«Գրանցված է»

ՀՀ արդարադատության

նախարարության կողմից

12 օգոստոսի 2008 թ.

Պետական գրանցման թիվ 11208236

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՈՍՏԻԿԱՆՈՒԹՅԱՆ ՊԵՏ

Հ Ր Ա Մ Ա Ն

ՃԱՆԱՊԱՐՀԱՏՐԱՆՍՊՈՐՏԱՅԻՆ ՊԱՏԱՀԱՐՆԵՐԻ ՀԱՇՎԱՌՄԱՆ ՄԱՏՅԱՆՆԵՐԻ ԵՎ ՔԱՐՏԵՐԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2007 թվականի նոյեմբերի 8-ի «Ճանապարհատրանսպորտային պատահարների պետական հաշվառման կարգը սահմանելու մասին» թիվ 1410-Ն որոշման 3-րդ կետի.

Հրամայում եմ`

1. Հաստատել.

1) զոհերով և վիրավորներով ճանապարհատրանսպորտային պատահարների տարածքային հաշվառման մատյանի ձևը` համաձայն հավելված 1-ի,

2) նյութական վնասով ճանապարհատրանսպորտային պատահարների տարածքային հաշվառման մատյանի ձևը` համաձայն հավելված 2-ի,

3) զոհերով և վիրավորներով ճանապարհատրանսպորտային պատահարների պետական կենտրոնացված հաշվառման մատյանի ձևը` համաձայն հավելված 3-ի,

4) զոհերով և վիրավորներով ճանապարհատրանսպորտային պատահարի հաշվառման քարտի ձևը՝ համաձայն հավելված 4-ի,

5) նյութական վնասով ճանապարհատրանսպորտային պատահարի հաշվառման քարտի ձևը՝ համաձայն հավելված 5-ի:

2. Հայաստանի Հանրապետության ոստիկանության տնտեսական վարչության պետին` մինչև 2008 թվականի հոկտեմբերի 15-ը ապահովել սույն հրամանի 1-ին կետով հաստատված մատյանների ու քարտերի տպագրումը՝ համաձայն Ճանապարհային ոստիկանության ներկայացրած քանակների:

3. Ճանապարհային ոստիկանության պետին`

1) սույն հրամանի 1-ին կետով հաստատված մատյաններն ու քարտերը գործածության մեջ դնել 2009 թվականի հունվարի 1-ից,

2) մինչև սույն թվականի դեկտեմբերի 15-ը ենթակա անձնակազմի հետ կազմակերպել սույն հրամանով հաստատված մատյանների վարման ու քարտերի լրացման կարգերի ուսուցման դասընթացներ:

4. Ուժը կորցրած ճանաչել Հայաստանի Հանրապետության Ներքին գործերի նախարարի 2002 թվականի դեկտեմբերի 28-ի «Ներքին գործերի մարմիններում ճանապարհատրանսպորտային պատահարների պետական հաշվառման կարգը հաստատելու մասին» թիվ 603-Ն հրամանը:

5. Սույն հրամանն ուժի մեջ է մտնում հրապարակման օրվան հաջորդող տասներորդ օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՈՍՏԻԿԱՆՈՒԹՅՈՒՆ

«ՃԱՆԱՊԱՐՀԱՅԻՆ ՈՍՏԻԿԱՆՈՒԹՅՈՒՆ» ԾԱՌԱՅՈՒԹՅՈՒՆ

Մ Ա Տ Յ Ա Ն

ԶՈՀԵՐՈՎ ԵՎ ՎԻՐԱՎՈՐՆԵՐՈՎ ՃԱՆԱՊԱՐՀԱՏՐԱՆՍՊՈՐՏԱՅԻՆ

 ՊԱՏԱՀԱՐՆԵՐԻ ՏԱՐԱԾՔԱՅԻՆ ՀԱՇՎԱՌՄԱՆ

Սկսված է ___ ________20___թ.

Ավարտված է ___ _______20___թ.

(Կազմի հակառակ երեսին)

Ճանապարհատրանսպորտային պատահարների տարածքային հաշվառման մատյանի վարման ընդհանուր կանոնները

1. Մատյանում լրացվում են վարչական տարածքում տեղի ունեցած զոհերով և վիրավորներով բոլոր ՃՏՊ-ների տվյալները:

2. Մատյանը պետք է թելակարված լինի, իսկ էջերը` համարակալված:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՈՍՏԻԿԱՆՈՒԹՅՈՒՆ

«ՃԱՆԱՊԱՐՀԱՅԻՆ ՈՍՏԻԿԱՆՈՒԹՅՈՒՆ» ԾԱՌԱՅՈՒԹՅՈՒՆ

Մ Ա Տ Յ Ա Ն

ՆՅՈՒԹԱԿԱՆ ՎՆԱՍՈՎ ՃԱՆԱՊԱՐՀԱՏՐԱՆՍՊՈՐՏԱՅԻՆ

 ՊԱՏԱՀԱՐՆԵՐԻ ՏԱՐԱԾՔԱՅԻՆ ՀԱՇՎԱՌՄԱՆ

Սկսված է ___ ________20___թ.

Ավարտված է ___ _______20___թ.

(Կազմի հակառակ երեսին)

Նյութական վնասով ճանապարհատրանսպորտային պատահարների տարածքային հաշվառման մատյանի վարման ընդհանուր կանոնները

1. Մատյանում լրացվում են վարչական տարածքում տեղի ունեցած նյութական վնասով բոլոր ՃՏՊ-ների տվյալները (անկախ վնասի չափից):

2. Մատյանը պետք է թելակարված լինի, իսկ էջերը` համարակալված:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՈՍՏԻԿԱՆՈՒԹՅՈՒՆ

«ՃԱՆԱՊԱՐՀԱՅԻՆ ՈՍՏԻԿԱՆՈՒԹՅՈՒՆ» ԾԱՌԱՅՈՒԹՅՈՒՆ

Մ Ա Տ Յ Ա Ն

ԶՈՀԵՐՈՎ ԵՎ ՎԻՐԱՎՈՐՆԵՐՈՎ ՃԱՆԱՊԱՐՀԱՏՐԱՆՍՊՈՐՏԱՅԻՆ

 ՊԱՏԱՀԱՐՆԵՐԻ ՊԵՏԱԿԱՆ ԿԵՆՏՐՈՆԱՑՎԱԾ ՀԱՇՎԱՌՄԱՆ

Սկսված է ___ ________20___թ.

Ավարտված է ___ _______20___թ.

(Կազմի հակառակ երեսին)

Ճանապարհատրանսպորտային պատահարների կենտրոնացված հաշվառման մատյանը լրացնելու կարգը

1. Մատյանը պետք է լինի թելակարված, իսկ էջերը` համարակալված:

2. Մատյանում լրացվում են Հայաստանի Հանրապետությունում տեղի ունեցած զոհերով և վիրավորներով բոլոր ճանապարհատրանսպորտային պատահարների տվյալները:

3. «Օր, ամիս» սյունակում լրացվում է ճանապարհատրանսպորտային պատահարի հաշվառման օրը և ամիսը:

4. «Ժամը» սյունակում լրացվում է ճանապարհատրանսպորտային պատահարի ժամը:

5. «Տարածքը» սյունակում լրացվում է ճանապարհատրանսպորտային պատահարի վայրը` ըստ ոստիկանության տարածքային ստորաբաժանումների կողմից սպասարկվող վարչական տարածքների:

6. «Տրանսպորտային միջոցների տվյալներ» սյունակում լրացվում է ճանապարհատրանսպորտային պատահարին մասնակից տրանսպորտային միջոցի տվյալները` ըստ ոստիկանության ինֆորմացիոն կենտրոնի օպերատիվ հաղորդագրությունների:

7. «ՃՏՊ-ի տեսակը» սյունակում լրացվում է ճանապարհատրանսպորտային պատահարի տեսակը` ըստ ճանապարհատրանսպորտային պատահարների հաշվառման քարտի համապատասխան բաժնի թվային ցուցիչների:

8. «Զոհ» սյունակում լրացվում է ճանապարհատրանսպորտային պատահարի հետևանքով զոհված անձանց թիվը:

9. «Վիրավոր» սյունակում լրացվում է ճանապարհատրանսպորտային պատահարի հետևանքով վիրավորված անձանց թիվը:

10. «Քարտի ստացման օրը» սյունակում լրացվում է ճանապարհատրանսպորտային պատահարի հաշվառման քարտի ստացման օրը, ամիսը, տարին:

11. «Քարտի համարը» սյունակում լրացվում է ճանապարհատրանսպորտային պատահարի հաշվառման քարտի հերթական համարը` ըստ վարչական տարածքների:

12. «Լրացուցիչ տեղեկություններ» սյունակում լրացվում են ճանապարհատրանսպորտային պատահարին առնչվող այնպիսի տեղեկություններ, որոնք արտացոլված չեն մատյանի մյուս սյունակներում (օրինակ` պատահարը տեղի ունենալու օրը, եթե այն հաշվառվում է մեկ այլ օր, կամ պատահարը պետական վիճակագրական հաշվառումից հանելու վերաբերյալ գրառումներ և այլն):

Զոհերով ԵՎ վիրավորներով ճանապարհատրանսպորտային պատահարի հաշվառման քարտ

ՆՅՈՒԹԱԿԱՆ ՎՆԱՍՈՎ ճանապարհատրանսպորտային պատահարի հաշվառման քարտ