ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
17 սեպտեմբերի 2019 թվականի |
թիվ 127-Ն |
Ո Ր Ո Շ ՈՒ Մ
2018-2019 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ԿՈՎԿԱՍՅԱՆ ԸՆՁԱՌՅՈՒԾԻ ՏԱՐԻ» ԱՐԾԱԹԵ ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Հայաuտանի Հանրապետության կենտրոնական բանկի մաuին» Հայաuտանի Հանրապետության oրենքի 2-րդ հոդվածի 3-րդ մասը, 20-րդ հոդվածի «է» կետը, 40-րդ հոդվածը, ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի դրույթներով` Հայաuտանի Հանրապետության կենտրոնական բանկի խորհուրդը որոշում է.
1. 2019 թվականի հոկտեմբերի 2-ից շրջանառության մեջ դնել «Կովկասյան ընձառյուծի տարի» արծաթե հուշադրամը:
2. Հաստատել սույն որոշման 1-ին կետով սահմանված հուշադրամի նկարագրությունը, որը էսքիզների հետ միասին ներկայացված է սույն որոշման Հավելվածում (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող օրը:
|
Հայաստանի Հանրապետության |
|
|
2019 թ. սեպտեմբերի 24 Երևան |
|
|
Հավելված Հաստատված էՀՀ կենտրոնական բանկի խորհրդի 2019 թվականի սեպտեմբերի 17-ի թիվ 127-Ն որոշմամբ |
ՆԿԱՐԱԳՐՈՒԹՅՈՒՆ
«ԿՈՎԿԱՍՅԱՆ ԸՆՁԱՌՅՈՒԾԻ ՏԱՐԻ» արծաթե հուշադրամի
Հուշադրամի դիմերեսին ՀՀ զինանշանն է և Խոսրովի անտառ պետական արգելոցի պատկերը: Ներքևում անվանական արժեքն է՝ «ԴՐԱՄ 1000 DRAM» և թողարկման տարեթիվը՝ 2019: Շրջագծով «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» մակագրություններն են:
Հուշադրամի դարձերեսին կովկասյան ընձառյուծի և Խոսրովի անտառ պետական արգելոցի պատկերներն են: Մակագրություններն են՝ «PANTHERA PARDUS CISCAUCASICA», «ԿՈՎԿԱՍՅԱՆ ԸՆՁԱՌՅՈՒԾԻ ՏԱՐԻ», «THE YEAR OF CAUCASIAN LEOPARD» և «2019»:
Տեխնիկական չափանիշները
| Անվանական արժեքը | 1000 դրամ |
| Մետաղը/հարգը | արծաթ 9250 |
| Տրամագիծը | 40,0 մմ |
| Քաշը | 33,6 գ |
| Որակը | պրուֆ |
| Դրամաշուրթը | ատամնավոր |
| Քանակը | 700 հատ |
Էսքիզների հեղինակն է՝ Արամ Ուռուտյանը:
Հատվել է Նիդերլանդների արքայական դրամահատարանում:
