ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԳԵՂԱՐՔՈՒՆԻՔԻ ՄԱՐԶ

ՍԵՎԱՆ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

17 դեկտեմբերի 2024 թվականի N 170-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՍԵՎԱՆ ՀԱՄԱՅՆՔԻ 2025 ԹՎԱԿԱՆԻ ԲՅՈՒՋԵՆ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով, «Հայաստանի Հանրապետության բյուջետային համակարգի մասին» օրենքի 31-րդ, 32-րդ հոդվածներով, 33-րդ հոդվածի 3-րդ մասով`

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1. Հաստատել Հայաստանի Հանրապետության Գեղարքունիքի մարզի Սևան համայնքի 2025 թվականի բյուջեն` համաձայն 1-6 հավելվածների։

1) Վարչական բյուջեի եկամուտները՝ 2169097.3 հազար դրամ

2) Վարչական բյուջեի ծախսերը՝ 2169097.3 հազար դրամ

3) Վարչական բյուջեի հավելուրդը /պակասորդը/` 0,0 հազար դրամ

4) Վարչական բյուջեի պահուստային ֆոնդից հատկացում ֆոնդային բյուջե`  610000.0 հազար դրամ

5) Ֆոնդային բյուջեի եկամուտները՝ 141000.0 հազար դրամ

6) Ֆոնդային բյուջեի ծախսերը՝ 141000.0 հազար դրամ

7) Ֆոնդային բյուջեի հավելուրդը /պակասորդը/` հազար դրամ

2. Հաստատել Սևան համայնքի բյուջեի եկամուտները՝ համաձայն հավելված 1-ի:

3. Հաստատել Սևան համայնքի բյուջեի ծախսերը՝ ըստ բյուջետային ծախսերի գործառական դասակարգման՝ համաձայն հավելված 2-ի:

4. Հաստատել Սևան համայնքի բյուջեի ծախսերը՝ ըստ բյուջետային ծախսերի տնտեսագիտական դասակարգման՝ համաձայն հավելված 3-ի:

5. Հաստատել համայնքի բյուջեի միջոցների տարեվերջի հավելուրդը կամ դեֆիցիտը /պակասուրդը/` համաձայն հավելված 4-ի:

6. Հաստատել համայնքի բյուջեի հավելուրդի օգտագործման ուղղությունները կամ դեֆիցիտի /պակասուրդի/ ֆինանսավորման աղբյուրները` համաձայն հավելված 5-ի:

7. Հաստատել համայնքի բյուջեի ծախսերը՝ ըստ բյուջետային ծախսերի գործառական և տնտեսագիտական դասակարգման՝ համաձայն հավելված 6-ի:

8. Սահմանել, որ ծախսերի ֆինանսավորումը կատարվում է ստացված փաստացի մուտքերի սահմաններում՝ պահպանելով ծախսերի համամասնությունները:

9. Սույն որոշումը ուժի մեջ է մտնում պաշտոնական հրապարակմանը հաջորդող օրվանից և դրա գործողությունը տարածվում է 2025 թվականի հունվարի 1-ից ծագող հարաբերությունների վրա։

ՍԵՎԱՆ ՀԱՄԱՅՆՔԻ ՂԵԿԱՎԱՐԻ ԲՅՈՒՋԵՏԱՅԻՆ ՈՒՂԵՐՁԸ

ՀՀ Գեղարքունիքի մարզի Սևան համայնքի բյուջեի նախագիծը մշակվել է համայնքի 2023-2027 թվականների 5-ամյա զարգացման ծրագրի և 2025-2027 թվականների միջնաժամկետ ծախսային ծրագրերի հիման վրա ՝ հաշվի առնելով Սևան համայնքում ընդգրկված բնակավայրերի առանձնահատկությունները, առկա խնդիրները։

Սևան միավորված համայնքում ներառված բնակավայրերը իրենց աշխարհագրական դիրքով , մարդկային և բնական ռեսուրսներով, արդեն իսկ միավորված համայնքի կողմից իրականացված ծրագրերով , ստեղծած ավանդույթներով, նախանշում են աշխատանքների ուղղությունները, ինչպես նաև ըստ բնակավայրերի նոր ծրագրերի իրականացման անհրաժեշտությունը։

Բյուջեն պլանավորվել է համայնքի ֆինանսական վիճակը բարելավելու մտայնությամբ՝ ճշտելով սեփական եկամուտների պլանային ցուցանիշները, առանցքում ունենալով բնակավայրերի համաչափ և կայուն զարգացումը։ Բյուջեի կազմման հիմքում համայնքի զարգացման շարունակականության ապահովումն է, համայնքային ոչ առևտրային կազմակերպությունների բնականոն աշխատանքը, ինչպես նաև գլխավոր հատակագծին համապատասխան քաղաքաշինական ծրագրերի, ընթացիկ և սուբվենցիոն ծրագրերի իրականացումը։

Սևան համայնքի 2025 թվականի բյուջեի եկամուտների և ծախսերի ընդհանուր գումարը կազմել է 3 269 097,3 հազ. դրամ, այդ թվում 2 169 097,3 հազար դրամ համայնքի բյուջեի վարչական մաս և 141 000.0 հազ. դրամ համայնքի բյուջեի ֆոնդային մաս, դեֆիցիտը /պակասուրդը/ 0.0 մլն. դրամ: Սևան համայնքի 2025 թվականի բյուջեի վարչական մասի կանխատեսված եկամուտների ընդհանուր գումարը ծրագրվել է 2 169 097,3 հազ դրամ՝ գերազանցելով նախորդ տարվա՝ 2024թ-ի պլանավորված /ճշտված/՝ 1 919 000,0 ճշտված բյուջեն՝ 250 097,3 հազար դրամի չափով։

Նախագծով նախատեսված եկամուտների ընդհանուր ծավալում սեփական ճշտված եկամուտները կազմում են 563 600.0 հազար դրամ, որը գերազանցելու է 2024թ-ի ճշտված պլանը / 559 000,0 հազ․դրամ/ 4 600,0 հազար դրամի չափով։

Սևան համայնքի 2025 թվականի վարչական բյուջեի նախագծով ծախսերի ծավալը ծրագրվել է 3 269 097,3 հազար դրամի չափով։ Ծախսերի 2 169 097,3 հազար դրամը բաժին է ընկնում ընթացիկ ծախսերին /վարչական բյուջե/։

141 000.0 հազար դրամը կապիտալ ծախսերին (ֆոնդային բյուջե), իսկ ոչ ֆինանսական ակտիվների իրացումից մուտքերի գումարը կազմում է 300 000 հազար դրամ, դեֆիցիտը 0.0 դրամ։

Նախագծով առաջարկվող բյուջետային ընթացիկ ծախսերում 24,7 %-ը կամ 537497,3 հազար դրամը բաժին է ընկել «Ընդհանուր բնույթի հանրային ծառայություններ» ոլորտին, «Շրջակա միջավայրի պաշտպանություն» ոլորտին ՝ 18,4 %-ը կամ 400000.0 հազար դրամ, «Հանգիստ, մշակույթ և կրոն» ոլորտին 3,5 %-ը կամ 74100.0 հազար դրամ, «Կրթություն» ոլորտին 23 %-ը կամ 499000.0 հազար դրամը, «Սոցիալական պաշտպանություն» ոլորտին 1.1 %-ը կամ 26000.0 հազար դրամ։ «Հիմնական բաժիներին չդասվող պահուստային ֆոնդեր» ոլորտին 28,1 %-ը կամ 610 000,0 հազար դրամ։ Պահուստային ֆոնդը նախատեսվել է վարչական բյուջեի եկամուտների 28,1 %-ի չափով՝ ապահովելով «Հայաստանի Հանրապետության բյուջետային համակարգի մասին» օրենքի 29-րդ հոդվածի պահանջները /ընդ որում 2024թ-ին վարչական բյուջեի պահուստային ֆոնդից հատկացումը ֆոնդային բյուջե 20 տոկոսից հասցվել է 30 տոկոսի/։

Ես դիմում եմ Սևան համայնքի ավագանու անդամներին, համայնքային ոչ առևտրային կազմակերպություններին, համայնքապետարանի և վարչական բնակավայրերի ղեկավարներին ու աշխատակազմերին՝ ամենօրյա համայնքապահպան աշխատանքի և նպատակասլաց գործունեության շնորհիվ , կյանքի կոչել Սևան համայնքի 2025 թ․ բյուջեում նախանշված ծրագրերի իրականացման անհրաժեշտությունը։

(հավելվածները փոփ. 12.02.25 N 2-Ն)

Պաշտոնական հրապարակման օրը՝ 11 մարտի 2025 թվական: