ՀՀ արդարադատության

նախարարության կողմից

28 նոյեմբերի 2014 թ.

Պետական գրանցման թիվ 60314533

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԳՐԱԴԱՐԱՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 6-ԳՄ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՕԳՈՍՏՈՍԻ 19-Ի ԹԻՎ 193-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով և 14-րդ հոդվածի երկրորդ և երրորդ մասերով, «Իրավական ակտերի մասին» Հայաստանի Հանրապետության օրենքի 72-րդ հոդվածի առաջին մասի առաջին կետի ա) ենթակետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Գրադարանների գործունեության մասին» Ձև 6-ԳՄ (տարեկան) պետական վիճակագրական հաշվետվության ձևը` համաձայն հավելված 1-ի:

2. Հաստատել «Գրադարանների գործունեության մասին» Ձև 6-ԳՄ (տարեկան) պետական վիճակագրական հաշվետվության ձևի լրացման հրահանգը` համաձայն հավելված 2-ի:

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 19-ի «Հաշվետվություն գրադարանների գործունեության մասին» Ձև թիվ 6-գմ պետական վիճակագրական հաշվետվության ձևը և լրացման հրահանգը հաստատելու մասին» թիվ 193-Ն որոշումը:

Բաժին 1. Շենքային պայմանները

Բաժին 2. Գրադարանային հավաքածուի (ֆոնդի) շարժը

Բաժին 3. Ընթերցողների թվաքանակն ըստ տարիքի և կրթական մակարդակի

Բաժին 4. Ներհամակարգային և միջգրադարանային բաժնույթ

Բաժին 5. Զանգվածային միջոցառումներ

Բաժին 6. Գրադարանային աշխատողներ

Բաժին 7. Ֆինանսական միջոցների մուտքն ու օգտագործումը

Հ Ր Ա Հ Ա Ն Գ

«ԳՐԱԴԱՐԱՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 6-ԳՄ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը սահմանում է «Գրադարանների գործունեության մասին» ՁԵՎ 6-ԳՄ (տարեկան) պետական վիճակագրական հաշվետվության (այսուհետ` Հաշվետվություն) լրացման կարգը:

2. Հաշվետվությունը ներկայացնում են գրադարանները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2003 թվականի հոկտեմբերի 3-ի թիվ 11-Ն որոշմամբ հաստատված կարգի դրույթներին համապատասխան:

3. Հաշվետվության ցուցանիշները լրացվում են հաշվետու տարվա համար:

4. Վիճակագրական տեղեկությունների ներկայացման հետ կապված այլ հարցերը կարգավորվում են Հայաստանի Հանրապետության օրենսդրությամբ:

II. ԼՐԱՑՄԱՆ ԿԱՐԳԸ

ԲԱԺԻՆ 1. ՇԵՆՔԱՅԻՆ ՊԱՅՄԱՆՆԵՐԸ

5. Հաշվետվության սյունակ 1-ում լրացվում է գրադարանի շենքի ընդհանուր մակերեսը (քառ. մ):

6. Սյունակ 2-ում լրացվում է ընթերցասրահի ընդհանուր մակերեսը (քառ. մ), իսկ սյունակ 3-ում` տեղերի քանակը (միավոր):

ԲԱԺԻՆ 2. ԳՐԱԴԱՐԱՆԱՅԻՆ ՀԱՎԱՔԱԾՈՒԻ (ՖՈՆԴԻ) ՇԱՐԺԸ

7. Հաշվետվության 201 տողում լրացվում է գրադարանային հավաքածուի ընդհանուր քանակը տարեսկզբի դրությամբ (սյունակ 1):

8. 202 տողում լրացվում է հաշվետու տարում ստացված գրքերի քանակը (սյունակ 1), որից 202.1 տողում առանձնացվում է բյուջետային միջոցների հաշվին ստացվածը, 202.2 տողում՝ նվիրաբերածը:

9. 203 տողում լրացվում է հաշվետու տարում դուրս գրված գրքերի քանակը (սյունակ 1):

10. 204 տողում լրացվում է գրքային ֆոնդի ընդհանուր քանակը տարեվերջին (սյունակ 1):

11. 205 տողում լրացվում է տացքը (սպասարկած գրականություն) (սյունակ 1), որից 206 տողում առանձնացվում է 1-9 դասարանների աշակերտներին սպասարկած գրականությունը:

12. Նշված տողերին համապատասխան, սյունակներ 2-6-ում լրացվում է գրքային ֆոնդն ըստ բովանդակության:

13. Նշված տողերին համապատասխան, սյունակներ 7-10-ում լրացվում է` գրքային ֆոնդն ըստ լեզուների:

14. Նշված տողերին համապատասխան, սյունակ 11-ում լրացվում է տեսալսողական նյութերի քանակը:

15. Նշված տողերին համապատասխան, սյունակ 12-ում լրացվում է էլեկտրոնային կրիչներով նյութերի քանակը:

ԲԱԺԻՆ 3. ԸՆԹԵՐՑՈՂՆԵՐԻ ԹՎԱՔԱՆԱԿՆ ԸՍՏ ՏԱՐԻՔԻ ԵՎ ԿՐԹԱԿԱՆ ՄԱԿԱՐԴԱԿԻ

16. Հաշվետվության 301 տողում լրացվում է ընթերցողների թվաքանակը (սյունակ 1), որից սյունակներ 2-8-ում առանձնացվում է ըստ տարիքի, իսկ սյունակներ 9-12-ում՝ ըստ կրթական մակարդակի:

17. 302 տողում նույն ցուցանիշները լրացվում են կանանց համար:

ԲԱԺԻՆ 4. ՆԵՐՀԱՄԱԿԱՐԳԱՅԻՆ ԵՎ ՄԻՋԳՐԱԴԱՐԱՆԱՅԻՆ ԲԱԺԱՆՈՒՅԹ

18. Հաշվետվության 401 տողում լրացվում է հաճախումների ընդհանուր քանակը (սյունակ 1), որից 402 տողում առանձնացվում է 1-9 դասարանների աշակերտներինը:

19. Սյունակ 2-ում լրացվում է ներհամակարգային բաժանույթով ստացված գրականության քանակը, իսկ սյունակ 3-ում՝ միջգրադարանային բաժանույթով ստացվածը:

20. Սյունակ 4-ում լրացվում է ներհամակարգային բաժանույթով տրված գրականության քանակը, իսկ սյունակ 5-ում՝ միջգրադարանային բաժանույթով տրվածը:

ԲԱԺԻՆ 5. ԶԱՆԳՎԱԾԱՅԻՆ ՄԻՋՈՑԱՌՈՒՄՆԵՐ

21. Հաշվետվության 501 տողում լրացվում է կազմակերպված զանգվածային միջոցառումների ընդհանուր քանակը (սյունակ 1), որից 502 տողում առանձնացվում է 1-9 դասարանների աշակերտների համար միջոցառումները:

22. Սյունակ 2-ում լրացվում է գրավոր մատենագիտական տեղեկանքների (գրադարանային աշխատողների կողմից ընթերցողներին տրամադրված գրավոր տեղեկություններ գրադարանային հավաքածուի մասին) քանակը, իսկ սյունակ 3-ում՝ համացանցով տրամադրվածը:

ԲԱԺԻՆ 6. ԳՐԱԴԱՐԱՆԱՅԻՆ ԱՇԽԱՏՈՂՆԵՐ

23. Հաշվետվության 601 տողում լրացվում է գրադարանային աշխատողների ընդհանուր թվաքանակը (սյունակ 1), նրանցից սյունակ 2-ում առանձնացվում է մինչև 5 տարվա գրադարանային աշխատանքային ստաժ ունեցողների թվաքանակը, իսկ սյունակներ 3-7-ում՝ գրադարանային աշխատողների թվաքանակն ըստ կրթական մակարդակի:

24. 602 տողում նույն ցուցանիշները լրացվում են կանանց համար:

ԲԱԺԻՆ 7. ՖԻՆԱՆՍԱԿԱՆ ՄԻՋՈՑՆԵՐԻ ՄՈՒՏՔՆ ՈՒ ՕԳՏԱԳՈՐԾՈՒՄԸ

25. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:

26. Սյունակ 1-ում լրացվում են ընդհանուր ֆինանսական միջոցները:

27. Սյունակ 2-ում բերվում է ֆինանսական միջոցների մնացորդը տարեսկզբին:

28. Ընթացիկ տարվա ֆինանսական մուտքերի մասին տվյալները բերվում են սյունակներ 3-7-ում:

29. Սյունակ 8-ում լրացվում են ընդհանուր ֆինանսական ծախսերը, որից առանձնացվում են.

1) «նյութական ծախսեր» սյունակ 9-ում լրացվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «ոչ նյութական ծառայությունների վճարումներ» սյունակ 10-ում լրացվում է աշխատողների մասնագիտական ուսուցմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) սյունակ 11-ում լրացվում են գործուղման ծախսերը,

4) «աշխատանքի վարձատրության և դրան հավասարեցված այլ վճարումներ» սյունակ 12-ում լրացվում է հաշվետու ժամանակահատվածում բոլոր աշխատողների (ներառյալ` այլ կազմակերպություններից համատեղությամբ, ինչպես նաև քաղաքացիաիրավական պայմանագրի հիման վրա աշխատողները) կողմից փաստացի կատարված աշխատանքների դիմաց հաշվարկված աշխատավարձը, ներառյալ` փոխհատուցումները և աշխատավարձի նկատմամբ հաշվարկվող հավելումները և պարգևավճարները,

5) սյունակ 13-ում լրացվում են գրադարանային ֆոնդի համալրման համար կատարված ծախսերը,

6) սյունակ 14-ում լրացվում են գրադարանների կողմից իրականացված շենքերի և շինությունների, ինչպես նաև մեքենաների և սարքավորումների ձեռքբերման և կապիտալ վերանորոգման ծախսերը,

7) վերը նշված տողերով չառանձնացված այլ ծախսերը լրացվում են սյունակ 15-ում:

30. Սյունակ 16-ում լրացվում է ֆինանսական միջոցների մնացորդը տարեվերջին: