ՀՀ արդարադատության

նախարարության կողմից

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ

Հ Ր Ա Մ Ա Ն

ՎՃԱՐՄԱՆ ՀԱՅՏԻ, ՄԻՋԳԱՆՁԱՊԵՏԱԿԱՆ ՓՈԽԱՆՑԱԳՐԻ ԵՎ ՎՃԱՐՄԱՆ ՀԱՆՁՆԱՐԱՐԱԳՐԻ, ԲՅՈՒՋԵՏԱՅԻՆ ՓՈԽԱՆՑԱԳՐԻ, ԾԱԽՍԵՐԻ ԿԱՏԱՐՄԱՆ ՀԱՅՏԻ, ՍՏՈՐԱԳՐՈՒԹՅՈՒՆՆԵՐԻ ՆՄՈՒՇՆԵՐԻ ԵՎ ԿՆԻՔԻ ՔԱՐՏԻ ՕՐԻՆԱԿԵԼԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ՊԱՀԱՆՋՆԵՐԸ ՀԱՍՏԱՏԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2002 ԹՎԱԿԱՆԻ ԴԵԿՏԵՄԲԵՐԻ 17-Ի ԹԻՎ 854-Ն ԵՎ 2003 ԹՎԱԿԱՆԻ ԱՊՐԻԼԻ 19-Ի ԹԻՎ 396-Ն ՀՐԱՄԱՆՆԵՐԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

(վերնագիրը լրաց. 02.09.10 N 579-Ն) 

Հայաստանի Հանրապետության կառավարության 2002 թվականի հունվարի 18-ի N 48 որոշման 1-ին կետով հաստատված Հայաստանի Հանրապետության պետական և համայնքների բյուջեների կատարման կարգի 35-րդ կետի «ա)» և «բ)» ենթակետերով, 37-րդ կետի, ինչպես նաև Հայաստանի Հանրապետության կառավարության 2001 թվականի դեկտեմբերի 27-ի N 1267 որոշման 1-ին կետի «բ» ենթակետով հաստատված գնումների բնութագրերի հաստատման, նախնական հսկողության և ֆինանսավորման կարգի 22-րդ կետով Հայաստանի Հանրապետության ֆինանսների և էկոնոմիկայի նախարարությանը վերապահված իրավասությունների շրջանակներում`

Հրամայում եմ` 

1. Հաստատել.

1) վճարման հայտի օրինակելի ձևը` համաձայն հավելված N 1-ի,

2) «հավելված N 1-ով սահմանված վճարման հայտի օրինակելի ձևի լրացման պահանջները»` համաձայն հավելված N 2-ի,

3) միջգանձապետական փոխանցագրի օրինակելի ձևը` համաձայն հավելված N 3-ի,

4) վճարման հանձնարարագրի օրինակելի ձևը՝ համաձայն հավելված N 4-ի,

5) «Բյուջետային փոխանցագրի» օրինակելի ձևը` համաձայն հավելված N 5-ի,

6) «Ծախսերի կատարման հայտի» օրինակելի ձևը` համաձայն հավելված N 6-ի,

7) «Ստորագրությունների նմուշների և կնիքի վերաբերյալ քարտի» օրինակելի ձևը` համաձայն հավելված N 7-ի:

(1-ին կետը լրաց. 02.09.10 N 579-Ն) 

2. Սահմանել, որ.

մինչև յուրաքանչյուր ամսվա 25-ը, բյուջետային հատկացումների գլխավոր կարգադրիչները սույն հրամանի 1-ին կետի «ա» ենթակետով հաստատված օրինակելի ձևին համապատասխան կազմում և Հայաստանի Հանրապետության ֆինանսների և էկոնոմիկայի նախարարություն են ներկայացնում հաջորդ ամսվա ընթացքում տվյալ բյուջետային հատկացումների գլխավոր կարգադրիչի գծով` բյուջեից վճարումների իրականացման հայտ, իսկ հունվար ամսվա վճարումների հայտը ներկայացվում է մինչև տվյալ տարվա հունվարի 20-ը:

3. Սույն հրամանը պետական հիմնարկների համար ուժի մեջ է մտնում պաշտոնական հրապարակման օրվան հաջորդող 10-րդ օրվանից, համայնքային հիմնարկների համար` 2009 թվականի հունվարի 1-ից:

4. Սույն հրամանը, համապատասխանաբար, ուժի մեջ մտնելուց հետո ուժը կորցրած ճանաչել Հայաստանի Հանրապետության ֆինանսների և էկոնոմիկայի նախարարի 2002 թվականի դեկտեմբերի 17-ի «Վճարման հայտի և միջգանձապետական փոխանցագրի օրինակելի ձևերը և դրանց լրացման պահանջները հաստատելու մասին» N 854-Ն և 2003 թվականի ապրիլի 19-ի «Վճարման հանձնարարագրի օրինակելի ձևը հաստատելու մասին» N 396-Ն հրամանները:

(հավելվածը փոփ. 02.09.10 N 579-Ն) 

ԼՐԱՑՄԱՆ ՊԱՀԱՆՋՆԵՐ

ՀԱՎԵԼՎԱԾ N 1-ՈՎ ՍԱՀՄԱՆՎԱԾ «ՎՃԱՐՄԱՆ ՀԱՅՏԻ ՕՐԻՆԱԿԵԼԻ ՁԵՎԻ»

Հավելված N 1-ով սահմանված` «Վճարման հայտի օրինակելի ձևը» լրացվում է հետևյալ կերպ.

1. տիտղոսային մասի 3-րդ կետը լրացվում է բյուջետային ծախսերի գործառական դասակարգման կոդը` Հայաստանի Հանրապետության ֆինանսների և էկոնոմիկայի նախարարի 2007 թվականի հունվարի 9-ի N 5-Ն հրամանով հաստատված N 11 հավելվածի համաձայն,

2. աղյուսակի 2-րդ սյունակում լրացվում են բյուջետային ծախսերի դասակարգման համապատասխան տարրերի անվանումը` Հայաստանի Հանրապետության ֆինանսների և էկոնոմիկայի նախարարի 2007 թվականի հունվարի 9-ի N 5-Ն հրամանով հաստատված N 5, N 6 և N 7 հավելվածների համաձայն,

3. աղյուսակի 3-րդ սյունակում լրացվում է նույն աղյուսակի «2» սյունակում նշվող բյուջետային ծախսերի դասակարգման տարրին համապատասխանող` Հայաստանի Հանրապետության ֆինանսների և էկոնոմիկայի նախարարի 2007 թվականի հունվարի 9-ի N 5-Ն հրամանով հաստատված N 5, N 6 և N 7 հավելվածների 5-րդ սյունակում (սինթետիկ հաշիվ) նշված հոդվածի համարը,

4. աղյուսակի 4-րդ սյունակում ներկայացվող ցուցանիշները ներկայացվում են տվյալ ծրագրի գծով համապատասխան բյուջետային հատկացումների գլխավոր կարգադրիչներին ներառյալ վերջիններիս ենթակա բոլոր բյուջետային հատկացումների ստորադաս կարգադրիչներին հատկացման ենթակա միջոցները:

(հավելվածը փոփ. 02.09.10 N 579-Ն)