7. Ֆինանսական միջոցների ստացումը և օգտագործումը ուսումնական հաստատությունում

ՀՐԱՀԱՆԳ

«ԵՐԱԺՇՏԱԿԱՆ, ԳԵՂԱՐՎԵՍՏԻ, ԱՐՎԵՍՏԻ ԴՊՐՈՑՆԵՐԻ, ՄԱՆԿԱՊԱՏԱՆԵԿԱՆ ՍՏԵՂԾԱԳՈՐԾԱԿԱՆ ԿԵՆՏՐՈՆՆԵՐԻ ՄԱՍԻՆ» ՁԵՎ 1-ԵԳԱԴ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով կարգավորում են «Երաժշտական, գեղարվեստի, արվեստի դպրոցների, մանկապատանեկան ստեղծագործական կենտրոնների մասին» Ձև 1-ԵԳԱԴ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը կազմում են երաժշտական, գեղարվեստի, արվեստի դպրոցներն և մանկապատանեկան ստեղծագործական կենտրոնները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանի նոյեմբերի 5-ը:

4. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

5. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն «Տնտեսական գործունեության տեսակների դասակարգչի» 5-նիշ խմբավորման:

II. ՈՒՍՈՒՑԻՉՆԵՐԻ ԹՎԱՔԱՆԱԿՆ ԸՍՏ ՄԱՍՆԱԳԻՏՈՒԹՅՈՒՆՆԵՐԻ

6. Սյունակ 1-ում լրացվում է ուսուցիչների մասնագիտությունների անվանումը:

7. Ուսուցիչների ընդհանուր թվաքանակը լրացվում է սյունակ 2-ում, որից սյունակ 3-ում առանձնացվում է կանանց թվաքանակը:

8. Ուսուցիչների ընդհանուր թվաքանակից առանձնացվում են հիմնական հաստիքով աշխատող ուսուցիչների թվաքանակը (սյունակ 4), որից սյունակ 5-ում առանձնացվում է կանանց թվաքանակը, իսկ բարձրագույն և միջին մասնագիտական կրթություն ունեցող ուսուցիչների թվաքանակները լրացվում են համապատասխանաբար սյունակներ 6-ում և 8-ում:

III. ԱՇԱԿԵՐՏՆԵՐԻ ԹՎԱՔԱՆԱԿԸ

9. Դասարանների կամ բաժանմունքների անվանումները լրացվում են սյունակ 2-ի տողեր 201-224-ում:

10. Աշակերտների ընդհանուր թվաքանակը լրացվում է 225 տողում, որից առանձնացվում են տեղափոխվածները (տող 226), ավարտական դասարաններում մնացածները (տող 227) և մաղվածները (տող 228):

11. Պետպատվերով սովորողների ընդհանուր թվաքանակը լրացվում է սյունակ 3-ում, որից աղջիկներինը` սյունակ 4-ում: Աշակերտների ընդհանուր թվաքանակից առանձնացվում է ավարտական դասարաններում սովորողների ընդհանուր թվաքանակը (սյունակ 5), նրանցից աղջիկներինը` սյունակ 6-ում: Նույն սկզբունքով լրացվում են 7-10 սյունակները վճարովի հիմունքով սովորողների համար:

12. Մրցույթների, փառատոների մասնակիցների ընդհանուր թվաքանակը լրացվում է սյունակ 11-ում, որից աղջիկներինը` սյունակ 12-ում, իսկ սյունակ 13-ում լրացվում է մրցանակակիրների թվաքանակը, որից աղջիկներինը` սյունակ 14-ում:

IV. ԱՇԱԿԵՐՏՆԵՐԻ ԹՎԱՔԱՆԱԿԻ ԲԱՇԽՎԱԾՈՒԹՅՈՒՆՆ ԸՍՏ ՍԵՌԱՏԱՐԻՔԱՅԻՆ ԿԱԶՄԻ

13. Այս բաժնում լրացվում է աշակերտների թվաքանակի սեռատարիքային բաշխվածությունն ըստ դասարանների:

V. ԱՇԱԿԵՐՏՆԵՐԻ ԹՎԱՔԱՆԱԿԻ ԲԱՇԽՎԱԾՈՒԹՅՈՒՆՆ ԸՍՏ ՈՒՍՄԱՆ ԴԻՄԱՑ ՎՃԱՐԱՉԱՓԻ

14. Սյունակ 3-ում լրացվում բերվում է ուսման դիմաց վճարողների ընդհանուր թվաքանակը (տող 401), նրանցից աղջիկներինը` տող 402-ում:

15. Սյունակներ 4-7-ում լրացվում է աշակերտների թվաքանակն ըստ համապատասխան վճարաչափերի:

VI. ԱՇԱԿԵՐՏՆԵՐԻ ԹՎԱՔԱՆԱԿԻ ԲԱՇԽՎԱԾՈՒԹՅՈՒՆՆ ԸՍՏ ԿՐԹԱԹՈՇԱԿԻ ՉԱՓԵՐԻ

16. Սյունակ 3-ում լրացվում է կրթաթոշակ ստացող աշակերտների ընդհանուր թվաքանակը (տող 501), նրանցից աղջիկներինը` տող 502-ում:

17. Սյունակներ 4-8-ում լրացվում է աշակերտների թվաքանակն ըստ համապատասխան կրթաթոշակի չափերի:

VII. ՇԵՆՔԱՅԻՆ ՊԱՅՄԱՆՆԵՐԸ

18. Սյունակ 1-ում լրացվում է դպրոցի շենքի ընդհանուր մակերեսը, իսկ սյունակ 2-ում` ուսումնական մասի մակերեսը:

19. Շենքի տեսակն ըստ տիպերի լրացվում է սյունակներ 3-ում (տիպային) և 4-ում (ոչ տիպային), ընդ որում, եթե շենքը սեփական է` համապատասխան սյունակում գրվում է «1», եթե վարձակալված է` «0»:

20. 5-րդ սյունակում լրացվում է շենքի տեխնիկական վիճակը` նշելով համապատասխան կոդը (բավարար վիճակում է - 1, կարիք ունի հիմնավերանորոգման - 2, վթարային է - 3):

VIII. ՖԻՆԱՆՍԱԿԱՆ ՄԻՋՈՑՆԵՐԻ ՍՏԱՑՈՒՄՆ ԵՎ ՕԳՏԱԳՈՐԾՈՒՄՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՈՒՄ

21. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:

22. Սյունակ 1-ում լրացվում է ընդհանուր ֆինանսական միջոցները:

23. Սյունակ 2-ում լրացվում է ֆինանսական միջոցների մնացորդը տարեսկզբին:

24. Ընթացիկ տարվա ֆինանսական մուտքերի մասին տվյալները լրացվում են սյունակներ 3-11-ում:

25. Սյունակ 12-ում լրացվում է ընդհանուր ֆինանսական ծախսերը, որից առանձնացվում են.

1) «նյութական ծախսեր» սյունակ 13-ում լրացվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «ոչ նյութական ծառայությունների վճարումներ» սյունակ 14-ում լրացվում է աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) «գործուղման ծախսեր» սյունակ 15-ում լրացվում է հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,

4) «աշխատանքի վարձատրության և դրան հավասարեցված այլ վճարումներ» սյունակ 16-ում լրացվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ խթանող և փոխհատուցող վճարները: Խթանող վճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, մասնագիտական վարձատրության համար տրվող հավելումները, երկարամյա ծառայության համար աշխատողներին տրվող միանվագ պարգևատրումները: Փոխհատուցող վճարներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, սպասարկման գոտիների ընդլայնման, ՀՀ օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար աշխատավարձի նկատմամբ սահմանված հավելավճարներն ու լրավճարները: Աշխատանքի վարձատրության և դրան հավասարեցված այլ վճարումների մեջ են ներառվում նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը), աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովագրության համար կատարված վճարները և աշխատողների աշխատանքի վարձատրությանն ուղղված այլ վճարումները,

5) սյունակ 17-ում լրացվում է աշակերտներին տրված կրթաթոշակի չափը,

6) սյունակ 18-ում լրացվում է ուսումնական հաստատության կողմից կատարված շենքերի և շինությունների, ինչպես նաև մեքենաների և սարքավորումների ձեռք բերման և վերանորոգման ծախսերը,

8) սույն հրահանգի 25-րդ կետում նշված տողերում չընդգրկված և ընթացիկ գործունեության հետ կապված այլ ծախսերը լրացվում է սյունակ 19-ում:

26. Սյունակ 20-ում լրացվում է ֆինանսական միջոցների մնացորդը տարեվերջին: