դրույքաչափով հաշվարկված շահութահարկի գումարը:

20. Հաշվարկի 1-ին բաժնի 89-րդ կետում լրացվում է Օրենսգրքի 127-րդ հոդվածի 1-ին մասին համապատասխան` Հայաստանի Հանրապետության կառավարության որոշմամբ հավանության արժանացած գործարար ծրագրի շրջանակներում ստեղծված նոր աշխատատեղերի մասով հաշվետու տարվա ընթացքում հաշվարկված լրացուցիչ աշխատավարձի և դրան հավասարեցված վճարումների 100%-ը, բայց ոչ ավելի, քան հաշվետու տարվա համար հաշվարկված փաստացի շահութահարկի գումարի 30%-ը:

21. Հաշվարկի 1-ին բաժնի 90-րդ կետում լրացվում են Օրենսգրքի 127-րդ հոդվածի 3-րդ մասին համապատասխան` առանձին խմբերի քաղաքացիներին օրենքով կամ օրենքով սահմանված դեպքերում՝ Հայաստանի Հանրապետության կառավարության որոշմամբ սահմանված զեղչ սակագներով կամ անվճար մատուցված ծառայությունների դիմաց չստացված (պակաս ստացված) եկամուտները:

22. Հաշվարկի 1-ին բաժնի 91-րդ կետում լրացվում է շահութահարկի նվազեցման արտոնության հետևանքով նվազեցվող շահութահարկի գումարը` որպես 89-րդ և 90-րդ կետերում նշված գումարների հանրագումար:

23. Հաշվարկի 1-ին բաժնի 92-րդ կետում լրացվում է շահութահարկի գումարը` շահութահարկի նվազեցման արտոնությունները նվազեցնելուց հետո` որպես 88-րդ և 91-րդ կետերում նշված գումարների հանրագումար, եթե 88-րդ և 91-րդ կետերում նշված գումարների հանրագումարը մեծ է 0-ից:

24. Հաշվարկի 1-ին բաժնի 93-րդ կետում լրացվում է Օրենսգրքի 20-րդ հոդվածին կամ մինչև 2018 թվականի հունվարի 1-ը գործող` «Շահութահարկի մասին» Հայաստանի Հանրապետության օրենքի 52-րդ հոդվածին համապատասխան` նախորդ հաշվետու տարիների ընթացքում օտարերկրյա պետություններում գանձված և շահութահարկից նվազեցման ենթակա շահութահարկի կամ շահույթից հաշվարկվող այլ հարկի գումարների այն մասը, որը չի նվազեցվել նախորդ հաշվետու տարիների շահութահարկի գումարից: Այս կետը լրացվում է միայն ռեզիդենտ շահութահարկ վճարողների կողմից:

25. Հաշվարկի 1-ին բաժնի 94-96-րդ կետերը լրացվում են` Օրենսգրքի 20-րդ հոդվածին համապատասխան: Այս կետերը լրացվում են միայն ռեզիդենտ շահութահարկ վճարողների կողմից:

26. Հաշվարկի 1-ին բաժնի 97-րդ կետում լրացվում է Օրենսգրքի 130-րդ հոդվածին համապատասխան` մշտական հաստատությանը վերագրվող եկամուտներից հարկման բազայի մասով հարկային գործակալի կողմից հաշվարկված և պահված շահութահարկի գումարը: Ընդ որում, այս կետում լրացվում է հարկային գործակալի կողմից հաշվարկված և պահված շահութահարկի այն գումարները, որոնց վերաբերող՝ մշտական հաստատությանը վերագրվող եկամուտները ներառվել են սույն հաշվարկի 1-ին բաժնի 6-40-րդ կետերում: Այս կետը լրացվում է միայն մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողների կողմից:

27. Հաշվարկի 1-ին բաժնի 98-րդ կետում լրացվում է նվազեցումները կատարելուց հետո շահութահարկի գումարը` որպես 92-րդ, 95-րդ և 97-րդ կետերում նշված գումարների հանրագումար, եթե 92-րդ, 95-րդ և 97-րդ կետերում նշված գումարների հանրագումարը մեծ է 0-ից:

28. Հաշվարկի 1-ին բաժնի 99-րդ կետում լրացվում է մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի՝ մշտական հաստատությանը չվերագրվող եկամուտների մասով՝ սույն հաշվարկի 2-րդ բաժնի 13-րդ կետում նշված շահութահարկի գումարը:

29. Հաշվարկի 1-ին բաժնի 100-րդ կետում լրացվում է շահութահարկի ընդհանուր գումարը՝ որպես 98-րդ և 99-րդ կետերում նշված գումարների հանրագումար:

30. Հաշվարկի 1-ին բաժնի 101-րդ կետում ինքնաշխատ լրացվում է Օրենսգրքի 135-րդ հոդվածին համապատասխան` հաշվետու տարում շահութահարկի հաշվարկված կանխավճարների հանրագումարը:

31. Հաշվարկի 1-ին բաժնի 102-րդ կետում լրացվում է շահութահարկի գումարը` հաշվետու տարում շահութահարկի հաշվարկված կանխավճարների հանրագումարը նվազեցնելուց հետո` որպես 100-րդ և 101-րդ կետերում նշված գումարների հանրագումար, եթե 100-րդ և 101-րդ կետերում նշված գումարների հանրագումարը մեծ է 0-ից:

32. Հաշվարկի 1-ին բաժնի 103-րդ կետում լրացվում են մինչև 2018 թվականի հունվարի 1-ը գործող` «Շահութահարկի մասին» Հայաստանի Հանրապետության օրենքին համապատասխան` մինչև 2014 թվականի հունվարի 1-ն ընկած հաշվետու ժամանակաշրջաններին վերաբերող՝ վճարված և փաստացի շահութահարկի գումարից չհաշվանցված նվազագույն շահութահարկի գումարները, որոնք ենթակա են հաշվանցման 2018 թվականի հունվարի 1-ից հետո ընկած հաշվետու ժամանակաշրջաններին վերաբերող՝ ռեզիդենտ շահութահարկ վճարողի տվյալ հաշվետու ժամանակաշրջանի շահութահարկի կանխավճարների գումարները գերազանցող փաստացի շահութահարկի գումարներից` Օրենսգրքի 451-րդ հոդվածի 7-րդ մասին համապատասխան: Այս կետը լրացվում է միայն ռեզիդենտ կազմակերպությունների կողմից:

33. Հաշվարկի 1-ին բաժնի 104-րդ կետում լրացվում է վճարման ենթակա շահութահարկի գումարը` որպես 102-րդ և 103-րդ կետերում նշված գումարների հանրագումար, եթե 102-րդ և 103-րդ կետերում նշված գումարների հանրագումարը մեծ է 0-ից:

34. Հաշվարկի 1-ին բաժնի 105-րդ կետում լրացվում է հաջորդ տարիներ փոխանցվող` չհաշվանցված նվազագույն շահութահարկի գումարը` որպես 102-րդ և 103-րդ կետերում նշված գումարների հանրագումար, եթե 102-րդ և 103-րդ կետերում նշված գումարների հանրագումարը փոքր է 0-ից: Այս կետը լրացվում է միայն ռեզիդենտ կազմակերպությունների կողմից:

35. Հաշվարկի 1-ին բաժնի 106-րդ կետում լրացվում է պետական բյուջեից փոխհատուցման ենթակա շահութահարկի գումարը` որպես 88-րդ, 91-րդ, 95-րդ, 97-րդ, 99-րդ և 101-րդ կետերում նշված գումարների հանրագումար, եթե 88-րդ, 91-րդ, 95-րդ, 97-րդ, 99-րդ և 101-րդ կետերում նշված գումարների հանրագումարը փոքր է 0-ից:

36. Հաշվարկի 1-ին բաժնի 107-րդ կետում լրացվում է Օրենսգրքի 125-րդ հոդվածի 3-րդ մասի համաձայն` շրջանառության հարկով և (կամ) արտոնագրային հարկով հարկվող գործունեություններ իրականացնող անհատ ձեռնարկատերերի և նոտարների շահութահարկի գումարը` գործունեության այդ տեսակների մասով ամսական հինգ հազար դրամի չափով:

37. Հաշվարկի 2-րդ բաժնում լրացվում է մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի` հարկային գործակալ չհամարվողների կողմից ստացված՝ մշտական հաստատությանը չվերագրվող եկամուտները և դրանց գծով հաշվարկված շահութահարկի գումարները: Մասնավորապես, Հաշվարկի 2-րդ բաժնի աղյուսակի.

1) 1-ին, 4-րդ, 7-րդ և 10-րդ կետերում լրացվում է եկամտի կոդը և տեսակը.

ա) 001` ապահովագրական հատուցումներ.

բ) 002` վերաապահովագրական վճարներ.

գ) 003` փոխադրման (ֆրախտի) դիմաց եկամուտներ.

դ) 004` շահաբաժիններ.

ե) 005` տոկոսներ.

զ) 006` ռոյալթիներ.

է) 007` վարձակալական վճարներ.

ը) 008` ակտիվների արժեքի հավելաճ.

թ) 009` արժեթղթերի օտարումից ստացվող ակտիվների արժեքի հավելաճ.

ժ) 010` Համահայկական բանկից ստացվող շահաբաժիններ.

ի) 099` Հայաստանի Հանրապետության աղբյուրներից ստացվող այլ եկամուտներ,

2) 2-րդ կետում լրացվում են ոչ ռեզիդենտ շահութահարկ վճարողի հաշվետու ժամանակաշրջանում փաստացի ստացված այն եկամուտների մեծությունները, որոնք ստացվել են հարկային գործակալ չհանդիսացողներից` ըստ եկամտի տեսակների: Ընդ որում, նշված կետում չեն լրացվում սույն կարգի 8-րդ կետին դասվող եկամուտները,

3) 3-րդ կետում լրացվում է 2-րդ կետի հանրագումարը,

4) 5-րդ կետում լրացվում են 2-րդ կետում նշված գումարներից հաշվետու ժամանակաշրջանի համար հաշվարկված` Օրենսգրքի 125-րդ հոդվածի 4-րդ մասով սահմանված համապատասխան դրույքաչափով հաշվարկված շահութահարկի գումարները` ըստ եկամտի տեսակների,

5) 6-րդ կետում լրացվում է 5-րդ կետի հանրագումարը,

6) 8-րդ կետում լրացվում են ոչ ռեզիդենտ շահութահարկ վճարողի կողմից հաշվետու ժամանակաշրջանում փաստացի ստացված Հայաստանի Հանրապետության աղբյուրներին դասվող այն եկամուտները, որոնք ստացվել են հարկային գործակալ չհանդիսացողներից` ըստ եկամտի տեսակների և որոնք Հայաստանի Հանրապետության վավերացված միջազգային պայմանագրերով ենթակա են հարկման Օրենսգրքով սահմանված հարկի դրույքաչափից տարբերվող (նվազ) դրույքաչափով,

7) 9-րդ կետում լրացվում է 8-րդ կետի հանրագումարը,

8) 11-րդ կետում լրացվում են 8-րդ կետում նշված գումարներից հաշվետու ժամանակաշրջանի համար հաշվարկված շահութահարկի գումարները` ըստ եկամտի տեսակների,

9) 12-րդ կետում լրացվում է 11-րդ կետի հանրագումարը,

10) 13-րդ կետում լրացվում է հաշվարկված շահութահարկի գումարը` որպես 6-րդ և 12-րդ կետերի հանրագումար:

38. Հաշվարկի 3-րդ բաժնի աղյուսակում («Դեբիտորական, կրեդիտորական պարտքեր») լրացվում են Օրենսգրքի 106-րդ, 109-րդ և 123-րդ հոդվածների, Հայաստանի Հանրապետության կառավարության 05.10.2017թ. «Շահութահարկ վճարողների (բացառությամբ բանկերի, վարկային կազմակերպությունների, ապահովագրական ընկերությունների և արժեթղթերի շուկայի մասնագիտացված անձանց) դեբիտորական պարտքերի հնարավոր կորուստների պահուստի (պահուստաֆոնդի) ձևավորման, դեբիտորական ու կրեդիտորական պարտքերի անհուսալի ճանաչման և դուրսգրման կարգը հաստատելու և Հայաստանի Հանրապետության կառավարության 2002 թվականի դեկտեմբերի 19-ի N 2052-Ն որոշումն ուժը կորցրած ճանաչելու մասին» N 1373-Ն որոշման` շահութահարկի հաշվարկման առանձնահատկություններով պայմանավորված լրացուցիչ տեղեկությունները` նախորդ և հաշվետու տարիներում դեբիտորական պարտքերի հնարավոր կորուստների պահուստի (պահուստաֆոնդի) ստեղծման մասին (1-ին տող, 3-րդ և 4-րդ սյունակներ), դեբիտորական պարտքերի հնարավոր կորուստների պահուստի (պահուստաֆոնդի)` նախորդ և հաշվետու տարիների դեկտեմբերի 31-ի ավարտին մեծության մասին (2-րդ տող, 3-րդ և 4-րդ սյունակներ), դուրս գրված անհուսալի դեբիտորական այն պարտքերի գումարների մասին, որոնք մինչև կետանցված դառնալու օրվան հաջորդող 3 տարի լրանալը նախորդ և հաշվետու տարիների ավարտին չեն մարվել կամ դադարել այլ հիմքով (3-րդ տող, 3-րդ և 4-րդ սյունակներ), դուրս գրված անհուսալի կրեդիտորական այն պարտքերի գումարների մասին, որոնք մինչև կետանցված դառնալու օրվան հաջորդող 3 տարի լրանալը նախորդ և հաշվետու տարիների ավարտին չեն մարվել կամ դադարել այլ հիմքով (4-րդ տող, 3-րդ և 4-րդ սյունակներ):

