ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով` Հայաստանի Հանրապետության կենտրոնական ընտրական հանձնաժողովը

1. Հայաստանի Հանրապետության կենտրոնական ընտրական հանձնաժողովի 2017 թվականի հունիսի 11-ի «Տեխնիկական սարքավորումը սպասարկող մասնագետների ընտրության, դիմումների ներկայացման, ուսուցման և մասնագիտական գիտելիքների ու աշխատանքային ունակությունների ստուգման կարգը սահմանելու մասին» N 5-Ն որոշման (այսուհետ՝ Որոշում) «Ղեկավարվելով Հայաստանի Հանրապետության ընտրական օրենսգրքի 60-րդ հոդվածի 3-րդ մասով» բառերը փոխարինել «Ղեկավարվելով «Հայաստանի Հանրապետության ընտրական օրենսգիրք» Հայաստանի Հանրապետության սահմանադրական օրենքի 60-րդ հոդվածի 3-րդ մասով» բառերով:

2. Որոշման 1-ին կետով սահմանված հավելվածի.

1) 2-րդ կետը լրացնել հետևյալ բովանդակությամբ նոր պարբերությամբ.

«Տեխնիկական սարքավորումը սպասարկող մասնագետի անհամատեղելիության պայմանները կարող սահմանվել բացառապես «Հայաստանի Հանրապետության ընտրական օրենսգիրք» Հայաստանի Հանրապետության սահմանադրական օրենքով (այսուհետ՝ Ընտրական օրենսգիրք)։ Տեխնիկական սարքավորումն սպասարկող մասնագետի կարգավիճակը չի հանդիսանում այլ օրենքներով և իրավական ակտերով նախատեսված անհամատեղելիության պահանջների խախտում:»:,

2) 3-րդ կետը շարադրել նոր խմբագրությամբ.

«3. Կենտրոնական ընտրական հանձնաժողովը մասնագետների թեկնածուներին ընտրելու համար հանձնաժողովի համացանցային կայքում հայտարարություն է տեղադրում դիմումների ներկայացման ժամկետների և մասնագետին ներկայացվող պահանջների մասին:»:

3) 8-րդ կետը շարադրել նոր խմբագրությամբ.

«8. Կենտրոնական ընտրական հանձնաժողովը կարող է կազմակերպել և անցկացնել լրացուցիչ ուսուցում:

Հայաստանի Հանրապետության ներքին գործերի նախարարության փրկարար ծառայության (այդ թվում առանձնացված ստորաբաժանումների) ծառայողների հետ Կենտրոնական ընտրական հանձնաժողովը կարող է կազմակերպել և անցկացնել լրացուցիչ ուսուցում և սույն կարգով սահմանված կարգի համաձայն շնորհել մասնագետի որակավորում: Փրկարար ծառայության՝ մասնագետի որակավորում ստացած, ծառայողները քվեարկության նախորդ օրը և(կամ) քվեարկության օրը մասնագետին փոխարինելու անհրաժեշտություն առաջանալու դեպքում կապահովեն տեխնիկական սարքավորման աշխատանքը համապատասխան ընտրական տեղամասում:»,

4) 13-րդ կետում «անձնագրի կամ անձը հաստատող այլ փաստաթղթի» բառերը փոխարինել « անձը հաստատող փաստաթղթի» բառերով,

5) 15-րդ կետը շարադրել նոր խմբագրությամբ.

«15. Ստուգարքը գնահատվում է առավելագույնը 15 միավոր:

Տեխնիկական սարքավորումների միացումները և քվեարկության նախորդ օրվա գործառույթները ճիշտ իրականացնելու համար տրվում է առավելագույնը 2 միավոր, քվեարկության օրը մինչև 8:00-ն գործառույթները ճիշտ իրականացնելու և գրանցված ընտրողների բացակայության մասին տեղեկանքի տպագրման առաջադրանքը կատարելու համար՝ առավելագույնը 2 միավոր, թեստային առաջադրանքների համար՝ առավելագույնը 10 միավոր, քվեարկությանը մասնակցած անձանց վերաբերյալ տեղեկանքի տպագրման առաջադրանքը կատարելու համար՝ 1 միավոր:

Գնահատման համար հաշվի է առնվում նաև ստուգարքի ժամանակ իրականացվող առաջադրանքների կատարման արագությունը:»,

6) 17-րդ կետում «Մասնագետի» բառը փոխարինել «Կենտրոնական ընտրական հանձնաժողովի «Մասնագետների ռեեստրի վարման համակարգ»-ից ստացած՝ մասնագետի» բառերով, իսկ «տարածքային» բառը՝ «ընտրատարածքային» բառով,

7) 18-րդ կետը շարադրել նոր խմբագրությամբ.

«18. Ընտրատարածքային ընտրական հանձնաժողովը յուրաքանչյուր ընտրության ժամանակ ոչ ուշ, քան քվեարկության օրվանից 20 օր առաջ Կենտրոնական ընտրական հանձնաժողովի «Մասնագետների ռեեստրի վարման համակարգ»-ով ընտրում է մասնագետներին, որոնք սպասարկելու են տեխնիկական սարքավորումներն այն համայնքի ընտրական տեղամասում, որ համայնքը նշվել է տվյալ անձի կողմից դիմումն առցանց լրացնելիս: Ընտրված անձի համաձայնությամբ տվյալ անձը կարող է նշանակվել այլ համայնքում:

Կենտրոնական ընտրական հանձնաժողովի «Մասնագետների ռեեստրի վարման համակարգ»-ի միջոցով ընտրված և համապատասխան տեղամասային ընտրական հանձնաժողովում որպես տեխնիկական սարքավորումը սպասարկող մասնագետ ընտրվելու դեպքում՝ քվեարկության օրվանից ոչ ուշ, քան 5 օր առաջ, բացառությամբ սույն կարգի 19-րդ կետով սահմանված դեպքի, ընտրված անձի հետ կնքվում է պայմանագիր և նրան տրվում է Կենտրոնական ընտրական հանձնաժողովի կողմից սահմանած նմուշի վկայական:»,

8) 19-րդ և 20-րդ կետերում «տարածքային» բառը փոխարինել «ընտրատարածքային» բառով:

3․ Սույն որոշումն ուժի մեջ է մտնում 2025 թվականի ապրիլի 1-ից։

Պաշտոնական հրապարակման օրը՝ 31 մարտի 2025 թվական: