«Գրանցված է»
ՀՀ արդարադատության
նախարարության կողմից
8 նոյեմբերի 2016 թ.
Պետական գրանցման թիվ 05016356
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
14 հոկտեմբերի 2016 թ. |
թիվ 167-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2005 ԹՎԱԿԱՆԻ ԱՊՐԻԼԻ 12-Ի ԹԻՎ 145-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Նպատակ ունենալով կարգավորել վարկային կազմակերպությունների գործունեության տեսակի փոփոխման միջոցով որպես բանկ վերագրանցվելու հետ կապված` վարկային կազմակերպության հաճախորդներին տեղեկացման հարաբերությունները,
հիմք ընդունելով «Վարկային կազմակերպությունների մասին» Հայաստանի Հանրապետության օրենքի 22.2-րդ հոդվածը,
ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածով` Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2005 թվականի ապրիլի 12-ի ««Բանկային գործունեության ոլորտում լիցենզավորման, գրանցման, համաձայնության և թույլտվության տրամադրման, մասնագիտական համապատասխանության ստուգման և որակավորման կարգերը» կանոնակարգ 1-ը հաստատելու մասին» թիվ 145-Ն որոշմամբ հաստատված «Բանկային գործունեության ոլորտում լիցենզավորման, գրանցման, համաձայնության և թույլտվության տրամադրման, մասնագիտական համապատասխանության ստուգման և որակավորման կարգերը» կանոնակարգ 1-ում (այսուհետ` Կանոնակարգ 1) կատարել հետևյալ փոփոխություններն ու լրացումները.
1) Կանոնակարգ 1-ի 49-րդ կետի 5)-րդ ենթակետը շարադրել հետևյալ խմբագրությամբ.
«5) վարկային կազմակերպության իրավասու մարմնի որոշումը կամ արձանագրությունից քաղվածք` բանկային գործունեության լիցենզիա ստանալու դեպքում վարկային կազմակերպության բոլոր մասնաճյուղերը և ներկայացուցչությունները` որպես բանկի համապատասխան մասնաճյուղ և ներկայացուցչություն գրանցելու կամ դրանց մի մասի գործունեությունը դադարեցնելու վերաբերյալ,»,
2) Կանոնակարգ 1-ը լրացնել 54.1-րդ կետով` հետևյալ բովանդակությամբ.
«54.1. Որպես բանկ վերագրանցվելու պահից հետո ողջամիտ ժամկետում բանկը մինչև վերագրանցումը գործող վարկային կազմակերպության հաճախորդներին ծանուցում է վարկային կազմակերպության գործունեության տեսակի փոփոխման գործընթացի ավարտի վերաբերյալ, հաճախորդների հետագա սպասարկման ընթացակարգերի մասին, ինչպես նաև գործող հեռախոսահամարներ, որոնց միջոցով հաճախորդները կկարողանան սպառիչ տեղեկատվություն ստանալ նշված ընթացակարգերի վերաբերյալ:»,
3) Կանոնակարգ 1-ի Հավելված 25-ի 8-րդ կետի 16-րդ ենթակետում «բողոքներին» բառը փոխարինել «բողոքների քննման և» բառերով,
4) Կանոնակարգ 1-ի Հավելված 25-ի 8-րդ կետը լրացնել 18)-րդ ենթակետով` հետևյալ բովանդակությամբ.
«18) բանկի կողմից տեղեկատվության հրապարակման և տրամադրման քաղաքականությունը, տեղեկատվության հրապարակման ուղիները, թիրախը, թարմացման հաճախականությունը:»:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
ՀՀ կենտրոնական բանկի |
Ա. Ջավադյան |
|
2016 թ. հոկտեմբերի 20 Երևան |