39. Հաշվարկի 4-րդ բաժնում լրացվում են Օրենսգրքի 106-րդ, 109-րդ և 123-րդ հոդվածների, Հայաստանի Հանրապետության կառավարության 05.10.2017 թ. «Շահութահարկ վճարողների (բացառությամբ բանկերի, վարկային կազմակերպությունների, ապահովագրական ընկերությունների և արժեթղթերի շուկայի մասնագիտացված անձանց) դեբիտորական պարտքերի հնարավոր կորուստների պահուստի (պահուստաֆոնդի) ձևավորման, դեբիտորական ու կրեդիտորական պարտքերի անհուսալի ճանաչման և դուրսգրման կարգը հաստատելու և Հայաստանի Հանրապետության կառավարության 2002 թվականի դեկտեմբերի 19-ի N 2052-Ն որոշումն ուժը կորցրած ճանաչելու մասին» N 1373-Ն որոշման` շահութահարկի հաշվարկման առանձնահատկություններով պայմանավորված` շահութահարկ վճարողների (բացառությամբ բանկերի, վարկային կազմակերպությունների, ապահովագրական ընկերությունների և արժեթղթերի շուկայի մասնագիտացված անձանց, ջրօգտագործող հարկ վճարողների, խմելու ջրի մատակարարման և ջրահեռացման ծառայություններ մատուցող հարկ վճարողների, էլեկտրական էներգիայի առուվաճառք իրականացնող` էլեկտրական էներգիա բաշխող լիցենզավորված հարկ վճարողների, բնական գազի առուվաճառք իրականացնող` բնական գազ բաշխող լիցենզավորված հարկ վճարողների, բնակչությանը ներտնային գազասպառման համակարգերի տեխնիկական սպասարկում իրականացնող հարկ վճարողների) կողմից հաշվետու (հարկային) տարվա ընթացքում անհուսալի ճանաչված դեբիտորական և կրեդիտորական պարտքերի գումարները: Մասնավորապես, Հաշվարկի 4-րդ բաժնի աղյուսակի.

1) 1-ին սյունակում լրացվում է հերթական համարը,

2) 2-րդ սյունակում լրացվում է հարկ վճարողի կողմից դուրս գրված անհուսալի դեբիտորական պարտքի գումարը, բացառությամբ յուրաքանչյուր դեբիտորի մասով 100 հազար դրամը չգերազանցող պարտքի գումարի,

3) 3-րդ սյունակում լրացվում է հարկ վճարողի կողմից դուրս գրված անհուսալի կրեդիտորական պարտքի գումարը,

4) 4-րդ սյունակում լրացվում է հարկ վճարողի կողմից անհուսալի ճանաչված դեբիտորական կամ կրեդիտորական պարտքի դուրսգրման ամսաթիվը,

5) 5-րդ սյունակում լրացվում է հարկ վճարողի կողմից դեբիտորական պարտքի գումարը բռնագանձելու պահանջը բավարարելու կամ մերժելու վերաբերյալ դատական ակտի (վճռի, որոշման կամ կարգադրության, բացառությամբ դեբիտորական պարտքի գումարը ներելու կամ այն որևէ հիմքով չպահանջելու վերաբերյալ կայացված վճռի, որոշման կամ կարգադրության) օրինական ուժի մեջ մտնելու ամսաթիվը,

6) 6-րդ սյունակում լրացվում է դեբիտորական կամ կրեդիտորական պարտք ունեցող մյուս անձի անվանումը կամ ֆիզիկական անձի անունը, ազգանունը,

7) 7-րդ սյունակում լրացվում է դեբիտորական կամ կրեդիտորական պարտք ունեցող մյուս անձի հարկային մարմինների կողմից տրված ՀՎՀՀ-ն՝ առկայության դեպքում,

8) 8-րդ սյունակում լրացվում է դեբիտորական կամ կրեդիտորական պարտք ունեցող մյուս անձի գտնվելու վայրը կամ ֆիզիկական անձի դեպքում` բնակության վայրը:

40. Հաշվարկի 5-րդ բաժնի աղյուսակում («Հարկման նպատակով հիմնական միջոցների ամորտիզացիոն ժամկետները») լրացվում են նախորդ և հաշվետու տարիներում հիմնական միջոցների համար շահութահարկ վճարողի կողմից ընտրված ամորտիզացիոն ժամկետները` ամիսների թվով արտահայտված` Օրենսգրքի 121-րդ հոդվածի 1-ին մասին, 451-րդ հոդվածի 4-րդ և 5-րդ մասերի 2-րդ կետերին համապատասխան:

