031.0210.18.12.98
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Կ Ա Ր Գ Ա Դ Ր ՈՒ Թ Յ ՈՒ Ն Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՔԱՐՏՈՒՂԱՐՈՒԹՅԱՆ ԿԱՆՈՆԱԴՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 1998 թվականի օգոստոսի 5-ի «Հայաստանի Հանրապետության Նախագահի աշխատակազմի կանոնադրության և կազմակերպական կառուցվածքի մասին» ՆՀ-97 հրամանագիրը` որոշում եմ.
1. Հաստատել Հայաստանի Հանրապետության Նախագահի աշխատակազմի քարտուղարության կանոնադրությունը` համաձայն հավելվածի:
2. Սույն կարգադրությունն ուժի մեջ է մտնում պաշտոնական հրապարակման պահից:
Հայաստանի Հանրապետության |
Ռ. Քոչարյան |
Երևան |
Հավելված |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՔԱՐՏՈՒՂԱՐՈՒԹՅԱՆ
Կ Ա Ն Ո Ն Ա Դ Ր ՈՒ Թ Յ ՈՒ Ն
I. Ընդհանուր դրույթներ
1. Հայաստանի Հանրապետության Նախագահի աշխատակազմի (այսուհետ` Աշխատակազմ) քարտուղարությունը (այսուհետ` Քարտուղարություն) Աշխատակազմի կառուցվածքային ստորաբաժանում է:
2. Քարտուղարությունն իր գործունեության ընթացքում ղեկավարվում է Հայաստանի Հանրապետության Սահմանադրությամբ, Հայաստանի Հանրապետության օրենքներով, Հայաստանի Հանրապետության Նախագահի հրամանագրերով և կարգադրություններով, Աշխատակազմի կանոնադրությամբ, սույն կանոնադրությամբ, ինչպես նաև Աշխատակազմի ղեկավարի հրամաններով:
3. Քարտուղարության կանոնադրությունը հաստատում և փոփոխում է Հայաստանի Հանրապետության Նախագահը` Աշխատակազմի ղեկավարի ներկայացմամբ:
4. Քարտուղարության ներքին կառուցվածքը և հաստիքացուցակը հաստատում և փոփոխում է Աշխատակազմի ղեկավարը` Աշխատակազմի ղեկավարի տեղակալ, քարտուղարի ներկայացմամբ: Քարտուղարության ներքին կառուցվածքային ստորաբաժանումներն են` ընդհանուր բաժինը, արձանագրային բաժինը, գրադարանը և արխիվը:
5. Քարտուղարությունն ունի ձևաթղթեր, կնիքներ և դրոշմակնիքներ:
II. Քարտուղարության խնդիրը եվ գործառույթները
1. Քարտուղարության խնդիրն է` իր իրավասության շրջանակներում ապահովել Հայաստանի Հանրապետության օրենսդրությամբ Հայաստանի Հանրապետության Նախագահին և Աշխատակազմին վերապահված լիազորությունների լիարժեք և արդյունավետ իրականացումը:
2. Քարտուղարության առջև դրված խնդրի լուծման նպատակով.
2.1. Ընդհանուր բաժինը`
- իրականացնում է Աշխատակազմի ոչ գաղտնի փաստաթղթային սպասարկումը, ապահովում է փաստաթղթաշրջանառության արդյունավետ կազմակերպումը և Աշխատակազմում գործավարության միասնական կարգի կիրառումը.
- իրականացնում է Աշխատակազմի ոչ գաղտնի փաստաթղթերի համակարգչային մուտքագրումը, պատճենահանումը և դրանց առաքումը.
- սահմանված կարգով իրականացնում է Աշխատակազմի ղեկավարին ներկայացվող ոչ գաղտնի թղթակցությունների նախնական մշակումը, կազմում է դրանց համառոտ բովանդակությունը և Աշխատակազմի ղեկավարի տեղակալ, քարտուղարին համապատասխան առաջարկություններ է ներկայացնում դրանց հետագա ընթացքի վերաբերյալ.
- համապատասխան հանձնարարությամբ վերահսկողություն է իրականացնում Աշխատակազմից առաքվող ոչ գաղտնի փաստաթղթերի, նամակների և դիմումների կատարման ժամկետների, գործավարության միասնական կարգի պահանջների կատարման նկատմամբ.
- Աշխատակազմում աշխատանքի ընդունված նոր գործավարներին ծանոթացնում է գործավարության միասնական կարգին, անհրաժեշտ աշխատանք տանում նրանց մասնագիտական որակավորման բարձրացման ուղղությամբ.
- արխիվի հետ կազմում է Աշխատակազմի գործերի ամփոփ անվանակարգը.
- պարբերաբար կատարում է Աշխատակազմի ոչ գաղտնի փաստաթղթերի, ինչպես նաև գործավարության հետ կապված վերլուծություններ և Աշխատակազմի ղեկավարի տեղակալ, քարտուղարին է ներկայացնում համապատասխան առաջարկություններ.
- նախապատրաստում և Աշխատակազմի ղեկավարի տեղակալ, քարտուղարին է ներկայացնում ըստ պատկանելության ուղարկվող ոչ գաղտնի փաստաթղթերի վերաբերյալ Աշխատակազմի ղեկավարի ուղեկցական գրությունները.
- Աշխատակազմի ղեկավարի հանձնարարությամբ մասնակցում է Հայաստանի Հանրապետության օտարերկրյա պետությունների պաշտոնական պատվիրակությունների այցերի, Հայաստանի Հանրապետության Նախագահի ընդունելությունների, Հայաստանի Հանրապետության Նախագահի շնորհավորագրերի նախապատրաստական աշխատանքներին.
- իրականացնում է Հայաստանի Հանրապետության Նախագահին ներկայացվող` հանրապետության կենսագործունեությանը վերաբերող օպերատիվ տեղեկատվության հավաքումը.
- Աշխատակազմում համակարգում է փոստի և սուրհանդակային ծառայության հետ տարվող աշխատանքը.
- իրականացնում է Աշխատակազմի ղեկավարի հրամաններով սահմանված այլ լիազորություններ:
2.2 Արձանագրային բաժինը`
- ապահովում է Հայաստանի Հանրապետության Նախագահի ստորագրմանը (վավերացմանը) ներկայացվող բոլար ակտերի` Հայաստանի Հանրապետության օրենքների, Հայաստանի Հանրապետության Նախագահի հրամանագրերի, կարգադրությունների, Հայաստանի Հանրապետության կառավարության որոշումներ (այդ թվում` օրենքի ուժ ունեցող), Հայաստանի Հանրապետության վարչապետի` վավերացման ենթակա որոշումների, միջազգային պայմանագրերի, վավերագրերի, Հայաստանի Հանրապետության Նախագահի ուղերձների, դիմումների և այլնի լեզվաոճական և տերմինաբանական միասնականությունը.
- սահմանված կարգով և ժամկետներում ապահովում է ոչ գաղտնի ակտերը Հայաստանի Հանրապետության Նախագահին ներկայացնելու նախապատրաստական աշխատանքների կատարումը (համակարգչային մուտքագրման կազմակերպում, համընթերցում, սրբագրում), վիզա է դնում Հայաստանի Հանրապետության Նախագահին ներկայացվող ակտերի պատճենների վրա, ապահովում է մյուս անհրաժեշտ վիզաների և կարծիքների ստացումը, այդ ակտերի ստորագրումը (վավերացումը) հիմնավորող փաստաթղթերի առկայությունը և դրանք ներկայացնում Աշխատակազմի ղեկավարի տեղակալ, քարտուղարին.
- անհրաժեշտության դեպքում, համպատասխան եզրակացություններ է նախապատրաստում Հայաստանի Հանրապետության միջազգային պայմանագրերի, Հայաստանի հանրապետության օրենքների, Հայաստանի Հանրապետության Նախագահի հրամանագրերի և կարգադրությունների, Հայաստանի Հանրապետության կառավարության որոշումների (այդ թվում` օրենքի ուժ ունեցող), Հայաստանի Հանրապետության վարչապետի` վավերացման ենթակա որոշումների, ինչպես նաև դրանց նախագծերի վերաբերյալ.
- ապահովում է Հայաստանի Հանրապետության օրենքների, Հայաստանի Հանրապետության Նախագահի հրամանագրերի և կարգադրությունների, ինչպես նաև Աշխատակազմի ղեկավարի հանձնարարությամբ այլ փաստաթղթերի ռուսերեն թարգմանությունը.
- անհրաժեշտության դեպքում, Հայաստանի Հանրապետության Նախագահի ներկայացվող նորմատիվ իրավական ակտերի և դրանց նախագծերի լեզվավոճական փորձաքննությանը և լրամշակմանը մասնակից է դարձնում շահագրգիռ կամ այլ իրավասու պաշտոնատար անձանց և մասնագետների.
- պահպանում է Հայաստանի Հանրապետության օրենքների, Հայաստանի Հանրապետության Նախագահի ոչ գաղտնի հրամանագրերի և կարգադրությունների բնօրինակները, ինչպես նաև Հայաստանի Հանրապետության Նախագահի ստորագրած (վավերացրած) ոչ գաղտնի այլ ակտերի և փաստաթղթերի պատճենները և սահմանված կարգով ու ժամկետում հանձնում արխիվ.
- իրականացնում է Հայաստանի Հանրապետության Նախագահի ստորագրած (վավերացրած) ակտերի հաշվառումը և դրանք հանձնում առաքման.
- ապահովում և վերահսկում է Հայաստանի Հանրապետության օրենքների, Հայաստանի Հանրապետության Նախագահի հրամանագրերի և կարգադրությունների, ինչպես նաև Հայաստանի Հանրապետության Նախագահի` Հայաստանի Հանրապետության օրենքով վերապահված ոչ գաղտնի այլ իրավական ակտերի պաշտոնական հրապարակումը.
- նախապատրաստում և Աշխատակազմի ղեկավարի տեղակալ, քարտուղարին է ներկայացնում ըստ պատկանելության ուղարկվող ոչ գաղտնի փաստաթղթերի վերաբերյալ Աշխատակազմի ղեկավարի ուղեկցական գրությունները.
- իրականացնում է Աշխատակազմի ղեկավարի հրամաններով սահմանված այլ լիազորություններ:
2.3. Գրադարանը`
- իրականացնում է գրադարան ստացվող գրականության գույքային գրանցումը և մշակումը՝ ինչպես քարտային, այնպես էլ էլեկտրոնային գրացուցակներում.
- սահմանված կարգով սպասարկում է Աշխատակազմի աշխատողներին, ընդունում և վերաբաշխում է մամուլը.
- ապահովում է գրադարանի գրքային ունեցվածքի պատշաճ պահպանումը.
- գրադարանը անհրաժեշտ գրականությամբ և մամուլով համալրելու նպատակով Աշխատակազմի ղեկավարի համապատասխան հանձնարարականը ստանալու համար Աշխատակազմի ղեկավարի տեղակալ, քարտուղարին առաջարկություններ է ներկայացնում բաժանորդագրությունների, գրքափոխանակության և գնումներ կատարելու (այդ թվում՝ անհատներից) վերաբերյալ.
- սահմանված կարգով մասնակցում է միջազգային գրադարանային համագործակցությանը, ապահովում է միջգրադարանային կապը.
- իրականացնում է Աշխատակազմի ղեկավարի հրամաններով սահմանված այլ լիազորություններ։
2.4. Արխիվը`
- «Հայաստանի ազգային արխիվային ֆոնդի մասին» Հայաստանի Հանրապետության օրենքի պահանջներին համապատասխան համալրում է Հայաստանի Հանրապետության նախագահի և Աշխատակազմի գործունեությամբ առաջացած փաստաթղթերը, Աշխատակազմում համակարգում և վերահսկում է արխիվային (բացառությամբ Հայաստանի Հանրապետության Նախագահի անձնական արխիվի) գործը.
- ապահովում է արխիվ հանձնված փաստաթղթերի հաշվառումը և պահպանումը, կատարում է արխիվային փաստաթղթերի փորձագիտական արժեքավորումը, ստեղծում և կատարելագործում է արխիվի գիտատեղեկատու համակարգը, վարում է արխիվային ֆոնդի, գործերի և փաստաթղթերի հաշվառումը, ապահովում է արխիվային փաստաթղթերի ապահովագրական ֆոնդի ստեղծումն ու պահպանումը.
- սահմանված կարգով արխիվային փաստաթղթերը տրամադրում է ժամանակավոր օգտագործման.
- արխիվային փաստաթղթերի վերաբերյալ կատարում է վերլուծական աշխատանք, Աշխատակազմի ղեկավարին և նրա հանձնարարությամբ Աշխատակազմի պատասխանատու աշխատողներին տեղեկացնում է այդ փաստաթղթերի կազմի և բովանդակության մասին, դրանց վերաբերյալ պատրաստում վերլուծական և տեղեկատվական նյութեր.
- Աշխատակազմի ղեկավարի, Աշխատակազմի ղեկավարի տեղակալ, քարտուղարի հանձնարարությամբ Հայաստանի Հանրապետության պետական և գերատեսչական արխիվներից ստանում է անհրաժեշտ արխիվային փաստաթղթերի պատճեններ և տեղեկանքներ.
- Աշխատակազմի ղեկավարի հանձնարարությամբ մասնակցում է Աշխատակազմի արխիվային փաստաթղթերի հրապարակմանը.
- պահպանում է պետական, ծառայողական և անձնական գաղտնիք հանդիսացող տեղեկություններ պարունակող փաստաթղթերի պահպանության և օգտագործման հատուկ ռեժիմը.
- սահմանված կարգով առաջարկություններ է ներկայացնում արխիվային փաստաթղթերի գաղտնազերծման վերաբերյալ.
- ընդհանուր բաժնի հետ կազմում է Աշխատակազմի գործերի ամփոփ անվանակարգը, մեթոդական և գործնական օգնություն է ցույց տալիս Աշխատակազմի կառուցվածքային ստորաբաժանումներին՝ ընթացիկ գործավարության և արխիվ հանձնման ենթակա փաստաթղթերի հետ տարվող աշխատանքներում.
- իրականացնում է Աշխատակազմի ղեկավարի հրամաններով սահմանված այլ լիազորություններ։
III. Քարտուղարության աշխատանքների կազմակերպումը ԵՎ ղեկավարումը
1. Աշխատակազմի ղեկավարի տեղակալ, քարտուղարն անմիջականորեն ենթարկվում է Աշխատակազմի ղեկավարին։
2. Աշխատակազմի ղեկավարի տեղակալ, քարտուղարը պաշտոնի է նշանակվում և պաշտոնից ազատվում Հայաստանի Հանրապետության նախագահի կարգադրությամբ՝ Աշխատակազմի ղեկավարի ներկայացմամբ։
3. Աշխատակազմի ղեկավարի տեղակալ, քարտուղարը
- իրականացնում է Քարտուղարության գործունեության անմիջական ղեկավարումը.
- իրականացնում է Քարտուղարության ներքին կառուցվածքային ստորաբաժանումների աշխատանքների համակարգումը.
- Աշխատակազմի ղեկավարին է զեկուցում Աշխատակազմի փոստը.
- Աշխատակազմի ղեկավարին առաջարկություններ է ներկայացնում Քարտուղարության կանոնադրության, դրանում փոփոխություններ կատարելու վերաբերյալ.
- Աշխատակազմի ղեկավարին առաջարկություններ է ներկայացնում Քարտուղարության ներքին կառուցվածքային ստորաբաժանումների ղեկավարներին և մյուս աշխատողներին պաշտոնի նշանակելու և պաշտոնից ազատելու, նրանց խրախուսելու վերաբերյալ.
- ստորագրում է Քարտուղարության անունից պատրաստվող փաստաթղթերը.
- իր իրավասության շրջանակներում Քարտուղարության ներքին կառուցվածքային ստորաբաժանումների ղեկավարներին և աշխատողներին տալիս է ցուցումներ.
- Աշխատակազմի ղեկավարի հանձնարարությամբ այլ մարմիններից, պաշտոնատար անձանցից պահանջում է անհրաժեշտ տեղեկատվություն և նյութեր.
- իր իրավասության շրջանակներում ապահովում է Քարտուղարության և այլ մարմինների փոխհարաբերությունները
- իր տեղակալների միջև բաշխում է պարտականությունները.
- կատարում է Աշխատակազմի ղեկավարի հանձնարարականները.
- իրականացնում է Հայաստանի Հանրապետության Նախագահի և Աշխատակազմի ղեկավարի կողմից իրեն վերապահված այլ լիազորություններ։
4. Քարտուղարության ներքին կառուցվածքային ստորաբաժանումների ղեկավարները պաշտոնի են նշանակվում և պաշտոնից ազատվում Աշխատակազմի ղեկավարի հրամանով՝ Աշխատակազմի ղեկավարի տեղակալ, քարտուղարի ներկայացմամբ։
5. Քարտուղարության ներքին կառուցվածքային ստորաբաժանումների ղեկավարները՝
- իրականացնում են համապատասխան ստորաբաժանման անմիջական ղեկավարումը.
- ապահովում են իրենց ղեկավարած ստորաբաժանման աշխատանքի պատշաճ կազմակերպումը, աշխատողների միջև բաշխում են պարտականությունները.
- Աշխատակազմի ղեկավարի տեղակալ, քարտուղարին են ներկայացնում Աշխատակազմի փոստը կազմող նյութերը.
- Աշխատակազմի ղեկավարի տեղակալ, քարտուղարի գիտությամբ, իրենց իրավասության շրշանակներում, այլ մարմիններից, պաշտոնատար անձանցից պահանջում են իրենց ղեկավարած ստորաբաժանման գործունեության հետ առնչվող անհրաժեշտ տեղեկատվություն և նյութեր.
- ապահովում են իրենց ղեկավարած ստորաբաժանման և այլ պետական մարմինների համապատասխան կառուցվածքային ստորաբաժանումների փոխհարաբերությունները.
- պատասխանատվություն են կրում իրենց ղեկավարած ստորաբաժանման առջև գրված խնդիրների լուծման համար.
- կատարում են Աշխատակազմի ղեկավարի և Աշխատակազմի ղեկավարի տեղակալ, քարտուղարի հանձնարարականները.
- իրականացնում են Աշխատակազմի ղեկավարի կողմից իրենց վերապահված այլ լիազորություններ։
Հայաստանի Հանրապետության Նախագահի աշխատակազմի |
Ա. Հարությունյան |
![loading...](/static/img/loader.gif)