ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀ

Հ Ր Ա Մ Ա Ն

ՖԻՆԱՆՍԱԿԱՆ ԳՈՐԾԻՔՆԵՐԻ ՏՈԿՈՍԱԴՐՈՒՅՔՆԵՐԻ ՀՐԱՊԱՐԱԿՄԱՆ ՎԵՐԱԲԵՐՅԱԼ

Հիմք ընդունելով «Հայաստանի Հանրապետության կենտրոնական բանկի դրամավարկային քաղաքականության անուղղակի գործիքների վերաբերյալ հայտարարության մասին» 03.12.1999 թվականի թիվ 71 արձանագրային որոշումը և «Արժույթի միջազգային հիմնադրամի «Տվյալների տարածման ընդհանուր համակարգին» Հայաստանի Հանրապետության անդամակցության շրջանակներում Հայաստանի Հանրապետության կենտրոնական բանկի խնդիրների ցանկը հաստատելու մասին» ՀՀ ԿԲ խորհրդի 01.23.2001 թիվ 16 որոշման կից ցանկի 3-րդ կետը

հրամայում եմ`

1. Հաստատել ՀՀ ֆինանսական շուկայի տոկոսադրույքների աղյուսակը (տեսքը կցվում է):

2. Հանձնարարել Բանկային վերահսկողության դեպարտամենտին, յուրաքանչյուր հինգշաբթի մինչև ժամը 17:00 -ն Ֆինանսական գործառնությունների դեպարտամենտին տրամադրել տեղեկատվություն նախորդ շաբաթ միջբանկային շուկայում տեղաբաշխված և ներգրաված միջոցների տոկոսադրույքների վերաբերյալ:

3. Հանձնարարել Ֆինանսական գործառնությունների դեպարտամենտին, ֆինանսական գործիքների տոկոսադրույքները, կից աղյուսակի տեսքով, տրամադրել ՀևԲՏԶ դեպարտամենտին և CBANet համակարգի միջոցով` ֆինանսական շուկայի մասնակիցներին` շաբաթական կտրվածքով, յուրաքանչյուր ուրբաթ մինչև ժամը 13:00-ն` ներառելով տեղեկատվություն նախորդ ուրբաթից մինչև հինգշաբթին ներառյալ, հինգ շաբաթվա վաղեմությամբ:

4. Հանձնարարել ՀևԲՏԶ դեպարտամենտին, Ֆինանսական գործառնությունների դեպարտամենտից ստացված տեղեկատվության հիման վրա, ապահովել վերոնշյալ տեղեկատվության տեղադրումը ՀՀ ԿԲ ինտերնետային էջում:

5. Սույն հրամանի կատարման վերահսկողությունը դնել Ֆինանսական գործառնությունների դեպարտամենտի վրա:

6. Սույն հրամանն ուժի մեջ է մտնում ստորագրման պահից:

Օրինակ

շաբաթական

ՀՀ ՖԻՆԱՆՍԱԿԱՆ ՇՈՒԿԱՅԻ ՏՈԿՈՍԱԴՐՈՒՅՔՆԵՐԸ