«Գրանցված է»

ՀՀ արդարադատության

նախարարության կողմից

16 մարտի 2015 թ.

Պետական գրանցման թիվ 10115083

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԵՐՐՈՐԴ ԵՐԿՐՆԵՐԻ ՀԵՏ ԱՌԵՎՏՐԻ ԴԵՊՔՈՒՄ ՏԵՂԵԿԱՏՎՈՒԹՅԱՆ ԳԱՂՏՆԻ ՍՏԱՑՄԱՆ ՀԱՄԱՐ ՆԱԽԱՏԵՍՎԱԾ ՀԱՏՈՒԿ ՏԵԽՆԻԿԱԿԱՆ ՄԻՋՈՑՆԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔԻՑ ԱՐՏԱՀԱՆՄԱՆ ԿԱՆՈՆԱԿԱՐԳԸ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՈՒՄԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔԻՑ ԱՐՏԱՀԱՆՈՒՄԸ ՍԱՀՄԱՆԱՓԱԿՎԱԾ` ՏԵՂԵԿԱՏՎՈՒԹՅԱՆ ԳԱՂՏՆԻ ՍՏԱՑՄԱՆ ՀԱՄԱՐ ՆԱԽԱՏԵՍՎԱԾ ՀԱՏՈՒԿ ՏԵԽՆԻԿԱԿԱՆ ՄԻՋՈՑՆԵՐԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՄԱՆ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔԻՑ ԱՐՏԱՀԱՆՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔՈՎ ՏԱՐԱՆՑԻԿ ՓՈԽԱԴՐՄԱՆ ՆՊԱՏԱԿՈՎ ԱՐԳԵԼՎԱԾ ՏՊԱԳԻՐ, ԱՈՒԴԻՈՎԻԶՈՒԱԼ ԵՎ ԱՅԼ ԿՐԻՉՆԵՐԻ ՎՐԱ ՏԵՂԵԿԱՏՎՈՒԹՅԱՆ ՑԱՆԿԵՐԸ ՍԱՀՄԱՆԵԼՈՒ ՄԱՍԻՆ

Ի կատարումն ՀՀ կառավարության 2014 թվականի դեկտեմբերի 25-ի N 1524-Ն որոշման 6-րդ կետի հանձնարարականի և ղեկավարվելով ՀՀ կառավարության 2003 թվականի ապրիլի 17-ի N 433-Ն որոշմամբ հաստատված ՀՀ ազգային անվտանգության ծառայության կանոնադրության 11-րդ կետի «է» ենթակետով`

Հրամայում եմ՝

1. Հաստատել.

1) Հայաստանի Հանրապետության կողմից երրորդ երկրների հետ առևտրի դեպքում տեղեկատվության գաղտնի ստացման համար նախատեսված հատուկ տեխնիկական միջոցների Հայաստանի Հանրապետության մաքսային տարածք ներմուծման և Հայաստանի Հանրապետության մաքսային տարածքից արտահանման կանոնակարգը` համաձայն հավելված N 1-ի,

2) Հայաստանի Հանրապետության կողմից երրորդ երկրների հետ առևտրի դեպքում Հայաստանի Հանրապետության մաքսային տարածք ներմուծումը և Հայաստանի Հանրապետության մաքսային տարածքից արտահանումը սահմանափակված` տեղեկատվության գաղտնի ստացման համար նախատեսված հատուկ տեխնիկական միջոցների ցանկը` համաձայն հավելված N 2-ի,

3) Հայաստանի Հանրապետության կողմից երրորդ երկրների հետ առևտրի դեպքում Հայաստանի Հանրապետության մաքսային տարածք ներմուծման, Հայաստանի Հանրապետության մաքսային տարածքից արտահանման և Հայաստանի Հանրապետության մաքսային տարածքով տարանցիկ փոխադրման նպատակով արգելված տպագիր, աուդիովիզուալ և այլ կրիչների վրա տեղեկատվության ցանկը` համաձայն հավելված N 3-ի:

2. ՀՀ ԱԱԾ կառավարական կապի և տեղեկատվության վարչության պետին` սույն հրամանի 1-ին կետի 1-3 ենթակետերով հաստատված փաստաթղթերը տեղադրել ՀՀ ԱԱԾ պաշտոնական կայքի առանձին բաժնում` նշելով պատասխանատուների կոնտակտային տվյալները:

3. Սույն հրամանի կատարումը հանձնարարել ՀՀ ԱԱԾ օպերատիվ-տեխնիկական գլխավոր, սահմանադրական կարգի պահպանության և ահաբեկչության դեմ պայքարի գլխավոր, պայմանագրային-իրավական վարչություններին:

Կ Ա Ն Ո Ն Ա Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԵՐՐՈՐԴ ԵՐԿՐՆԵՐԻ ՀԵՏ ԱՌԵՎՏՐԻ ԴԵՊՔՈՒՄ ՏԵՂԵԿԱՏՎՈՒԹՅԱՆ ԳԱՂՏՆԻ ՍՏԱՑՄԱՆ ՀԱՄԱՐ ՆԱԽԱՏԵՍՎԱԾ ՀԱՏՈՒԿ ՏԵԽՆԻԿԱԿԱՆ ՄԻՋՈՑՆԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔԻՑ ԱՐՏԱՀԱՆՄԱՆ

1. Հայաստանի Հանրապետության կողմից երրորդ երկրների հետ առևտրի դեպքում տեղեկատվության գաղտնի ստացման համար նախատեսված հատուկ տեխնիկական միջոցների Հայաստանի Հանրապետության մաքսային տարածք ներմուծման և Հայաստանի Հանրապետության մաքսային տարածքից արտահանման կանոնակարգը (այսուհետ՝ Կանոնակարգ) մշակված է Հայաստանի Հանրապետության կառավարության 2014 թվականի դեկտեմբերի 25-ի «Հայաստանի Հանրապետության մաքսային տարածքով փոխադրման համար արգելված և սահմանափակումների ենթակա ապրանքների ցանկերը հաստատելու, լիազոր մարմիններ սահմանելու և ապրանքների արտահանման և (կամ) ներմուծման լիցենզիաների ու թույլտվությունների տրամադրման շրջանակային կարգը հաստատելու մասին» N 1524-Ն որոշման (այսուհետ` Որոշում) համաձայն:

Կանոնակարգը գործում է տեղեկատվության գաղտնի ստացման համար նախատեսված սույն Հրամանի հավելված N 2 (Միասնական ցանկի 2.17 բաժին) նշված հատուկ տեխնիկական միջոցների առնչությամբ, որոնց ներմուծման կամ արտահանման նկատմամբ արգելքներ կամ սահմանափակումներ են կիրառվում Եվրասիական տնտեսական միության անդամ պետությունների կողմից, Եվրասիական տնտեսական ընկերակցության շրջանակներում, երրորդ երկրների հետ առևտրում (այսուհետ՝ հատուկ տեխնիկական միջոցներ):

2. Կանոնակարգը տարածվում է այն ֆիզիկական և իրավաբանական անձանց վրա, ովքեր իրականացնում են հատուկ տեխնիկական միջոցների ներմուծում Հայաստանի Հանրապետություն կամ արտահանում Հայաստանի Հանրապետությունից (այսուհետ՝ հայտատուներ):

3. Հատուկ տեխնիկական միջոցների ներմուծումը և արտահանումն իրականացվում է մեկանգամյա լիցենզիայի (այսուհետ` լիցենզիա) հիման վրա, որը տրվում է Հայաստանի Հանրապետության ազգային անվտանգության ծառայության կողմից (այսուհետ՝ լիազոր մարմին):

4. Լիազոր մարմինը նաև եզրակացություն է (Ձև) տալիս հատուկ տեխնիկական միջոցների ներմուծման կամ արտահանման հնարավորության մասին, որն անհրաժեշտ է լիցենզիայի տրամադրման համար:

ՄՄ ԱՏԳ ԱԱ մեկ 10-անիշ դասակարգման կոդին համապատասխանող մի քանի տեսակի հատուկ տեխնիկական միջոցների ներմուծման կամ արտահանման դեպքում լիցենզիայի տրամադրման դիմումին կից ձևակերպվում է հավելված` նշելով բոլոր հատուկ տեխնիկական միջոցների ամբողջական անվանումները:

5. Հատուկ տեխնիկական միջոցների ներմուծման կամ արտահանման լիցենզիա/եզրակացություն ստանալու համար հայտատուն լիազոր մարմին է ներկայացնում.

1) լիցենզիա/եզրակացություն ստանալու մասին հայտը և հայտի էլեկտրոնային օրինակը, որը ներառում է ապրանքի առանձին տեսակը կամ տեսակների ցանկը, որի համար հայցվում է լիցենզիան, ռեգիստրում պետական գրանցման համարը, իսկ ֆիզիկական անձի դեպքում` անհատ ձեռնարկատիրոջ պետական հաշվառման համարն անհատ ձեռնարկատեր հանդիսացող հայտատուի դեպքում` անձնագրի պատճենը,

2) հատուկ տեխնիկական միջոցների շրջանառության ոլորտում գործունեություն իրականացնելու լիցենզիայի պատճենը (եթե տվյալ ոլորտում գործունեությունը ենթակա է լիցենզավորման),

3) արտաքին առևտրի պայմանագրի պատճենը, դրա հավելվածները և (կամ) լրացումները, իսկ արտաքին առևտրի պայմանագրի բացակայության դեպքում՝ մեկ այլ փաստաթղթի պատճենը, որը հաստատում է կողմերի մտադրությունները,

4) Հայաստանի Հանրապետության օրենսդրությամբ սահմանված կարգով անցկացված հատուկ տեխնիկական միջոցների նմուշների փորձաքննության եզրակացության պատճենը (միայն լիցենզիա տրամադրելու դեպքում),

5) հատուկ տեխնիկական միջոցների վերաբերյալ տեխնիկական փաստաթղթերը (փաստաթղթային հիմնավորումը),

6) հատուկ տեխնիկական միջոցների նմուշները (լիազոր մարմնի պահանջով),

7) հայտի հետ միասին ներկայացնում են նաև պետական տուրքի վճարման անդորրագրի պատճենը կամ պետական վճարումների էլեկտրոնային համակարգի կողմից գեներացված անդորրագիրը կամ ծանուցման մեջ նշում են գեներացված անդորրագրի 20-նիշանոց ծածկագիրը:

Լիազոր մարմին տրամադրվող փաստաթղթերի քննարկման ժամկետը 3 աշխատանքային օր է` չհաշված հայտի ներկայացման օրը:

Լիցենզիայի/եզրակացության գործողության ժամկետը չի կարող գերազանցել մեկ տարի ժամկետը, դրա գործողության մեջ մտնելու ամսաթվից սկսած:

Տրամադրված լիցենզիաների/եզրակացությունների մեջ փոփոխություններ չեն կարող կատարվել, այդ թվում` տեխնիկական բնույթի:

6. Հատուկ տեխնիկական միջոցների ժամանակավոր ներմուծման և ժամանակավոր արտահանման դեպքում լիցենզիա ստանալ չի պահանջվում, եթե՝

1) անցկացվում է դրանց հետազոտություն, փորձարկում և փորձաքննություն,

2) դրանք ցուցադրվելու են ցուցահանդեսներում,

3) հատուկ տեխնիկական միջոցները ներմուծվում և արտահանվում են վերանորոգման նպատակով՝ պայմանագրային պարտավորություններին համապատասխան,

4) հատուկ տեխնիկական միջոցները տարանցիկ փոխադրվում են Հայաստանի Հանրապետության տարածքով:

Հատուկ տեխնիկական միջոցների ժամանակավոր ներմուծումն ու արտահանումը հայտատուի կողմից իրականացվում է պայմանով, որ նա մաքսային մարմիններ ներկայացնի լիազոր մարմնի կողմից տրված եզրակացությունը:

7. Լիցենզիայի/եզրակացության տրամադրումը կարող է մերժվել կամ լիցենզիայի/եզրակացության գործողությունը կարող է կասեցվել հետևյալ դեպքերում`

1) սույն Կանոնակարգի 5-րդ կետով նախատեսված փաստաթղթերն ամբողջական ծավալով չտրամադրելու դեպքում,

2) եթե ներմուծվող հատուկ տեխնիկական միջոցը նախատեսված չէ «Օպերատիվ-հետախուզական գործունեության մասին» ՀՀ օրենքով համապատասխան օպերատիվ-հետախուզական միջոցառում իրականացնելու լիազորություն ունեցող պետական մարմնի համար,

3) երրորդ երկրներում իրենց մաքսային տարածք հատուկ տեխնիկական միջոցներ ներմուծելու կապակցությամբ առկա սահմանափակումների դեպքում,

4) Եվրասիական տնտեսական միության անդամ պետությունների անվտանգությանը վնաս հասցնելու հնարավորության դեպքում, ինչը որոշվում է հատուկ տեխնիկական միջոցների և (կամ) դրանց փաստաթղթերի հետազոտության (փորձարկման, փորձաքննության) արդյունքների հիման վրա:

Լիցենզիայի/եզրակացության մերժման վերաբերյալ որոշումը պետք է լինի հիմնավորված և հղում պարունակի սույն կետում նշված հիմքերից մեկին:

8. Լիազոր մարմինն իրավասու է պարզաբանումներ տալու լիցենզիաների տրամադրման հարցերով: Տրված պարզաբանումների մասին տեղեկատվությունն ուղարկվում է Եվրասիական տնտեսական հանձնաժողով:

9. Սույն հրամանով հաստատված ցանկերից օգտվելու ժամանակ, անհրաժեշտ է առաջնահերթ ղեկավարվել ապրանքի անվանումով և նկարագրով, իսկ «Մաքսային միության արտաքին տնտեսական գործունեության ապրանքային անվանացանկի (ՄՄ ԱՏԳ ԱԱ) ծածկագիրը (կոդը)» սյունակում նշված ծածկագրերի մասով սույն որոշմամբ հաստատված դրույթները տարածվում են միայն այն ապրանքների վրա, որոնք նկարագրված են համապատասխան ցանկերի «Ապրանքի անվանումը» սյունակում:

Ձև

ԵԶՐԱԿԱՑՈՒԹՅՈՒՆ

(թույլատրման փաստաթուղթ)

N ________/201__________

_______________________________________________________________________________________

(Եզրակացություն տրամադրող Եվրասիական տնտեսական միության անդամ-պետության պետական իշխանության մարմնի անվանումը )

Տրված է ________________________________________________________________________________

(Կազմակերպության անունը, իրավաբանական հասցեն, երկիրը / ֆիզիկական անձանց համար Ա. Ա. Հ. )

_____________________________________________________________________________________

Տեղափոխման տեսակը ________________________________________________________________

(Տեղափոխման տեսակը)

Ստացողը/Ուղարկողը* ______________________________________________________________

(Անունը, իրավաբանական հասցեն, երկիրը)

Մեկնման/ուղարկման երկիրը* _________________________________________________________

Ներմուծման (արտահանման) նպատակը __________________________________________________

Ժամանակավոր ներմուծման (արտահանման) ժամկետը _______________________________________

Հիմքը _____________________________________________________________________________

_________________________________________________________________________________

Լրացուցիչ տեղեկատվություն __________________________________________________________

___________________________________________________________________________________

Տարանցման երկիրը * _________________________________________________________________

(Տարանցման տիրույթը)

____________________________________________________________________________________

Ստորագրություն _____________ ամսաթիվ ________

ԿՏ

«*» -տողերը լրացվում են հաշվի առնելով ապրանքի դասակարգման պահանջները

ЗАКЛЮЧЕНИЕ

(разрешительный документ)

№ ___________/201 /_________

________________________________________________________________________

(Наименование органа государственной власти государства-члена Таможенного союза выдавшего заключение)

Выдано_________________________________________________________________

(Название организации, юридический адрес, страна /для физических лиц Ф.И.О.))

Вид перемещения_________________________________________________________________

(Вид перемещения)

Получатель/отправитель*_______________________________________________________

(Название, юридический адрес, страна)

Страна назначения/отправления* _______________________________________________

Цель ввоза (вывоза)__________________________________________________________

Срок временного ввоза (вывоза) ________________________________________________

Основание:_________________________________________________________________

__________________________________________________________________________

__________________________________________________________________________

Дополнительная информация_________________________________________________

__________________________________________________________________________

Страна транзита*___________________________________________________________

(Транзит по территории)

__________________________________________________________________________

Заключение действительно по___________________

«*»-строки заполняются с учетом требований к категориям товаров

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԵՐՐՈՐԴ ԵՐԿՐՆԵՐԻ ՀԵՏ ԱՌԵՎՏՐԻ ԴԵՊՔՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ տարածք ներՄՈՒԾՈՒՄը ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ տարածքից արտահանումը սահմանափակված` տեղեկատվության ԳԱՂՏՆԻ ստացման համար նախատեսված Հատուկ տեխնիկական միջոցների

Սույն ցանկի օգտագործման համար անհրաժեշտ է ղեկավարվել ինչպես ՄՄ ԱՏԳ ԱԱ կոդով, այնպես էլ ապրանքի անվանումով:

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՂՄԻՑ ԵՐՐՈՐԴ ԵՐԿՐՆԵՐԻ ՀԵՏ ԱՌԵՎՏՐԻ ԴԵՊՔՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔ ՆԵՐՄՈՒԾՄԱՆ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔԻՑ ԱՐՏԱՀԱՆՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՏԱՐԱԾՔՈՎ ՏԱՐԱՆՑԻԿ ՓՈԽԱԴՐՄԱՆ ՆՊԱՏԱԿՈՎ ԱՐԳԵԼՎԱԾ ՏՊԱԳԻՐ, ԱՈՒԴԻՈՎԻԶՈՒԱԼ ԵՎ ԱՅԼ ԿՐԻՉՆԵՐԻ ՎՐԱ ՏԵՂԵԿԱՏՎՈՒԹՅԱՆ