41. Հաշվարկի 6-րդ բաժնի աղյուսակում («Հարկման նպատակով ոչ նյութական ակտիվների ամորտիզացիոն ժամկետները») լրացվում են նախորդ և հաշվետու տարիներում ոչ նյութական ակտիվների համար շահութահարկ վճարողի կողմից ընտրված ամորտիզացիոն ժամկետները` ամիսների թվով արտահայտված` Օրենսգրքի 121-րդ հոդվածի 1-ին մասին, 451-րդ հոդվածի 4-րդ և 5-րդ մասերի 2-րդ կետերին համապատասխան:

42. Հաշվարկի 7-րդ բաժնի աղյուսակում («Հաշվապահական հաշվառման քաղաքականությանը վերաբերող բացահայտումներ») լրացվում են «Հաշվապահական հաշվառման մասին» Հայաստանի Հանրապետության օրենքին համապատասխան հաշվապահական հաշվառման քաղաքականությանը վերաբերող բացահայտումները:

43. Հաշվարկի 8-րդ բաժնի աղյուսակում («Ակտիվների և պարտավորությունների հաշվապահական հաշվեկշռային արժեքները և հարկային բազաները (հարկման նպատակով հաշվեկշռային արժեքները)») լրացվում են ակտիվների և պարտավորությունների հաշվապահական հաշվեկշռային արժեքները և հարկային բազաները (հարկման նպատակով հաշվեկշռային արժեքները):

44. Հաշվարկի 9-րդ բաժնի աղյուսակում («Եկամուտները` ըստ գործունեության տեսակների») լրացվում են հաշվետու տարում շահութահարկ վճարողի ըստ գործունեության տեսակների ստացված եկամուտների տեսակարար կշիռները (տոկոսով) համախառն եկամտի մեջ (ըստ տեսակարար կշիռների նվազման): Ընդ որում` «Գործունեության տեսակը (կոդը)» սյունակում գործունեության տեսակները (կոդերը) նշվում են Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի «Հայաստանի Հանրապետության տեխնիկատնտեսական և սոցիալական տեղեկատվության «Տնտեսական գործունեության տեսակների դասակարգիչ» հաստատելու և Հայաստանի Հանրապետության էկոնոմիկայի նախարարի 2009 թվականի հունիսի 3-ի N 372-Ն հրամանն ուժը կորցրած ճանաչելու մասին» N 874-Ն հրամանի հավելվածով հաստատված Տնտեսական գործունեության տեսակների դասակարգչին համապատասխան (օրինակ` C25910 կոդը /բաժին C, հատված 25, խումբ 25.9, դաս 25.91, ենթադաս 25.91.0/ համապատասխանում է «Մետաղե տակառների և համանման այլ տարողությունների արտադրություն» գործունեության տեսակին»), իսկ «Տեսակարար կշիռը (%)» սյունակում համամասնությունները նշվում են տոկոսով համախառն եկամտի նկատմամբ: Այս աղյուսակում նշված տեղեկությունները օգտագործվում են վիճակագրության նպատակով և չեն կարող հիմք հանդիսանալ շահութահարկի հաշվարկման (վերահաշվարկման) համար: Այս աղյուսակը ենթակա է պարտադիր լրացման, եթե լրացված են Հաշվարկի 1-ին բաժնի 6-10 կետերից որևէ մեկը:

45. Հաշվարկի 10-րդ բաժնի աղյուսակը («Հայաստանի Հանրապետության կառավարության հավանությանն արժանացած ծրագիր իրականացնող և այդ ծրագրում ընդգրկված` Հայաստանի Հանրապետության ռեզիդենտ հարկ վճարողի կամ ռեզիդենտ հարկ վճարողների խմբի մեջ մտնող հարկ վճարողների վերաբերյալ տեղեկություններ») լրացվում է ռեզիդենտ կազմակերպությունների կողմից:

46. Հաշվարկի 11-րդ բաժնի աղյուսակը («Հայաստանի Հանրապետության կառավարության հավանությանն արժանացած ծրագիր իրականացնող և այդ ծրագրում ընդգրկված` բացառապես Հայաստանի Հանրապետության տարածքից դուրս շինարարության կամ շինմոնտաժային ոլորտում գործունեություն իրականացնող Հայաստանի Հանրապետության ռեզիդենտ հարկ վճարողի կամ ռեզիդենտ հարկ վճարողների խմբի մեջ մտնող հարկ վճարողների վերաբերյալ տեղեկություններ») լրացվում է ռեզիդենտ կազմակերպությունների կողմից:

Ձև___

Կ Ա Ր Գ

ՊԱՅՄԱՆԱԳՐԱՅԻՆ ՆԵՐԴՐՈՒՄԱՅԻՆ ՖՈՆԴԻ ԵՎ ԱՐԺԵԹՂԹԱՎՈՐՄԱՆ ՀԻՄՆԱԴՐԱՄԻ ՇԱՀՈՒԹԱՀԱՐԿԻ ՀԱՇՎԱՐԿԻ ՁԵՎԻ ԼՐԱՑՄԱՆ

1. Պայմանագրային ներդրումային ֆոնդի և «Ակտիվների արժեթղթավորման և ակտիվներով ապահովված արժեթղթերի մասին» Հայաստանի Հանրապետության օրենքի հիման վրա ստեղծված Արժեթղթավորման հիմնադրամի շահութահարկի հաշվարկի ձևը (այսուհետ` Հաշվարկ) լրացվում և ներկայացվում է հարկային մարմին Հայաստանի Հանրապետության հարկային օրենսգրքի (այսուհետ` Օրենսգիրք) 134-րդ հոդվածի 1-ին մասին համապատասխան: Հաշվարկը լրացվում է դրամներով (առանց լումաների): Հաշվարկում հանվող գումարները (բացասական մեծությունները) ցույց են տրվում փակագծերի մեջ:

2. Հաշվարկի 1-ին կետում լրացվում է հարկ վճարողի հաշվառման համարը (ՀՎՀՀ):

3. Հաշվարկի 2-րդ կետում լրացվում է հարկ վճարողի լրիվ անվանումը:

4. Հաշվարկի 3-րդ կետում լրացվում է հարկ վճարողի գտնվելու վայրը (բնակության վայրը):

5. Հաշվարկի 4-րդ կետում լրացվում է այն հաշվետու ժամանակաշրջանը, որի համար ներկայացվում է հաշվարկը:

6. Հաշվարկի 5-րդ կետում լրացվում է զուտ ակտիվների հանրագումարը, որը որոշվում է Հայաստանի Հանրապետության կենտրոնական բանկի սահմանած և հարկային մարմնի հետ համաձայնեցրած կարգով: Սույն կետի կիրառության իմաստով՝ ներդրումային ֆոնդի զուտ ակտիվներից չեն նվազեցվում ներդրումային ֆոնդի մասնակիցներին ներդրումային ֆոնդի ակտիվներից շահաբաժնի կամ նման այլ ձևով կատարված բաշխումների գումարները:

7. Հաշվարկի 6-րդ կետում լրացվում է Օրենսգրքի 125-րդ հոդվածի 2-րդ մասով սահմանված դրույքաչափով հաշվարկված շահութահարկի գումարը:

8. Հաշվարկի 7-րդ կետում լրացվում է Օրենսգրքի 20-րդ հոդվածին կամ մինչև 2018 թվականի հունվարի 1-ը գործող` «Շահութահարկի մասին» Հայաստանի Հանրապետության օրենքի 52-րդ հոդվածին համապատասխան` նախորդ հաշվետու տարիների ընթացքում օտարերկրյա պետություններում գանձված և շահութահարկից նվազեցման ենթակա շահութահարկի կամ շահույթից հաշվարկվող այլ հարկի գումարների այն մասը, որը չի նվազեցվել նախորդ հաշվետու տարիների շահութահարկի գումարից:

9. Հաշվարկի 8-10-րդ կետերը լրացվում են` Օրենսգրքի 20-րդ հոդվածին համապատասխան:

10. Հաշվարկի 11-րդ կետում լրացվում է շահութահարկի ընդհանուր գումարը` որպես 6-րդ և 9-րդ կետերում նշված գումարների հանրագումար, եթե 6-րդ և 9-րդ կետերում նշված գումարների հանրագումարը մեծ է 0-ից:

11. Հաշվարկի 12-րդ կետում ինքնաշխատ լրացվում է հաշվետու տարում շահութահարկի հաշվարկված կանխավճարների հանրագումարը` Օրենսգրքի 135-րդ հոդվածին համապատասխան:

12. Հաշվարկի 13-րդ կետում լրացվում է պայմանագրային ներդրումային ֆոնդի կամ արժեթղթավորման հիմնադրամի վճարման ենթակա շահութահարկի գումարը` որպես 11-րդ և 12-րդ կետերում նշված գումարների հանրագումար, եթե 11-րդ և 12-րդ կետերում նշված գումարների հանրագումարը մեծ է 0-ից:

13. Հաշվարկի 14-րդ կետում լրացվում է պայմանագրային ներդրումային ֆոնդին կամ արժեթղթավորման հիմնադրամին բյուջեից փոխհատուցման ենթակա շահութահարկի գումարը` որպես 11-րդ և 12-րդ կետերում նշված գումարների հանրագումար, եթե 11-րդ և 12-րդ կետերում նշված գումարների հանրագումարը փոքր է 0-ից:

Ձև___

Կ Ա Ր Գ

ԱՆՀԱՏ ՁԵՌՆԱՐԿԱՏԻՐՈՋ ԵՎ ՆՈՏԱՐԻ ՍՈՑԻԱԼԱԿԱՆ ՎՃԱՐԻ ՀԱՇՎԱՐԿԻ ՁԵՎԻ ԼՐԱՑՄԱՆ

1. Անհատ ձեռնարկատիրոջ և նոտարի սոցիալական վճարի հաշվարկի ձևը (այսուհետ` Հաշվարկ) լրացվում և ներկայացվում է հարկային մարմին «Կուտակային կենսաթոշակների մասին» Հայաստանի Հանրապետության օրենքի 7-րդ հոդվածի 5-րդ մասին և «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքի 11-րդ հոդվածի 2-րդ մասին համապատասխան: Հաշվարկում թվային տվյալները լրացվում են դրամներով (առանց լումաների):

2. Հաշվարկի 1-ին կետում լրացվում է անհատ ձեռնարկատիրոջ և նոտարի հարկ վճարողի հաշվառման համարը (ՀՎՀՀ):

3. Հաշվարկի 2-րդ կետում լրացվում է անհատ ձեռնարկատիրոջ և նոտարի անունը, ազգանունը:

4. Հաշվարկի 3-րդ կետում լրացվում է անհատ ձեռնարկատիրոջ և նոտարի հաշվառման վայրը (բնակության վայրը):

5. Հաշվարկի 4-րդ կետում լրացվում է անհատ ձեռնարկատիրոջ և նոտարի հանրային ծառայությունների համարանիշը (ՀԾՀ) կամ ՀԾՀ չունենալու վերաբերյալ տեղեկանքի համարը:

6. Հաշվարկի 5-րդ կետում լրացվում է այն հաշվետու ժամանակաշրջանը, որի համար լրացվում է Հաշվարկը:

7. Հաշվարկի 6-րդ կետում լրացվում է շահութահարկի հարկման բազան (հարկվող շահույթը), որը լրացվում է Հավելված 1-ով հաստատված` «Ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի շահութահարկի հաշվարկ»-ի 1-ին բաժնի աղյուսակի 87-րդ կետում նշված գումարը:

8. Հաշվարկի 7-րդ կետում լրացվում է «Կուտակային կենսաթոշակների մասին» ՀՀ օրենքով սահմանված չափերով հաշվարկված սոցիալական վճարի գումարը:

9. Հաշվարկի 8-րդ կետում լրացվում է արտոնագրային հարկի և (կամ) շրջանառության հարկի համակարգում իրականացվող գործունեության մասով հաշվարկվող սոցիալական վճարի գումարը (յուրաքանչյուր ամսվա հաշվով 5000 դրամ): Ընդ որում` բացառապես արտոնագրային հարկի և (կամ) շրջանառության հարկի համակարգում գործունեություն իրականացնող անհատ ձեռնարկատերերի և նոտարների կողմից լրացվում է Հաշվարկի միայն սույն կետը:

10. Հաշվարկի 9-րդ կետում լրացվում է սոցիալական վճարի ընդհանուր գումարը` որպես 7-րդ և 8-րդ կետերում նշված գումարների հանրագումար:

11. Հաշվարկի 10-րդ կետում լրացվում է անհատ ձեռնարկատիրոջ կամ նոտարի կողմից վճարված կամավոր կենսաթոշակային վճարների գումարը՝ ամբողջությամբ:

Ձև___

Կ Ա Ր Գ

ԱՌԱՆՑ ՄՇՏԱԿԱՆ ՀԱՍՏԱՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԵՎ (ԿԱՄ) ԵԿԱՄՈՒՏՆԵՐ ՍՏԱՑՈՂ ՈՉ ՌԵԶԻԴԵՆՏ ՇԱՀՈՒԹԱՀԱՐԿ ՎՃԱՐՈՂԻ ՇԱՀՈՒԹԱՀԱՐԿԻ ՀԱՇՎԱՐԿԻ ՁԵՎԻ ԼՐԱՑՄԱՆ

1. Առանց մշտական հաստատության Հայաստանի Հանրապետությունում գործունեություն իրականացնող և (կամ) եկամուտներ ստացող ոչ ռեզիդենտ շահութահարկ վճարողի շահութահարկի հաշվարկի ձևը (այսուհետ` Հաշվարկ) լրացվում և ներկայացվում է հարկային մարմին Հայաստանի Հանրապետության հարկային օրենսգրքի (այսուհետ` Օրենսգիրք) 134-րդ հոդվածի 3-րդ մասին համապատասխան: Հաշվարկում թվային տվյալները լրացվում են դրամներով (առանց լումաների): Հաշվարկում չեն լրացվում Օրենսգրքի 108-րդ հոդվածի համաձայն` եկամուտ չհամարվող տարրերը, ինչպես նաև այն եկամուտները, որոնք Հայաստանի Հանրապետության վավերացված միջազգային պայմանագրերով ենթակա չեն հարկման Հայաստանի Հանրապետությունում:

2. Հաշվարկի 1-ին կետում լրացվում է հարկ վճարողի հաշվառման համարը (ՀՎՀՀ)՝ առկայության դեպքում:

3. Հաշվարկի 2-րդ կետում լրացվում է առանց մշտական հաստատության Հայաստանի Հանրապետությունում գործունեություն իրականացնող և (կամ) եկամուտներ ստացող ոչ ռեզիդենտ շահութահարկ վճարողի լրիվ անվանումը:

4. Հաշվարկի 3-րդ կետում լրացվում է առանց մշտական հաստատության Հայաստանի Հանրապետությունում գործունեություն իրականացնող և (կամ) եկամուտներ ստացող ոչ ռեզիդենտ շահութահարկ վճարողի գտնվելու վայրը:

5. Հաշվարկի 4-րդ կետում լրացվում է այն հաշվետու ժամանակաշրջանը, որի համար ներկայացվում է Հաշվարկը:

6. Հաշվարկի 5-րդ, 8-րդ, 11-րդ և 14-րդ կետերում լրացվում է եկամտի կոդը և տեսակը.

1) 001` ապահովագրական հատուցումներ.

2) 002` վերաապահովագրական վճարներ.

3) 003` փոխադրման (ֆրախտի) դիմաց եկամուտներ.

4) 004` շահաբաժիններ.

5) 005` տոկոսներ.

6) 006` ռոյալթիներ.

7) 007` վարձակալական վճարներ.

8) 008` ակտիվների արժեքի հավելաճ.

9) 009` արժեթղթերի օտարումից ստացվող ակտիվների արժեքի հավելաճ.

10) 010` Համահայկական բանկից ստացվող շահաբաժիններ.

11) 099` Հայաստանի Հանրապետության աղբյուրներից ստացվող այլ եկամուտներ:

7. Հաշվարկի 6-րդ կետում լրացվում են առանց մշտական հաստատության Հայաստանի Հանրապետությունում գործունեություն իրականացնող և (կամ) եկամուտներ ստացող ոչ ռեզիդենտ շահութահարկ վճարողի հաշվետու ժամանակաշրջանում փաստացի ստացված այն եկամուտների մեծությունները, որոնք ստացվել են հարկային գործակալ չհանդիսացողներից` ըստ եկամտի տեսակների: Ընդ որում, նշված կետում չեն լրացվում սույն կարգի 12-րդ կետին դասվող եկամուտները:

8. Հաշվարկի 7-րդ կետում լրացվում է 6-րդ կետի հանրագումարը:

9. Հաշվարկի 9-րդ կետում լրացվում են 6-րդ կետում նշված գումարներից հաշվետու ժամանակաշրջանի համար հաշվարկված` Օրենսգրքի 125-րդ հոդվածի 4-րդ մասով սահմանված համապատասխան դրույքաչափով հաշվարկված շահութահարկի գումարները` ըստ եկամտի տեսակների:

10. Հաշվարկի 10-րդ կետում լրացվում է 9-րդ կետի հանրագումարը:

11. Հաշվարկի 12-րդ կետում լրացվում են առանց մշտական հաստատության Հայաստանի Հանրապետությունում գործունեություն իրականացնող և (կամ) եկամուտներ ստացող ոչ ռեզիդենտ շահութահարկ վճարողի կողմից հաշվետու ժամանակաշրջանում փաստացի ստացված Հայաստանի Հանրապետության աղբյուրներին դասվող այն եկամուտները, որոնք ստացվել են հարկային գործակալ չհանդիսացողներից` ըստ եկամտի տեսակների և որոնք Հայաստանի Հանրապետության վավերացված միջազգային պայմանագրերով ենթակա են հարկման Օրենսգրքով սահմանված հարկի դրույքաչափից տարբերվող (նվազ) դրույքաչափով:

12. Հաշվարկի 13-րդ կետում լրացվում է 12-րդ կետի հանրագումարը:

13. Հաշվարկի 15-րդ կետում լրացվում է 12-րդ կետում նշված գումարներից հաշվետու ժամանակաշրջանի համար հաշվարկված շահութահարկի գումարները` ըստ եկամտի տեսակների:

14. Հաշվարկի 16-րդ կետում լրացվում է 15-րդ կետի հանրագումարը:

15. Հաշվարկի 17-րդ կետում լրացվում է հաշվարկված շահութահարկի հանրագումարը` որպես 10-րդ և 16-րդ կետերի հանրագումար: