ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

23 նոյեմբերի 2017 թվականի N 1473-Ա

ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 605-րդ, «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածները և Հայաստանի Հանրապետության կառավարության 2016 թվականի հոկտեմբերի 13-ի N 1067-Ն որոշմամբ հաստատված կարգի դրույթները՝ Հայաստանի Հանրապետության կառավարությունը որոշում է.

1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված՝ Հայաստանի Հանրապետության սեփականությունը հանդիսացող՝ Հայաստանի Հանրապետության Տավուշի մարզի Նոյեմբերյան քաղաքի Զորավար Անդրանիկի 3 հասցեում գտնվող շենքի օգտագործման ու սպասարկման համար հատկացված 0.35 հեկտար հողամասից 5300000 դրամ գնահատված արժեքով, 0.21850 հեկտար մակերեսով հողամասը (այսուհետ՝ գույք) հետ վերցնել և նվիրաբերել Հայաստանի Հանրապետության Տավուշի մարզի Նոյեմբերյանի համայնքին՝ նվիրաբերված հողամասում համայնքային շուկա կառուցելու պայմանով:

2. Առաջարկել Հայաստանի Հանրապետության Տավուշի մարզի Նոյեմբերյանի համայնքի ղեկավարին սույն որոշումն ուժի մեջ մտնելուց հետո երկամսյա ժամկետում համայնքի միջոցների հաշվին իրականացնել սույն որոշման 1-ին կետում նշված հողամասի չափագրման, որպես առանձին գույքային միավորի գրանցման աշխատանքները:

3. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 2-րդ կետում նշված աշխատանքների ավարտից հետո երկամսյա ժամկետում Հայաստանի Հանրապետության Տավուշի մարզի Նոյեմբերյանի համայնքի ղեկավարի հետ համատեղ ապահովել սույն որոշման 1-ին կետում նշված գույքի նվիրաբերության մասին պայմանագրի կնքումը և հանձնման-ընդունման աշխատանքների կատարումը՝ պայմանագրում սահմանելով, որ՝

1) նվիրաբերվող հողամասում Հայաստանի Հանրապետության Տավուշի մարզի Նոյեմբերյանի համայնքի կողմից կկառուցվի համայնքային շուկա, որի կառուցման նպատակով կիրականացվի 35 մլն դրամի չափով ներդրում՝ հետևյալ համամասնությամբ` 2018 թվականին՝ 15 մլն դրամ, 2019 թվականին՝ 10 մլն դրամ, 2020 թվականին՝ 10 մլն դրամ, ընդ որում, նշված աշխատանքների չկատարման դեպքում նվիրաբերությունը համարվում է վերացված.

2) նոտարական վավերացման և գույքային իրավունքների պետական գրանցման հետ կապված ծախսերը ենթակա են իրականացման՝ նշված համայնքի միջոցների հաշվին.

3) սույն որոշման 1-ին կետում նշված հողամասի հանձնման-ընդունման աշխատանքներն իրականացվում են՝ հիմք ընդունելով այդ հողամասի չափագրման և դրա՝ որպես առանձին միավորի պետական գրանցման վկայականում նշված տվյալները (մակերեսը, հասցեն և այլն):

Հայաստանի Հանրապետության վարչապետ	Կ. Կարապետյան
2017 թ. նոյեմբերի 24 Երևան