ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

ԱՊՐԱՆՔՆԵՐԻ ՀԱՅՏԱՐԱՐԱԳՐԻ ԼՐԱՑՄԱՆ ԿԱՐԳՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 105-րդ հոդվածի 5-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2010 թվականի մայիսի 20-ի թիվ 257 որոշմամբ հաստատված՝ ապրանքների հայտարարագրի լրացման կարգում կատարել հետևյալ փոփոխությունները՝

ա) 6-րդ կետի վեցերորդ պարբերությունը շարադրել հետևյալ խմբագրությամբ՝

«Մտավոր սեփականության օբյեկտներ պարունակող ապրանքները, որոնք ներառված են Միության այն անդամ պետության մտավոր սեփականության օբյեկտների ազգային մաքսային ռեեստրում (այսուհետ՝ մտավոր սեփականության օբյեկտների մաքսային ռեեստր), որտեղ այդ ապրանքները ձևակերպվում են մաքսային ընթացակարգով, և (կամ) Միության անդամ պետությունների մտավոր սեփականության օբյեկտների միասնական մաքսային ռեեստրում, հայտարարագրվում են նշված ռեեստրում (ռեեստրներում) ներառված մտավոր սեփականության օբյեկտներ չպարունակող ապրանքներից առանձին։»․

բ) 15-րդ կետում՝

29-րդ ենթակետի յոթերորդ պարբերությունը (աղյուսակից հետո) շարադրել հետևյալ խմբագրությամբ՝

«մտավոր սեփականության օբյեկտների մաքսային ռեեստրում և (կամ) Միության անդամ պետությունների մտավոր սեփականության օբյեկտների միասնական մաքսային ռեեստրում ներառված՝ մտավոր սեփականության օբյեկտներ պարունակող ապրանքների հայտարարագրման ժամանակ լրացուցիչ նշվում է (առկայության դեպքում) մտավոր սեփականության օբյեկտի գրանցման համարը (համարները)՝ այդ ռեեստրին (ռեեստրներին) համապատասխան։ Էլեկտրոնային փաստաթղթի տեսքով ԱՀ-ն ներկայացնելու դեպքում մի քանի գրանցման համարների նշումն իրականացվում է ԱՀ-ի կառուցվածքի համապատասխան վավերապայմանները լրացնելու միջոցով, իսկ թղթային կրիչով փաստաթղթի տեսքով ԱՀ-ն ներկայացնելու դեպքում՝ ստորակետ դնելու միջոցով։»

31-րդ ենթակետի յոթերորդ պարբերությունը (աղյուսակից հետո) շարադրել հետևյալ խմբագրությամբ՝

«ծածկագիրը՝ մտավոր սեփականության օբյեկտների մասին տեղեկությունների դասակարգչին համապատասխան․»։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո, բայց 2023 թվականի հոկտեմբերի 1-ից ոչ շուտ։

Պաշտոնական հրապարակման օրը՝ 10 հունվարի 2024 թվական: