«Գրանցված է»

ՀՀ արդարադատության

նախարարության կողմից

23 օգոստոսի 2014 թ.

Պետական գրանցման թիվ 10014380

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

«ՕԴԻ ՆԱԽԱՊԱՏՐԱՍՏՄԱՆ, ՄԱՔՐՄԱՆ ԵՎ ԶՏՄԱՆ ՀԱՄԱՐ ՍԱՐՔԱՎՈՐՈՒՄՆԵՐԻՆ ՈՒ ՆՅՈՒԹԵՐԻՆ ՆԵՐԿԱՅԱՑՎՈՂ ՍԱՆԻՏԱՐԱՀԱՄԱՃԱՐԱԿԱԲԱՆԱԿԱՆ ԵՎ ՀԻԳԻԵՆԻԿ ՊԱՀԱՆՋՆԵՐ» N 2.1.7.017-14 ՍԱՆԻՏԱՐԱԿԱՆ ԿԱՆՈՆՆԵՐԸ ԵՎ ՆՈՐՄԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 7-րդ հոդվածը և Հայաստանի Հանրապետության կառավարության 2002 թվականի օգոստոսի 15-ի «Հայաստանի Հանրապետության առողջապահության նախարարության աշխատակազմ պետական կառավարչական հիմնարկ ստեղծելու, Հայաստանի Հանրապետության առողջապահության նախարարության կանոնադրությունը և աշխատակազմի կառուցվածքը հաստատելու մասին» N 1300-Ն որոշման 12 կետի «դ» ենթակետը.

Հրամայում եմ`

1. Հաստատել «Օդի նախապատրաստման, մաքրման և զտման համար սարքավորումներին ու նյութերին ներկայացվող սանիտարահամաճարակաբանական և հիգիենիկ պահանջներ» N 2.1.7.017-14 սանիտարական կանոնները և նորմերը` համաձայն հավելվածի:

2. Սույն հրամանը ուժի մեջ է մտնում հրապարակման օրվան հաջորդող 10-րդ օրը:

«ՕԴԻ ՆԱԽԱՊԱՏՐԱՍՏՄԱՆ, ՄԱՔՐՄԱՆ ԵՎ ԶՏՄԱՆ ՀԱՄԱՐ ՍԱՐՔԱՎՈՐՈՒՄՆԵՐԻՆ ՈԻ ՆՅՈԻԹԵՐԻՆ ՆԵՐԿԱՅԱՑՎՈՂ ՍԱՆԻՏԱՐԱՀԱՄԱՃԱՐԱԿԱԲԱՆԱԿԱՆ ԵՎ ՀԻԳԻԵՆԻԿ ՊԱՀԱՆՋՆԵՐ»

N 2.1.7.017-14 ՍԱՆԻՏԱՐԱԿԱՆ ԿԱՆՈՆՆԵՐ ԵՎ ՆՈՐՄԵՐ

ԳԼՈՒԽ I. ԿԻՐԱՌՄԱՆ ՈԼՈՐՏԸ

1. Օդի մաքրման և զտման համար սարքավորումներին ու նյութերին ներկայացվող սանիտարահամաճարակաբանական և հիգիենիկ պահանջներով (այսուհետ սանիտարական կանոններ) սահմանվում են ընդհանուր սանիտարահիգիենիկ պահանջները և նորմատիվային հիգիենիկ ցուցանիշները (աղյուսակ 2), որոնցով ապահովվում է օդի նախապատրաստման, մաքրման և զտման համար սարքավորումների ու նյութերի բնակչության առողջության համար անվտանգ օգտագործումը:

2. Սույն սանիտարական կանոններն ընդունվում է քաղաքացիների կյանքի և առողջության, ֆիզիկական կամ իրավաբանական անձանց գույքի, պետական կամ մունիցիպալ գույքի պաշտպանության, շրջակա միջավայրի պահպանության և սպառողներին մոլորության մեջ գցող գործողությունների կանխարգելման նպատակներով։

3. Օդի նախապատրաստման, մաքրման և զտման համար սարքավորումների ու նյութերի սանիտարահիգիենիկ գնահատումն իրականացվում է արտադրատեսակների անվտանգությունը հաստատելու նպատակով։

4. Սույն սանիտարական կանոններում նշված օդի նախապատրաստման, մաքրման և զտման համար սարքավորումների ու նյութերի ցանկը տրված է աղյուսակ 1-ում` Մաքսային Միության արտաքին տնտեսական գործունեության ապրանքների անվանացանկ (այսուհետ` ՄՄ ԱՏԳ ԱԱ ծածկագրեր); Սույն սանիտարական կանոններում ներառվում են այն արտադրատեսակները, որոնք նախատեսված են արտադրության մեջ և կենցաղում օգտագործման համար, այդ թվում՝

1) Օդափոխիչներ (ՄՄ ԱՏԳ ԱԱ 8414 ծածկագրեր)

2) Օդային կամ վակուումային պոմպեր (ՄՄ ԱՏԳ ԱԱ 8414 ծածկագրեր)

3) Օդային և գազային կոմպրեսորներ (ՄՄ ԱՏԳ ԱԱ 8414 ծածկագրեր)

4) Սարքավորումներ և սարքվածքներ՝ օդի մաքրման ու զտման համար, օդամաքրիչներ (ՄՄ ԱՏԳ ԱԱ 8421 39200, 8414 ծածկագրեր)

5) Օդաքաշ պահարաններ՝ օդափոխիչներով կամ առանց օդափոխիչների, քամիչով կամ առանց քամիչի, վերաշրջանառության կայանքներ (ՄՄ ԱՏԳ ԱԱ 8414 ծածկագրեր)

6) Լուսակատալիտիկ օդամաքրիչներ (ՄՄ ԱՏԳ ԱԱ 8421 39200 ծածկագրեր)

7) Փոշեորսման և փոշենստեցման կայանքներ (ՄՄ ԱՏԳ ԱԱ 8421 39200 ծածկագրեր)

8) Օդի վերականգնման կայանքներ (ՄՄ ԱՏԳ ԱԱ 8421 39200 ծածկագրեր)

9) Օդաջերմային պատվարներ (ՄՄ ԱՏԳ ԱԱ 8415 ծածկագրեր)

10) Էլեկտրաջերմաօդափոխիչներ (ՄՄ ԱՏԳ ԱԱ 8414 ծածկագրեր)

11) Օդաջեռուցիչներ (ՄՄ ԱՏԳ ԱԱ 8415 ծածկագրեր)

12) Ջերմագեներատորներ, այդ թվում՝ շոգեգազաօդային (ՄՄ ԱՏԳ ԱԱ 8414 ծածկագրեր)

13) Օդի ջերմային վերաօգտագործիչ կայանքներ, ջերմային պոմպեր (ՄՄ ԱՏԳ ԱԱ 8414 ծածկագրեր)

14) Օդորակիչներ (ՄՄ ԱՏԳ ԱԱ 8415 ծածկագրեր)

15) Օդի խոնավացուցիչներ (ՄՄ ԱՏԳ ԱԱ 8415 ծածկագրեր)

16) Էլեկտրական տաքացուցիչներ, այդ թվում՝ ենթակարմիր (ՄՄ ԱՏԳ ԱԱ 9018 20 000 0 ծածկագրեր)

17) Գազային ճառագայթային ջեռուցման համակարգեր, այդ թվում՝ ջեռուցման համակարգեր՝ գազային ենթակարմիր ճառագայթներով (ՄՄ ԱՏԳ ԱԱ 9018 20 000 0 ծածկագրեր)

18) Միկրոկլիմայի և մեղմ ջերմության սարքեր (ՄՄ ԱՏԳ ԱԱ 8415 ծածկագրեր)

19) Օդաիոնավորիչներ, ջրաօդաիոնավորիչներ և օդի իոնազերծիչներ, սարքվածքներ՝ թթվածնով և արոմատիկ նյութերով օդի հարստացման համար, այդ թվում՝ էլեկտրական, ուլտրաձայնային (ՄՄ ԱՏԳ ԱԱ 8415 ծածկագրեր)

20) Էլեկտրաստատիկ ֆիլտրներ (ՄՄ ԱՏԳ ԱԱ 8421 39200 ծածկագրեր)

21) Ֆիլտրող նյութեր (ՄՄ ԱՏԳ ԱԱ 5407, 5408, 5602, 5603, 5903 ծածկագրեր)

22) Նյութեր օդի նախապատրաստման, մաքրման և զտման սարքավորումների արտադրության համար, այդ թվում՝ ձայնակլանիչ և ձայնամեկուսիչ նյութեր (ՄՄ ԱՏԳ ԱԱ 2524, 2530, 3917, 3920, 6806, 6808 00 000 0 ծածկագրեր)

23) Օդատարներ, օդափոխության համակարգերի մասեր ջերմապլաստներից, առաստաղի օդի փոշեցիրներ (ՄՄ ԱՏԳ ԱԱ 3917 ծածկագրեր)

24) Լամինար պահարաններ և տուփեր (ՄՄ ԱՏԳ ԱԱ 8421 39200 ծածկագրեր մանրէասպան ուլտրամանուշակագույն սարքեր, որոնք ներկառուցվում են ներհոս օդափոխության համակարգերում (ՄՄ ԱՏԳ ԱԱ 9018 20 000 0 ծածկագրեր);

5. Սույն սանիտարական կանոններում օգտագործվում են հետևյալ տերմինները և սահմանումները.

1) արտադրող՝ անհատ ձեռնարկատեր, իրավաբանական կամ ֆիզիկական անձ, որը արտադրատեսակը շրջանառության մեջ բաց թողնելիս իր անունից պատասխանատվություն է կրում այդ արտադրատեսակի նախագծման, արտադրման, փաթեթավորման և (կամ) պիտակավորման, համակարգի հավաքման կամ արտադրատեսակի ձևափոխման համար՝ անկախ այն բանից, թե տվյալ գործունեությունն իրականացնում է հենց այդ անձը, թե նրա անունից գործող երրորդ անձ։

2) Այն անձինք, որոնք որոշակի հաճախորդի համար իրականացնում են արտադրատեսակի հավաքման կամ ձևափոխման աշխատանքներ, չեն համարվում արտադրողներ՝ պայմանով, որ այդպիսի արտադրատեսակներն արդեն մտցվել են շրջանառության մեջ։

3) օդափոխիչ՝ օդի մատուցման համար նախատեսված սարքվածք (սենքերի օդափոխման համար),

4) օդափոխության համակարգ՝ սենքերում մարդու համար բարենպաստ, կարգավորված օդափոխանակություն. այդպիսի օդափոխանակությունն ապահովող տեխնիկական միջոցների ամբողջություն,

5) օդի նախապատրաստում՝ օդի մշակում՝ դրան տեխնիկական և սանիտարահիգիենիկ պահանջներին համապատասխանող հատկություններ հաղորդելու համար.

6) օդի մաքրում փոշուց, վնասակար գազային խառնուրդներից և հոտերից, տաքացում կամ հովացում, չորացում կամ խոնավացում, թթվածնի, օդային իոնների, արոմատիկ նյութերի ավելացում։ Կիրառվում է օդային ջեռուցման, օդափոխության և օդորակման համակարգերում,

7) օդի ֆիլտր՝ օդափոխության և օդորակման համակարգերով սենք մատուցվող օդի փոշեմաքրման սարքվածք,

8) օդաիոնավորիչ՝ օդի օդաիոնային կազմը կարգավորող սարք,

9) Ջրաօդաիոնավորիչ (կամ աերոֆիտոգեներատոր ջրաօդային իոններ) օդաիոններ, որոնք առաջացել են հեղուկ դիսպերսային ֆազով աերոզոլներից) արհեստականորեն ստեղծման համար նախատեսված սարքվածք

10) Հալոգեներատոր՝ չոր աղի աերոզոլների արհեստական ստեղծման համար նախատեսված սարքվածք։

11) իոնազերծիչ՝ կրիչը էլեկտրական լիցքից արհեստականորեն լիցքաթափելու միջոցով օդային իոնների խտությունը նվազեցնելու համար նախատեսված սարքվածք։

12) Օգտագործման ցուցում (շահագործման ձեռնարկ), շահագործման վերաբերյալ փաստաթղթեր՝ փաստաթղթեր, որոնք պարունակում են տեղեկություններ արտադրանքի շահագործման (կիրառման) եղանակների և անվտանգության միջոցների վերաբերյալ,

13) օդորակիչ՝ օդորակման համակարգերում օդի մշակման և տեղափոխման ապարատ,

14) Օդորակում՝ փակ սենքերում և փոխադրամիջոցներում օդային միջավայրի այնպիսի վիճակի ստեղծում և պահպանում, որն առավել բարենպաստ է մարդկանց ինքնազգացողության, տեխնոլոգիական գործընթացների ընթացքի և սարքավորումների աշխատանքի համար։

15) Օդորակման համակարգերը պարունակում են տեխնիկական միջոցներ՝ օդի հովացման (տաքացման), մաքրման, խոնավացման (չորացման), աղմկախլացման և օդի տեղափոխման համար,

16) Լամինար պահարաններ և տուփեր՝ աերոզոլների կամ այլ վնասակար ազդակների գոյացմամբ ուղեկցվող՝ տեխնոլոգիական գործողությունների ֆիզիկական մեկուսացումն ապահովելու համար օգտագործվող սարքավորումներ, որոնք արգելքի դեր են կատարում՝ խոչընդոտելով դրանց արտազատումը սենքի օդային միջավայր՝ լաբորատոր մեթոդիկաները կատարելիս։ Օգտագործվում են դեղագործության մեջ, միկրոէլեկտրոնիկայում, նանոնյութերի հետ աշխատելիս և այլ ոլորտներում,

17) ցածրավոլտ սարքավորումներ՝ ցանկացած էլեկտրական սարքավորում, որը նախատեսված է մինչև 1000 վոլտ անվանական լարման դեպքում՝ փոփոխական հոսանքի և մինչև 1500 վոլտ անվանական լարման դեպքում՝ հաստատուն հոսանքի կիրառման համար և օգտագործման դեպքում բնութագրվում է վնասի հասցման բարձր ռիսկայնությամբ,

18) սարքավորումներ՝ ինքնուրույն օգտագործվող կամ մեքենայի վրա տեղադրվող տեխնիկական սարքվածք, որն անհրաժեշտ է դրա հիմնական և (կամ) լրացուցիչ գործառույթները կատարելու, ինչպես նաև մի քանի մեքենա մեկ համալիրի մեջ միավորելու համար.

19) նախատեսված նշանակումը՝ արտադրատեսակի կիրառումը ըստ արտադրողի կողմից ներկայացված տեղեկությունների, որոնք նշված են մակնշվածքի վրա, օգտագործման ցուցման մեջ և (կամ) գովազդային նյութում։

20) օդի վերաշրջանառություն՝ սենքի օդի խառնելը արտաքին օդի հետ և այդ խառնուրդի մատուցումը տվյալ կամ այլ սենքերի։ Վերաշրջանառություն չի համարվում օդի խառնումը մեկ սենքի սահմաններում, այդ թվում՝ երբ դա ուղեկցվում է տաքացումով (հովացումով) ջեռուցման ագրեգատներով կամ օդափոխիչ հովհարներով։

21) Գազային ճառագայթային ջեռուցման համակարգ՝ սարքավորում, որում էներգակրի (բնական կամ հեղուկացված գազ) այրման էներգիայի անցման հետևանքով այդ էներգիան անմիջապես վերածվում է ենթակարմիր ջերմային ճառագայթման,

22) կից փաստաթղթեր՝ արտադրանքի կից ներկայացվող փաստաթղթերը (տեխնիկական անձնագիր, նկարագրություն, շահագործման ձեռնարկ կամ օգտագործման ցուցում, պիտակ, փորձարկման արձանագրություններ, հավաստագրեր, փորձաքննական եզրակացություն և այլն), որոնք պարունակում են այդ արտադրանքի տեխնիկական բնութագրերը, օգտագործման ժամանակ անվտանգության պահանջները և այլն,

23) արտաքին միջավայր արտածվող մշակված օդի ջերմային վերաօգտագործում՝ մի որևէ ջերմատեխնիկական կայանքից ջերմային էներգիայի մի մասի վերադարձ կրկնակի օգտագործման համար, որի ժամանակ այրման գազանման արգասիքները վերաօգտագործիչ սարքում տաքացնում են այդ կայանք ներս մտնող օդը,

24) ջերմային պոմպ՝ տաքացված օդի ճնշումով տեղափոխման համար նախատեսված սարքվածք,

25) ջերմագեներատոր՝ ջերմության աղբյուր, որում ջերմակրի տաքացման համար օգտագործվում է վառելիքի այրման ընթացքում անջատվող ջերմությունը,

26) ջերմափոխանակիչ՝ առավել բարձր ջերմաստիճանով միջավայրից (տաքացնող մարմին՝ ջերմակիր) առավել ցածր ջերմաստիճանով միջավայրին (տաքացվող մարմին) ջերմության փոխանցման համար նախատեսված սարքվածք,

27) ջերմակիր՝ շարժվող միջավայր (գազ, գոլորշի, հեղուկ), որն օգտագործվում է ջերմությունը փոխանցելու համար,

28) օգտագործողի որակավորմանը ներկայացվող պահանջներ՝ այն գիտելիքները, կարողությունները, հմտությունները և փորձը, որոնցով, արտադրատեսակի անվտանգ օգտագործման նպատակներով, պետք է օժտված լինի օգտագործողը,

29) մանրէասպան ուլտրամանուշակագույն կայանք՝ մանրէասպան լամպերով սարքավորված ներհոս-օդաքաշ օդափոխության համակարգ,

30) ֆիլտր՝ սարքվածք, սարք, կառույց, որում քամիչ միջնորմի օգնությամբ տեղի է ունենում կարծր և գազանման ֆազեր պարունակող անհամասեռ համակարգերի բաժանում,

31) լուսակատալիտիկ օդամաքրիչ՝ սարքվածք, որի գործողության սկզբունքը հիմնված է ուլտրամանուշակագույն ճառագայթման՝ կատալիզորդի միջոցով բարդ միացությունները պարզ անվնաս նյութերի տրոհելու հատկության վրա։

32) Սարքվածքը ներառում է ծակոտկեն կրիչ՝ պատված ТiՕ2 տիպի կիսահաղորդչային միացությամբ, որը ճառագայթահարվում է ուլտրամանուշակագույն ճառագայթումով և որի միջով ներփչում է օդ։

33) Օդի հոսքից օդամաքրիչ ներթափանցող քիմիական նյութերը և միացությունները, այդ թվում՝ օրգանական մոլեկուլները, արտանետված գազերը, միկրոօրգանիզմները, վարակները մակակլանվում են ծակոտկեն ապակու (լուսակատալիտիկ ֆիլտր) վրա հագցված լուսակատալիզորդի մակերևույթին և ուլտրամանուշակագույն ճառագայթների ազդեցության ներքո մինչև ածխաթթու գազի վերածվելը, օքսիդացվում են։

34) Կարող են օգտագործվել այլ տեխնոլոգիաներ ևս, օրինակ՝ Ֆլաշ Ստիմր կոչվող համակարգի միջոցով առաջացած արագ էլեկտրոնների օգտագործման վրա հիմնված տեխնոլոգիաներ,

35) էլեկտրական օդաիոնավորիչ՝ օդաիոնավորիչ, որի գործողության սկզբունքը հիմնված է ուժեղ էլեկտրական դաշտում էլեկտրոդներից էլեկտրական լիցքի արտահոսքի վրա (ներառյալ «Չիժևսկու ջահերը»),

36) էլեկտրաստատիկ ֆիլտր՝ օդի ֆիլտր, որի գործողության սկզբունքը հիմնված է աերոզոլին էլեկտրական լիցքի հաղորդման, այդ էլեկտրական լիցքն օգտագործելու միջոցով աերոզոլի նստեցման ու հավաքման վրա։

ԳԼՈՒԽ II. ՕԴԻ ՆԱԽԱՊԱՏՐԱՍՏՄԱՆ, ՄԱՔՐՄԱՆ ԵՎ ԶՏՄԱՆ ՀԱՄԱՐ ՍԱՐՔԱՎՈՐՈՒՄՆԵՐԻՆ ԵՎ ՆՅՈՒԹԵՐԻՆ ՆԵՐԿԱՅԱՑՎՈՂ ԸՆԴՀԱՆՈՒՐ ՊԱՀԱՆՋՆԵՐԸ

5. Օդի նախապատրաստման, մաքրման և զտման համար նախատեսված սարքավորումներն ու նյութերը պետք է (դրանում վնասակար նյութերի կոնցենտրացիայի մակարդակով և միկրոկլիմայի հարաչափերով) ապահովեն սենք մատուցվող օդի համապատասխանությունը սանիտարական օրենսդրության պահանջներին և չպետք է շրջակա միջավայրի աղտոտման աղբյուր լինեն։

6. Օդի նախապատրաստման, մաքրման և զտման համար նախատեսված սարքավորումներն ու նյութերը շահագործման ժամանակ սպասարկող անձնակազմի աշխատավայրերում և կենցաղում օգտագործելիս չպետք է ստեղծեն վնասակար գործոնների (ֆիզիկական, քիմիական, կենսաբանական, ռադիոլոգիական) այնպիսի մակարդակներ, որոնք գերազանցում են սանիտարական օրենսդրության պահանջներին համապատասխանող սահմանային թույլատրելի կոնցենտրացիան։

7. Սարքավորումները պետք է համալրվեն բոլոր անհրաժեշտ պարագաներով՝ դրանց անվտանգ շահագործման, կարգավորման, տեխնիկական սպասարկման համար։

8. Սարքավորումները պետք է նախագծվեն և արտադրվեն այնպես, որ դրանց արտադրության և շահագործման ժամանակ օգտագործվող հումքը, նյութերը և իրերը սպառնալիք չստեղծեն քաղաքացիների կյանքի և առողջության, ֆիզիկական կամ իրավաբանական անձանց գույքի, պետական կամ մունիցիպալ գույքի, կենդանիների և բույսերի կյանքի կամ առողջության համար։ Բնակելի և հասարակական շենքերի սենքերի օդային միջավայրն աղտոտող՝ առավել հիգիենիկ կարևորություն ունեցող նյութերի ցանկը և սահմանային թույլատրելի կոնցենտրացիաները բերվում են աղյուսակ 3-ում:

9. Գազերի, հեղուկների, քիմիական արտադրանքի օգտագործման ժամանակ պետք է բացառվի դրանց օգտագործման հետ կապված վտանգը։

10. Սարքավորումների անվտանգ օգտագործման համար պետք է նախատեսվի լրացուցիչ լուսավորություն։

11. Սարքավորումների կառավարման համակարգերը բոլոր նախատեսվող աշխատանքային ռեժիմներում և շահագործման պայմաններով նախատեսված բոլոր արտաքին ազդեցությունների առկայության պարագաներում՝ ներառյալ նախազգուշական ազդանշանների համակարգը և վտանգավոր իրավիճակների հանգեցնող սարքավորումների աշխատանքի խափանումների մասին նախազգուշական այլ միջոցներ, ինչպես նաև աշխատանքների վթարային դադարի, ուղեկապման և այլ միջոցներ, պետք է ապահովեն դրանց շահագործման անվտանգությունը։

12. Աշխատանքային գոտի և (կամ) շրջակա միջավայր վնասակար գործոնների (քիմիական, ֆիզիկական, կենսաբանական և ճառագայթային) արտանետման հետ կապված վտանգներից պաշտպանվելու համար, սարքավորումները պետք է զինված լինեն համապատասխան պաշտպանական հարմարանքներով (օդափոխվող ծածկույթներ, ջերմամեկուսիչ և ձայնամեկուսիչ պատյաններ, հակաթրթռական մեղմիչներ, մարիչ սարքվածքներ, ներկառուցված պաշտպանիչ էկրաններ, կատալիտիկ և գազի ոչ լրիվ այրման արգասիքների լրավառման համար միջոցներ՝ գազով ջեռուցման համակարգերի համար, թայմերներ, հեռակառավարման միջոցներ և այլն)։

13. Շահագործման ժամանակ սարքավորումների արտանետած գազերը, հեղուկը, փոշին, գոլորշին և մյուս թափոնները, չպետք է վտանգի աղբյուր լինեն։ Այդպիսի վտանգի առկայության դեպքում սարքավորումը զինվում է այդ նյութերը հավաքելու և (կամ) հեռացնելու համար նախատեսված սարքվածքներով, որոնք տեղադրվում են արտանետման աղբյուրին հնարավորինս մոտ, ինչպես նաև արտանետումների նկատմամբ չընդհատվող ավտոմատ հսկողության իրականացման համար նախատեսված սարքվածքներով։

14. Օդի նախապատրաստման, մաքրման և զտման համար նախատեսված սարքավորումների խտությունը, տեղակայման բարձրությունը, ինչպես նաև դրանց աշխատանքի ինտենսիվությունը պետք է որոշվեն՝ ելնելով որոշակի միկրոկլիմայական պայմաններից և ընթացող տեխնոլոգիական գործընթացներից։

15. Սարքավորումները պետք է զինված լինեն արդյունավետ հողանցման համակարգերով։

16. Սարքավորումների շահագործումն իրականացվում է որոշակի արտադրատեսակների համար կազմված նորմատիվ փաստաթղթերի և սանիտարական օրենսդրությամբ սահմանված այլ փաստաթղթերի համաձայն, որոնք պարունակում են համապատասխան բնութագրերի նկատմամբ ներկայացվող պահանջները։

17. Արտադրական ձեռնարկություններում օդափոխման և օդորակման համակարգերի տեղադրումը պետք է իրականացվի ըստ վերահսկողության համապատասխան մարմինների հետ համաձայնեցված տեխնիկական փաստաթղթերի։

ԳԼՈՒԽ III. ՕԴԻ ՆԱԽԱՊԱՏՐԱՍՏՄԱՆ, ՄԱՔՐՄԱՆ ԵՎ ԶՏՄԱՆ ՀԱՄԱՐ ՆԱԽԱՏԵՍՎԱԾ ՍԱՐՔԱՎՈՐՈՒՄՆԵՐԻ ՓՈՐՁԱՐԿՄԱՆ ՏԵՍԱԿՆԵՐԸ

18. Սանիտարահիգիենիկ փորձարկումներ՝

1) արտադրանքի շահագործման ընթացքում օդային միջավայր արտանետվող վնասակար քիմիական նյութերի որակաքանակական հետազոտություններ,

2) արտադրատեսակների բաղադրության մեջ մտնող նյութերի հիգիենիկ գնահատում (հոտաչափության, սանիտարաքիմիական հետազոտություններ)։

Փորձարկման ֆիզիկական մեթոդներ՝

3) առաջացող ֆիզիկական գործոնների (աղմուկի, ընդհանուր թրթռման (վիբրացիա), օդային ուլտրաձայնի. ուլտրամանուշակագույն, ենթակարմիր ճառագայթման; արդյունաբերական հաճախականության, էլեկտրաստատիկ դաշտի, էլեկտրամագնիսական դաշտերի և ճառագայթումների, օդաիոնային կազմի, միկրոկլիմայի ստեղծվող հարաչափերի, օգտագործողի հպման համար հասանելի մակերևույթների ջերմաստիճանների էլեկտրական, մագնիսական դաշտերի) մակարդակների չափում,

4) արտադրատեսակների բաղադրության մեջ մտնող նյութերի մակերևույթներին էլեկտրաստատիկ դաշտի լարվածության գնահատումը,

5) ռադիացիոն անվտանգության գնահատումը (բնական ձայնակլանիչ և ձայնամեկուսիչ նյութերի օգտագործմամբ արտադրատեսակների համար)

Թունաբանական փորձարկումներ՝

6) օդի նախապատրաստման, մաքրման և զտման համակարգերում օգտագործվող քիմիական արտադրանքի, ինչպես նաև, անհրաժեշտության դեպքում, նյութերի թունաբանական գնահատում:

19. Փորձարկման բակտերիոլոգիական մեթոդներ՝

1) օդում բակտերիաների կոնցենտրացիայի ցուցանիշի, և դրանցից օդի մաքրման արդյունավետության գնահատում

ԳԼՈՒԽ IV. ՕԴԻ ՆԱԽԱՊԱՏՐԱՍՏՄԱՆ, ՄԱՔՐՄԱՆ ԵՎ ԶՏՄԱՆ ՀԱՄԱՐ ՆԱԽԱՏԵՍՎԱԾ ՍԱՐՔԱՎՈՐՈՒՄՆԵՐԻ ՍՊԱՌՈՂԱԿԱՆ ՄԱԿՆՇՎԱԾՔԻՆ ԵՎ ՕԳՏԱԳՈՐԾՈՂԻՆ ՏԵՂԵԿԱՑՆԵԼՈՒ ՆԿԱՏՄԱՄԲ ՆԵՐԿԱՅԱՑՎՈՂ ՊԱՀԱՆՋՆԵՐԸ

20. Օդի նախապատրաստման, մաքրման և զտման համար նախատեսված սարքավորումները պետք է ունենան պիտակներ (մակնշվածք, մետաղապիտակներ), որոնց միջոցով օգտագործողը կտեղեկանա արտադրողի, արտադրանքի կիրառման ոլորտի և շահագործման ժամանակ անվտանգության միջոցների մասին։

21. Արտադրողը պետք է շարադրի օդի նախապատրաստման, մաքրման և զտման համար նախատեսված սարքավորումների և նյութերի մասին տեղեկությունները արտադրատեսակի մակնշվածքում և փաստաթղթերում։

22. Արտադրողի անվանումից և հասցեից և (կամ) ապրանքային նշանից բացի՝ տեղեկությունները պետք է հղում պարունակեն այն նորմատիվային փաստաթղթին, որի պահանջներին համապատասխանում է արտադրատեսակը, արտադրողի տեխնիկական փաստաթղթերին համապատասխան ներկայացվող տեղեկություններ, համապատասխանության ազգային նշանը [շրջանառվող արտադրատեսակի համապատասխանության նշանը տեխնիկական կանոնակարգերին], արտադրման ամսաթիվը, շուկայում արտադրատեսակների տեղաբաշխման պաշտպանիչ և շահագործական հատկությունների, իրավական ասպեկտների հետ կապված ցուցանիշներ, ինչպես նաև ցանկացած այլ տվյալներ, որոնք ենթադրյալ օգտագործողի համար ապահովում են արտադրատեսակների համապատասխան ընտրության և օգտագործման հնարավորություն և կարող են կապված լինել նրա առողջության ու անվտանգության հետ։

23. Մակնշվածքը նշվում է անմիջապես արտադրատեսակի վրա։

24. Արտադրատեսակի փաթեթի վրա նշված մակնշվածքը պետք է պարունակի՝ արտադրող երկրի անվանումը. արտադրատեսակի անվանումը, իրավաբանական հասցեն, արտադրողի առևտրային նշանը, արտադրատեսակի անվանումը, այն նորմատիվային փաստաթուղթը, որի պահանջներին համապատասխանում է արտադրատեսակը, չափսը (առկայության դեպքում), արտադրատեսակի խնամքի եղանակները, արտադրության տարեթիվը, պիտանիության ժամկետը կամ պիտանիության ժամկետի մարման ամսաթիվը, համապատասխանության ազգային նշանը, արտադրողի փաստաթղթերին համապատասխան ներկայացվող այլ տեղեկություններ։

25. Մակնշման մեջ նշվում են բոլոր անհրաժեշտ տվյալները, որոնք ապահովում են արտադրանքի անվտանգ շահագործումը՝ արտադրանքի հիմնական տեխնիկական բնութագրերը, նախազգուշական գրությունները, անհրաժեշտության դեպքում՝ վտանգի նշանները, անհատական պաշտպանության միջոցների օգտագործման նկատմամբ պահանջները, արտադրանքից անվտանգ հեռավորությունները կամ շահագործման թույլատրելի տևողությունը և այլն։

26. Մակնշումը պետք է լինի տեսանելի, ընթեռնելի, չջնջվող և պետք է նշված լինի կա՛մ արտադրատեսակի վրա, կամ դրա՛ օգտագործման ցուցման մեջ։

27. Հնարավորության դեպքում մակնշումը պետք է նշվի առևտրային փաթեթի վրա։

28. Մակնշում չի նշվում, եթե արտադրատեսակը շատ փոքր չափսերի է, կամ ունի հատուկ հատկանիշներ, որոնք թույլ չեն տալիս մակնշվածք նշել։

29. Տեղեկությունները պետք է նշվեն ռելիեֆային եղանակով (դրոշմում, փորագրում, ձուլում, դրոշմահատում)

30. Թույլատրվում է տեղեկությունները նշել պատկերագրի ձևով, ինչպես նաև դժվարությամբ հեռացվող ներկով՝ անմիջապես արտադրատեսակի վրա։

31. Տեղեկությունները պետք է լինեն դյուրընթեռնելի և չջնջվեն արտադրանքի պահպանման, փոխադրման, իրացման և ըստ նշանակության օգտագործման ժամանակ։

32. Արգելվում է նշագրել այնպիսի նշաններ կամ կատարել այնպիսի մակագրություններ, որոնք կարող են մոլորեցնել երրորդ կողմերին՝ շուկայում այդ արտադրանքի համապատասխանության ազգային նշանով կատարված մակնշվածքի նշանակության կամ գրաֆիկական պատկերման առնչությամբ։

33. Արտադրատեսակի, դրա փաթեթի կամ օգտագործման ցուցման վրա կարելի է կատարել ցանկացած այլ մակնշում՝ պայմանով, որ այն բացասաբար չի ազդի մակնշվածքի տեսանելիության և ընթեռնելիության վրա։

34. Մակնշումը պետք է շարադրված լինի հայերենով և ռուսերենով։

35. Արտադրատեսակների փաթեթները պետք է մակնշվեն պատկերագրերով (նշաններով և (կամ) տեքստով), որոնցով սահմանվում են արտադրատեսակների պահպանման և (կամ) փոխադրման համար արտադրողի կողմից սահմանված պայմանները՝ նորմատիվային (շահագործման) փաստաթղթերին համապատասխան։

36. Սարքավորումների շահագործման ընթացքում անվտանգության ապահովման նկատմամբ պահանջները, որոնք նշված են հատուկ ցուցանակների վրա, ինչպես նաև նախազգուշական նշանները և մակագրությունները տեղադրվում են արտադրատեսակների տեսանելի մասերում։

37. Արտադրողը պետք է այնպես տրամադրի տեղեկությունները, որ հնարավոր լինի ընդունել համապատասխան նախազգուշական միջոցներ և ապահովել բոլոր վտանգավոր գործոնների նկատմամբ համապատասխան հսկողություն՝ պաշտպանական միջոցառումների ամբողջ համալիրի օգտագործմամբ։

38. Առողջության համար պոտենցիալ մեծ վտանգ ներկայացնող սարքավորումներ (ուլտրամանուշակագույն սարքեր, և այլն) օգտագործողը պետք է տեղեկացվի առկա ռիսկի մասին։

39. Արտադրատեսակների վտանգավորությունը նշվում է համապատասխան ձևով։

1) Ուլտրամանուշակագույն ճառագայթման կայանքները, որոնք նախատեսված են առանց մարդկային միջամտության շահագործման համար, մակնշվում են համապատասխան նախազգուշական մակագրությամբ։

2) Շահագործման փաստաթղթերի «Անվտանգության վերաբերյալ պահանջներ» բաժինները ընդգրկում են արտադրանքի անվտանգ շահագործման ապահովմանը ներկայացվող հիմնական պահանջներ, ինչպես նաև արտադրանքի արտադրությանը ներկայացվող հիմնական պահանջներ ըստ սանիտարական օրենսդրության հիմնական փաստաթղթերի՝ կատարելով հղումներ այդ փաստաթղթերին։ Պետք է նշվի, որ արտադրանքը անվտանգ է այն արտադրելիս և կիրառելիս, որը պետք է հաստատվի սանիտարահամաճարակաբանական փորձաքննության արդյունքներով։

Աղյուսակ 1

Օդի նախապատրաստման, մաքրման և զտման համար սարքավորումների ու նյութերի ցանկը՝ ՄՄ ԱՏԳ ԱԱ ծածկագրերով։

Աղյուսակ 2

Հսկողության ենթակա արտադրանքին (ապրանքներին) և դրա անվտանգության ցուցանիշներին ներկայացվող հիմնական պահանջները

Աղյուսակ 3

Բնակելի և հասարակական շենքերի սենքերի օդային միջավայրն աղտոտող՝ առավել հիգիենիկ կարևորություն ունեցող նյութերի ցանկը