ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

1 փետրվարի 1989 թ. N 47

Քաղ. Երևան

Հայկական ՍՍՀ պետագրոարդի կառավարման կազմակերպման կառուցվածքի կատարելագործման, XIX համամիութենական կուսակցական կոնֆերանսի որոշումների լույսի ներքո տնտեսավարման նոր տնտեսական մեթոդների արդյունավետ զուգակցական նպատակով և ի կատարումն Հայաստանի կոմկուսի Կենտկոմի ու Հայկական ՍՍՀ Մինիստրների խորհրդի 1988 թ. հուլիսի 26-ի N 414 որոշման Հայկական ՍՍՀ Մինիստրների խորհուրդը որոշում է.

1. Ընդունել Հայկական ՍՍՀ պետագրոարդի և թույլատրել նրան`

լուծարված Հայկական ՍՍՀ ձկնային տնտեսության պետական կոմիտեի` Հայկական ՍՍՀ պետագրոարդին հանձնված ձեռնարկությունների և կազմակերպությունների բազայի վրա ստեղծել ձկնային տնտեսության «Հայձուկ» գիտաարտադրական միավորումը.

ստեղծել «Հայագրոարդշին» պետական-կոոպերատիվ շինարարական միավորումը.

լուծարվող նյութատեխնիկական մատակարարման և վաճառքի գլխավոր վարչության, մեքենայացման և էլեկտրիֆիկացման գլխավոր վարչության ու «Հայգյուղտնտքիմիա» հանրապետական գիտաարտադրական միավորման բազայի վրա ստեղծել ագրոարդյունաբերական համալիրի մեքենայացման, էլեկտրիֆիկացման, քիմիացման և նյութատեխնիկական ապահովման «Հայագրոսերվիս» արտադրական միավորումը.

շրջանային ագրոարդյունաբերական բոլոր միավորումներում միավորել մեքենայացման ու էլեկտրիֆիկացման ձեռնարկությունները, նյութատեխնիկական մատակարարման շրջգյուղտնտքիմիայի բազաները, դրանց բազայի վրա ստեղծելով շրջանային ագրոսերվիսներ:

2. Սահմանել Հայկական ՍՍՀ պետագրոարդի կենտրոնական ապարատի աշխատողների առավելագույն թվաքանակը 400 միավոր (առանց շենքերի պահպանման ու սպասարկման անձնակազմի), հաշվի առնելով նրա ապարատի աշխատողների թվաքանակի 50 տոկոսով կրճատումը:

3. Թույլատրել Հայկական ՍՍՀ պետագրոարդին ունենալ նախագահի 10 տեղակալ, այդ թվում նախագահի երկու առաջին տեղակալ` Հայկական ՍՍՀ մինիստրներ, կոլեգիա և կոմիտե` համապատասխանաբար 17 և 55 մարդու կազմով:

Սահմանել, որ ագրոարդյունաբերական համալիրի տնտեսական ու սոցիալական զարգացման գլխավոր վարչությունը, բուսաբուծության գիտական համակարգերի գլխավոր վարչությունը, անասնապահության գիտական համակարգերի և մսակաթնամթերքների վերամշակման գլխավոր վարչությունը, սննդի արդյունաբերության գլխավոր վարչությունը, պտղաբանջարեղենային արտադրանքի ու կարտոֆիլի մթերման, պահման, առևտրի և մատակարարման գլխավոր վարչությունը, կադրերի, արտաքին կապերի և պրոֆտեխկրթության գլխավոր վարչությունը, ագրոարդյունաբերական համալիրի գիտական ապահովման հանրապետական կենտրոնը, ագրոարդյունաբերական համալիրի մեքենայացման, էլեկտրիֆիկացման, քիմիացման և նյութատեխնիկական ապահովման «Հայագրոսերվիս» արտադրական միավորումը գլխավորում են կոմիտեի նախագահի տեղակալները, որոնք միաժամանակ հանդիսանում են այդ ստորաբաժանումների պետերը:

4. Հաստատել Հայկական ՍՍՀ պետագրոարդի կենտրոնական ապարատի կառուցվածքը, համաձայն հավելվածի:

5. Հայկական ՍՍՀ պետագրոարդին`

ա) միջոցառումներ իրականացնել պարենային ծրագրի կատարման հիմնական պրոբլեմների լուծումն արագացնելու ուղղությամբ, ապահովել արտադրատնտեսական պոտենցիալի արդյունավետ օգտագործումը.

բ) լայնորեն տարածել տնտեսավարման նոր մեթոդները, ամենուրեք ներդնել անհատական, ընտանեկան և կոլեկտիվ վարձակալական կապալները, միջոցներ ձեռնարկել գյուղի սոցիալական զարգացումն արագացնելու համար.

գ) ամենակարճ ժամկետում ավարտել կառավարման կազմակերպական կառուցվածքների վերանայումը տարերային աղետի հետևանքով ստեղծված իրադրությանը լրիվ համապատասխան և ապահովել բոլոր օղակների կայուն գործելը ինչպես կենտրոնական ապարատում, այնպես էլ ամբողջ համակարգում.

դ) երկամսյա ժամկետում վերանայել Հայկական ՍՍՀ պետագրոարդի կանոնադրությունը և ՍՍՀՄ պետագրոարդի հետ համաձայնեցնելով քննարկման ներկայացնել Հայկական ՍՍՀ Մինիստրների խորհուրդ:

ՀԱՅԿԱԿԱՆ ՍՍՀ ՊԵՏԱԳՐՈԱՐԴԻ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԸ

Ագրոարդյունաբերական համալիրի տնտեսական ու սոցիալական զարգացման գլխավոր վարչություն

Կապիտալ շինարարության և վերանորոգման գլխավոր վարչություն

Բուսաբուծության գիտական համակարգերի գլխավոր վարչություն

Անասնապահության գիտական համակարգերի և մսակաթնամթերքների վերամշակման գլխավոր վարչություն

Սննդի արդյունաբերության գլխավոր վարչություն

Պտղաբանջարեղենային արտադրանքի և կարտոֆիլի մթերման, պահման, առևտրի ու մատակարարման գլխավոր վարչություն

Կադրերի, արտաքին կապերի և պրոֆտեխկրթության գլխավոր վարչություն

Գիտատեխնիկական առաջընթացի վարչություն

Բնակարանային-կոմունալ տնտեսության վարչություն

Կոլտնտեսությունների և միջտնտեսային ձեռնարկությունների վարչություն

Պետտեխհսկողության վարչություն

Անասնաբուժության վարչություն պետական անասնաբուժական վարչության հետ միասին

Անձնական օժանդակ տնտեսությունների, կոոպերատիվների, օժանդակ ձեռնարկությունների և կոլեկտիվ այգեգործության վարչություն

Մթերումների և արտադրանքի որակի, սանիտարիայի ու չափաբանության պետական տեսչություն (վարչություն)

Իրավաբանական վարչություն արբիտրաժի հետ միասին

Առաջին բաժին

Երկրորդ բաժին

Գործերի կառավարչություն

Գիտատեխնիկական խորհուրդ

Հայկական ՍՍՀ պետագրոարդի նախագահին առընթեր վերահսկողության տեսչություն (բաժին)