ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 օգոստոսի 2024 թվականի N 1176-Լ

Ղեկավարվելով «Արդյունաբերական քաղաքականության մասին» Հայաստանի Հանրապետության օրենքի 4-րդ հոդվածի 1-ին մասի 8-րդ կետով և 2-րդ մասով, 5-րդ հոդվածի 1-ին մասով, 6-րդ հոդվածի 2-րդ մասի 5-րդ կետով՝ Հայաստանի Հանրապետության կառավարությունը որոշում է.

1. Հաստատել սպանդանոցային ծառայություն մատուցող տնտեսավարողների աջակցության ծրագիրը՝ համաձայն N 1 հավելվածի:

(1-ին կետը լրաց. 08.05.25 N 569-Լ)

1.1 Հաստատել սպանդանոցների կողմից մատուցվող խոշոր եղջերավոր կենդանիների սպանդի ծառայության վճարի մասնակի փոխհատուցման ծրագիրը՝ համաձայն N 2 հավելվածի։

(1.1-ին կետը լրաց. 08.05.25 N 569-Լ)

2. Հայաստանի Հանրապետության էկոնոմիկայի նախարարին՝ սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության վարչապետի աշխատակազմ ներկայացնել առաջարկություններ «Հայաստանի Հանրապետության 2024 թվականի պետական բյուջեի մասին» Հայաստանի Հանրապետության օրենքում վերաբաշխում և լրացում և Հայաստանի Հանրապետության կառավարության 2023 թվականի դեկտեմբերի 28-ի «Հայաստանի Հանրապետության 2024 թվականի պետական բյուջեի կատարումն ապահովող միջոցառումների մասին» N 2323-Ն որոշման մեջ համապատասխան փոփոխություններ և լրացումներ կատարելու մասին:

(վերգիրը լրաց. 08.05.25 N 569-Լ)

1. Սպանդանոցային ծառայություն մատուցող տնտեսավարողների աջակցության ծրագրի (այսուհետ՝ ծրագիր) նպատակը սպանդանոցային սպանդը խրախուսելու, ավելացված արժեքի հարկ (այսուհետ՝ ԱԱՀ) վճարող համարվող կազմակերպությունների և անհատ ձեռնարկատերերի (այսուհետ` ԱԱՀ վճարող համարվողների) համար հավասար մրցակցային պայմաններ ստեղծելու և ազգաբնակչությանը որակյալ ու անվտանգ մսեղիքի մատակարարումներ ապահովելու համար աջակցության տրամադրումն է։

2. Ծրագրի իմաստով տնտեսավարող է համարվում ԱԱՀ վճարող համարվող սպանդանոցային ծառայություն մատուցող այն տնտեսավարողը, որը`

1) իրականացնում է ֆերմերային տնտեսությունից և ֆիզիկական անձից (Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված՝ տնտեսական գործունեության տեսակների դասակարգչի «A ԳՅՈՒՂԱՏՆՏԵՍՈՒԹՅՈՒՆ, ԱՆՏԱՌԱՅԻՆ ՏՆՏԵՍՈՒԹՅՈՒՆ ԵՎ ՁԿՆՈՐՍՈՒԹՅՈՒՆ» բաժնի «01.41.0» և «01.42.0» դասերին դասվող գործունեության տեսակներով զբաղվող տնտեսավարողներ, այսուհետ՝ ֆերմերային տնտեսություն) խոշոր եղջերավոր կենդանիների գնումներ, սպանդանոցային սպանդ և մսեղիքի իրացման գործառույթներ.

2) աջակցության տրամադրման նպատակով Հայաստանի Հանրապետության էկոնոմիկայի նախարարություն (այսուհետ՝ նախարարություն) դիմումի ներկայացման օրվան նախորդող աշխատանքային օրվա դրությամբ չունի հարկային մարմնի կողմից վերահսկվող եկամուտների մասով չկատարված պարտավորություններ և դիմումի ներկայացման պահին նախորդող 12 ամիսների, իսկ 12 ամսից պակաս ժամկետով ԱԱՀ վճարող համարվելու դեպքում՝ այդ ամիսների համար ներկայացրել է ԱԱՀ-ի և ակցիզային հարկի միասնական հաշվարկներ։

3. Սույն որոշումն ուժի մեջ մտնելու օրվանից մինչև 2027 թվականի դեկտեմբերի 30-ը տնտեսավարողին տրամադրվում է հաշվետու ժամանակաշրջանում սպանդանոցային գործունեության արդյունքում խոշոր եղջերավոր կենդանիների սպանդից ստացված մսեղիքի իրացման՝ ԱԱՀ-ով հարկման օբյեկտ համարվող գործարքների հարկման բազայի նկատմամբ հաշվարկված ԱԱՀ-ի գումարների և խոշոր եղջերավոր կենդանիների ձեռքբերման ԱԱՀ-ի հաշվանցվող (պակասեցվող) գումարների դրական տարբերության 75%-ի չափով աջակցություն։

4. Աջակցություն չի տրամադրվում՝

1) ներտնտեսային (ֆերմերային տնտեսություններից խոշոր եղջերավոր կենդանիների գնումներ չիրականացնող) սպանդանոցներին և տնտեսավարողին սեփականության կամ օգտագործման իրավունքով պատկանող կամ տնտեսավարողի հիմնադիր կամ ավելի քան 10 տոկոս բաժնետոմս ունեցող բաժնետեր հանդիսացող անձանց կամ նրանց ընտանիքի անդամներին (ծնող, ամուսին, զավակ) պատկանող խոշոր եղջերավոր կենդանիների սպանդից ստացված մսեղիքի իրացման արժեքից հաշվարկված ԱԱՀ-ի մասով.

2) խոշոր եղջերավոր կենդանիների սպանդ իրականացնելու նպատակով մատուցված ծառայության դիմաց։

5. Աջակցության տրամադրման գործընթացը նախաձեռնում է տնտեսավարողը, որն աջակցությունը ստանալու նպատակով ծրագրի N 1 ձևին համապատասխան էլեկտրոնային կամ թղթային տարբերակով (գրությամբ) դիմում է ներկայացնում նախարարություն, որին կցում է՝

1) ծրագրի N 1 ձևին համապատասխան առաջին դիմումի ներկայացման ամսին նախորդող 3 ամիսների, իսկ հաջորդ դիմումների դեպքում՝ դիմումի ներկայացման ամսին նախորդող ամսվա ընթացքում խոշոր եղջերավոր կենդանիների գնման համար ստացված հարկային հաշիվների, հաշիվ վավերագրերի և ֆիզիկական անձանցից ձեռք բերվող ապրանքների մասով օրենսդրությամբ սահմանված կարգով կազմվող հաշվարկային փաստաթուղթ չհամարվող այլ փաստաթղթերի հիման վրա կազմված տեղեկանքը՝ ծրագրի N 2 ձևին համապատասխան.

2) ծրագրի N 1 ձևին համապատասխան դիմումի ներկայացման ամսին նախորդող ամսվա ընթացքում խոշոր եղջերավոր կենդանիների սպանդից ստացված մսեղիքի իրացման հարկային հաշիվների հիման վրա կազմված տեղեկանքը՝ ծրագրի N 3 ձևին համապատասխան.

3) տեղեկատվություն տնտեսավարողի հիմնադիր կամ ավելի քան 10 տոկոս բաժնետոմս ունեցող բաժնետեր հանդիսացող անձանց անվանումները և նրանց ընտանիքի անդամների (ծնող, ամուսին, զավակ) անունների և ազգանունների մասին.

4) խոշոր եղջերավոր կենդանիների տեղափոխման N 1 ձևի և խոշոր եղջերավոր կենդանիների սպանդի արդյունքում «Սպանդանոցների կառավարում» միասնական էլեկտրոնային հարթակից գեներացված N 5 ձևի անասնաբուժական վկայականների պատճենները։

(5-րդ կետը լրաց. 08.05.25 N 569-Լ)

6. Տնտեսավարողն աջակցության ստացման նպատակով ծրագրի N 1 ձևին համապատասխան դիմումը նախարարություն ներկայացնում է մինչև գործունեության իրականացման տվյալ ամսվան հաջորդող ամսվա վերջին աշխատանքային օրը ներառյալ։

7. Ծրագրի N 1 ձևին համապատասխան դիմումը մուտքագրվելու օրվան հաջորդող 3 աշխատանքային օրվա ընթացքում նախարարությունն այն ներկայացնում է Պետական եկամուտների կոմիտե (այսուհետ՝ կոմիտե)՝ դիմումի ներկայացման օրվան նախորդող աշխատանքային օրվա դրությամբ հարկային մարմնի կողմից վերահսկվող եկամուտների մասով տնտեսավարողի կողմից չկատարված պարտավորություններ չունենալու, դիմումի ներկայացման պահին նախորդող 12 ամիսների, իսկ 12 ամսից պակաս ժամկետով ԱԱՀ վճարող համարվելու դեպքում՝ այդ ամիսների համար ԱԱՀ-ի և ակցիզային հարկի միասնական հաշվարկներ տնտեսավարողի կողմից ներկայացրած լինելու և ծրագրի N 3 ձևին համապատասխան տեղեկանքում նշված հարկային հաշիվների, ինչպես նաև ծրագրի N 2 ձևում նշված ձեռք բերվող խոշոր եղջերավոր կենդանիների հարկային հաշիվների, հաշիվ վավերագրերի կամ հաշվարկային փաստաթուղթ չհամարվող այլ փաստաթղթերի և կոմիտեում առկա համապատասխան տեղեկատվության ճշտության մասով տեղեկատվություն ստանալու նպատակով, որին կցում է տնտեսավարողի կողմից ներկայացված ծրագրի N 2 և N 3 ձևերը։

8. Ծրագրի 8-րդ կետում նշված փաստաթղթերը ստանալու օրվան հաջորդող 7 աշխատանքային օրվա ընթացքում կոմիտեի կողմից իրականացվում է այդ փաստաթղթերի ուսումնասիրություն և արդյունքների վերաբերյալ նախարարություն է ներկայացվում տեղեկատվություն՝ նշելով դիմումի ներկայացման օրվան նախորդող աշխատանքային օրվա դրությամբ հարկային մարմնի կողմից վերահսկվող եկամուտների մասով տնտեսավարողի չկատարված պարտավորությունների, դիմումի ներկայացման պահին նախորդող 12 ամիսների, իսկ 12 ամսից պակաս ժամկետով ԱԱՀ վճարող համարվելու դեպքում՝ այդ ամիսների համար ԱԱՀ-ի և ակցիզային հարկի միասնական հաշվարկներ տնտեսավարողի կողմից ներկայացված լինելու և ծրագրի N 3 ձևում նշված հարկային հաշիվների, ինչպես նաև ծրագրի N 2 ձևում նշված ձեռք բերվող խոշոր եղջերավոր կենդանիների հարկային հաշիվների, հաշիվ վավերագրերի կամ հաշվարկային փաստաթուղթ չհամարվող այլ փաստաթղթերի և կոմիտեում առկա համապատասխան տեղեկատվության ճշտության մասով, միաժամանակ՝ ծրագրի N 3 ձևում նշված հարկային հաշիվների, ծրագրի N 2 ձևում նշված խոշոր եղջերավոր կենդանիների ձեռքբերման հարկային հաշիվների, հաշիվ վավերագրերի կամ հաշվարկային փաստաթուղթ չհամարվող այլ փաստաթղթերի և կոմիտեում առկա տեղեկատվության միջև անհամապատասխանություններ առկա լինելու դեպքում նշում կատարելով այդ մասին։

9. Նախարարության համապատասխան ստորաբաժանումը նախարարություն ներկայացվող ծրագրի N 1 ձևին համապատասխան դիմումը ստանալուն հաջորդող 10 աշխատանքային օրվա ընթացքում իրականացնում է դիմումի և կոմիտեի կողմից տրամադրված տեղեկատվության ուսումնասիրություն և անհամապատասխանությունների բացակայության դեպքում կազմում է N 4 ձևին համապատասխան եզրակացություն, որի հիման վրա նախարարության համապատասխան ստորաբաժանումը 5 աշխատանքային օրվա ընթացքում աջակցության գումարը փոխանցում է տնտեսավարողին:

10. Նախարարության կողմից ծրագրի N 1 ձևին համապատասխան ստացված դիմումը մերժվում է, եթե՝

1) դիմումը ներկայացվել է ծրագրի 5-րդ և 6-րդ կետերում նշված պահանջների և ժամկետների խախտմամբ.

2) կոմիտեի կողմից տրամադրված տեղեկատվությամբ տնտեսավարողը դիմումի ներկայացման օրվան նախորդող աշխատանքային օրվա դրությամբ հարկային մարմնի կողմից վերահսկվող եկամուտների մասով ունի չկատարված պարտավորություններ կամ դիմումի ներկայացման պահին նախորդող 12 ամիսների, իսկ 12 ամսից պակաս ժամկետով ԱԱՀ վճարող համարվելու դեպքում՝ այդ ամիսների համար չի ներկայացրել ԱԱՀ-ի և ակցիզային հարկի միասնական հաշվարկներ.

3) կոմիտեի կողմից տրամադրված տեղեկատվությամբ ծրագրի N 3 ձևում նշված հարկային հաշիվների, ծրագրի N 2 ձևում նշված ձեռք բերվող խոշոր եղջերավոր կենդանիների հարկային հաշիվների, հաշիվ վավերագրերի կամ հաշվարկային փաստաթուղթ չհամարվող այլ փաստաթղթերի և կոմիտեում առկա համապատասխան տեղեկատվության մասով առկա են անճշտություններ.

4) նախարարություն ներկայացված ծրագրի N 1 ձևին համապատասխան դիմումով հայցվող աջակցության չափը չի համապատասխանում ծրագրի 3-րդ կետով սահմանված չափին.

5) ծրագրի N 2 ձևը լրացված է թերի (ոչ ամբողջական).

6) ծրագրի N 3 ձևը լրացված է թերի (ոչ ամբողջական).

7) ծրագրի N 2 ձևում առկա է տնտեսավարողին սեփականության կամ օգտագործման իրավունքով կամ տնտեսավարողի հիմնադիր կամ ավելի քան 10 տոկոս բաժնետոմս ունեցող բաժնետեր հանդիսացող անձ կամ նրանց ընտանիքի անդամներ (ծնող, ամուսին, զավակ).

8) ծրագրի N 2 կամ N 3 ձևերում առկա չէ խոշոր եղջերավոր կենդանու նույնականացման անհատական համարը, կամ լրացված է այնպիսի համար, որը չի համապատասխանում «ԱՆԻ ՊԱՍ» էլեկտրոնային տեղեկատվական համակարգում առկա տվյալներին, կամ շահառուի կողմից ներկայացված սպանդի վերաբերյալ N 5 ձևի անասնաբուժական վկայականում նշված խոշոր եղջերավոր կենդանու նույնականացման անհատական համարը չի համապատասխանում ծրագրի N 2 և N 3 ձևերում լրացված նույնականացման անհատական համարին.

9) խոշոր եղջերավոր կենդանիների տեղափոխման N 1 կամ խոշոր եղջերավոր կենդանիների սպանդի վերաբերյալ N 5 ձևերի անասնաբուժական վկայականների պատճենները բացակայում են:

(10-րդ կետը խմբ., լրաց. 08.05.25 N 569-Լ)

11. Նախարարության կողմից ծրագրի N 1 ձևին համապատասխան ներկայացված դիմումի մերժման դեպքում արձանագրվում է մերժման հիմքը և դիմումատուին էլեկտրոնային կամ թղթային տարբերակով (գրությամբ) տեղեկացվում է անհամապատասխանությունները վերացնելու և 5 աշխատանքային օրվա ընթացքում ծրագրի 5-րդ կետում նշված պայմաններով ծրագրի N 1 ձևին համապատասխան նոր դիմում ներկայացնելու մասին։

12. Եթե տնտեսավարողը բավարարում է ծրագրով սահմանված պահանջներին, նախարարության և տնտեսավարողի միջև կնքվում է աջակցություն տրամադրելու պայմանագիր` համաձայն Հայաստանի Հանրապետության ֆինանսների նախարարի 2021 թվականի օգոստոսի 10-ի N 422-Ա հրամանի:

13. Այն դեպքում, երբ տնտեսավարողի կողմից իրականացված գործարքների ճշգրտման արդյունքում արձանագրվում է նախկինում հայտարարագրված ԱԱՀ-ի գծով պարտավորության չափի փոփոխություն, ապա տնտեսավարողն այդ մասին 5 աշխատանքային օրվա ընթացքում տեղեկացնում է նախարարություն և ավել վճարված փոխհատուցման գումարը ճշգրտման օրվան հաջորդող 30 աշխատանքային օրվա ընթացքում վերադարձնում է նախարարություն։

14. Ծրագրի մշտադիտարկումն իրականացվում է նախարարության կողմից՝ սահմանված պահանջների ապահովման ուսումնասիրության և ծրագրի արդյունավետության ու շարունակման անհրաժեշտության գնահատման նպատակով։

15. Մշտադիտարկման և սահմանված պահանջների ապահովման ուսումնասիրության նպատակով տնտեսավարող սուբյեկտը նախարարության պահանջով ապահովում է սահմանված պահանջների ուսումնասիրության և ծրագրի արդյունավետության գնահատման նպատակով անհրաժեշտ փաստաթղթերի և տեղեկատվության տրամադրումը։

Ձև N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ

……………………………………………………………………………...............………………………… ....-ԻՑ

(նշել կազմակերպության անվանումը կամ անհատ ձեռնարկատիրոջ անունը, ազգանունը, ՀՎՀՀ-ն, հեռախոսահամարը և

էլեկտրոնային փոստի հասցեն)

Դ Ի Մ ՈՒ Մ

ՍՊԱՆԴԱՆՈՑԱՅԻՆ ԾԱՌԱՅՈՒԹՅՈՒՆ ՄԱՏՈՒՑՈՂ ՏՆՏԵՍԱՎԱՐՈՂՆԵՐԻ ԱՋԱԿՑՈՒԹՅԱՆ ԾՐԱԳՐԻՑ ՕԳՏՎԵԼՈՒ ՄԱՍԻՆ

Խնդրում եմ տրամադրել աջակցություն ................................………………………… …… ....-ի

կողմից գնված խոշոր եղջերավոր կենդանիների սպանդից 202... թվականի

.............................. ամսվա ընթացքում իրացված մսեղիքի` ծրագրի 3-րդ կետի հիման վրա

(նշել ամիսը)

հաշվարկված .......................(.................................) դրամը փոխանցել

(նշել գումարի չափը թվերով) (նշել գումարի չափը տառերով)

.................................…………… ......... ...... ......... .........-ի .............................................. գործող

(նշել կազմակերպության անվանումը կամ անհատ ձեռնարկատիրոջ անունը, ազգանունը) (նշել ֆինանսական կազմակերպության անվանումը)

N ……………………………. հաշվեհամարին։

Առդիր՝ .... էջ։

Ձև N 2

ՏԵՂԵԿԱՆՔ

.................. ԱՄՍՎԱ (ԱՄԻՍՆԵՐԻ) ԸՆԹԱՑՔՈՒՄ ..................................................................... ..... ..... -Ի

(նշել ամիսը կամ ամիսները)                               (նշել կազմակերպության անվանումը կամ անհատ ձեռնարկատիրոջ անունը, ազգանունը և ՀՎՀՀ-ն)

ԿՈՂՄԻՑ ԿԱՏԱՐՎԱԾ ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ԳՆՈՒՄՆԵՐԻ ՎԵՐԱԲԵՐՅԱԼ

Ձև N 3

Ձև N 4

Ե Զ Ր Ա Կ Ա Ց ՈՒ Թ Յ ՈՒ Ն  N _ _

.......................................………………………… ....-Ի ԿՈՂՄԻՑ 202... ԹՎԱԿԱՆԻ

(նշել կազմակերպության կամ անհատ ձեռնարկատիրոջ անվանումը)                                                

..................... ԱՄՍԻՆ ՖԵՐՄԵՐԱՅԻՆ ՏՆՏԵՍՈՒԹՅՈՒՆՆԵՐԻՑ ԳՆՎԱԾ ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՍՊԱՆԴԻՑ ՍՏԱՑՎԱԾ ՄՍԵՂԻՔԻ՝ ԾՐԱԳՐԻ 3-ՐԴ ԿԵՏԻ ՀԻՄԱՆ ՎՐԱ ՀԱՇՎԱՐԿՎԱԾ ՉԱՓՈՎ ԱՋԱԿՑՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

Էկոնոմիկայի նախարարություն ներկայացված 202... թվականի .....................................-ի

N ….…............ դիմումի համաձայն ....................................................................................- ի

   (նշել մուտքի համարը)                           (նշել կազմակերպության անվանումը կամ անհատ ձեռնարկատիրոջ անունը, ազգանունը)

(ՀՎՀՀ` ....................) կողմից գնված խոշոր եղջերավոր կենդանիների սպանդից 202... թվականի ............................. ամսվա ընթացքում ծրագրի 3-րդ կետի հիման վրա

հաշվարկված ...................................(................................................) դրամ գումարը ենթակա է

(նշել գումարի չափը թվերով)      (նշել գումարի չափը տառերով)

վճարման ...........................................................-ի .............................................................-ում

    (նշել կազմակերպության կամ անհատ ձեռնարկատիրոջ անվանումը)     (նշել ֆինանսական կազմակերպության անվանումը)

գործող N ……………………………. հաշվեհամարին։

(նշել հաշվեհամարը)

(հավելվածը լրաց., խմբ. 08.05.25 N 569-Լ)

Ծ Ր Ա Գ Ի Ր

ՍՊԱՆԴԱՆՈՑՆԵՐԻ ԿՈՂՄԻՑ ՄԱՏՈՒՑՎՈՂ ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՍՊԱՆԴԻ ԾԱՌԱՅՈՒԹՅԱՆ ՎՃԱՐԻ ՄԱՍՆԱԿԻ ՓՈԽՀԱՏՈՒՑՄԱՆ

1. ԾՐԱԳՐԻ ՆՊԱՏԱԿԸ

1. Սպանդանոցների կողմից մատուցվող խոշոր եղջերավոր կենդանիների սպանդի ծառայության վճարի մասնակի փոխհատուցման ծրագրի (այսուհետ՝ ծրագիր) նպատակն սպանդանոցային սպանդը խրախուսելու նպատակով պետության կողմից ֆերմերային տնտեսությունների կողմից ձեռք բերվող սպանդի ծառայության վճարի մասնակի փոխհատուցումն է (այսուհետ՝ փոխհատուցում)։

2. ԾՐԱԳՐԻ ՆԿԱՐԱԳԻՐԸ

2. Ծրագրի մասնակիցներն են՝

1) Հայաստանի Հանրապետության էկոնոմիկայի նախարարությունը (այսուհետ՝ նախարարություն).

2) Հայաստանի Հանրապետության այն համայնքները, որտեղ տեղակայված են սպանդանոցները (այսուհետ՝ համայնք).

3) սպանդանոցային սպանդի ծառայություն մատուցող տնտեսավարողները՝ կազմակերպությունները կամ անհատ ձեռնարկատերերը.

4) սպանդանոցային սպանդի ծառայություն ձեռք բերող ֆերմերային տնտեսությունները։

3. Ծրագրի իմաստով շահառու է համարվում սպանդանոցային սպանդի ծառայություն ձեռք բերող ֆերմերային տնտեսությունը (այսուհետ՝ շահառու), որն զբաղվում է Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի N 874-Ն հրամանով հաստատված՝ Տնտեսական գործունեության տեսակների դասակարգչի «A (ԷՅ) ԳՅՈՒՂԱՏՆՏԵՍՈՒԹՅՈՒՆ, ԱՆՏԱՌԱՅԻՆ ՏՆՏԵՍՈՒԹՅՈՒՆ ԵՎ ՁԿՆՈՐՍՈՒԹՅՈՒՆ» բաժնի «01.41.0» և «01.42.0» ենթադասերին դասվող գործունեության տեսակներով։

4. Ծրագրի իմաստով սպանդանոցային ծառայություն մատուցող տնտեսավարող է համարվում այն կազմակերպությունը կամ անհատ ձեռնարկատերը, որը՝

1) նախարարության և համայնքի հետ կնքել է ծրագրի N 1 ձևին համապատասխան ֆերմերային տնտեսությանը խոշոր եղջերավոր կենդանիների սպանդի ծառայության մատուցման համաձայնագիր, որով ստանձնել է շահառուին ծրագրով սահմանված պայմանների համաձայն խոշոր եղջերավոր կենդանիների սպանդի ծառայություն մատուցելու պարտավորություն․

2) ծրագրից օգտվելու նպատակով համայնքի ղեկավարին ներկայացված դիմումի օրվան նախորդող աշխատանքային օրվա դրությամբ չունի հարկային մարմնի կողմից վերահսկվող եկամուտների մասով չկատարված պարտավորություններ։

5. Սույն որոշումն ուժի մեջ մտնելու օրվան հաջորդող ամսվա 1-ից մինչև 2025 թվականի դեկտեմբերի 30-ը շահառուին մատուցած սպանդի ծառայության դիմաց պետության կողմից տնտեսավարողին է տրամադրվում մատուցված ծառայության վճարի մասնակի փոխհատուցում՝

1) շահառուի կողմից յուրաքանչյուր խոշոր եղջերավոր կենդանու սպանդի ծառայության ձեռքբերման համար տնտեսավարողի սահմանված վճարի չափով, բայց ոչ ավելի, քան 10000 Հայաստանի Հանրապետության դրամը.

2) նախապես սահմանված սանիտարական օրերին բրուցելոզով հիվանդ կամ դրական հակազդած յուրաքանչյուր խոշոր եղջերավոր կենդանու սպանդի ծառայության ձեռքբերման համար տնտեսավարողի սահմանված վճարի չափով, բայց ոչ ավելի, քան 15000 Հայաստանի Հանրապետության դրամը։

6. Նախարարությունն ամսական պարբերականությամբ, մինչև տվյալ ամսվան հաջորդող ամսվա 20-րդ աշխատանքային օրը, համայնքին է փոխանցում ծրագրի N 5 ձևին համապատասխան ստացված եզրակացություններում նշված շահառուներին փոխհատուցման ենթակա գումարների 3%-ը՝ ծրագրի շրջանակներում ստացված դիմումների ուսումնասիրության և մոնիթորինգի իրականացման համար։

7. Փոխհատուցում չի տրամադրվում խոշոր եղջերավոր կենդանիների սպանդի ծառայություն ձեռք բերող այն շահառուներին, որոնք հանդիսանում են ներտնտեսային (ֆերմերային տնտեսություններին խոշոր եղջերավոր կենդանիների սպանդի ծառայություն չմատուցող) սպանդանոցներ և տնտեսավարողի սեփականության կամ օգտագործման իրավունքով պատկանող կամ տնտեսավարողի հիմնադիր կամ ավելի քան 10 տոկոս բաժնետեր հանդիսացող անձինք կամ նրանց ընտանիքի անդամներ (ծնող, ամուսին, զավակ)։

8. Փոխհատուցման տրամադրման գործընթացը նախաձեռնում է տնտեսավարողը, որն ամսական պարբերականությամբ, մինչև գործունեության իրականացման տվյալ ամսվան հաջորդող ամսվա վերջին աշխատանքային օրը ներառյալ ծրագրի N 2 ձևին համապատասխան էլեկտրոնային կամ թղթային տարբերակով (գրությամբ) դիմում է ներկայացնում համայնքի ղեկավարին, որին կցում է՝

1) հարկային մարմնի տեղեկատվական համակարգում առկա տվյալներին համապատասխան ներբեռնված և արտատպված հարկ վճարողի անձնական հաշվի քարտի քաղվածքը․

2) խոշոր եղջերավոր կենդանին սպանդանոց տեղափոխող անձի, խոշոր եղջերավոր կենդանու տվյալների և սպանդի ծառայության մատուցման վերաբերյալ ծրագրի N 3 ձևին համապատասխան իր կողմից կազմված տեղեկանքը և Հայաստանի Հանրապետության կառավարության 2010 թվականի հոկտեմբերի 21-ի N 1499-Ն որոշման (այսուհետ՝ որոշում) N 2 հավելվածով հաստատված խոշոր եղջերավոր կենդանիների սպանդի արդյունքում «Սպանդանոցների կառավարում» միասնական էլեկտրոնային հարթակից գեներացված N 5 ձևի անասնաբուժական վկայականի (այսուհետ՝ N 5 ձևի անասնաբուժական վկայական) պատճենը կամ լուսապատճենը.

3) որոշման N 2 հավելվածով հաստատված N 1 ձևի անասնաբուժական վկայականի պատճենը կամ լուսապատճենը (այսուհետ՝ N 1 ձևի անասնաբուժական վկայական), ընդ որում, բրուցելոզով հիվանդ կամ դրական հակազդած խոշոր եղջերավոր կենդանու սպանդ իրականացված լինելու դեպքում N 1 ձևի անասնաբուժական վկայականում պետք է առկա լինի նշում խոշոր եղջերավոր կենդանու բրուցելոզով հիվանդ կամ դրական հակազդած լինելու մասին գրառում.

4) խոշոր եղջերավոր կենդանիների սպանդի ծառայություն մատուցելու վերաբերյալ ծրագրի N 4 ձևին համապատասխան լրացված հայտարարության բնօրինակը․

5) սպանդանոցի կողմից սպանդի ծառայության մատուցման դիմաց սահմանված վճարի և ծրագրով նախատեսված պետության կողմից տրամադրվող փոխհատուցման տարբերության չափով շահառուից գանձված վճարը հիմնավորող փաստաթղթի պատճենը՝

ա․ եթե սպանդանոցի կողմից սահմանված սպանդի ծառայության վճարի չափը գերազանցում է 10000 Հայաստանի Հանրապետության դրամը,

բ․ եթե սպանդանոցի կողմից բրուցելոզով հիվանդ կամ դրական հակազդած խոշոր եղջերավոր կենդանու սպանդի ծառայության մատուցման համար սահմանված վճարի չափը գերազանցում է 15000 Հայաստանի Հանրապետության դրամը․

6) տեղեկություն տնտեսավարողի հիմնադիր կամ ավելի քան 10 տոկոս բաժնետեր հանդիսացող անձանց անվանումների և նրանց ընտանիքի անդամների (ծնող, ամուսին, զավակ) անունների և ազգանունների մասին։

9. Համայնքի ղեկավարի աշխատակազմը ծրագրի N 2 ձևին համապատասխան դիմումն ստանալուն հաջորդող 7 աշխատանքային օրվա ընթացքում իրականացնում է դիմումի ուսումնասիրություն և անհամապատասխանությունների բացակայության դեպքում կազմում է ծրագրի N 5 ձևին համապատասխան եզրակացություն և այն թղթային տարբերակով (գրությամբ) ներկայացնում է նախարարություն՝ կցելով տնտեսավարողի կողմից ծրագրի N 2 ձևին համապատասխան ներկայացված դիմումի և կից փաստաթղթերի պատճենները։

10. Համայնքի ղեկավարի աշխատակազմի կողմից ծրագրի N 2 ձևին համապատասխան ստացված դիմումը մերժվում է, եթե՝

1) դիմումը ներկայացվել է ծրագրի 8-րդ և 9-րդ կետերում նշված պահանջների և ժամկետների խախտմամբ.

2) ծրագրի 8-րդ կետի 1-ին ենթակետում նշված հարկ վճարողի անձնական հաշվի քարտի քաղվածքի համաձայն ծրագրի N 2 ձևին համապատասխան դիմումի ներկայացման օրվան նախորդող աշխատանքային օրվա դրությամբ հարկային մարմնի կողմից վերահսկվող եկամուտների մասով առկա են չկատարված պարտավորություններ․

3) ծրագրի N 3 ձևը լրացված է թերի (ոչ ամբողջական)․

4) ծրագրի N 3 և N 4 ձևերում նշված տեղեկատվություններում առկա են անհամապատասխանություններ.

5) ծրագրի N 3 կամ N 4 ձևերը բացակայում են, կամ լրացված են թերի (ոչ ամբողջական) կամ ծրագրի N 3 կամ N 4 ձևերին ոչ համապատասխան․

6) ծրագրի N 3 կամ N 4 ձևերում առկա են շահառուին սեփականության կամ օգտագործման իրավունքով կամ շահառուի հիմնադիր կամ ավելի քան 10 տոկոս բաժնետեր հանդիսացող անձինք կամ նրանց ընտանիքի անդամներ (ծնող, ամուսին, զավակ).

7) N 1 կամ N 5 ձևերի անասնաբուժական վկայականների պատճենները բացակայում են․

8) բրուցելոզով հիվանդ կամ դրական հակազդած խոշոր եղջերավոր կենդանու տեղափոխման N 1 ձևի անասնաբուժական վկայականում առկա չէ խոշոր եղջերավոր կենդանու բրուցելոզով հիվանդ կամ դրական հակազդած լինելու վերաբերյալ նշում․

9) ծրագրի N 3 կամ N 4 կամ ձևերում առկա չէ խոշոր եղջերավոր կենդանու նույնականացման անհատական համարը, կամ լրացված է այնպիսի համար, որը չի համապատասխանում «ԱՆԻ ՊԱՍ» էլեկտրոնային տեղեկատվական համակարգում (այսուհետ՝ համակարգ) առկա տվյալներին, կամ տնտեսավարողի կողմից ներկայացված N 5 ձևի անասնաբուժական վկայականում նշված խոշոր եղջերավոր կենդանու նույնականացման անհատական համարը չի համապատասխանում ծրագրի N 3 ձևում լրացված նույնականացման անհատական համարին․

10) տնտեսավարողի կողմից սպանդի ծառայության համար գանձված վճարի չափը գերազանցում է ծրագրի N 1 ձևին համապատասխան կնքված համաձայնագրում նշված սպանդի ծառայության մատուցման համար տնտեսավարողի կողմից սահմանված ծառայության վճարի և ծրագրի 5-րդ կետով սահմանված փոխհատուցման տարբերությանը:

11. Համայնքի ղեկավարի աշխատակազմի կողմից ծրագրի N 2 ձևին համապատասխան ներկայացված դիմումի մերժման դեպքում արձանագրվում է մերժման հիմքը և տնտեսավարողին էլեկտրոնային կամ թղթային տարբերակով (գրությամբ) տեղեկացվում է անհամապատասխանությունները վերացնելու և 5 աշխատանքային օրվա ընթացքում ծրագրի 8-րդ կետում նշված պայմաններով ծրագրի N 2 ձևին համապատասխան նոր դիմում ներկայացնելու մասին։

12. Համայնքի ղեկավարի աշխատակազմից ծրագրի N 5 ձևին համապատասխան եզրակացությունն ստանալուն հաջորդող 7 աշխատանքային օրվա ընթացքում նախարարությունը տնտեսավարողի հետ կնքում է սպանդանոցային ծառայության ծրագրի 5-րդ կետով սահմանված սպանդանոցի կողմից մատուցված սպանդի ծառայության փոխհատուցման ենթակա վճարի տրամադրման պայմանագիր։

13. Ծրագրի 12-րդ կետով սահմանված պայմանագիրը կնքելուց հետո նախարարությունը 5 աշխատանքային օրվա ընթացքում համայնքի ղեկավարի աշխատակազմից ստացված ծրագրի N 5 ձևին համապատասխան եզրակացության հիման վրա փոխհատուցման ենթակա գումարը փոխանցում է տնտեսավարողին:

14. Տնտեսավարողը և N 1 ձևի անասնաբուժական վկայականը տրամադրողը պետք է խոշոր եղջերավոր կենդանին սպանդանոց տեղափոխող անձին տեղեկացնեն ծրագրի N 4 ձևը լրացնելու պահանջի մասին, ինչպես նաև անհրաժեշտության դեպքում վերջիններիս աջակցեն դրանք լրացնելու հարցում։

15. Խոշոր եղջերավոր կենդանին սպանդանոց տեղափոխող անձը տնտեսավարողին է տրամադրում ծրագրի N 4 ձևին համապատասխան լրացված հայտարարության բնօրինակը և N 1 ձևի անասնաբուժական վկայականի բնօրինակը կամ պատճենը։

16. Տնտեսավարողի կողմից սպանդի ենթարկված խոշոր եղջերավոր կենդանու մսեղիքը և ենթամթերքը հանձնվում է խոշոր եղջերավոր կենդանին սպանդանոց տեղափոխող անձին։ Եթե խոշոր եղջերավոր կենդանին սպանդանոց տեղափոխող անձը չի համարվում խոշոր եղջերավոր կենդանու սեփականատերը, ապա տեղափոխող անձն իրեն հանձնված խոշոր եղջերավոր կենդանու մսեղիքը և ենթամթերքը փոխանցում է խոշոր եղջերավոր կենդանու սեփականատիրոջը։

3. ԾՐԱԳՐԻ ՄՈՆԻԹՈՐԻՆԳԸ

17. Ծրագրի մոնիթորինգն իրականացվում է համայնքի ղեկավարի հրամանով ստեղծված աշխատանքային խմբի (այսուհետ՝ խումբ) կողմից։

18. Խմբի կողմից ընտրանքային մոնիթորինգի են ենթարկվում տվյալ ամսվա ընթացքում ստացված դիմումին (դիմումներին) կից ծրագրի N 3 ձևում նշված խոշոր եղջերավոր կենդանիների գլխաքանակի առնվազն 25 %-ին վերաբերող տվյալները։

19. Մոնիթորինգն իրականացվում է՝

1) ծրագրի N 3 ձևի տեղեկանքում և N 1 ու N 5 ձևերի անասնաբուժական վկայականներում նշված խոշոր եղջերավոր կենդանիների նույնականացման անհատական համարների համադրման և նույնականացման միջոցով․

2) ծրագրի N 3 ձևի տեղեկանքում նշված և համակարգում առկա խոշոր եղջերավոր կենդանիների նույնականացման անհատական համարների համադրման և նույնականացման միջոցով․

3) տնտեսավարողի կողմից սպանդի ենթարկված խոշոր եղջերավոր կենդանու ենթամթերքը ծրագրի N 4 ձևին համապատասխան հայտարարություն ներկայացրած անձանց տնօրինմանը տրամադրված լինելը՝ հայտարարություն ներկայացրած անձանցից կատարվող հարցումների միջոցով։

20. Տվյալ ամսվա ընթացքում իրականացված մոնիթորինգի արդյունքներով կազմվում է արձանագրություն, որը մինչև արձանագրության կազմման ամսվան հաջորդող ամսվա 25-ը ներկայացվում է նախարարություն։

21. Եթե մոնիթորինգի ընթացքում պարզվում է, որ տնտեսավարողի կողմից ներկայացված փաստաթղթերում տեղ են գտել ծրագրով սահմանված պահանջների խախտումներ, ապա այդ խախտումների մասով տրամադրված փոխհատուցումը խախտումները հայտնաբերելու օրվան հաջորդող 10 աշխատանքային օրվա ընթացքում տնտեսավարողի կողմից վերադարձվում է նախարարության համապատասխան հաշվեհամարին՝ կիրառելով Կենտրոնական բանկի խորհրդի 2010 թվականի նոյեմբերի 9-ի N 283-Ն որոշումը։

Ձև N 1

ՀԱՄԱՁԱՅՆԱԳԻՐ N

ՖԵՐՄԵՐԱՅԻՆ ՏՆՏԵՍՈՒԹՅԱՆԸ ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՍՊԱՆԴԻ ԾԱՌԱՅՈՒԹՅԱՆ ՄԱՏՈՒՑՄԱՆ

Հայաստանի Հանրապետության էկոնոմիկայի նախարարությունը, ի դեմս նախարարության գլխավոր քարտուղար ...............................................-ի, որը գործում է Հայաստանի Հանրապետության էկոնոմիկայի նախարարության կանոնադրության հիման վրա, այսուհետ՝ «Պետական մարմին», մի կողմից, սպանդանոցի տեղակայման վայրի համայնքը, ի դեմս համայնքի աշխատակազմի ղեկավար ........................................................-ի, որը գործում է համայնքի կանոնադրության հիման վրա, այսուհետ՝ «Համայնք» և

...............................................................................-ն, ի դեմս ..............................................................,

որը գործում է կազմակերպության կանոնադրության հիման վրա, այսուհետ՝ «Կազմակերպություն», (այսուհետ միասին՝ կողմեր), հիմք ընդունելով Հայաստանի Հանրապետության կառավարության 2025 թվականի ................... .... -ի N ....... – Լ որոշմամբ (այսուհետ՝ որոշում) հաստատված Սպանդանոցների կողմից մատուցվող խոշոր եղջերավոր կենդանիների սպանդի ծառայության վճարի մասնակի փոխհատուցման ծրագիրը (այսուհետ՝ ծրագիր), կնքեցին սույն համաձայնագիրը (այսուհետ՝ համաձայնագիր) հետևյալի մասին.

1. ՀԱՄԱՁԱՅՆԱԳՐԻ ԱՌԱՐԿԱՆ

1.1 Որոշմամբ հաստատված ծրագրից օգտվելը և այդ նպատակով համագործակցելն է։

2. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱՎՈՐՈՒԹՅՈՒՆՆԵՐԸ

2.1 Կազմակերպությունը պարտավորվում է շահառուին մատուցված սպանդանոցային ծառայության դիմաց ծրագրով սահմանված փոխհատուցումն ստանալու համար դիմել՝ ծրագրով սահմանված պահանջներն ապահովելու դեպքում։

2.2 Կազմակերպությունը պարտավորվում է խոշոր եղջերավոր կենդանու սպանդի ծառայության մատուցման դիմաց գանձել սպանդանոցի կողմից սպանդի ծառայության մատուցման համար սահմանված վճարի և ծրագրով նախատեսված պետության կողմից տրամադրվող փոխհատուցման տարբերության չափով վճար և սպանդի ենթարկված խոշոր եղջերավոր կենդանու մսեղիքը և ենթամթերքը հանձնել խոշոր եղջերավոր կենդանին սպանդանոց տեղափոխող անձի տնօրինմանը։ Եթե խոշոր եղջերավոր կենդանին սպանդանոց տեղափոխող անձը չի համարվում խոշոր եղջերավոր կենդանու սեփականատերը, ապա տեղափոխող անձն իրեն հանձնված խոշոր եղջերավոր կենդանու մսեղիքը և ենթամթերքը փոխանցում է խոշոր եղջերավոր կենդանու սեփականատիրոջը։

2.3 Կազմակերպությունը պարտավորվում է իր կողմից սպանդի ծառայության մատուցման համար սահմանված ........ և բրուցելոզով հիվանդ կամ դրական հակազդած խոշոր եղջերավոր կենդանու սպանդի համար սահմանված ........ Հայաստանի Հանրապետության դրամ վճարները ծրագրի գործողության ժամանակահատվածում չավելացնել։

2.4 Կազմակերպությունը պարտավորվում է խոշոր եղջերավոր կենդանիների սպանդի մատուցված ծառայության վերաբերյալ լրացված ծրագրի N 4 ձևի հայտարարությունը պահանջել և ստանալ խոշոր եղջերավոր կենդանին սպանդանոց տեղափոխող անձից, ինչպես նաև անհրաժեշտության դեպքում վերջինիս աջակցել այն լրացնելու հարցում։

2.5 Կազմակերպությունը պարտավորվում է խոշոր եղջերավոր կենդանին սպանդանոց տեղափոխող անձից պահանջել և ստանալ N 1 ձևի անասնաբուժական վկայականի պատճենը կամ լուսապատճենը։

2.6 Կազմակերպությունը պարտավորվում է իր կողմից ներկայացված փաստաթղթերում ծրագրով սահմանված պահանջների խախտումներ հայտնաբերվելու դեպքում խախտումների մասով տրամադրված փոխհատուցումը խախտումները հայտնաբերելու օրվան հաջորդող 10 աշխատանքային օրվա ընթացքում վերադարձնել նախարարության համապատասխան հաշվեհամարին։

2.7 Համայնքը պարտավորվում է ընդունել կազմակերպությունների կողմից ներկայացված դիմումները, ծրագրով սահմանված պայմաններով և ժամկետներում կատարել դիմումների ուսումնասիրություն և պետական մարմին ներկայացնել ծրագրի N 5 ձևին համապատասխան եզրակացությունը։

2.8 Համայնքը պարտավորվում է իրականացնել ծրագրի մոնիթորինգ և կազմված արձանագրություններն ամսական պարբերականությամբ՝ մինչև տվյալ ամսվան հաջորդող ամսվա 25-ը ներկայացնել պետական մարմին։

2.9 Պետական մարմինը պարտավորվում է կազմակերպության կողմից սույն համաձայնագրի 1․2-րդ կետում նշված պահանջների ապահովման դեպքում սահմանված կարգով տրամադրել համապատասխան փոխհատուցումը։

3. ԱՅԼ ՊԱՅՄԱՆՆԵՐ

3.1 Համաձայնագիրն ուժի մեջ է մտնում կողմերի ստորագրման պահից և գործում է մինչև ծրագրի 3-րդ կետով սահմանված ժամկետում խոշոր եղջերավոր կենդանին սպանդանոց տեղափոխող անձի համար սպանդի ծառայության մատուցման դիմաց ծրագրով սահմանված պահանջներին համապատասխան փոխհատուցման տրամադրումը:

3.2 Համաձայնագրի կապակցությամբ ծագած վեճերը լուծվում են բանակցությունների միջոցով: Համաձայնություն ձեռք չբերելու դեպքում վեճերը լուծվում են դատական կարգով․

3.3 Համաձայնագիրը կնքված է հայերեն լեզվով, երեք օրինակից և երեք էջից, որոնք ունեն հավասարազոր իրավաբանական ուժ: Յուրաքանչյուր կողմին տրվում է մեկական օրինակ:

4. ԿՈՂՄԵՐԻ ՀԱՍՑԵՆԵՐԸ, ԲԱՆԿԱՅԻՆ ՎԱՎԵՐԱՊԱՅՄԱՆՆԵՐԸ ԵՎ ՍՏՈՐԱԳՐՈՒԹՅՈՒՆՆԵՐԸ

Ձև N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ........................... ՄԱՐԶԻ .............................

ՀԱՄԱՅՆՔԻ ՂԵԿԱՎԱՐԻՆ

……………………………………………………………………………...............…………………………....-ԻՑ

(նշել կազմակերպության անվանումը կամ անհատ ձեռնարկատիրոջ անունը, ազգանունը, ՀՎՀՀ-ն, հեռախոսահամարը և էլեկտրոնային փոստի հասցեն)

Դ Ի Մ ՈՒ Մ

ՍՊԱՆԴԱՆՈՑՆԵՐԻ ԿՈՂՄԻՑ ՄԱՏՈՒՑՎՈՂ ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՍՊԱՆԴԻ ԾԱՌԱՅՈՒԹՅԱՆ ՎՃԱՐԻ ՄԱՍՆԱԿԻ ՓՈԽՀԱՏՈՒՑՄԱՆ

ԾՐԱԳՐԻՑ ՕԳՏՎԵԼՈՒ ՄԱՍԻՆ

Խնդրում եմ ............................................................................………………………………....-ի

(նշել կազմակերպության անվանումը կամ անհատ ձեռնարկատիրոջ անունը, ազգանունը)

կողմից 202... թվականի .....................-ին խոշոր եղջերավոր կենդանիների սպանդանոց

տեղափոխող անձանց համար մատուցված սպանդի ծառայության՝ ծրագրի ընթացակարգի հիման վրա հաշվարկված

.............................(.....................................) դրամ

փոխհատուցումը փոխանցել .............................................................................-ի

(նշել կազմակերպության անվանումը կամ անհատ ձեռնարկատիրոջ անունը, ազգանունը)

..................................................... գործող N ……………………………. հաշվեհամարին։

(նշել ֆինանսական կազմակերպության անվանումը)

Առդիր՝ .... էջ։

Ստորագրող

..................................

(ստորագրությունը)

..... ..................... 202.... թ.

Կ.Տ.

Ձև N 3

ՏԵՂԵԿԱՆՔ

............... ԱՄՍՎԱ ԸՆԹԱՑՔՈՒՄ ...................................................... ..... ..... -ի

ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՍՊԱՆԴԱՆՈՑ ՏԵՂԱՓՈԽՈՂ ԱՆՁԱՆՑ, ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՏՎՅԱԼՆԵՐԻ ԵՎ ՍՊԱՆԴԻ ԾԱՌԱՅՈՒԹՅԱՆ ՄԱՏՈՒՑՄԱՆ ՎԵՐԱԲԵՐՅԱԼ

Ձև N 4

Հ Ա Յ Տ Ա Ր Ա Ր ՈՒ Թ Յ ՈՒ Ն

...........................................․...........................................................................................

(նշել խոշոր եղջերավոր կենդանին սպանդանոց տեղափոխող անձի անունը, ազգանունը, հայրանունը կամ կազմակերպության անվանումը կամ

անհատ ձեռնարկատիրոջ անունը, ազգանունը, ՀՎՀՀ-ն և հեռախոսահամարը)

սույն հայտարարությամբ հավաստում եմ, որ սեփականության իրավունքով ինձ պատկանող

կամ ................................................................................................................................-ի

(նշել սեփականատիրոջ անունը, ազգանունը, հայրանունը, անձնագրի համարը կամ նույնականացման քարտի համարը)

կողմից ինձ փոխանցված

............................................................................................................................................

(նշել խոշոր եղջերավոր կենդանու նույնականացման անհատական համարը)

............................................................................................................................................

(նշել խոշոր եղջերավոր կենդանու նույնականացման անհատական համարը)

............................................................................................................................................

(նշել խոշոր եղջերավոր կենդանու նույնականացման անհատական համարը)

............................................................................................................................................

(նշել խոշոր եղջերավոր կենդանու նույնականացման անհատական համարը)

նույնականացման համարներով ............... խոշոր եղջերավոր կենդանիներն սպանդի են

(նշել սպանդի ենթարկված խոշոր եղջերավոր կենդանու (ների) թիվը)

ենթարկվել .........................................................................................................................-ի

(նշել սպանդի ծառայություն մատուցած կազմակերպության անվանումը կամ անհատ ձեռնարկատիրոջ անունը, ազգանունը և գործունեության

իրականացման հասցեն)

կողմից ընդամենը .................................. Հայաստանի Հանրապետության դրամ արժեքով, իսկ սպանդից ստացված մսեղիքն ու ենթամթերքն ամբողջությամբ տրամադրվել է ինձ՝ սեփականատիրոջը փոխանցելու նպատակով։

(ընդգծել այն հատվածը, որին համապատասխանում է հայտարարատուն)

Գիտակցում եմ, որ կեղծ կամ ոչ ամբողջական տեղեկատվություն (տվյալ) ներկայացնելը հանգեցնում է օրենքով սահմանված պատասխանատվության:

Ստորագրող՝

(ստորագրությունը)

..... ..................... 20.....թ.

Կ.Տ*.

* -կնքվում է, եթե խոշոր եղջերավոր կենդանին սպանդանոց տեղափոխող անձը կազմակերպություն է կամ անհատ ձեռնարկատեր։

Ձև N 5

Ե Զ Ր Ա Կ Ա Ց ՈՒ Թ Յ ՈՒ Ն N _ _

.......................................………………………… ....-Ի ԿՈՂՄԻՑ 202... ԹՎԱԿԱՆԻ

.............. ԱՄՍԻՆ ՍՊԱՆԴԱՆՈՑՆԵՐԻ ԿՈՂՄԻՑ ՄԱՏՈՒՑՎՈՂ ԽՈՇՈՐ ԵՂՋԵՐԱՎՈՐ ԿԵՆԴԱՆԻՆԵՐԻ ՍՊԱՆԴԻ ԾԱՌԱՅՈՒԹՅԱՆ ՎՃԱՐԻ ՄԱՍՆԱԿԻ ՓՈԽՀԱՏՈՒՑՄԱՆ ԾՐԱԳՐԻ ԸՆԹԱՑԱԿԱՐԳԻ ՀԻՄԱՆ ՎՐԱ ՀԱՇՎԱՐԿՎԱԾ ՉԱՓՈՎ ՓՈԽՀԱՏՈՒՑՈՒՄ ՏՐԱՄԱԴՐԵԼՈՒ ՄԱՍԻՆ

.................... մարզի ................ համայնքի ղեկավարին ներկայացված 202... թվականի

......................... -ի N ….…................ դիմումի համաձայն .........................................................- ի

(ՀՎՀՀ` ....................) կողմից 202... թվականի ............................. ամսվա ընթացքում ծրագրի շրջանակներում կատարվել է ............ գլուխ խոշոր եղջերավոր կենդանու սպանդ և

(նշել սպանդի ենթարկված խոշոր եղջերավոր կենդանու (ների) թիվը)

ծրագրի ընթացակարգի հիման վրա հաշվարկված սպանդի ծառայության արժեքի պետության կողմից փոխհատուցման ենթակա գումարը կազմում է

................................(.....................................) դրամ, որը ենթակա է վճարման

............................................................................................................................................-ի

(նշել կազմակերպության կամ անհատ ձեռնարկատիրոջ անվանումը)

...........................................................-ում գործող N ……………………………. հաշվեհամարին։

........ ......................... 202...թ.

(հավելվածը լրաց. 08.05.25 N 569-Լ)